أب فاشل

Toast_77746 🇪🇬

منذ شهر واحد

شعور مكسور القلب

هو فعلا فى رجاله ممكن تحب ومتكدبش ومتخونش وتبقى كويسة مع البنت اللى معاهم وميلعبش بيها انا بجد من كتر اللى شوفتهم كدا بقيت حاسة ان مفيش رجاله كدا فى الدنيا خصوصا ان ابويا مكنش احسن حد وبجد بكرهه من كل قلبي هو اللى عملى عقدة وخلانى جعانه اهتمام وحب انا مفتكرش مره واحده فى حياتى خدنى كدا وقالى احكيل

Coffee_30134 🇪🇬

منذ 3 أشهر

شعور متعب

عبّر عن شعورك بشكل مجهول

اتعامل ازاي ياجماعة مع اب وقح بجد أنا بتعب نفسيا منه جدا بهدلة فيا واخواتي وف امي وكل دا علشان موضوع ميخصناش يخص  شغله دا غير أنه مخاصمنا من غير سبب يذكر وبجد أنا حرفيا ببمشي باخد نفسي اخيرا بكره وجوده بكره شخصيا بكره كل حاجه فيه مبقتش قادر اسمع صوته حتى بجد حتى اخواتي واختي كانت بتموت فيه كرهته ومبقتش تحب تعمله حاجه اخر خناقه بينه وبين والدتي اشتد الخناق بشكل كبير وبقا الصوت لا يطاق وعايز يضرب والدتي الست المحترمة الي سليمة بيتها المدبرة الست الي ذات عيلة ونسب شتمها بأفظع الألفاظ ويشتمنا وبعتذر عن الي هقوله عمل اصوات بمناخيره وحركات بأيده قدام أهل بيته وقدام عياله وبقولها كلام صعب يتقال لواحده من بتوع شقق الدعارة فأنا اتنرفزت قولتله انت اب فاشل واوعى تكون بتعمل إنجاز على ملاليمك طالما من غير حب او احترام ديما مقلب بيا قدام صحابي وقرايبي وبعد كل ده عايز مني احترمه واقدره واجبله المجموع الي يعجبه ويشرفه قدام صحابه وأهله اب فاشل بمعنى كل حاجه دمر حياتنا وكرهنا في العيشه الواحد في نار في قلبه مش عارف اطلعها بتمرن بحاول انتظم في الصلاه وغير كدا هو يعتبر برا المله لانه لا بيصلي وبيسب الدين استغفر الله حتى صلاة العيد والجمعة احنا ننزل وهو زي العسل الصغير يكدب ويقول صليت دي اقل حاجات هو عملها عقدني من صغري بجد هفضل اقولها أنا بكرهه ياريت الي يشوف يرد يقولي حل واضح وشكرا ليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_28393 🇪🇬

منذ سنة واحدة

شعور مستنزف

Avocado_27310 🇪🇬 انا دمعت ربنا ينتقم منه

عرض الكل 18 نصيحة

عبّر عن شعورك بشكل مجهول

مشكلتي كبيره وملهاش حل بس انا حابه افضفض حتا لو محدش هيسمعني 
انا بنت 22 سنه عندي اب فااشل انا بكرره اللي عمله فياا انا لوحدي بس مش قليل ..هو طول عمره كان بيزلنا حتا علي الاكل وفاضحنا ف كل مكان بس الفتره الاخير دي بقا كلمه فضيحه دي قليله المهم السنه اللي فاتت شهر 10 عمل حادثه واتكسر والمفروض انه يكون شاف الموت بعنيه وربنا اداله فرصه عشان يبقا انساان كويس ع الاقل لعياله بس لا دا ذاد فيها  المهم لما خرج من المستشفى مش المفروض اللي تعبان تعافا ف بيته ف شقته مراته اللي تخدمه هو اختار يعد عند اخته تحت ف شقتها تحت وعايز امي تفضل طالعه نازله تخدمه من وهو تحت ماشي احنا مكنش عندنا مشكله بالعكس امي طيبه وبنت حلال المهم الموضوع وصل انه هان امي اكتر من مره قدام اخواته الصبيان والبنات وشتمها وانكر فضلها وقال انها موقفتش جنبه ف حاجه خالص مع ان اصلا اخواته دول مزارهوش ف المستشفي ولا مره ما علينا امي معدتش قادره تستحمل اهانته ليها ف سابت البيت وراحت بيت اهلها وسابتني عشان كان عندي وقتها امتحانات ف الكليه فضلت شهر مع ابويا حرفيا وعهدالله مكان بيجيبلي طمطمايه وكنت انزل اقوله محتاجه اكل يقولي مش صارف عليكي روحي ل امك تصرف عليكي فضل يضغط عليا من نحيه الاكل ع اساس اسيب البيت بس انا مسبتوش لحد ما فيوم اشتكيته ل اخواته وطلعتهم ووريتهم التلاجه قولتلهم مفيش اكل ومش بيصرف عليا انا صعبت علي عمي جابلي اكل من بيته 
وطول الشهر اللي قعدته دا حرفيا زل غلي كل حاجه لدرجه مكنش بيرضا يخليني اروح ل امي اشوفها بيعاقبني وبيعاقبها 
المهم لحد ما فيوم كنت خارجه وراحه ل امي وحشتني من غير ما اقوله ف شافني ونا خارجه ف كان مصمم ياخد مني مفتاح الشقه قولتله لا انا راجعه تاني مش هبات وبتاع المهم لقيته بعتلي رساله بقولي المكان اللي انتي فيه خليكي فيه عملت الرساله دي اسكرين وبعتها لحد من عيلتنا قالي هكلمه وبتاع ولقيته رن عليا بيقولي انا اسف ابوكي بيقولك مترجعيش ف انا اصلا كنت ف المواصلات مروحه لقيت عمي شافني ونا طالعه الشقه. ف راح قاله ابويا طلعلي وخبط عليا بشكل انا خفت منه قالي هاتي المفتاح واطلعي برا وعهدالله دا حصل صووت ع اساس حد ينجدني محدش جالي بالعكس اخواته قووه عليا وكان مصمم امشي لوحدي باليل الساعه 10 جتا من غير ما حد بيوصلني 
فين وفين الناس قالوله خلاص ياعم مجدي هي هتمشي بكرا الصبح عشان الدنيا ضلمه وهي بنت وبتاع سكت وقال ماشي 
المهم عشان عند ستي 7 شهور لو قعدت احلفلكوو اني ال 7 شهور دول اسعد فتره مرت عليا ف حياتي كلها واني كنت بنام علي مخده ونا مطمنه كدا وبعيط كل يوم ان ربنا ميحرمنيش من النومه دي

خالي لقالي شغل ف مكان كويس اشتغل فيه وكانت اسعد اياام حياتي غصب عني من كتر منا كنت مفتقده الحنان والحب واحساس الامان حبيت الدكتور اللي كنت بشتغل عنده وهو حبني وهو كان متجوز حصلت مشاكل بينه وبين مراته المهم وصلت اني سبت الشغل 
وامي اصلا كانت اتطرت انها ترجع تاني ل ابوياا بسبب الفضايح اللي عملها وانه فضح عيله امي وقال كلام محصلش والمشكله حتا انه مجاش يطيب خاطرها بالعكس هي رجعت مع ناس وخلاص حتا هو كان رافض انها ترجع. معرفش اي الكره دا كله غير بقا رسايل التهديد اللي كان بيبعتها طول محنا عند تيته
المهم امي رجعت لواحدها من غيري عشان انا كنت رافضه اني ارجعله مهما حصل بعد ما طردني بس بعد ما سبت الشغل رجعت البيت ونا مكسووره لا حتا راجعه ب كرامه وانه حاول عشااني وراجعه عشان نفسيتي ادمرت بسبب اني خسرت حاجات كتير اولها احسااس الامان واول حب ف حياتي 
دلوقتي الشخص اللي كنت بحبه دا طالبني للجواز وبيقولي ان مراته موافقه ومستعده تكلم امي عشان جوازنا وانه مستعد يعمل اي حاجه عشااني وانا اصلا امي مش هتوافق عشاان بتقولي انا مش هخلصك من ابوكي عشاان ارميكي لواحد متجوز

دلوقتي اقسم بالله ابويا دا ما بيدفع حاجه ف البيت نهائي بينزل ياكل تحت عند اخته واحنا رامينا من غير اكل وحالف بالله ما جايبلنا حاجه وبقاله شهر الوقتي مجبش حاجه البيت وحنا بنقضيها كدا وخلاص 
من بجاحته بيقول ل ماما امبارح بتاع الكهربا جه قالتله قالها كام قالتله كذا قالها ونتو مش هدفعو ف الكهربا دي ولا اي يعني من بجاحته عايزنا ندفع كل حاجه

دلوقتي انا والله نفسيتي متدمره انا خسرت كل حاجه ونفسي اتعلق ب اي قشايه عشاان اخلص منه حتا لو كان متجوز انا مش عارفه اعمل اي 
انا تعبانه وربنا يعلم اني بكتب الكلام دا ونا بعيط ومش لاقيه حل ومش لاقيه سبب اعيش عشاانه وبدعي كل يوم انه يموت واخلص منه 
ارجوكو متجرحونيش محدش عاش اللي عشته 
اسفه اني طولت عليكو بس انا كنت محتاجه افضفض حتا لو محدش هيقرا حاجه المهم اكون طلعت لو شويه من اللي جوايا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع