احراج في الشغل

Carrot_86430 🇪🇬

منذ شهر واحد

شعور متوتر

Orange_85755 🇪🇬 مفيش مشكلة تروح لثيرابيست حتي يفهمك ايه الدنيا

عرض الكل 5 نصيحة

عبّر عن شعورك بشكل مجهول

مساء الخير
الحقيقة مش عارف ابدا مشكلتي منين ولكني شخص بتوتر جدا خصوصا من الناس وان اي حد يعلي صوته عليا او حتي يكلمني بلهجة صوت عاديه ولكن ميكونش عندي رد
انا ٢٥ سنه وابتديت شغلي في كول سنتر وكنت بتوتر جدا اول ما العميل يرد علي المكالمة وصوتي يبدا يتهز وافكاري تتشتت ، كان جمبي شخص بيساعد الناس الجديدة في المكلمات وانا كنت من الناس الجديدة ولما عميل سالني علي حاجة مكنتش اعرف اجابتها كنت بحطه علي الانتظار عشان اسال الشخص الي جمبي ، سالت الشخص الي جمبي وقالي اقول ايه بظبط ولكن لسبب ما الي قالهولي مقولتهوش للعميل بشكل صح والشخص الي بيساعدني ده علي صوته في المكان كله واتنرفز وانا كنت في قمة الاحراج وكانت دموعي علي خدي مسكتها بالعافية ، ليه اسمح لشخص مهما كان انه يعلي صوته عليا حتي لو كان مين .
بعدها اشتغلت في مجال البنوك وكنت في الفروع ولكن برده كان عندي موضوع التوتر شديد اما حد يسالني علي حاجة برد بسرعه وبرد بحاجات ممكن متكونش ليها علاقه بالسؤال ولو شخص او عميل زعق وعلي صوته ممكن اتوتر وصوتي يبان انه متوتر
سبت مجال البنوك وحاليا شغال مع اخويا في بيزنس خاص بينا وهو فاهم اكتر مني بكتير وانا لسه بتعلم ولما اجي اسال علي حاجة يحصل نفس الكلام يعلي صوته وده بيخليني مش عارف اوصل لنقطه تفاهم ومبقتش طايق اني اشتغل معاه وهو بيكون في معظم الحالات كلامه صح ولكن بيوصل كلامه عن طريق الزعيق والصوت العالي
انا حاسس ان عندي رهاب اجتماعي ولكن مش عارف الحل اني اروح لثيرابيست ولا ايه ؟ 
اسف علي الاطاله واتمني لو حد عنده حلول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع