ألم وهمي

Tomato_68069 🇪🇬

منذ أسبوعين

شعور متوتر

عبّر عن شعورك بشكل مجهول

السلام عليكم انا موضوعي بإختصار اني جاتلي إصابه في الجيم عاديه خالص من تمرين الديليفت بس انا اهملتها ومسألتش في الموضوع والكلام ده داخل في تلت سنين ولكن كنت لما بقفل كتير او امشي كتير كان ضهري بيجوعني ويشد عليا وكنت بريح شويه وادهن ضهري والدنيا عاديه بالنسبالي ومكنتش مركز مع الموضوع لحد من اول شهر 10 كده ف كنت بكلم صديق ليا هو دكتور علاج طبيعي ف هو نصحني اني اكشف وبالفعل كشفت وعملت أشعه ولحد ما الاشعه طلعت كنت قلقان جدا وطلع فيه غضروف وانحناء بسيط لا يذكر في العمود الفقري لحد هنا عادي كنت مصدوم شويه بس المهم بقا بدأ الوسواس عندي روحت عملت علاج طبيعي جلستين مرتحتش ف غيرت المكان وروحت مكان تاني وكان كويس جدا بس مازال اني حاسس اني تعبان بس كنت بعمل تمارين كل يوم بإستمرار ومنتظم عل العلاج  بس فيه وسواس في دماغي ان كمان ضهري تاعبني وركبتي الشمال كمان  لحد إمبارح بعد 4 جلسات روحت عيدت الكشف والدكتور قالي انا ملاحظ ان فيه تحسن حلو جدا في ضهرك وركبتك مفيهاش اي حاجه بفضل الله بس برغم كده وانا فعلا الحمدلله اتحسنت حاسس اني مش مبسوط وان فيه حاجه بتقولي انك لسه تعبان ودي اصلا مش طبيعتي اني اكون مركز اوي كده مع نفسي او اني يكون عندي وسواس في دماغي في الشغل ده والموضوع ده عاملي إستريس جامد لدرجه اني عاوز علطول ابحث عن الموضوع واعمل تمارين وحاسس اني اعمل جلسات علاج طبيعي تاني بالرغم ان الغضروف يعتبر خلاص الدنيا بقت احسن إلي ان الافكار بتطاردني ومش عارف اهدي واسيطر علي افكاري واهدي كده اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_52552 🇪🇬

ندمانة علي ماضيي ومش عارفة ابطل ادمان العلاقات

أنا نفسي ابطل ادمان العلاقات أنا مبقتش اعرف اقعد غير وهو في راجل في حياتي وبجد أنا دلوقتي ندمانة جدا علي اني دخلت حد ميستهلنيش حياتي وعلي اني عملت حاجات غلط في التليفون معاهم بجد ندمانة ومش عارفه اعمل ايه علشان انسي وعلشان مدخلش حد حياتي بالطريقة دي وفي سوال في دماغي علطول لما اجي اتخطب اقولو علي ماضية ولا لا بجد عايزة حد يجاوبني وياريت تكون بنت علشان الرجالة هنا كلهم غرضهم حاجه وحده بس وانا مش عايزها ...عرض المزيد

0 الدعم

17 نصيحة

Waffle_57478 🇪🇬

بقالي أيام بفقد الشغف فجأة ومش عارفة ليه

انا ملاحظة ان بيحصلي حاجه غريبة وهي اني احيانا أقرر في دماغي اني هنزل مشوار معين وابقي متحمسه جدا بعدها بدقيقتين ارجع اقول لا انا مش هتحرك من البيت مش قادرة فقدت الشغف برغم اني كنت هنزل اغير جو ممكن بعدها تاني اندم اني منزلتش وفضل كدا بقالي كذا يوم بعمل الحركه دي ومش عارفه ليه مش باخد الخطوة وليه فجأه بفقد الشغف تيتنينيظjdjdjdjskskskfjjejdjsjfhfhudjxjnsjekejbrnrjdjfjjf dhdhjdjejrjrjudjfjrhhdnzjsksjrhdudjdjdj djjrjdjdjdjjdjdjjfhdhdjdoslslsjehfbbdjd ...عرض المزيد

1 الدعم

15 نصيحة

Cherry_73351 🇪🇬

مش لاقية نقطة تواصل مع بابايا وقلبي تعبان

مش لاقية نقطة تواصل واحدة مع بابايا كبرت وأنا متعودة ع غربته مع إنى نفسى نبقى زى ما بشوف أى بنوتة وباباها اللى هو ضهرها الأول مش عارفة هو مبيحبنيش ولا هو طبعه كدا بس نفسيتى تعبانة لما بكلمه وكلى لهفة وهو مش حاسة بنفس الشعور دا ...عرض المزيد

2 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع