استغلال التجار

Avocado_74575 🇪🇬

منذ 4 أشهر

شعور مليء بالحياة

موضوع:

حلمك بالنسبة للدراسة

🇪🇬❤️ الرقابة العامة للأمن الوطني المصري.. حارس كرامة الشعب يا مصريين، كلنا عارفين إن البلد دي مليانة خير، بس برضه مليانة مشاكل بتتعبنا كل يوم: 🔻 موظف حكومي يعطّلك بالساعات عشان تمضي ورقة صغيرة. 🔻 ظابط أو عسكري يكلمك بطريقة مهينة وكأنك مش بني آدم. 🔻 سوق مليان جشع، أسعار بتتضاعف من غير رقابة، و

عبّر عن شعورك بشكل مجهول

🇪🇬❤️ الرقابة العامة للأمن الوطني المصري.. حارس كرامة الشعب

يا مصريين،
كلنا عارفين إن البلد دي مليانة خير، بس برضه مليانة مشاكل بتتعبنا كل يوم:

🔻 موظف حكومي يعطّلك بالساعات عشان تمضي ورقة صغيرة.
🔻 ظابط أو عسكري يكلمك بطريقة مهينة وكأنك مش بني آدم.
🔻 سوق مليان جشع، أسعار بتتضاعف من غير رقابة، وتاجر يستغل المواطن الغلبان.
🔻 شاب واقف في لجنة مرور يتظلم ومافيش حد يسمعه.
🔻 أم بسيطة تروح مصلحة تدور على حقها، ترجع مكسورة بسبب معاملة سيئة.

المشاكل دي مش صغيرة.. دي اللي بتكسر نفسية المواطن كل يوم. المواطن اللي بيشيل البلد على كتفه هو اللي بيدفع التمن.

ومن هنا جات الفكرة:
“الرقابة العامة للأمن الوطني المصري” ✨
جهاز أعلى من الداخلية والدفاع، بيتبع رئاسة الجمهورية مباشرة، هدفه حماية المواطن وكرامته قبل أي حاجة.

إزاي الجهاز ده هيحل مشاكلنا؟

✅ في المواصلات والشارع:
لو حد من الأمن أو أي مسؤول تعامل معاك بقلة احترام، فيه عين بتراقب ومحاسبة حقيقية مهما كان منصبه.

✅ في الأسواق:
مفتشين سريين يراقبوا الأسعار والتجار، وأي جشع أو استغلال يتردع فورًا.

✅ في المصالح الحكومية:
أي موظف يذل الناس أو يعطل مصالحهم هيتحاسب، وهيتعامل مع المواطن زي ما يتعامل مع مسؤول كبير.

✅ في التعامل مع الشرطة:
الضابط أو العسكري اللي يتجاوز في حق المواطن، يتحاسب فورًا.. عشان الشرطة ترجع تكون "خدمة الشعب" زي ما مكتوب على العربيات.

✅ في حياة المواطن اليومية:
الجهاز مش بيراقب الشعب.. لا، هو بيحميه. بيخلي كل مواطن يحس إن ليه قيمة وكرامة محفوظة، وإنه مش وحده.

---

يا شعب مصر،
إحنا مش بنخترع وهم.. إحنا بنبني فكرة ممكن تغير شكل البلد. جهاز يضمن إن القانون مش بس ورق، لكن كرامة محفوظة لكل مصري.

الكرامة مش رفاهية.. الكرامة حق.
واللي بيحافظ على كرامة شعبه، بيحافظ على وطنه.

💬 شاركونا:
هل شايفين إن جهاز زي ده هو الحل للمشاكل اللي بنعاني منها؟
وهل تحلموا تعيشوا في بلد مفيهاش مهانة ولا ظلم؟

---
هو ده حلمي بس خارج الدراسة ده الحلم الي اتمني يوصل للدولة و يتنفذ اكون فرد منه

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع