أفكار انتحارية

Apple_42183 🇪🇬

منذ 6 أيام

شعور متعب

Ice Cream_46122 🇪🇬 ادخل ع الانستجرام dr.ebrahim_adel اخر حاجة في History في مساعدة مجانا الي عانو من الحوار دة ادخل ان شاء الله يفيدك

عرض الكل 3 نصيحة

عبّر عن شعورك بشكل مجهول

انا حاليا عندي 18سنه عايش في بيت عيلة ابويا وسط اهلي واخواتي وبالمناسبة انا اكبر اخواتي. وانا صغير اتعرضت للتحرش من حد قريب مننا في العيلة واللي كان معانا ف نفس البيت ف الاول مكنتش فاهم ده اي ولا اعرف لي بيحصل كده بس فاكر احساسي ساعتها. تعدي الايام والسنين ومحدش يعرف اي حاجه من اللي بتحصلي بالرغم إن مكنش تحرش بس الموضوع وصل للأعتداء الجنسي بعد كده وللإسف كنت شبة اتعوت علي حاجه زي كده مبقتش عندي نفس الرهبة والخوف اللي كانت في الاول ومع ادراكي لفعل حاجه زي كده حاولت كتير وبكل الطرق إن ابطل حاجه زي كده وإن فعل زي ده ممكن قد اي ربنا يبقي غضبان عليا وكل الكلام ده حاولت مع نفسي كتير وقربت فعلاً من ربنا لكن برجع من تاني لنقطة الصفر ومنكرش ساعتها الموضوع ده كان مسببلي مشاكل كتيرة في شخصيتي وده كان الطبيعي بسبب نتيجه الخوف اللي اتعرت لي... 
المهم اخر م تعبت من اللي بيحصل ومش عارف اغير حاجه حكيت اللي بيحصل ل امي ومن هنا كانت بداية كل حاجه وحشه تحصلي في حياتي فعلاً (وبالمناسبة حكيت اللي بيحصل معايا بالظبط من سنتين من عمري حاليا) طبعاً الكلام مكنش ب الساهل علي حد ومش عايز احكيلكم عن كسرة امي وابويا بعد م حكيت بس كان غصب عني واول حاجه امي وابويا عملوها خدوني عند دكتور يكشفو عليا والدكتور قال مفهوش حاجه الحمدلله قبل م اروح عند الدكتور بالظبط امي دخلت معايا وخلتني اضرب الشخص ده بالقلم عشان ترد كرامتي ساعتها لما حكتلها وكدة (الشخص اللي بحكيلكم عنه ده هو ابن عمتي) المهم عبال م رجعنا من عند الدكتور كان ابن عمتي كلم امه وحكلها كل اللي حصل وطبعا طلعني وحش المهم عمتي كلمت باقي اخواته وكام واحد من اهلي عشان يعملو قعده وإن ازاي ادخل اضربه وهو اكبر مني دخلوني عشان احكي اللي كان بيحصل طلعو كل الكلام اللي بحكي كذب وإن انا اللي كنت بطلب منو الحاجه دي وكلام كتير زي الزفت معرفتش ادافع عني نفسي وشايف امي وابويا مصدومين من اللي بيتقال جالي انهيار عصبي وقتها وبعد م فوقت ابويا وامي قالولي لازم نقفل ع الموضوع عشان ماتفضحش ولازم انسي اللي حصل عشان هما كمان ينسو وكلام غريب كده مكنتش مستوعب حاجه غير إن مصدوم  من اللي بيحصل حواليا وطبعاً طبعنا المعاملة اتغيرت 180درجة فكل حاجه حرفيا بس الغريب إن لقيت بعد فترة رجعو يتعاملو مع بعض من الاول وكأن محصلش حاجه بس لما يكون في تجمع او مناسبة وكدة مكنتش بظهر طول م حد موجود عندنا محدش كان منعني بس من نفسي انا اللي مكنتش عايز اتعامل مع اي حد من اهلي مش قادر اتعامل مع حد تاني انا أصلاً من صغري مكنش ليا صحاب خالص ولا كنت بشتغل بسبب إن مش عايز اتعامل مع حد كل خروجي من البيت عشان الدراسة فقط بس بعد فترة من اللي حصلي ابتديت اتعرف علي ناس مش كويسة من خلال السوشيال ميديا وعملت حاجات ** مع ناس معرفهاش كنت بعمل كده بهدف إن مكنش وحيد والقي حد اتكلم معاه او اعبر عن زعلي لو في حاجه مزعلاني وده طبعاً غلط وانا عارف بس مش عارف اغير اي حاجه محدش من اهلي يعرف إن في حاجه زي كده بس انا تعبت عايز ابطل اي حاجه وحاولت كتييير وبردو برجع وكل مرة اقرب من ربنا واحكي معاه واحس إن خلاص مش هعمل حاجه تاني وربنا هيسامحني علي اللي فات بس برجع اتنكس من تاني انا مش قادر اتخطي اي حاجه من اللي حصلت ولا قادر اسامح نفسي ولا ال وصلني للحالة اللي انا فيها دلوقتي وطول الوقت حاسس ب الذنب وتعبان انا بنام بحلم ب كل حاجه وحشة حصلت من ضعفي فكرت كتير ف الانتحار وبرجع افتكر ربنا واقول إن مش حل بس بردو مش قادر اتأقلم علي الحياة اسألة كتيرة ف دماغي مشاعر ومود متلغبطة طول الوقت.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_85093 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

انا زعلانه اوي 
جوايا حزن كبير ، انا بجد زعلانه من نفسي جدا
زعلانه على نفسي كمان ، كرهت اني اتعرف على ناس 
بقت كل احلامي اني اعيش لوحدي فمكان مسالم 
و ابعد عن الناس او حتى اتعامل بقدر سطحي جدا 
انا عارفه ان مش كل الناس وحشه بس انا يمكن حظي هو اللي وحش ،  حقيقي جوايا حزن مش طبيعي ومش بقول كده علشان اثير تعاطف حد 
انا مش عاوزة حد يكلمني اصلا انا عايزة افضل بعيد عن الناس و مش عايزة حد يقرب مني ابدًا 
يمكن حبيت اعبر عن مشاعري للفراغ او لأي حد معدي وخلاص و كمان علشان اللي يقدر يدعيلي دعوة صادقة يدعي يمكن حالي يكون افضل ، 
انا راضيه عن كل حاجه بس زعلانه من نفسي جدا 
عارفين شعور لما تصعب عليك نفسك  ؟ 
انا حقيقي مستاهلش اي حاجه وحشه حصلتلي 
انا مستاهلش اي كلمة اتقالت وجرحت قلبي 
انا مستاهلش اني اتهان او اتكره بالاخص من ناس انا مأذتهمش و معملتش ليهم اي حاجه غير اني عطيتهم حب   !  تعرفوا انا بكره وجودي الدائم جدا للاسف لما بحب حد بديه كل الاهتمام و ببقى موجوده دايمًا فأي وقت يحتاجوني فيه و مش ببقى مستنيه مقابل خالص بس بتصدم اني آخر حد بيفكروا فيه و اني يعتبر مش موجوده غير وقت الاحتياج فقط  .. بقيت بفكر فالانتحار بس المرادي بطريقة جدية اوي ، عارفه ازاي هعملها و عارفه امتى و الحمد لله محدش ليه اي حقوق عندي و الحمد لله برضو مهما غلطت بعتذر و براضي ، انا كل اللي مخوفني فكرة انه حرام  .. بس ماهو احنا بنعمل حاجات كتير حرام و ربنا بيغفرلنا صح  ؟ اكيد او يمكن ربنا يغفرلي بس انا مبقتش حمل الحياة ، انا مبقتش حمل اي حاجه و كرهت وجودي و مفيش اي حلول تانيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pumpkin_86802 🇪🇬

منذ أسبوع واحد

شعور متعب

بتيجي لحظه سعات بتبقي مش طايق اي حاجه ومفيش حاجه عحباك الفرحه الي كنت فيها او التاقلم الي كنت فيه راح وكل حاجه بانت علي حقيقتها وكل الافكار اتجمعت عليك والكل سابك سامع كذا فكره وكذا صوت في دماغي هموت بجد مش قادر بقيت اخد مسكن عشان الاصوات تهدي ومفيش فايده فكره انك مش محبوب وفاشل وانك مش مرتاح حتي

Grape_70557 🇪🇬

منذ أسبوع واحد

شعور متعب

عبّر عن شعورك بشكل مجهول

قصتي طويلة شوية ومش علوم اللي مش هيقرأها أنا كده كده بكتبها افضفض
من تلت سنين تقريبا كنت في تالتة ثانوي وكنت رغم لمة البنات حوليا بص لمة كدابة كلهم مفيش واحدة فيهم كانت موجودة بجد لو احتاجتها فكنت منزلة برنامج اكلم في اي حد عشان محدش بوحدتي واحكيله عن اللي بمر بيه ويشجعني بس بعدها بفترة مسحت البرنامج عشان حسيت اني رخيصة ولما ظهرت نتيجة الثانوية العامة ومجموعي مجابش اي كلية كنت عيزاها حالتي النفسية باظت وبقيت اعيط بس طول الوقت وبقيت عادي مفيش اي احساس بحاجة طول ما كنت في سنة اولى كنت مش ببالغ لو قلت كل ليلة بعيط عشان الكلية اللي دخلتها وبعدت عن ربنا وقتها ومن ساعتها بدأ زي ما يكون ثقب اسود يبلعني ونسيت نفسي أنا حرفيا كنت واحدة معرفهاش فضلت على الحال ده جسد من غير روح وكنت بعرف أمثل حلو اوي اني كويسة ولحد دلوقتي محدش يعرف تفاصيل قصتي اصلا عشان محدش يقرف من كم الذنوب اللي كنت برتكبها هي يمكن متكونش ذنوب كبيرة في نظر البعض بس في نظري كانت مهلكة ومن أكبرهم اني مكنتش بصلي وكنت بفكر جدا انتحر في الفترة دي لحد ما دخلت سنة تانية في الترم الاولاني مش هقول رضيت بالأمر الواقع اني خلاص مش هينفع احول أو اعمل اي حاجه واعترفت وقتها على بنتين مش هقول برضو صحاب عشان هما نفسهم مش معتبرين اني ظصحبتهم غير لما بيشوفوني في الكلية ولكن كانت تقضي وقت وحاجة تلهيني عن أفكاري لحد ما اروح وارمي نفسي على السرير واعيط زي كل مرة وقتها في سنة اولى برضو كنت اتعرفت على ولد هناك وكنا تمام مع بعض بس انا مكنتش بقدر اكمل كلام معاه من احساسي بالذنب وبضميري اللي مكنش راحمني رغم كل اللي كنت بعمله وعملتله بلوك كتير وبعدت عنه عشان كده في سنة تانية مكانش ليه وجود في حياتي وده ساعدني اكتر اني احاول افوق من الحفرة اللي انا فيها وأن مينفعش أدفن نفسي بالحيا كده وبدأ احاول ابص بنظرة مختلفة لكل حاجة حوليا واحاول اكلم اي حد من صحابي حتى لو هما مش صحاب بجد بس اقضي وقت بعيد عن دماغي مش مهم بقا اي حاجة وفعلا قدرت الهي نفسي ودماغي وشوية شوية ضميري يأنبني على الصلاة وعلى ديني اللي نسيته وقتها وبدأت ارجع والحمدلله انتظمت على صلاتي وبطلت حاجات كتير وتوبت عنها مش عارفه هينفع اقول زي ايه ولا هتبقى جهر بالمعصية بس هقول يمكن يفيد حد الحمد لله بطلت اسمع اغاني وبطلت البس بناطيل وطرحتي طولت وبقيت بفكر في أي حاجة اعملها هل ده صح ولا ربنا هيغضب عليا والحمد لله استمريت على الحال ده لحد الفترة دي انتكست ورجعت اعمل بعض من الذنوب اللي بطلتها وعافرت ابعد عنها وخائفة ارجع لنقطة الصفر تاني وحتى مفيش حاجة حوليا مساعداني 
ادعولي بالله عليكوا يمكن ربنا يكرمني وافوق ومقعش تاني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Toast_77746 🇪🇬

منذ أسبوع واحد

شعور مرهق

حقيقى .. أنا تعبت من الشغل وتعبت من الحياة ومن المشاكل ومن الحوارات وكل اللى عيزاه حياة هادية وحياة مكنش مجبره فيها على الشغل وعلى انى استحمل حجات كتير مش المفروض انى اواجهها بس بجد فوق طاقتى انا رجعت تانى افكر فى انى انهى حياتى بأى طريقة من كتر الألم الجسدى والنفسي اللى حاسة بيه

Potato_82597 🇪🇬

منذ شهر واحد

شعور مكسور القلب

أعاني من اكتئاب شديد ونوبات هلع. أحب أساعد الناس، وأحلم أصبح دكتور نفسي كويس. أعتقد أن هذا شيء حلو، لأنه لما كان عمري ١٢ سنة، عانيت من اكتئاب شديد، وطفولتي كلها كانت مؤلمة. فـ أتمنى أحد يقدر يساعدني. لانو فقدت الامل فكل شي وافكر ا.نهي حياتي عمري 17 والشخص الوحيد الي كنت فكرتو العوض عن كل حاجة جرحني

Onion_86075 🇪🇬 دايما في وقت نبدا من الاول متفكريش بسلبيه كل حاجه هتتصلح

عرض الكل 4 نصيحة

Carrot_85725 🇪🇬

منذ شهر واحد

شعور محبط

اساااعد نفسي ازاي بعد ما اكتشفت ان عندي اضطراب فرط الحركه ونقص الانتباه(ADHD) الموضوع حرفيااا مؤذي ومأثر ع حياتي حرفيا مش بقدر اعمل اي حاجه روتينيه او التزم بروتين يومي زي اي انسان طبيعي مبقدرش افضل ف مكان اكتر من ٥ دقايق مبقدرش اركز مع اي شخص بيكلمني اكتر من دقيقتين نسيان رهيب بحس ان عندي زهايمر

Biscuit_84994 🇪🇬 سيبها علي الله يخويا دي طبيعتك ومش حاجة غلط ليك ايد فيها حاول تتعايش مع حياتك كدا ومش لازم تعد تزعل علي حالك مفيش حد كامل ❤️

عرض الكل 3 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_85169 🇩🇿

منذ شهر واحد

شعور محبط

انا مش عارف نفسي حرفيا كل صورة كنت اصورها عن نفسي كانت كذبة انا هش أكثر مما كنت اتصور و عقلي يتلاعب بي كما يشاء فترة يعطيني راحة و أمان لأتقدم في ما أفعل و تارة يدفعني لحافة الجنون او الإنتحار، تخيلات هلاوس ذكريات. أصبحت اتجنب الجلو س بمفردي لهذا السبب و في نفس الوقت اكره تواجد الناس من حولي و كل

Coffee_25647 🇪🇬

منذ شهر واحد

شعور مكتئب

بقالي اكتر من ٤ سنين بفكر ف الانتح/ار بس اللي مانعني اني مش مستعدة اني اقابل ربنا بكل الذنوب دي وخايفة من فكرة اني هخلد في جهنم وابقى خسرت دنيا وآخرة، حاولت كتير ادور ع فتاوى تانية عن حكم المنتحـ-ر بس كلهم بيقولوا نفس الكلام، حاسه اني واقفه في النص مش عايزة اعيش ومش عايزة اموت

Apple_70037 🇪🇬 انتي الوحيده اللي فشلتي في الحياه ؟ انتي الوحيده اللي اذنبتي في الحياه ؟ احيانا يكون ضميرنا صاحي وحي يخلينا نجلد ذاتنا ونفكر في سيئاتنا وحسانتنا وده شيء حلو لازم نستفيد منه ونقعد نفكر نمشي في الدنيا ازاي وننجح ازاي واعتقد عندك خبرات كفايه وعندك وقت .. المهم تخلي اتجاه تفكيرك ازاي نعدل الخطأ واللي مينفعش يتعدل خلاص حصل ننساه .. المهم لو معدلناش حياتنا محدش هيجي يعدلها بالاخص ان محدش يعرف عننا حاج

عرض الكل 7 نصيحة

Marshmallow_83513 🇩🇿

منذ شهر واحد

شعور ضائع

هاي أنا بنت و أنا فاقدة الحنان من الأهل و أكره أبي كثيررررر أحس أنو هو غريب عني و مش أبي و عرفة أنو شخص مو كويس و يحب نسوان كثير و يحب يعطيهم المال و أنا لم أحب حاجة يرفض أو يقول اشتغلي و ما عندي حدا ينصحني بالاصح مقدرة أتكلم مع صحباتي عن هذا موضوع و متكلمت مع أي شخص و أنا كثير موجوعة لدرج

Lemon_83151 🇩🇿 اختي كاين بزاف ناس راهم كيفنا ما عندهمش حنان الاهل لكن اهم شيء انك تفهمي روحك تبقاي مع روحك تصلي تدعي لربي يوفقك صعيبه بزاف لكن كي تكوني عندك ثقه في نفسك صدقيني تولي اقوى بكثير مما تتصورين ولا يوجد انسان يقف معك اكثر من نفسك فاعتني بنفسك وروحك واذا احتجت اي حاجه نحن هنا لمساعدتك

عرض الكل 10 نصيحة

Toast_78262 🇪🇬

منذ شهر واحد

شعور متعب

Croissant_74053 🇪🇬 وعليكم السلام ورحمة الله وبركاته، قريت كلامك وحسّيت قد إيه أنت مريت بحاجات صعبة فعلًا، بس رغم كل ده لسه بتحاول، وده في حد ذاته قوة. صدقني أنت مش شخص وحش، أنت إنسان مجروح محتاج يطبّب نفسه شوية، وربنا دايمًا فاتح بابه مهما حصل. قال تعالى: قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ ابدأ من جديد حتى لو بخطوة صغيرة، وربنا هيعينك ويبدّل حالك خيرًا بإذنه.

عرض الكل 8 نصيحة

عبّر عن شعورك بشكل مجهول

السلام عليكم اسف لو هطول عليكم 
انا فكليه وخلاص فأخر سنه وهتخرج بس عندي مشكله كبيره فحياتي وحاسس حياتي ضاعت بسبب الاكتئاب واني استاهل كل اللي بيحصلي فحياتي لأني شخص وحش انت مريت بظروف وحشه انا كنت ثانويه ازهريه وبالنسبالي ٣ ثانوي هيا اسواء سنه عدت عليا فحياتي اول السنه خالص والدي اتوفي لانه كان تعبان ولما اتولدت ملحقتش اقعد معاه وهوا كويس كان كل يوم يتعب عن الاول لحد ما وصل لمرحله انه مش قادر يحرك عضله فجسمه حتي الكلام مش بيتكلم فمكنتش بقعد معاه كتير وانا اصغر اخواتي فرق بيني وبينهم ١١ سنه و٧ سنين و ١٣ سنه تربيه اهلي ليا كانت معظمها ضرب ولاخواتي برضو بس كانو شايفين اني مدلع ومهما شوفت من حياتي مش هيكون زي اللي هما شافوه بحكم انه اكبر مني بكتير واني دايما مشاكلي تافهه فحين انا ممكن اكون مريت بحاجات اصعب من الحاجات اللي مرو بيها بكتير اخواتي كانو برضو بينضربو زيي ويمكن اكتر لحد ما جت ٣ ثانوي ولما والدي اتوفي مكنش فيه غير اخويا ومامتي في البيت وباقي اخواتي مسافرين واخويا قالي انا هعمل فيك اللي اتعمل فيا وانا صغير فكان دايما يذاكرلي زي ما كان بيتذاكرو ومكنش اي مذاكره كان بيهتم بالمواد الشرعيه والمواد اللي فيها حفظ بس والقرءان وكدا ويخلي مامتي تهتم بالمواد اللي فيها كيميا أحياء فيزيا كدا والرياضه مكنش حد بيقهم فيها ولا العربي فكانو سايبيني فيه المهم كان كل يوم يحددلي جزء اذاكره وكان كميه كبيره وانا اقولو مش هقدر انا مستوايا كدا انا مش هقدر اذاكر الكميه دي يضربني ويقولي مفيش حاجه اسمها كدا كنت بزوغ مم الدورس واقعد في الشوارع اعيط وامسك الكتاب واحفظ والناس اللي رايحه واللي جايه تتفرج عليا وانا بحفظ وبعيط وكانت نفسي بتصعب عليا وكنت بصرب نفسي بالقلم وعلي دماغي لو غلطت فحاجه وانا بسمع لنفسي علشان كنت خايف منه لاني عارف لما بروح كل يوم يارتيها بتيجي علي التسميع بس دا التسميع بيكون بالحرف الواحد زي ما الكتاب بيقول ولو غلطت فحرف ينزل عليا بالعصايه ويضربني انا انضربت كتير والكلام اللي بقولو دا يعتبر مش حاجه بجد والله بالنسبه للي شوفتو انا بجد بحكي مختصر المختصر كنت بنضرب كل يوم بطرق بشعه وبتعامل معامله قذره من كلو وعدت الايام وفضلت سنه كامله بنضرب واوقات بروح الدروس جسمي معلم ووشي معلم وربنا يعلم خلصت الثانويه وانا شايل جوايا كميه تروما محدش  يستحملها من ضرب وزعيق وصدمات وكمان كنت وحيد بطريقه مفيش حد اشكيله اي حاجه كان ليا صاحب بس كنت بقولو اللي بيحصل بس كنت بقابله مرتين في الاسبوع بتاع نص ساعه ولا حاجه بعد الدرس اصل مهما شكيت محدش هيعملي حاجه ولا حد هيحس المهم لحد ما عرفت عن الاباحيه والعاده السريه ولقيت نفسي فيهم لقيت ان فيه حد بيطبطب عليا وبيديني مخدر في الاول كنت بعملها شهوه زي اي حد انا مش هكدب وعظت ايام كتير كدا بس بعد سنه ولا سنتين مبقتش شهوه بقت هروب من الواقع لان لما دخلت الكليه بقيت لوحدي تماما كلهم سافرو ما عدا والدتي بس وانا واخد سكن بعيد مع زمايلي في الجامعه كميه وحده مش طبيعيه وانطوائيه وكنت بلجاء للاباحيه والعاده السريه كل يوم عن الاول بقالي اربع سنين في الادمان وسنتين من غير ادمان يعني ٦ سنين لحد النهارده حاولت اوقف مليون مره فشلت كنت برجع اسواء من الاول ومكنتش بوقف كنت بتعافي وروحت لدكاتره ومكملتش انا فاهم يعني ايه تعافي وفاهم كل حاجه بس المرحله اللي وصلتلها من الادمان بقت وحشه اكتئاب حاد وجسمي باظ وبعاني من امراض بسبب اني جوايا ترومات وانا بكتم وطلع علي جسمي وروخت لدكاتره مناعه ومخ واعصاب وعلاج طبيعي وتغذيه و و و كلهم بيقولو نفسيه لان بعاني من مشاكل فجسمي وجع ضهر ونحافه ووجع عضم وغيره كلهم بيقولو نفسيه وحياتي باظت وعلاقاتي باظت وعلاقتي بأهلي باظت كلهم فوادي وانا فوادي حتي غلاقتي بصحابي باظت اهلي معملوش وحش بس لا كان ليهم حلو وحلو كتير ومقدرش ازعل من امي خالص مهما عملت لأنها وقفت جنبي كتير بس اخواتي مش قادر انسي ليهم الوحش انا مش عارف اعمل ايه انا فكرت في الانتحار في الثانويه وفكرت بعدها في الكليه ودلوقتي الانتحار بالنسبالي حل للمشاكل كلها بس حرام بجد تعبت وكل يوم بعيط لوحدي ونفسيتي مدمره وصحتي باظت مش عارف اعمل ايه انا اسف لو طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Moon_82136 🇪🇬

منذ شهر واحد

شعور مرهق

موضوع:

المشاكل الي اهلك كأنه سبب فيها و اثرت ازي عليك

يا جماعة انا عايز حد يديني حلول انا مبقتشي عارف اعمل لدرجة اني فكرت انتحر في مرة ورميت نفسي من الدور التالت بس الحمدلله عدت علي خير ومن يومها الي مكنش بيطيقني ولا طايق يبص في وشي بقا بيحبني بس المشكلة أنو حب بكدب فاهمين ازاي والضغوطات زادت اوي من جهة امي وابويا والمدرسة والمدرسين وزملتي الي تعرفت ع

Coffee_81605 🇪🇬

منذ شهر واحد

شعور وحيد

علاقتى باهلى جميله جدا لانى دايما كنت البنت المطيعه الهاديه الرزينه لدرجت ان اهلى اختارو شريك حياتى وتفقو ع كل حاجه من غير مياخدو رايى ف اعتبار انهم بيختارور ال ف مصلحتى اتقبلت الموضوع ومخسرتهمش وكملت ف جوازه ليا حاليا 5سنين بدفع تمنها من نفسيتى وصحتى اتجوزت ف بيت عيله مع ام متسلطه وعلاقتى بجوزى دا

French Fries_80684 🇪🇬 الموضوع صعب جدا بس اعتقد ان لو مفيش قبول وتقدير منه ليكي واحترامك واحترامك خصوصياتك اعتقد تطلبي منه الطلاق

عرض الكل 8 نصيحة

Coffee_56986 🇪🇬

منذ شهر واحد

شعور متعب

بكره ابويا جدا و بكره حياتي اكتر و دايما بفكر في الموت و الانتحار و يتمناه على طول مع اني عارف أو عندي قناعه أن الي بيتمنى الموت مستحيل يجيله و لما دنيته تتحسن و يبدأ يتعلق بالدنيا هيجيله الموت و هيتمنى ساعتها انه يعيش للاسف كل الي يعرفوني ببشوفوني جميل و ناجح و طموح و كمان بيتمنو عيالهم يبقو زيي

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع