أب قاسي

Plum_65277 🇪🇬

منذ شهرين

شعور مرهق

السلام عليكم انا دلوقتي ابويا طبعا كلعاده قرفني طيب رن عليا بحاول اكلمه قفل السكه ف وشي برن عليه تاني من عند صحبتي كذا مره عشان يرن من موبيلي يكنسل وبعدين فتح وقال ي فلانه فكرها صحبتي فانا سامعه قولته نعم قال انا بنتي لسانها طويل ووحده فاضيه وانتي متسمعيش كلامها وترني ليها ابقي ابعتلي ع الوتس

Strawberry_72365 🇪🇬

منذ 3 أشهر

شعور مستنزف

Carrot_67634 🇪🇬 خلوا حد من عيلة مامتك يكون كبير يتكلم معاه ويعرفه ايه اللي يتعمل وايه لأ الأب اللي بيعمل كدا غلط جدًا، واسف جدا مش قصدي اضايقك، غالباً مانعكم من النزول فأي مكان أو تروحوا لحد، عشان ماتشوفوش حياة تانية أو تقولوا ليه مش بيحصلنا زي ما بيحصل لخالتو أو صاحبتي أو أي حد.... يارب يهديه و يحنن قلبه عليكم

عرض الكل 15 نصيحة

عبّر عن شعورك بشكل مجهول

انا بكره بابا جدا بكره كره العمى وحرفيا مش ببقى عايزة اشوف وشه من يوم ما جابنا واحنا حرفيا ولا حاجة بنسباله هو مهتم بالولد بس وانا لا فلوس ولا لبس ولا اكل ولا اي حاجة خالص سايب ماما تشتغل وتصرف علينا ويجي راميلها 2000 جنيه تدير بيها اسرة وماما كل شوية تتزنق وتستلف والحال بقا زبالة بيدخل يتنمر على شعري عشان كيرلي مع اني بعمل ستايلنج وبيبقى شكله حلو ويدخل يتريق على جسمي ومش بيناديني باسمي بيخترع القاب ساخرة يناديني بيها ويقعد يضحك والمفروض اننا خدامين عنده مبيلمسش اي حاجة حتى لو كلنا تعبانين والاكل جاهز ميقومش يسخنه لنفسه لا اقوم انا وفي مره كنت بعيط من الالم وقالي قومي اعملي الاكل وارجعي عيطي وحرفيا حتى لبس العيد مش بيرضى يدفع ولا يدخل فاكهة البيت ولا حاجة خالص ويقول لا مش عايزين ويوم ما ماما تجيب هو اللي بيخلصها حتى لما بجيب حاجات من فلوسي هو بيجي ياخدها مني وحرفيا عايش زي الشيطان في البيت ملهوش لازمة ومانعنا من كل حاجة ولا خروجات ولا هو يسرفنا ولا اي حاجة خالص قاعدين لازقين في بيت ولا اروح كافيه ولا اروح عند صحبتي حتى خالتي جوزها كان مسافر قالت نيجي نقعد يومين رفض وحاجة في قمة القرف حتى الجواز عايز يختار على مزاجه يجوزني في سن اللي على مزاجه وراجل على مزاجه وانا مش عايزة حد شبهه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_68867 🇪🇬

منذ 3 أشهر

شعور متعب

سلام عليكم .... انا هحاول اشرح على قد ما اقدر ... المشكلة دلوقتي ان بابا بخيل و بيدينا الفلوس بالعافية و احنا احتياجاتنا بتكتر انا و اخواتي و بقي بيذلنا بالفلوس اكتر و ماما كمان بقالنا 19 سنة ساكتين و مستحملين عشان ماما مش هينفع تتطلق عشان هى مش بتشتغل و الشغل المثبت له انه موظف بس ف النفقة مستحيل ت

Waffle_69876 🇪🇬 اشتغلو سوقو من البيت اكفوا حاجتكم بنفسكم اعملو مشروع بسيط زي مثلاً فطاير كيك وهكذا والمفروض ان امك تشتغل مفيش سبب يخليكوا تحت ايديه الزمن دا مفيش حد ضعيف في حد حاول وعافر عشان يغير حياته وفي حد ارتاح وعلق شماعه الظروف في وقوف حاله

عرض الكل 8 نصيحة

Jackfruit_64058 🇪🇬

منذ 3 أشهر

شعور منزعج

انا ك انسان اغلى حاجه عندى هى الكرامه. ايه شعورك لما يكون ابوك بهينك قدام الناس و يقلل منك و معتبرك عيل وبينكر كل حاجه حلوه عملتها فى حياتو. حتى لو حصل مشكله معيا فى شارع و هو الغلطان يغلطنى انا. على انى لو فكر يقلل منو بطلع ميتين امو.بحاول اتكلم معاه براحه بقول عليا عاق على انى حتى مفكرتش اعلى صوت

Strawberry_70076 🇪🇬

منذ 3 أشهر

شعور مكسور القلب

موضوع:

كيف اثرت علاقتك السيئه مع ابوك علي حياتك العاطفيه و زواجك

اثرت كتير أب من يوم ما أتولدت وهو مش شايفني كأني مش عايشه في الدنيا كرهني من اول لحظة لأني بنت وهو مبيحبش البنات اتجوز واحده تانيه وخلف صبيان وعاش حياته وناسي وجودي اتدمرت نفسيتي وعشت في أكتئاب طول حياتي علي مدار سنين عمري والناس وخداني تريقه انتي ملكيش أب ده بيكرهك لما هو مش شايفك عايز

Watermelon_67328 🇪🇬

منذ 4 أشهر

شعور محبط

موضوع:

ما هو أكثر شيء تفتقده من طفولتك؟

الحنان و الامان من وانا صغيره و كل عيلتي مش عطياني حب و اهتمام كنت بحس اني غريبه وسطهم و دائما البيت بيكون مصدر للخوف بدل الامان و الراحه . ابويا مكنش مهتم بيا و دايما ساكت لانه مش بيحب يتكلم كتير و لما بيتكلم كان بس بيقعد بديني أوامر و يتريق علي طريقتي بس عمره ما قالي كلمه حلوه او شجعني . خلاني اطل

Apple_68084 🇪🇬 بلاش دكتور وف علاج ربانى أنك تلتزمى بالصلاه وقيام الليل وصدقبنى حياتك هتتغير هو العبد بايده اى غير أن هو سبب انما المسبب هو الله وبعدين كل ما الابتلاء يزيد تعرفى أن لكى قدر عند الله أو عايز بسمع صوتك وذكر فان الذكرى تنفع المؤمنين

عرض الكل 5 نصيحة

Moon_65855 🇪🇬

منذ 4 أشهر

شعور ضائع

موضوع:

كيف اثرت علاقتك السيئه مع ابوك علي حياتك العاطفيه و زواجك

قصه زي اي قصه ممكن اي حد يسمعها اب معبرش عن حبه ل بنته يضربها قدام الناس يقلل منها قدام الناس و طبيعي طلعت ادور ع اللي ناقص بره مره و اتنين و تلاته من وراهم ف البيت ولما الموضوع اتعرف اللوم اترمى عليا انا قليله الادب انا وانا وانا و برضو فضلت ادور و شوفت كتير و حاجات مقرفه و اشخاص زباله بس ادركت الح

Avocado_63956 🇪🇬 الحمد لله رب العالمين انك ادركتي أن ده احتياج مشاعر بس و أن شاءالله ربنا يرزقك بالزوج الصالح

عرض الكل 4 نصيحة

Pineapple_65193 🇪🇬

منذ 4 أشهر

شعور مكسور القلب

عبّر عن شعورك بشكل مجهول

عندي مشكلة هي أني أطيق العمى ومطقش والدي واصبر بس متحكمش عليا على طول غير لما تسمع مني الأول أنا عندي ٢٨ سنة أبويا دا عمره مرة ما طبطب عليا ولا حضني واشترالي لعبة ولا حتى جابلي حاجة حلوة ولا عمره خرجني مرة ، عمري ما سمعت منه كلمة حلوة بالإضافة لإن وضعه المادي كويس جدا مكنش بيصرف عليا في الجامعة ودايماً متجاهلني عمره ما اتكلم معايا ١٠ دقايق على بعض أنا من صغري وانا شغال مرة تعبت مكنتش قادر أمش على رجلي وعرف إني معايا فلوس قالي خد وكمل من اللي معاك وهات علاج وهو حرفياً كان وضعه المادي حلو جدً جداً جداً دا موقف من عشرات المواقف دلوقتي انا ربنا وسع عليا في شغلي والحمد لله وضعي كويس وهو وضعه بقى مش احسن حاجة وبعيداً عن الماديات هو ديماً بيحاول يستدر عطفي عشان يسمع مني كلمة حلوة وانا مش قادر اعمل دا وبيحاول يقرب مني وانا مش مديله الفرصة دي مش باكل معاه ولو حصل بكون مش مبسوط وانا باكل ولو الطبق اتكلم انا هتكلم بس لما بيتعب باخده اكشف عليه لما بيعوز حاجة بعملهاله عشان خاطر ربنا بس انا مش بحبه ولا بطيقه ومش عارف احبه ومش عارف اعمل ايه 
بالإضافة إن في مشاكل حصلت مؤخراً بيني وبين والدتي بس مش عاوز اطول
لو تقدر تساعدني يبقى كويس قوي لأني حرفيا نفسيتي تحت الصفر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_60495 🇪🇬

منذ 4 أشهر

شعور وحيد

عبّر عن شعورك بشكل مجهول

السلام عليكم 
دلوقتي انا شب لسه متخرج من الكليا السنه دي وعندي فتره قبل الجيش حوالي ٦ شهور من وانا ف الكليا كنت بحاول افتح مشروع ليا بلاستيشن لان فاهم فيهم واشتغلت ف محل ٣ سنين وعارف مكسبه وكل حاجه جيت اخد من ابويا فلوس قالي لا معيش الكلام دا من سنتين وجيه بعد ما خلصت كليا حاولت اجمع مبلغ علشان ابدا بيه لكن الدنيا صعبه كلمته تاني دلوقتي هو معاه فلوس وفلوس كتير قوووي مستخسرهم فيا ولا كان لاقيني ف الشارع والفلوس دي مركونه حرفيا بقالها اكتر من ٦ شهور بس لو حد غريب قاله عاوز ١٠٠الف يديله لكن انا لا شايفني فاشل ومش قد المسؤليه ابدا دا حتي نتيجتي ظهرت من كام يوم كل باركلي وفرحانين بيا حتي ما جبر خاطري بكلمه واحده لكن يجي قدام الناس دا ابني المهندس فلان مع ان ابنه دا اكتر حد بيكره حرفيا انا مفتكرش ف يوم حن عليا ولا بقي كويس معايا لما جيت حبيت اخطب والحمد لله الدنيا متيسره والشقه نص تشتطيب وفلوس الدهب موجوده فضل يعايرني ان هو الا عمل وان كل دا بتاعه هو وان بيصرف علينا دا منه وفضل منه مش فرض ربنا فرضه عليه انا بقيت بكره سيرته وربنا وانا مش عيل يعني الا بيعتمد ع ابوه بس انا اشتغلت كتير وبساعد ف البيت ب ٣ و٤ الاف ف الشهر بس هو ميعرفش ولا يهمه كل الا كنت عاوزه ان يقف جنبي احس ان ليا ظهر ف الدنيا بدل ما هو محسوب عليا موجود لكن ف عنيا ميت..❤️‍🩹💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_59062 🇪🇬

منذ 4 أشهر

شعور مكسور القلب

انا بكتب الحكايه دى م عشان القي حل او حد يزعل عليا بالعكس أنا بكتب ده عشان كل أب وأم دلوقتي يفكروا مئة مره قبل ما يقولو كلمت لاولدهم حتى وعارف أن هنا مافيش حد اكبر من ٢٥ أو ٣٠ سنه حكايتى مع بابا أو عيلتى كلها احنا عيله ف صعيد بابا من أغنى أغنياء البلد وراجل معروف وليه اسمه ومكانته بس ف بيتنا بابا

عبّر عن شعورك بشكل مجهول

انا بكتب الحكايه دى م عشان القي حل او حد يزعل عليا بالعكس أنا بكتب ده عشان كل أب وأم دلوقتي يفكروا مئة مره قبل ما يقولو كلمت لاولدهم حتى وعارف أن هنا مافيش حد اكبر من ٢٥ أو ٣٠ سنه

حكايتى مع بابا أو عيلتى كلها احنا عيله ف صعيد بابا من أغنى أغنياء البلد وراجل معروف وليه اسمه ومكانته بس ف بيتنا بابا ده راجل بخيل وبيحب اخواته وأمه اكتر مننا طبعا اى حد بيحب اخواته عادى بس بابا غير بابا بيحسسنا أنهم هم أولاده م احنا بابا فسخ خطوبه اختى عشان اتخنقو هو والعريس على جهاز كهربائي وفى نفس الوقت اللى بنت عمتى كانت بتتجوز جابلها المطبخ كله هديه لفرحها مع ان باباها عنده خير ويقدر بجبلها بس بابا كالعاده حب يفرح أخته على فرحت بنته .انا كان عندى مصاريف جامعتى ومع كده اول ما عمى قاله أنه عايز فلوس عشان يشترى بيت جديد اداله وخلنى انا من غير مصاريف للجامعه لدرجه ان ماما باعت من دهبها عشان بس ادفع المصاريف ومن ده كتير اى بنت بتتمنى تسمع كلمه حلو وخصوصا من باباها لكن بابا كان طول الوقت بينتقدنا كلنا بلا سبب حتى لو ف حبوب ظهرة ف وشنا ودى حاجه عاديه تحصل لأى بنت كان بينتقدنا ويقعد يترقب علينا وان شوفو بنات عمتى فلانه معندهم وأنهم حلوين واحنا لا وانا صغير كنت تخينه كان بيتعمد يخلنى أجرى واشيل حاجات تقيله ويقعد مع ابن عمتى يقوله دى عامله زى البرميل عادى تشيل وتحط م مشكله لدرجه انى حاليا عند فقدان حاد للشهيه بطلت اكل ولو وزنى زاد عن ٥٥ بقعد اكتر من شهر ماكلش غير خضار زى خيار أو جرجير وطول الشهر ده بسمع منه اوسخ الكلام والتعليقات على اكلى وانى قد اى بقيت خاسه وانى هختفى بسه م باراده منى كله بدون اراده منى ده جسمى م انا ولو اكلت اى حاجه برجع على طول 
انا البنت الوسطنيه وزى ما بيقول الوسطانى منسي ف حياتى ماشوفت اهتمام ولا حب منه وكنت وانا صغير اسمعه دائما وهو بيقول انى عندى توحد أو مجنونه وده كله ف وشى وعلى مسمعى ف مره بابا كل عايز يجمعنا كلنا عشان يقولنا حاجه مهم وقتلهم هاتو اخواتكم كلهم" احنا ٩ اخوات٧ بنات و ٢ اولاد" وحده من اختى قالت فلانه م موجوده" علىا" قالهم كل اللى هقوله هى م هتفهمه م عارف اى الأسباب بس ممكن كله لانى كلامى قليل أو تقدر تقول م بتكلم اصلا .
طريقته دى م معاى انا بس لا معانا كلنا حتى اخواتى الاولد بس انا لانى مكنتش برد عليه فبياخد راحته اكتر وده اللى كان يخلى كل يوم والتانى ف مشكله بينه وبين ماما ومشاكل مابتخلص انا بعدت عن الكل لانى كنت دائما شايفه أنهم شايفينى زى ما هو شايفنى لما كانت تحصل مشكله بينى وبين حد من اخواتى ويقول هقول بابا كان رعبى لانه خلاص كده الحكم صدر ضدى خلاص مافيش داعى للكلام 
انا كنت شاطره جدا ف الدراسه بس مره كان فاضي اول واخر مره يمسك كتابي اصلا لانى كنت عامله حاجه فهو هيعقبنى بقي لما قعدت قدامه مقدرتش حتى اقرا واغلاب كلامى كان مقطع او غلط وطلع عليا بين العيله كلها انى فاشله ف الدراسه وانى م بعرف اقرا وطبعا عماتى وأولادهم كانو ديما مابيصدقو يشوفون بذاكر ويقعدو يتكلمو انه على اى ماقعد ف البيت احسن وانى فاشله برغم انى كانت دائما الاول على فصلىف ابتدائى وفي أعدائه منزلتش عن العشره الاوائل بس بردو انا فاشله لدرجه اني فقط الثقه ف نفسي ولما حد من مدرسين يقولى شاطره او اي شهادة تقدير كان بالنسبه لي مزيفه لأن ببساطه الراحل الاول ف حياتي شافني فاشله. كورونا كانت اصعب وقت عدا عليا ف حياتى لانه كان خايف على نفسه وخائف يطلع من البيت نسية اقولك انى عاشة ١٧ سنه م بشوف بابا غير وقت الفطار وبعدين بيختفي طول اليوم يرجعش غير باليل والوقت الصغير اللى كان بيقعد فيها أو ايام الإجازات كان أسوء ايام حياتى وخصوصا إجازة الصيف اللى لازم بالنسبه ليه ازكر فيها م عارفه ليه. زمان لما كنت العب مع ابن عمتى اللى من سنى واخوى ف الرضاعه ونعلى صوتنا واحنا بنلعب مان تينا تضربنى انا وانا كنت طفله٦او٧ سنين ولما أقوله كان يقول بتهزر معاكى لما عمتى تترق عليا انى سمر كان يقول بتهزر اى تنمى كان بيقع عليا كان بيقول بتهزر لدرجه انى اتعودت وانا طفله ١٠ سنين انى متكلمش ومهما حصل معاى محكيش .
انا بعد اولى جامعه وكانت اصعب وقت عليا لاني مكنتش بحب الكليه وماكنتش عايزه اكون دكتوره ابدا بس دخلتها اجبارى فمرحتش امتحان عشان قولت لو  شلة ماده هيطلعوني من الجامعه بس هم اصلا معرفوش اني شلة وفضلت ساكته لدرجه انى مكنتش قادره اتكلم اي جمله بقوله بتطلع متقطعه مافيش كلمه كامله لدرجه اني بطلت اكلم اصحابي فون او ريكردات لاني م عايزه حد يعرف عني حاجه ماما كانت بتشوفني كده كانت بتعيط عليا وتقول تعالي اقعدي معانا بس مكنتش بقدر حتي لو قعدت م بتكلم" خصوصا أنه من اول مدخلتش جامعه وهو بدأ يقعد ف البيت لانه حاله القلب من شرب السجائر أو الشيشه "فضلت كده لحد بداية سنه تانيه لما نزلت الجامعه عرفت ان دي هي مهربي الوحيد عشان كده قرارت انجح فيها حتي لو م بحبها. 
انا مريضه نفسيا عندي مشاكل كتير عندي وسواس قهرى م بقدر أوجه اي حاجه ف حياتي انا لا أصلح للعيش فعلا ماينفعش اني اروح لدكتور عشان م معاي فلوس وطبعا م هقدر اطلب منه  .
 انا بكره الرجاله كلها ف حياتي مرتبطش بحد ولا عايزه ارطبت بحد  مع ان ف ناس كتير حلوه وناس محترمه بس انا حتي فكرة أن يكون عندي أصحاب مستحيله بالنسبه لي. 
انا اكتر حد فرفوش ويضحك واهزر ومافيش حد يقعد معاي غير وهو بيموت من الضحك وبقيت بكتب خواطر حلوه خدا وناويه بعد الكليه اعمل كتاب كامل الخواطر كلها بس لما بدخل اوضتي بقلع كل الوشوش اللي علي وشي واقعد اعيط علي حياتي واللى فيها .
انا دلوقتي طالبه ف رابعه وكمان سنه هكون دكتوره تحاليل بطلع من بيتى الساعه ٧ الصبح م برجع قبل٨ او٩ باليل طول ال١٢ ساعه دول لو موت بره البيت محدش بيفكر يتصل حتى أو يسأل انا برجع انام حتى من غير اكل. 
انا واخواتي بنحب بعض بس كل واحده عنده حياته الخاصه اللى متجوزه واللى بتشتغل واللى بتدرس مافيش حد فاضي لحد .
ماما هى تحسن ست ف العالم بس ف عيون الكل معاد احنا بناتها لأننا ببساطه شايفين أنها السبب ف كل اللى احنا فيه هى وضعفها وخوفها .
حبو أولادكم وشوفو بيفكرو ف اي واسمعوهم ودافعو عنهم  حتي لو كان ضد اهلكم واخواتكم انتو السند الوحيد لاولدكم متخلوهمش يفكروا ف الهروب ف الهروب من أهلهم اللي هم المفروض مصدر الامان وفرو حب كفايه لاولدكم ولو مقدرتوش متاذهمش خليكم واثقين فيهم وحبوهم لان حبكم ده هو الأساس ف حياة اي ولد اسفه اني طولت عليك 💌🖤👋

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_59534 🇪🇬

منذ 5 أشهر

شعور غاضب

موضوع:

حد عاني من اهله قبل كده؟

Watermelon_62644 🇪🇬 هو الله يعينك على اللي انت بتقوليه نصيحة لازم تخرجي من الجو ده انزلي اشتغلي وجيب الحجات اللي نفسك فيها اتعامل مع ناس وجربي تلعبي لعبة بتحبيها زي كرة يد مثلا قربي من ربنا وجربي تنزلي تصلي الجمعة في الجامع وتسمعي الخطبة وبالنسبة لباباكي لازم تعذريه لأنه اكيد عانى في طفولته حتى لو مش بيحكيلكوا هو ليه عندك انك تعامليه معاملة طيبة وتسمعي كلامه في اللي يرضي ربنا

عرض الكل 2 نصيحة

عبّر عن شعورك بشكل مجهول

بابا شخص انتي وبخيل بخيل حته في الحب عمره ما بيعلملنا حلو ومش بيديني فلوس الا بشتيمه وتهزيق ولي متاخديش من ماما وبينتهز الفرص يقلل مني أو يتريق وعايزنا نطبله في اي حاجه حتي لو هو غلط وبيحكي لصاحبه وقرايبنا أننا مش بحبه ولا بنهتم بيه وهو عمره ما عملنا كدا حتي امي اتجوزته غصب عنها  بسبب جدي اللي المفروض كان غني جدا وبابا كان يدوب على الطبقة المتوسطة اتجوز امي عشان الفلوس
جدي اللي اداهم البيت اللي اتجوز فيه وامي اشتغلت في بنك وهو كان مدرس بس بعد فتره صغيره بقا يبطل يدي دروس وبقا في مدرسه بس وسائل العربي وبقا مدرس العاب ويدوب بيدي حصص للعيال ومش بنشوف منه الفلوس دي حتي 
عشت حياتي في خناقات بينهم وطول الوقت يشتم عليها قدامي وعلي عائلتها ويهين في إخوتها وأبوها 
امي اشترت الأرض وبنت البيت وجهزت كل حاجه فيه هو الله اعلم دفع اي دا لو كان حصل وبيرجع يقول هو اللي هدومه انقطعت من الوقفه مع العمال 
وأنها مش دفعت حاجه فيه
بسببه بقا عندي الميسوفونيا دا مرض اني اكره الاصوات زي المضغ وحاجات مني دي وهو لما عرف زاد فيها وبقا تعود تقريبا واول ما يشوفني معرفش ازاي طول الوقت في حاجه في بقه ويعمل القرف دا مع أن مكنش في صوت بس اول ما شفتي بقا فيه 
انا بجد مش عارفه اتقبله انا عارفه اني بحبه بس مش عارفه اعيش معاه ولا اشوفه

Watermelon_60495 🇪🇬

منذ 5 أشهر

شعور مرهق

دلوقتي انا شب ٢٢ سنه لسه متخرج من الكليا وقدامي جيش وحوارت ما علينا دلوقتي انا ابويا هو اكتر حد اذاني نفسا عمري ما حسيت انه بيحبني او حسيت بمشاعر منه ديما قاسي وشايفني فاشل ومش كفايه ف اي حاجه ديما يحسسني اني عاله وانه بيجيبي عليا لما ياكلني ويشربني ويصرف ذي اي اب انا بشتغل ع قد ما اقدر بس الدراسه

Avocado_32736 🇪🇬

منذ 5 أشهر

شعور متوتر

عبّر عن شعورك بشكل مجهول

كل مره بكتشف عن الي قبلها ان ابويا عمره ما حبنا لو شافني انا وماما واخواتي قاعدين نتكلم ينكد علينا علي اي يتلكك لينا بقي يعمل تي حاجه 
اختي الكبيره متجوزه جوازتها مش حلوه زي ما بنقول عندنا بس هي بتجبه وهو بيحبها من فتره كان اتسجن ومكنتش هي لسه ولدت فضلت عايشه عند اهله عشان يصرفه عليها بس كانه بالمهني الحرفي مجوعنها فضلت مستحمله وبتعدي ولدت من غير ما نعرف ومحدش كان معاها عشان كان في مشكله ما بينها وكحدش قالني الولد تالت يوم بيروح يطعم ودوها هي 
هي مش بترضع طبيعي عشان اساسا معندها لبن وكشفنا دكاتره قالوا جسمها كدا ف احنا جبناها عيشناها معاها جوزها كان بيرن يكلمها واحنا الي بنصرف علي الولد انا الي كنت بكشف عليه انا وماما وبابا عمره ما دفع ليه جنيه واحده الله يعلم ربنا شاهد علي كلام دا جوزها خرج امبارح وبابا كان ف شغل جيه خدها هي وابنها يشوفه لانه الولد تم ٧ شهور وهو ميشوفهوش ولا يعرف حاجه عنه يعيني ف بابا مكنش هنا ف ماما فالتلها روحي يبنتي مع جوزك 
دلوقتي هو بيغلط ماما ان هي ازاي تخرج ومنكد علينا وحرم ان اختي تخش بيت هي دلوقتي ماما غلطانه حاولت اقول موضوع بتفصيل بس مش هعرف اوضح اكتر من كدا اتمني الافاده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_28393 🇪🇬

منذ سنة واحدة

شعور مكسور القلب

عبّر عن شعورك بشكل مجهول

مكسوره اوي وزعلانه انا مليش ضهر ولا سند 
كنت حكيت مشكلتي مع ابويا حكيت كتير بس اللي جاي افظع لدرجه اني بدعي يموت ونخلص منه 
ااول امبارح كانت امي بتلبس هي واختي ورايحين يشترو هدوم ل بنت اختي الصغيره بالمناسبه هي عايشه معانا بسبب ان جوزها مسافر بس هي بتعد 3 تيام عندنا و4 تيام عند حماتها 
المهم كانو بيلبسو ف ابويا شافهم بيلبسو قالهم رايحين فين قالو رايحين نشتري لبس ل كارما قالهم لااا روحو. يوم تاني وبيقولها بسخريه ف شدو قصاد بعد لحد ما قال ل اختي انتي مش محترمه ازاي تكلمي ابوكي كدة قالتلو ابويا اي اللي بياخد الاكل ف اوضته ويقفل عليه بالمفتاح بيقفل ع الاكل من عياله ومش بيصرف علينا ف قام قايلها والله لو مسكتي ل اطردك بره زي الكلاب قالته مش بعيده عليك منت طردت امي قبل كدة وطردت اختي الدور عليا انا شدو قصاد بعض تاني ف الاخر خرجو 
بس مسبناش ف حالنا بردو لقيته اتصل بناس عشان يفضحنا لقيت جوز خالتي جاي بس انا مردتش افتحله لان عارفه اللي هيحصل ونا مش عايزا اتكلم ف حاجه من غير ما امي تكون موجوده ف ابويا فتحله ونزلو تحت عند عمتي يتكلمو 
ف جوز خالتي جه امبارح عشان يتكلم معانا ويصالحنا ع بعض وكدة لقيناه بيقول ان ابويا مشكلته ان ازاي نخرج من غير ما نقوله وبتاع مع ان احنا قولناله وهو اللي كان مصمم منخرجش 
والمصيبه الاكبر قايل كلام ميصحش يتقال بيقول ان مراته اللي هي امي مش بتديله حقوقه الشرعيه ومش بتنام معاه ف الاوضه وكدا ودا فعلا عشاان امي محرمه نفسها عليه بعد اللي عملوه فينا 
المهم ف امي قالت بقا انه مبيصرفش علينا خالص وقالت كل حاجه وفضحته اللي هو فضايح ب فضاايح وهو انكر دا وقال انه بيصرف وهو اللي جايب العيش وخده وراه الديب فريزر والتلاجه وقال انا اللي جايب كل دا مع ان اقسم بالله مجاب حاجه خالص امي اللي شاريه العيش دا ب 300 جنيه وبيقولو انه انه بيصرف علينا ومش حارمنا من حاجه واحنا كذابين 
المهم الاصعب من دا كلو ان الراجل عايز يصالحنا علي بعض وكدا ف ابويا يرد ويقول انا غلباان ومش قادر اصرف عليهم وكل واحد يتحمل مسؤليه نفسه وينزلو يشتغلو علياا انا وامي قاله ازاي بس انت بتقول كدا يعني يرضيك بنت تروح تشتغل ف مصنع ولا حاجه واللي رايح والي جاي رجاله يبصو عليها وبتاع قاله اه يرضيني منا مش قادر اصرف عليهم مع انه والله مقتدر وعادي يعني هو معاه فلوس يشتري باكت سجاير باكت كامله ومش معاه يأكل عياله 
المهم الراجل بصله ب قرف وقاله انت ازاي تقول كدا 
الموضوع بقا انتها ب ان امي راحت تراضي ابويا وتقوله حقك علينا وبتاع عشان الراجل يمشي 
ف امي صحيت الصبح لقيته بيتكلم مع عمتي تحت سمعتهم ع السلم لقيته بيشتم فينا ب اوووحش الشتايم ازاي يشتم عياله بالشكل دا ويشتم مراته عرضه وشرفه كانها واحده شمال حرفياا 
ويقولها مش هصرف عليهم وعمتي تقوله اه متصرفش سبهم لحد ما يجولك زي الكلاب وسبهم ينزلو يشتغلو  ويتمرمطو عشان يعرفو الله حق 
وتقولع متصرفش بقا من فلوسك حاجه عينهم انت كدا جبت سمك وفراخ يكفوك طول الشهر معتش تصرف حاجه 
يعني انت جايب الاكل وعايينه تحت عند اختك ورامي عيالك حسبي الله ونعم الوكيل 
ونعرف بردو انو عايز يااخد فلوس جوازتي االلي هي المكتوبه ب اسم ماما اللي عايشين بالفوايد بتاعتها اللي هي 1000 جنيه بس كل شهر بنعيش بيهم طول الشهر معرفش ازاي عايز ياخد الفلوس دي ويروح يشتري بيها توكتوك ويأجره ل ناس تشتغل بيه 
يعني دا اب سوي ياخد فلوس بنته اللي هتتجوز بيها بس لا حتا لو كدا هو مش عايز يشتري حاجه هو عايز ياخد الفلوس عشان مستخسر فينا حتا فلوس الفوايد اللي احنا عايشين بيها عشاان نموت من الجوع  حسبي الله ونعم الوكيل فيه وف عمتي اللي مقويااه علينا

انا مش عارفه اقول اي ولا اي بس انا مليش حد افضفض معاه باجي اطلع اللي جوايا هنا حتا لو محدش هيقرا المهم اكون طلعت شويه من اللي جوايا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_29595 🇪🇬

منذ سنة واحدة

شعور غير مكتمل

بدأت الحكايه مع اول انتقاد من بابا مع اول معامله وحشه مع ان هو عايز يشوف فى اخواتى الولاد نص الى انا بعمله مع تدمير نفسى وجسدى عايشه ميته منتظره الموت انا حاولت انتحر كتير بس كنت بخاف مامتش ويلحقنى و يشتمنى و يضربنى ضرب غبى و يضغط على نفسيا و خدنى مش بنته عدوته اى حاجه مش بيقدر يسيتر على ماما فيا بي

Hazelnut_29650 🇪🇬 اول نصيحة لو مش مرتاحة مع خطيبك ده سيبيه فورا مهما كانت العواقب، متكرريش نفس التجربة تاني

عرض الكل 14 نصيحة

Strawberry_16340 🇪🇬

مدمنة العادة السرية بشراهة ومش عارفة أوقف

انا بنت و حاليا بقيت مدمنة للعا دة السر ية وبشراهة و بقى عندي ميول و هوس شديد اوي و مش عارفه اوقف و مش عارفه اعمل ايه، حاولت اصلي و اصوم و اعمل كل حاجة لكن دايما الش هوة بتكون قوية جدا و مش بقدر اني اسيطر عليها…حد عنده حل يقدر يساعد فعلا؟! ...عرض المزيد

5 الدعم

28 نصيحة

Banana_72174 🇪🇬

متحيرة بين صحبتي اللي بحبها وعلاقتي مع ولدي

ازيكم ، أنا بنت عندي ١٧ سنه وعايشه في مصر وصحبتي الي هحكي عنها امها بريطانيه وباباها مصري بس هي حالياً هي مقيمه هناك وملامحها مصريه جدا واكتر مني وعندها ٢٤ سنه واستايلها قاصه شعرها بوي كات ولبسها كله يعني هنقول شبه عريان شويه لكن كا البيئه الي هي عايشه فيها فا طبيعي المهم انا عرفتها مش من فتره قليله احنا بقالنا كتير مع بعض واحنا الاتنين نفس الvibe وبنتكلم فيديو كول كتير ، اه صح نسيت اقول اني في relationship مع ولد بقالنا سنه ونص ، بقيت معظم وقتي مدياه ليها وهو انا بعلقه كتير وبرد عليه كل فين وفين واتشاكلنا كتير وشكلنا هنسيب بعض بس مش مهم ، الحكايه هنا بقا هي قالتلي انها bi وانا طول عمري استريت وعمري في حياتي ما فكرت اني اميل لبنت بس هي قدرت تخليني اميل ليها واحبها واعترفنا لبعض وبقينا بنبعت لبعض nudes وبقيت بكلمها فيديو كول وهي بتاخد دش وعلاقتنا انا مرتاحه جدا فيها اكتر من اي حد تاني وبالمناسبه هي مش virgin من وهي ١٤ سنه ، فا نزلت مصر من اسبوعين واتقابلنا في الزمالك ولا لا مفيش حاجه حصلت من الي في دماغكم بس هي باستني بس ، وامبارح قالتلي انها عايزه تخليني مش virgin في يوم وقالتلي اننا كدا علاقتنا هتقوي اكتر وهي ولا فارق معاها ان دا زنا ولا اي حاجه وانا ضميري صحي ومش هنكر انا بموت فيها وبحبها لكن مش عايزه كل دا تاني وعايزه اصلح كل حاجه منغير ما ابعد عنها ، انا عماله اعيط من امبارح ومحكتش غير لصحبتي اقرب واحده وفلضت تجرح فيا كتير ، انا اسفه اني طولت عليكم ...عرض المزيد

4 الدعم

28 نصيحة

Almond_73866 🇪🇬

انا كمالة عدد في شلتي ومحدش بياخد بالي

دايما بكون موجودة في اي حتة كمالة عدد وخلاص ، انا ليا شلة اصحاب بس حاسة اني موجودة فيها كمالة عدد ، دايما منشغلين ببعض ومحدش حتى بيبص في وشي ولا حد مهتم بوجودي .. بيضحكوا منغيري كتير ويهزروا منغيري وبيتبسطوا منغيري ومحدش عايزني فيهم ولو اختفيت مش هياخدوا بالهم .. ليه كده محدش متقبلني ولا بيحبني ...عرض المزيد

5 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع