ألم قلب

Apple_67568 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

كنت بحب بنت لمده ٣ سنين و كنا متفقين و شبه بعض في كل حاجه و كنا خلاص قربت تتجوز اتصحبت علي بنت و انا كنت بحذرها منها بدات تعاند معايا و بتقولي كلام غريب انت عايز تلغي شخصيتي و اسمع كلامك زي الهبله مع انها عمرها ما كلمتني كدا و انا كنت فعلا بحبها و مكنتش بلغي شخصيتها حده لما بلاقيها لبسه لبس انا شايفه انو مش مناسب كنت بتكلم معاها و بقولها الطقم تحفه عليكي بس هيبقي احلي للبيت عشان مش عايز راجل غيري يشوف الحلاوه دي انا كان لساني حلو معاها دايما و كنت عايز اشوفها احسن واحده في الدنيا و في اخر موقف كانت لبسه لبس انا مرتضيش بيه كالعاده قولتلها بطريقه حلو اني مش موافق علي الطقم ده قالتلي مالو و مش مالو و انا اعد اشرح ليها و في الاخر اقتنعت تاني يوم لقتها بالصدفه في الشارع حده مقالتش انها نزله و كانت لابسه الطقم ده و انا فسخت الخطوبه المشكله انو مر سنتين علي الموضوع و انا لسه مش قادر انساها و بالصدفه عرفت انها اتخنقت مع صحبتها دي و بدات و كلمتني و بتقولي اللي هي بتسال عليه و بتحاول تفتح معايا في كلام و انا لسه بحبها بس في نفس قادر ارجعلها تاني حاسس بالظبط اللي انا مابين نارين و اين كان قراري مش هبقي مبسوط

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_60053 🇪🇬

منذ أسبوعين

شعور مرهق

انا كنت بحب واحده اوي و حربت عشان اروح اخطبه و ابوها مش موافق فا هيا قلتلي خلاص انا مش هينفع اقف قدام اهلي و بلاش و كده فا انا رحت خطبت واحده غيره و هيا لما عرفت جت كلمتني و قعدنا نتكلم لحد ما انا سبت خطبتي عشان حصل مشاكل و كده بينا و فا هيا لما انا سبت خطبتي قلتلي انا خايفه منك و هيا دلوقتي مش بترد

Apple_22069 🇪🇬 ارجع لخطيبتك لو ينفع يابن الناس وسيبك من التوكسيك التانية هي رجعت تكلمك عشان عايزاك تفضل تجري وراها مش اكتر هي لما لقيتك سيبتها وبطلت تجري وراها حاولت ترجعلك بشكل مباشر او غير مباشر عشان ترجع تجري وراها وهي اللي تسيبك وانت اللي تعاني اعملها بلوك من كل حته ولو حكمت تغير رقمك اعمل كدة دي توكسيك وهتدمرك

عرض الكل 7 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

انا عندي ٢٤ سنه انا درست ف جامعه طبيه  وانا من عائله طيبه واهلي ناس متعلمين ومتدينين ، انا م بحب اشكر  ف نفسي ولا اقوله فيا وفيا بالعكس انا بشر فيا عيوب ومميزات ذيي ذي اي  حد انا حابه افضفض عن حاجه انا مريت بيها وتعباني وتاعبه قلبي ❤️‍🩹 انا اتخطبت مرتين قبل كده كانو تجربتين صعبين عليا اوي، اول خطوبه كانت صالونات وكان من نفس مجالي كان حد قريبي بس من بعيد شويه واهلو شافوني وجه أتقدم كان أول حد ف حياتي حبيتو اوي مكنتش اتوقع احب ف الصالونات كده لا حبيتوا واتعلقت بيه جدا بس للاسف طلع طبعوا قاسي وكان شديد وصارم دا طبعا بعد م علقني بيه انا حد طيب جدا بس بحكمه يعني وشكلي ع فكره جميل انا والله بوصف نفسي مش بشكر ولا حاجه يعني بالمختصر انا شايفه نفسي اتحب يعني مفيش حاجه نقصاني المهم كان ع اي مشكله يخاصمني بالأسبوع فيها اقسم بالله كان قاسي وعنيد ووارد ان اي اتنين يحصل بينهم مشاكل المهم وكنت اصبر ع امل انو يتغير بس للأسف مفيش ست بتغير راجل ودا اللي انا اتعلمته صبرت علشان حبيتوا بجد قسي عليا كتير وكان يعاندني ويخلي بنات عندو ع الفيسبوك وهيصين مع بعض عادي المهم انو اذاني ووجعني كان يعامل اهلي بطريقه م احسن حاجه شوفت كتير بس عمات اللي عليا ف العلاقه لما اخدت قرار الانفصال وقتها دعيت لربنا يشيل حبه من قلبي بعديها بشهر بالظبط اتجوز مش خطب لا اتجوز قولت لنفسي دا اكيد عمروا ما حبني وكانو مصدق اني قولتلوا م هقدر اكمل كانو كان بيكرهني فيه  وقتها لما سمعت كان عندي كليه بقيت امشي ف الشوارع تايهه وبعيط بحرقه كنت وقت م اجي اصلي اسجد واقول يرب موجوعه وانا ببكي اهلو كانو مستغربيين ازاي تسيب دي!! ازاي بس هو كان جاحد واناني بعديها بسنتين الحمد لله قدرت اتعافي  من الشخص  بس كان الأثر  برضو جوايا كان في نقطه سودا خايفه ادخل اي علاقه المهم جه شخص اتقدملي وكان باين عليه ف الاول ذو اخلاق وسالنا عليه وبابا وافق وخطبت للمره التانيه ، كان مهتم بيا جدا وبيحاول يفرحني باي طريقه قولت يرب الحمد لله ليك اكيد دا عوضك ليا بعديها بسنه من وجود الشخص دا معايا اكتشف انو كان بيخوني ليه ٣ شهور مع بنت عمه لكم انت تتخيلوا شوفت كل الشاتات وشوفت كل حاجه بينهم شكيت ف البدايه وقلب حس لانو كان كل م فونوا يرن وهو معايا يتلبك لحد ميشوف مين انصدمت وصوعقت 😅ومش بس كده لا اكتشفت انو بيشرب حشيش وصايع بس من تحت لتحت انا مريت ب اسوء تجربتين انا حاليا بحمد ربنا ع كل حاجه بس مستغربه ازاي انا اتخان واتخزل ويتقسي عليا ويحصل فيا كل دا اقسم بالله قولت يمكن يكون العيب فيا بس لما بدور بقول ازاي انا كنت عامله كل اللي عليا ومعلومه انا ف المرتين كان فرحي قرب ومتحدد ❤انا حزينه جدا ع كل اللي مريت بيه️‍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_80472 🇪🇬

منذ 4 أسابيع

شعور مكسور القلب

عبّر عن شعورك بشكل مجهول

الاول أنا عن واحد عندي 28 سنه
من 9 سنين اعجبت بواحده معايا في الكليه واتعلقت بيها وكانت اول حد أكلمه في حياتي وبعد فتره حوالي سنه من معرفتي بيها قولتلها اني معجب بيها وللاسف ساعتها قالتلي احنا اخوات وزمايل والكلام ده كله ...
ساعتها اكتئبت وزعلت فتره وحاولت اتخطي الموضوع مع أنه كان بيبقي صعب خصوصا اني كنت بشوفها في الكليه بس لما كنت يشوفها مكنتش بكلمها وبعدت عنها عشان مكنتش عارف اني افضل اكلمها وقلبي مكسور مع انها كانت لسه ليها وجود في حياتي ف الكليه أو علي الفيس او علي الانستا بس عملتلها unfollow عشان مفضلش اتابعها واتعب اكتر ... يعني علي قد ماقدر كنت ببعد نفسي 
خلصت كليه ودخلت جيش واتفاجئت برساله منها بتعزمني علي فرحها .. في وسط قرف فتره الجيش رجعت اكتئبت تاني .. مع اننا مكناش بنتكلم بس عقلي غصب عني كان بيفتكرها اوقات كتير غضب عني .
مروحتش الفرح لان وقت الفرح كنت مسافر .. معرفش بقي لو كنت موجود كنت هروح ولا لا .
وبردو عمري مافكرت اتابع اخبارها ولا ادخل علي بروفايل بتاعها زي ماكنت بعمل الاول وحتي البوستات بتاعتها مش بتظهرلي عشان عامل unfollow .
طب دلوقت بعد تسع سنين ايه السبب اللي يخليني احلم بيها !!!! 
أنا لسه صاحي من النوم علي حلم كنت أنا وهي مع بعض ! 
حرفيا قايم نفسيتي وحشه وبقول لنفسي ليه افتكرها وليه احلم بيها اصلا !! 
مع اني والله ما بفكر فيها 
طب انا هنساها أمتي ولا عقلي هينساها أمتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pumpkin_77552 🇪🇬

منذ شهر واحد

شعور مستنزف

يا جماعه دلوقتي لو بحب بنت بس هي شايفاني بيست فريند مش اكثر وانا حبيتها جدا الدرجه ان انا بغير عليها جدا بس انا حاسس انها بتحب حد ثاني وانا مش عارف اطلعها ولا من قلبي ولا من عقلي ومش لاقي حل ان انا اخليها بالنسبه لي بيست فريند لسه لحد دلوقتي موجوده في قلبي وعقلي حبيبه مش بيست فريند عايزها تبقى كده و

Mango_75719 🇪🇬

منذ شهر واحد

شعور محبط

ليه انا كل ماحب حد واتعشم فيه اوي ويطلع بيتسلي بيا ويرميني وانه كان واخدني لعبه اوفتره ولما زهق مني رماني طب ليه انا بيحصل فيا كده ليه محدش بيحب بجد كل مره بسمع نفس الكلمه صوابع الايد مش زي بعض وانا مختلفه وبتسكشف انها كلها من نفس الصنف الوسخ ليه انا الوحيد الي بفكر وببقي علي الطفح والملح وببقي عل

Mango_75327 🇪🇬

منذ شهرين

شعور غير مكتمل

مريت بتجربة حب وحشه اوي ، انتهت بخيانتها ليا ، مرتبطناش بس كنا بنحب بعض اوي ، كانت هي بتحبني الاول ، و بعدين بدات احبها ، كانت جميله اوي فنظري ، بعد ما خنتني و ارتبطت بواحد تاني ، كنت بشوفها عندنا في المنطقة ، ان شخص صلب لكن لما بشوفها بعوز اروحلها اقولها ليه ،ليه ، انا كنت مستعد اديها كل حاجه ، بحس

Apple_26468 🇪🇬

منذ شهرين

شعور متعب

أصعب احساس ممكن يمر الإنسان فحياته كلها انو يسأل نفسو سوال واحد ليييييه انا قصرت في أي..انك انت تبقي مع حد فعلا قايدلو صوابعك العشره شمع بتعمل كل حاجه كويس بقدر الامكان مش الحاجات التوكسيك وكلنا فينا عيوب ودا طبيعي ..بتحبو من قلبك بجد بتقدرة بتعزو شايلوو علي دماغك مش مقصر معاه في حاجه بتلاقي رد فعل

Donut_69132 🇪🇬

منذ شهرين

شعور غاضب جدًا

تتخطوا إزاى إنه كان فى مشاعر بينى و بين نفسى لحد كان كويس و مواصفات الى عوزاها واتعاملت معاه كام مرة بحكم الدراسة و بعدها كان مبين إهتمام فى أكتر وقت كنت محتاجة الاهتمام فيه وفى الآخر ارتبط مش رسمى و طلعت مش حاجة أصلا انا حاسة بالرفض و انى قليلة غصبا عنى والله و عايزة ابطل تفكير فيه مش عارفة خالص.

Coffee_75196 🇪🇬

منذ شهرين

شعور عاطفي

حاسس اني لسه بحبها رغم كل الي عملته و اهلها عملوه مش عارف ابطل تفكير مع ان احنا خلاص تقريبا لا سبيل للعوده اعمل ايه و معطل حياتي مش عارف بجد تعبت الكلام ده عدى عليه سنتين و للاسف متعلق لسه بيها و هي عايشه حياتها عادي تماما

Mushroom_74773 🇪🇬

منذ شهرين

شعور مرهق

Strawberry_74772 🇪🇬 غلطانه قدمتي في راجل متساق انا شوفت قصتك بتكرر بظروف بنت اصغر و كان الرجولة ما عادت موجودة ولا لإحساس 15 الف و ما حس و ما قدر حبك يولع ام الحب قدام التفاهم و المادة ما كل راجل اتقدم له بيطلع وفي انتي استعوضي ربنا و هيجيلك الي هيعوضك عن كل دا لان غالبا ربنا اختبر معدنك و انتي غالبا حد اصيل ما مهتم تردي عليا انا ما عايز اكلمك بس اعرفي انك حد قلبه نضيف بجد و انا عيل أصغر اه بس تجربتك دي شفتها كتير

عرض الكل 4 نصيحة

عبّر عن شعورك بشكل مجهول

انا حبيت واحد حب عميق جدا كنت فترة سيئة في حياتي وكنت محتاجة حد اتسند عليه كنت خايفة من الزواج عشان كل العلاقات الفاشلة اللي شوفتها حواليا حتى ابويا وامي مش استثناء وهو دخل طمني وحسسنني انه الدنيا بخير دكتور بيطري وبيدرس الماني عشان يسافر ويحسن حياته حسيت انه احنا شبه بعض اقنعني انه لازم نتجوز ونخلف وانه هيعوضني عن كل حاجة وانه استحالة هيسمح لحد ياخدني منه طلب مني نتجوز في الشقة الإيجار اللي انا قاعدة فيها مع والدتي بس انا كنت حابة اطلع من المكان دا فماوافقتش لكن بعد فترة اتكلمنا تاني وقولتله ماشي بس اهلك هيوافقوا يدولك ١٥٠ الف نجدد حاجات في الشقة ومهر وشبكة ونصرف لحد ما تخلص الكورس ونسافر قالي اه هقنعهم شوفي انتي اهلك هيوافقوا ولا لا كلمت ماما واختي ووافقوا على مضض بس من ناحيته بقى اهله ما وافقوش فبدأ أهلى يقولولي يعني اتنازلتي عن حاجات كثير وكمان اهله اللي مش عاجبهوم وهو مش بيشتغل ليه ويصرف هو وخناقات كثير في الوقت دا كان بدا يكون بينا مشاكل لانه كل شوية يبعتلي شات ما بينه وبين واحدة كان يعرفها بتكلمه ويقولي أصلها بعتت كثير وفي الاخر كل واحدة تكتبله هو انا لازم اتذللك عشان توافق تكلمني فقال تصعب عليه فيرد عشان بيتحرج ونتخانق واقوله بطل ترد عليهم انت مش حابب انه يكون في حياتي رجالة وبتغير انا كمان كدا ونتفق ويرجع تاني ونتخانق واعدي حتى اتعرف على واحدة من جروب الكورس واتعلقت بيه لدرجة انها حكيته انه واحد بيهددها بصور مركبهالها وبرده اتخانقنا انه ليه وصلتها انها تحكيلك حاجة زي كدا بالإضافة انه عدى عيد ميلادي وماجاليش ولا جاب هدية ولا تورتة ولا حتى شوفته عشان مش قادر ينزل او مش معاه فلوس وكل ما ااقوله عايزة اشوفك يقولي ربنا يسهل اصل مش معايا فلوس طلب مني ١٥٠٠٠ عشان بقى عليه ديون وأهله بيعايروه وانا عشان مش عايزة عينه تتكسر قدام حد سحبت المبلغ كاش من كارت المشتريات بتاعي واديتهومله نزل طبعا عليا فوايد كثير لدرجة انه بقى عليا ٢٣٠٠٠ مش عارفة اسدهم بحاول اجي على نفسي في الأكل والشرب واللبس والاحتياجات عشان اسدد في الاخر اضطريت اكسر شهادة عشان اسدد والا كنت هتداين بأكثر من كدا لما سددهوملي مادريتش ااقوله انهم زادوا اخدتهم زي ما هما كنت بحاول ازقه انه يشتغل هو مش مبسوط في البيت مع اهله ومش معاه فلوس فالشغل الحاجة الوحيدة اللي هتنقذه ولما في الاخر جاتله فرصة في مزرعة دواجن رفضها فأنا غضبت وقولتله يعني يوم ما تجيلك فرصة تنقذك وتقدر تيجي تتقدملي تضيعها وبعدت لقيت نفسي مش قادرة عايزة اعرف هو عمل كدا ليه رجعت كلمته وسألته قالي دي بيديرها جيش واخاف ما يرضوش يمشوني ومش هتكتب عقد فحقوقي هتضيع المهم رجعنا تاني نتكلم شوية وجاتله وظيفة تانية برده ما راحش المرة دي عشان كان تعبان ومطبق وعايز ينام وانه عمره ما اشتغل سلامة وصحة مهنية المهم انه اتخانقنا تاني وبرده بعدها باسبوعين ثلاثة ما قدرتش على نفسي ورجعت كلمته لقيته متغير في تعامله سألت قال الديون والحوجة بتخلي الراجل ينطفى انا كنت قولتله انه والدتي باعت أرض ونصيبي منها ٤٠٠ الف بس هتعملهم شهادة هبة في البنك المهم انه طلبهم مني عشان عايز يهاجر كندا قولتله هما مش معايا وهي هتعملهم هبة حتى مش هتدهوملي وبقيت من جوايا يعني المبلغ الكبير الوحيد اللي هيبقى موجود في حياتي هتاخده انا ماحدش بيصرف عليا فهصرف منين لو الأسعار زادت ومعاملته بقيت وحشة لا بيسأل عليا لو رحت لدكتور مابقاش يقولي اي كلمه حلوة عايزة اشوف بيرفض او يسوف وفي الاخر قالي انا ما بقيتش قادر انتي بتضغطيني وكذا مرة كنت ببقى عايز امشي وانتي بتتمسكي بيا وانتي مش فاهمة اي حاجة انا ماعنديش مستقبل فسيبنا بعض شهرين ونصف بعاني كل يوم بعيط ومش قادرة انسى اي حاجة المهم اني داخلة على عملية فتح بطن عشان اشيل ورمين لفيين في الرحم وفكيت شهادة ب ٥٠ الف عشان العملية ومصاريف الدكتور والأدوية رجع يكلمني عشان عايزة مساعدة ماقدرتش أرفض قالي انه كل الناس باعوه وانه مالقاش غيري اللي عارف انه عمرى ما هرفض ااقف جمبه لو بأيدي كان طالب ١٠٠ الف بس انا مش باقي معايا بعد مصاريف الدكاترة غير ٤٠ الف فقولتله هبعتهوملك وقال هيردهم شهر ٢ فيه وظيفة شكلها هتظبط وهيحوش ويرجعهوملي قالي انه مش بيحاول يرجع حاجة قديمة بس في نفس الوقت فضل كل يوم يكلمني ويسترجع مواقف حصلت بينا ويقولي فاكرة لما حصل كذا المهم انه من يومين قالي انا فيه حاجة كاتمة على صدرى وبعد ما وافقتي تساعديني ولقيت منك طيبة ما شوفتهاش من ااقرب الناس ليا مش قادر اخبي عليكي طلع الاستاذ كان قاعد في يوم متضايق فقال لنفسه انا يمكن ما فلحتش عشان مفيش مسئولية في حياتي فقرر يدخل جروب زواج وطلب من الادمن تنزله بوست وكذب فيه وقال انه بيشتغل المهم انه الست جابتله عروسة وكلم مامتها وبعدين كلم باباها وراح قرأ فاتحة وكلم والدته تديله فلوس عشان الشبكة بس مارضيتش وبيقولي انا مش مبسوط كلم البنت نفسها على الماسنجر وعمل اكونت فيك عشان يختبرها وبيقولي البنت مش عاجباني وانا مش مبسوط وحاسس اني بخدعهم انا اتعصبت وزعقت وعيطت واتخانقت وفي الاخر بيقولي خلاص هكلمهم اقفل الموضوع انا بحبك انتي تاني يوم قالي انا بعتت لباباها انه انا اسف ومش هينفع اكمل وبعت لماما تها والبنت نفسها وهي عمليتله بلوك والنهارده ماماتها كلمته هزقته انك بتلعب ببنات الناس وكلام كثير وبرده راجع يقولي انا بحبك انتي وانا في الموضوع دا ما كنتش مبسوط بس انا دخلت فيه عشان احرجت انا بعد ما طلبت من الادمن تنزلي منشور قولتلها تمسحه بس هي احرجتني والست احرجتني فا اضطريت اكلم باباها ودلوقتي خايف من خالها لأحسن يعمله حاجة كل ما افتكر كم الهدايا اللي جيبتهاله ولامه واخته كل ما افتكر اني كنت هتنازل عن المهر وأننا اتفقنا انه بعد ما يديني المهر والشبكة هياخدهم ونصرف منهم لحد ما يسافر كل ما افتكر اني وافقت اتجوز في شقة ابويا الإيجار وانه كان مجرد هيدفع ١٢٠ جنيه كل شهر كل ما افتكر اني قعدت طول الشهرين ونصف اللي احنا بعاد فيهم اعيط واتمنى انه يرجع ومابقبلش صداقات من اي رجل اخر او ارد على اي حد عشان صايناه وهو رايح يقرأ فاتحة كل ما بتقهر غلطتي اني بجد يسرتها على حد بزيادة كان مفروض تبقى حاجة كويسة في الزمن دا بس شكل الصفات الكويسة اللي بتبقى في حد بتبقى سيئة في الزمن دا 
انا بقيت محبطة وتعيسة اكثر ماكنت ومش عارفة اطلع من كل دا ازاى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_74660 🇪🇬

منذ شهرين

شعور مكسور القلب

عبّر عن شعورك بشكل مجهول

نفسي احكي القصة بتاعتي انا وحبيبتي من بدايتها لحد اخرها بس مفيش وقت اقول كل حاجه بس انا حبيتها وهي كمان وحصل بينا تجاوزات كتير بس موصلش للزنا الحمدلله المهم المشاكل ما بينا كترت وانا حسيت انها بتخوني وحسيت انها كان ليها ماضي بسبب الجرأة اللي كانت فيها ... انا ف الاول عمري ما فكرت اني اعمل معاها حاجه خالص بس هي اللي جرتني لكده بعد اول شهر حسيت انها بتلمحلي أنها عايزاني وانا للاسف مشيت معاها لاني كنت عملت كده كتير وكنت فاهم أنها عاوزه ده مني المهم بعد فتره انا كنت خلاص مقرر أنها هتكون فتره ف حياتي وهطيرها المهم اني حبيتها بجد وكنت بفكر ازاي نكون مع بعض بعدها هي حسيتها اتغيرت مش بتهتم بيا وحاجات كتير انا دلوقتي حاسس اني قللت من نفسي ف العلاقه دي وهي العلاقه خلصت خلاص بس انا نفسي اكلمها تاني حاولت بس هي خلاص مش راضيه تكمل بسبب مشكله حصلت ما بينا وقولت حاجه صايقتها يعني انا دلوقتي عاوز اعرف انساها ازاي واتعايش مع الوضع ازاي ... بقيت كل شويه ادخل الاكونت بتاعها علي الفيس والانستا اشوف الفولورز عندها بقوا كام وكده انا متضايق اوي من نفسي وحاسس اني عكيت في حياتي كتير نفسي اتغير اوي وحرفيا دلوقتي انا مش عاوز اي حاجه غير أنها تكون معايه وف نفس الوقت مش هينفع أنها تكون مراتي خلاص انا حتي بكتب دلوقتي مش عارف الناس اللي هتقرأ ده هتقدر تفهم انا حاسس بأيه ولا لا انا حاسس اني متحبتش حاسس اني كنت ناوي الخير وهي لا حاسس انها سابتني متلككه حاسس اني نزلت من قيمه نفسي ما أنها ف الاول هي كانت هتموت وتكلمني مبقتش عارف حاجه وحاسس اني اول مره اكلم واحده ف حياتي مع اني كلمت كتير وكنت وحش اوي 
بس قولت خلاص انا مش هعمل كده تاني لحد ما ظهرت هي ف حياتي وغيرت كل حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_73649 🇪🇬

منذ شهرين

شعور مكسور القلب

انا بفكر ف الانتحار كل ثانيه ! اتخطبت ٤ سنين عن حب بس اهلي مكانوش مقتنعين بيه وبما انهم ناس ساديه كانو طول الوقت يطلبو اني انفصل عنه ومشاكلنا انا وهو كترت وانفصلنا فعلاً بس انا مش قادره اتخطي عدت سنه وانا لسه قلبي بيتقطع ورافضه فكره انه خلاص كدا ! انا حوالت ارجع بس هو رفض* ودخلت فاربع علاقات بعدها

Watermelon_63493 🇪🇬 كلنا اتكسرنا نفس الكسرة هى فترة وحشة هتعيشيها هتعيشيها وهتعدى هتعدى وفيه ايام حلوة هاتيجى وايام صعبة تانى دة الطبيعي اجمدى كدة التقيل جاى لسة

عرض الكل 7 نصيحة

Mango_72230 🇪🇬

منذ 3 أشهر

شعور فخور

موضوع:

هى ايه الخطوات اللى خلتكم اقوى بعد ما كنتوا ضايعيين

اول ما فسخت خطوبتي كنت حرفيا زي المجنونه ثقتي الي رمتها عليه ومكنش يستحقها كسر بقلبي و طلع اسراري وغيره خلاني في 7 ارض و الله مخرجت من المحنه دي غير برحمه من ربنا ربنا قواني وعرفت اخطائي في حين ان اهلي موقفوش جنبي

Avocado_63956 🇪🇬 الحمد لله رب العالمين أكثري من الاستغفار والتسبيح بحمد الله والصلاه على النبي صلى الله عليه وسلم 🌹🌹🌹

عرض الكل 2 نصيحة

Chilli_70262 🇪🇬

منذ 3 أشهر

شعور مكسور القلب

دايما عندى نواقص زى انى اكون الرغبه الاولى لاى واحده اعرفها حتى مرتبطت مره ، حسيت بعد مسابتنى انها اصلا مكنتش بتحبنى قبلها مكنتش عاطفى زى دلوقتى ، انا بقالى ٣ سنيين مش عارف انساها ونفسى انساها ، صعبانه عليا نفسى اوى ، شكراااا .

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع