إرضاء الآخرين

Marshmallow_85228 🇪🇬

منذ شهر واحد

شعور وحيد

من فترة حد محترم قال جُملة لسه عايشة في دماغي لحد دلوقتي: “حافظ على أعصابك وصحتك النفسية.” يعني مش لازم تفتح كل رسالة، ولا ترد على كل مكالمة، ولا تدخل في كل نقاش. مش أي حد لازم يبقى قريب منك، ومش كل موقف محتاج رد فعل. اتعلم تقول “لأ” من غير ما تبرر، ومتجيش على نفسك علشان ترضي غيرك. “مفيش حاجة في ال

Chocolate_82247 🇩🇿

منذ شهر واحد

شعور آسف

كنت طفلة تحاول أن ترضي الجميع تبتسم وهي تنكسر تتظاهر بالقوة وهي تخاف أن تترك حتى كبرت وأنا لا أعرف كيف أطلب الحب دون أن أشعر بالذنب. أتعلم اليوم أن الطفلة التي في داخلي لا تحتاج أحدًا يكملها، بل حضنا داخليا يصدقها ويقول لها: "أنت كافية كما أنت".

Pumpkin_78339 🇪🇬

منذ شهر واحد

شعور وحيد

كنت دائما ابحث عما يعجبها هذا هو ذوقها إذن هذا ما ساشتريه هذا الطعام المفضل لديها إذن هذا ما سوف نأكله حتي في المثلجات أصبحت اشتري الشيكولاته وانا لا احب الا الفانيليا بالفراولة وهكذا محاولات إرضاء بحب وبدون إرغام لكن هكذا انا أو هكذا كنت حتي نسيت طعامي المفضل اصلا وأصبحت اجد صعوبة في تذكر ما كنت

Peanut_76092 🇪🇬

منذ شهرين

شعور متوتر

بضايق من اي كلمة تكاد تكون بسيطة او بهزار فيها إساءة لي وبغضب فعلاً بس داخلياً مبقدرش اقول اني متضايقة ولا غضبانة، مبعرفش ابين قد ايه ان هزارهم بيضايقني، بتضايق لما يترفضلي طلب بسيط وانا بنفذ طلب اي حد حتى لو كان صعب عليا عشان بس افرحهم وارضيهم، طب انا مستاهلش اتراضى؟

Tomato_76090 🇪🇬

منذ شهرين

شعور ضاق ذرعًا

أنا ليه دايمًا عندي شعور بالذنب، الإحساس ده ملازمني في كل موقف تقريبًا. مهما حاولت أعمل حاجات ترضي اللي حواليَّ وأخليهم مبسوطين، في الآخر بلاقي نفسي متشافة وحشة أو إن اللي عملته اتقلب ضدي. وده بيخليني أسأل نفسي: هو أنا فعلاً غلطانة؟ ولا أنا مظلومة؟ كمان حاسة إني معنديش شخصية قوية بسبب حبي للناس. يعن

Sugar_33326 🇪🇬 الناس لما تلاقي انك رقم واحد في حياتك هيعاملوك حلو وهيخافوا علي زعلك فكر في نفسك انت عايز اي وقت مهما بيقولولك لا انت عايز ده فعلا ولا لا وبلاش فكرت اصل هيزعل والكلام ده المهم انك انت تكون مبسوط بس بردو متكونش مغرور فاهم يعني كل حاجه ليها نسبه😂🤍

عرض الكل 3 نصيحة

Marshmallow_69067 🇪🇬

منذ 4 أشهر

شعور مرتبك

عبّر عن شعورك بشكل مجهول

عندي مشكلة من وانا طفلة انى لو معلمتش الحاجة صح اوي بس يتأنيب ضمير ويفضل الشعور دا ياكل فيا ودماغي متبطلش تأنيب فيا وانى كان ممكن اعمل الحاجة احسن بفضل افكر لحد مافعلا اعصابي بتتعب.. مهما كانت الحاجة صغيرة اوي كبيرة بفضل الوم نفسي مثلا لو عملت اكلة وانا بعملها ديما حلو وجيت عملتها مرة مش اوي نفسيتي بتتعب لانى بحس انى كدا زعلت الناس الى بياكلوا ..لو حد طلب منى حاجة مش بعرف اقول لا مهما اتطلب منى باجي ع نفسي عشان محرجش الى قدامي لانى لو عملت عكس كدا شعور التأنيب مش هيسبني .. انا من النوم الى مش بحب الخصام فممكن اصالح الى قدامى حتى لو انا الى غلطانة بقول في عقلى انا بعمل كدا لله بس الموضوع بيزيد والى مثلا عمل حاجة تضايقك مرة بيكررها عادى .. انا اتعودت او اتعلمت وانا صغيرة مبدأ الثواب بس اتعلمته غلط اتعلمت ان ميكونش عندى شعور استحقاق لأى شئ انا فاكرة وانا صغيرة كان بابا جايبلى مصاصة وقابل واحد صاحبة كان معاه بنتة كانت قدي في السن وشبطت في المصاصة بتاعتي بابا اخدها منى ودهالها لما كبرن شوية لما كان اختى تاخد حاجة من حاجتى بابا كان بيقولى اختك الصغيرة خدى الاجر قومي روقي خدي الاخر في حين انه مكانش بيقول كدا لاختى الصغيرة فاتعودت ادي كل حاجاتى للناس ممكن ادي حد حاجتى الجديدة الى مستخدمتهاش.. بحب كمان لمااجيب لحد حاجة بحب اجيبله احسن حاجة حتى لو حد دا مش بيعمل كدا معايا في المقابل بحس انه لا عيب لو هعمل او اجيب حاجة لما تكون احسن حاجة مش عشان هو يستاهل او لا عشان انا اكون مرتاحة ..مبعرفش اقول لا لأى طلب ولو حصل مرة بعد مااكون تعبت بقعد الوم نفسي وضميري يتعب .. انا طول الوقت حاسة انى غلطانة حاسة انى محتاجة ارضي الى حوليا عشان احس انى مرتاحة .. انا مدركة ان دا مش طبيعي بس انا اتعودت على كدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_22117 🇪🇬

منذ 7 أشهر

شعور مستنزف

حاسه بالندم علي كل مره اخترت فيها الانعزال كل مره قلت فيها اني كويسه وانا مش كويسه وكل مره جيت علنفسي علشان ارضي الحوليا انا تعبت من نفسي انا بضيع نفسي بنفسي عندي وعي بكل حاجه و مدركه الصح بس مش عارفه علي ارض الواقع كل حاجه بتكون للاسوء مش العكس

Mango_22117 🇪🇬

منذ 8 أشهر

شعور مستنزف

مش فاهمه انا بعمل اي بس حاسه بمر بصراع نفسي لما تكون مش عارف ازاي ترضي نفسك وسط مانت عايز ترضي صحابك و ترضي ضميرك جلد ذات بقا و مثاليه فالتفكير و توهان بكل خطوه باخدها تفكير كتير و كل حاجه ملغبطه

Mango_15394 🇶🇦

منذ سنة واحدة

شعور Okay 😐

لحظه ادراك : انك بتحاول ترضي اهلك وما تزعل حدا من اصحابك وتهتم بدراستك وماتبين انك ضعيف وتحاول بقدر المستطاع تكون اجتماعي وتكون شخص كويس يضحك مع الكل ، كل ده في نفس الفتره اللي انت قاعد تعاني فيها وكاره وجودك ولكن مجبور رغم كل الصراعات اللي قاعد تعيشها والحروب النفسيه تبين انك تمام ، ياخي شي يوجع كو

Strawberry_11513 🇪🇬

منذ سنة واحدة

شعور Not great 😕

ديما بهتم برأي الناس فيا يعني أنا ممكن البس لبس مش عجبني بس البسو علشان عاجب الناس

Apple_4469

منذ سنة واحدة

شعور Okay 😐

⁨‏جملة "لأ علشان ميزعلوش" ضيعت مني كتير

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع