أزمة إيمانية

Broccoli_81673 🇩🇿

منذ شهر واحد

شعور محبط

أنا حاسة انو يوجد فجوة كبيييرة بيني وبين ديني احس اني بعيدة تماما عن الله لا يمكنني الالتزام بالصلاة مهما حاولت بدون ان نتكلم عن العبادات الأخرى كقراءة القرءان ولدي تأنيب ضمير مش طبيعي أريد التغيير لكن لا اعرف كيف

Cheese_78368 🇪🇬

منذ شهر واحد

شعور مذنب

مساء الخير انا دلوقتي في مشكله كبيرة وهي ان انا مش بصلي و كنت بصلي وقطعت معرفش حد بيحس زيي ولا لأ بس بحس بتقل ناحية الصلاة مع ان ربنا رزقني بعمرة قبل كده بدون لا حول ولا قوة مني انا مخنوقه اوي بسبب كده وعارفه والله ان مينفعش وحرام ومفيهاش و بسمع كلام كتير عن الصلاه بس انا معرفش مالي بجد الموضوع ده

Jackfruit_64058 🇪🇬

منذ شهرين

شعور ضائع

انا ضاعت! انا كنت بصلى جميع الصلوات فى اوقاتها بخشوع تام و بنصح الى حواليا. حاليا انا ضايع بصلى و دماغى فى الدونيا. بقيت مخنووووق من الصلاه و بكسل بطريقه مش طبيعيه. والمشكله الاكبر لو الصلاه فاتتنى ممكن ما اصليهاش

Apple_75504 🇪🇬 لا تتهاون فى أمر الصلاة يأخى ، حاول جاهداً أن تحافظ على الصلاة فى وقتها حتى تتقرب إلى الله ويكن قلبك مطمئن دائماً ، وطبيعة العبد أن يزيد وينقص إيمانه ، وعلمك بأنك مقصر فهذا من فهمك لان أبى الدرداء رضي الله عنه يقول ( من فقه العبد أن يعلم أيزداد أم ينقص) وأنصحك بدعاء الصحابي عبدالله بن مسعود رضي الله عنه (اللهم زدنا إيمنا ويقيناً وفقهاً) وأسأل الله لك ولنا الثبات والتوفيق

عرض الكل 4 نصيحة

Jackfruit_64058 🇪🇬

منذ شهرين

شعور ضائع

اقسم بالله انا بقيت بضيع مش عارف ايه الى بيحصل لى ده. من فتره 6شهور كنت ملتزم و مافيش فرض يضيع منى و كنت بقول الليل و بصوم الاثنين و الخميس وكل يوم ورد . و الصاحبى كانوا بقولو عليا شيخ الدفعه. حاليا بقيت ضايع. بصلى بس ما فيش خشوع ذى الاول. بنسى انا فى الركعه الكام و برجع اعيد من الاول. للاسف بقيت

Grape_76034 🇪🇬

منذ شهرين

شعور متعب

كان في حاجه محيراني كدا صغيره انا شاب كنت بصلي يوم و١٠ لا تمام فا بدات اصلي انهردا انا بصلي في البيت هل دا فيها حاجه حرام مع العيلم انا عاوز اصلي وارجع زاي الاول تاني اصلي وارجع اعرف ربنا تاني انا دخلت في سكه مش بتاعتي والسكله دي وحشه اووي وبحاول ارجع الحاجه الي تقربني بربنا تاني ياريت ياخواتي تنصحو

Apple_75504 🇪🇬 الواجب على الرجل أداء الصلاة فى المسجد لان النبى صلي الله عليه وسلم يقول(من سره أن يلقى الله غدًا مسلمًا فليحافظ على هؤلاء الصلوات حيث ينادى بهن، فإن الله شرع لنبيكم سنن الهدى وإنهن من سنن الهدى، ولو أنكم صليتم في بيوتكم كما يصلي هذا المتخلف في بيته لتركتم سنة نبيكم، ولو تركتم سنة نبيكم لضللتم)

عرض الكل 5 نصيحة

Banana_76073 🇪🇬

منذ 3 أشهر

شعور مكسور القلب

سمو عليكو انا عايز اقرب من ربنا بس مش عارف خاالص خاالص خاالص بجد خاالص نهائي كل ما اجي اقول اصلي وحاجه مصليش وانا بقالي كتييير اوي على جنابه وفي حاجه منعاني اني اغتسل او اني اصلؤ وانا عارف انو الشيطان بس انا مش عارف اعمل ايه بجد نفسي ارجع اصلي زي زمان وربنا يرضى عني بس فيه حجات كتيره جوايا باظت وبجد

Popcorn_76069 🇪🇬 مشكله أن انت عمال تقول انا عايز اعمل وعايز اقرب وعايز اصلي وعايز وعايز وعايز ما تقولش كده قول ربنا يعينني وارجع اصلي قول ان شاء الله اصلي زي الاول وانتظم في الصلاه

عرض الكل 21 نصيحة

Coconut_72568 🇰🇼

منذ 3 أشهر

شعور مستنزف

ياجماعه انا عندي مشكله مأزماني بحس بتناقض عجيب بغيب ايام بصلي في المسجد جماعه وقراءه قرآن محافظ علي ورد واذكار وساعات قيام ليل ومره واحده كل ده يقع بسبب ذنب او غفله بس بيقع اوي خالص للصفر متأزم جدا وكل محس اني بقيت كويس وقربت من ربنا الدنيا بتبوظ اوي مني واحساس باليأس وكل مترتب دينك ودنياك ..كأ

Jackfruit_64058 🇪🇬

منذ 3 أشهر

شعور غير مكتمل

مش عارف ايه الى. حصل لى كنت بصلى و بذاكر اول باول و بطلع من الاوائل و مراعى ربنا فى كل حاجه وبفرق بين حرام وحلال. اما دلوقتى فاشل دراسيا و عبد عاصى و كل ما احاول اظبت نفسى و ارجع ذى اول واحسن الاقى نفسى بقيت بغوص اكتر الصلاه بقيت بحسها تقيله على عكس الاول ققلت كلام معى ناس و بقيت معتزل على انى اساس

Cookies_75052 🇪🇬 اقولك انا انتظمت ازاي ؟ جبت سلاسل دينية لشيوخ وبدات اشوفها غصب واسمع ، اسمع السيرة النبوية واكتشف اد ايه انا بعيده كل البعد عن كلمة مسلمة وارجع اسمع قران واجيب ايات الوعيد واخاف اكتر واكتر من النار واني يوم القيامة خل مستعده امسك كتابي بشمالي ؟ الدنيا مش مستاهله والله حاول ومتيأسش الجنة تستاهل

عرض الكل 4 نصيحة

Apple_56874 🇪🇬

منذ 3 أشهر

شعور متعب

يا جماعه أنا محتاج حل … اول حاجه ( كل ما بسمع آذان بيحصلي حاجتين .. احياناً ابقى مرتاح واحياناً ابقى متضايق وعايزه يخلص بسرعه ) تاني حاجه ( مش بحب حد من عيلتي او أسرتي ينصحني خالص وبذات في الدين بحس اني متعصب مش عارف ليه ) نالت حاجه ( انا ببعد عن الدين تدريجيه كاني ملحد من غير ما احس ومش عارف اصل

Corn_71708 🇪🇬

منذ 3 أشهر

شعور محبط

اية الحل ف الصلاة يا جدعان بحاول انتظم و بفشل دايما و بحس ان تقصيري دا ماثر عليا و علي بيتي و علي هدوئي و نشاطي بخاف ربنا يكون ختم ع قلبي الاذان بيكون بياذن وانا مش حاسس بيه فعلا خايف اوي امشي قبل ما اعرف انتظم انا مقصر جدا جدا قصاد كرم كبير من ربنا

Avocado_71487 🇪🇬 خليك دايما متوضي دايما حتي لو ف وقت غير وقت الصلاة و دايما اول ما تسمع الآذان افتكر ان ربنا بيناديك و قول لنفسك ازاي يناديني و انا مستجبش حسس نفسك دايما انك هتغرق و ان دي القشاية اللي بتتعلق بيها و افتكر ان دي اول حاجة هتتسأل عنها و انها باقيالك و ان اللي يقرب من ربنا يقربله كل حاجة حلوة

عرض الكل 8 نصيحة

Cookies_51283 🇪🇬

منذ 7 أشهر

شعور ضائع

ازاي ارجع اقرب من ربنا بعد فترة انتكاسة كبيرة جدا بصلي يوم وعشرة لا وبسمع اغاني ولما بصلي بحس أن مفيش اي خشوع ف قلبي ولا تركيز وكل العبادات تقيلة عليا حتي الاستغفار، مش مرتاحة ولا راضية عن حالي وبحاول ارجع بس في جحود ف قلبي مخيف مش عارفة ايه الحل ولا ابدا منين

Pineapple_52559 🇪🇬 صدقيني طول ما أنتي بتعاتبي نفسك فيكي حاجه كويسه و اعرفي يعني ايه حب لربنا كويس و أن أنتي مش بتصلي عشان متتحاسبيش لأ عشان تكلمي ربنا وتفصلي عن الدنيا دي و ربنا يهدي الجميع ويجعلنا من الصالحين اللهم آمين

عرض الكل 10 نصيحة

Sugar_51255 🇪🇬

منذ 8 أشهر

شعور مكتئب

من بداية رمضان وأنا في فترة انتكاسة جابت أجلي ومش عارفة أتغلب عليها، كنت بصلي الفروض كلها في مواعيدها وبصحى أصلي الفجر دلوقتي الصلاة بقت تقيلة عليا وبصلي بس عشان الفرض يسقط من عليا وكان مستحيل يوم يعدي من غير ما أقرأ قرآن دلوقتي بقى عادي ياريت اللي عنده حل ميبخلش

Apple_18785 🇪🇬

منذ 8 أشهر

شعور قلق

أنا الحمد لله بصلي الصلاة في وقتها وبصوم بس حاسس اني بعيد عن ربنا قلبي مش معاه قلبي مشوه ومشتت رأيكم ايه حل المشكلة دي لإني فعلا مش حاسس برمضان نهائي نفسي احس بال عشرة الأواخر حتي رأيكم حل مشكلتي ايه وياريت تدعولي

Orange_38568 🇸🇦

منذ 10 أشهر

شعور قلق

هو انا ايه حكايتي لما باجي احاول اتقرب من ربنه بعد ما بعدت بحس صلواتي ملهاش لازمه و كل لما اقرأ او اسمع قرآن مبقتش بحس براحه بل بخوف و قلق حتى عند آيات الرحمه عشان كل ما بعدي على آيات القفار و المنافقين بحسها بتتكلم عني و بقيت احس ان نفسي مسمعش تاني و ده بيفكرني تقريبا عن الآيات البعد عن ربنه و انا

Sugar_21572 🇪🇬

منذ سنة واحدة

شعور محبط

حابة اتكلم شويه بس عن موضوع عامل ازمه في حياتي دلوقتي انا الحمدلله فجاءه كده فوقت لربنا و بقيت بحفظ قرآن و بصلي و بصلي السنن و بدأت اغير لبسي الضيق للبس واسع و اذكار الصباح و المساء و قيام الليل و ذكر الله علي لساني و بطلت أشير أغاني بس بتضايق اني اوقات بعمل بعض الذنوب زي مثلا اسمع أغنيه للاسف بتك

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع