اختفاء بعد التقابل

Kiwi_89489 🇪🇬

منذ 4 أيام

شعور مرتبك

عبّر عن شعورك بشكل مجهول

حوار طويل اوي
في الأول انا كنت مرتبطة بشخص اونلاين بس الشخص ده كان بيأذيني نفسيا وانا كنت متعلقة بوجوده معايا عشان في الفترة دي مكانش عندي صحاب و كان في مشاكل مع اهلي كتير و كنت ساعتها طفلة يعتبر، و مكنتش بحب الشخص ده بس مكنتش عارفة اني مش بحبه الا بعد سنه و نص من علاقتنا المهم سيبته في الاخر و خلاص ما بفكر فيه ولا في دماغي، في نص علاقتي بالشخص ده اتعرفت ع واحد كان صاحب الاكس ده و بيننا صحاب مشتركين و انا الشخص ده كنت معجبة بتفكيره و كدا بس مكنتش بحبه الا كصحاب، بعد ما سيبت الاكس روحت كلمت الشخص ده و قربنا من بعض اكتر لغاية ما بقينا يعتبر بيستيز مكانش بيفوت يوم الا لما نكلم بعض و هو كان شبهي موت في كل حاجه حرفيا و كنا بنفهم بعض و هو بيفهمني من غير ما اتكلم جه في مره قاللي انه بيحبني من ساعة ما كنت مع الاكس بس مكانش حابب يخرب و اعترف بحاجات كتير انا قولتله وانا كنت معجبة بيك بردو و كدا و ارتبطنا بعدها بيومين قاللي خلينا صحاب احسن قولتله تمام اه زعلت بس كنت عايزه ابان دايما في عينه اني واحدة ناضجه و متفهمة عشان هو بيحب كدا و كان دايما بيمدح فيا الجانب ده ، كملنا كصحاب و كل يوم علاقتنا بتطور اكتر و يعتبر كنا بنضحك ع بعض و بنحب بعض بس حاطين نفسنا تحت مسمى الصداقة و جه العيد قررنا نتقابل اول مره و اتقابلنا مقعدناش كتير اه بس نظراته كانت غريبة كانت شوية اشوف في عينه حب و شوية اشوف كأنه بيفكر في حاجه قديمة المهم بعد ما اتقابلنا فضلنا بعدها نتكلم طبيعي زي ما كنا بنتكلم يومين و بعدها بدأ يختفي كتير و يتحجج حجج عبيطة و انا بعمل نفسي مصدقة و متفهمة عشان بردو ابان واحدة ناضجة في عينه كان يجي يرد عليا بعد شهر و يقولي وحشتيني و انتي ع بالي و حرفيا يادوب ارد الاقيه اختفي و يرد عليا بعدها بشهر و هكذا لغاية ما متكلمناش بقالنا 6 شهور بس في ال6 شهور دول كان دايما بيدخل البروفايل بتاعي و يعملي لايكات ع الاستوريز او الريبوستات و كدا بس انه يجي يكلمني لا، اللي خلاني انا مجيش اكلمه تاني اني لقيت انه عامل لايكات و ريبوستات بتبين انه بيفكر في الاكس بتاعته لأنها سابته و أثرت فيه بس هو كان مفهمني انها صفحة و اتقفلت و مبقاش يفكر فيها، انا حاولت اتأقلم مع الوضع و حاولت اتقبل ده ساعات بتقبل كدا و ساعات فجأة بنهار هو يعتبر اول حد حبيته في حياتي و ما قادرة احب غيره و دايما ع بالي، بعد لما اتقابلنا و مبقاش نتكلم الا مرة في الشهر زي ما قولت في الفترة دي انا عرفت واحد من ع النت و هو كان عارف بالحوار ده كله لأني كنت بحكيله و مع ذلك و هو عارف اني بحب واحد هو حبني و قولتله كذا مره انه لازم يوقف حبه ليا لأنه هيتأذي هو مش راضي و بيحاول دايما يحببني فيه و انا بس اتعلقت بوجوده و حبيت حبه ليا بس هو مش بيفهمني زي الشخص التاني ده و مش حاسه براحة معاه و ساعات بحس اني عايزه اديله فرصة بس مش عارفة
اعمل ايه🙂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_86509 🇪🇬

عامله جروب على Zangi بنتكلم وبنفضفض فيه

عامله جروب على zangi بنتكلم وبنفضفض فيه اللي حابب يدخل يبعتلي🙏🏻♥️♥️ اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

1 الدعم

26 نصيحة

Blueberry_69403 🇪🇬

بكيت امبارح كتير فشخ وبقيت أحسن النهارده

عيطت امبيارح كتير فشخ بدون سبب واضح بس حاسه النهارده أن بقيت احسن بكتير وعندي طاقه للحياه 25٪ بحلهم و عايزه ارجع اتعلم لغه واطور من نفسي ديما بقول أن لو مفيش حد بيحبني هحب نفسي بس الغريب كنت بعيط امبيارح عشان أن عمري متحبيت ولا هتحب وان أنا انسانه غير مهمه في حياه اي حد مع ان أنا ميلزمنيش ابقي مهمه عند حد بجد لي بحس الشئ وعاكسوا مش عارفه بس تمام الحمدلله أن نزلت دموع اعتقد كنت الدموع دي من قلبي بجد قلبي هو اللي بعتها ل عيني يمكن كان هيغرق بيها قلبي شطور انقذ نفسوا من الغرق بدموعي ف خرجها وبقا كويس ...عرض المزيد

0 الدعم

17 نصيحة

Pear_51536 🇪🇬

شخصيتي غريبة ومش مفهومة... محتاجة لايف كوتش حقيقي

هو انا شخصيتي غربيه أو مش مفهومه محتاجه حد يقولي انا ايه حد يكون لايف كوتش حقيقي مش اي حد ااااااااااااااااااااااااااااااااااااااإااااااتتتت٧عععععععععععععععععععععععععععععتتتتتععععععتتتتتتتتتتتتتتتتتت ...عرض المزيد

3 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع