اعتذار للأم

Coffee_52562 🇪🇬

منذ 3 أسابيع

شعور لا مبالٍ

شعور خنقه زفت انا مكنتش كدا خالص انا عمري ما عيطت بقيت كل ما اقعد مع نفسي واتنهد هحححححح واديني بقا اهلي مكانوش يستاهلوا مني دا والله العظيم كل ما اقول خلاص اتخطيت اكتشف انه لا كان زماني بذاكر اناتومي قاعد بذاكر محاسبه ف مكان مش بتاعي خالص ااه هتاقلم وهتفوق كمان انا عارف اني اقدر بس مش دا مكانش المف

Coffee_52562 🇪🇬

منذ شهر واحد

شعور لا مبالٍ

عبّر عن شعورك بشكل مجهول

تعرف اني كان سهل افرح اهلي وكان سهل اطلعهم من اللي هما فيه ااه والله كان سهل وكنت اقدر بس انا ظلمت نفسي قبل ما اظلم اهلي بوظت الدنيا بسبب اني اهملت وهنا اقصد الثانويه كانت هتفرق كتير جدا جدا لو كنت فعلا ذاكرت بس اهو نصيب امي متفرحش دلوقتي 
اي نعم دخلت تجاره بعد ما كنت الدكتور راح والدكتور جه بس صدقيني يا امي وربي لاعوضك انتي وابويا عن كل حاجه وعن كل اللي عشتوه وربي لاعوضكم 
وتاني قسما بالله لاخلي العيله كلها تغير منك اني ابنك يا امي 
واسف ليكي على اللي شوفتيه ف حياتك انتي وابويا سواء بسببي او قبل ما اجي بس والله لاعوضكم 
حلفت كتير وبعيد ف نفس النقطه كتير بس انا لو عندي هدف واحد من حياتي بعد الجنه هيبقا اني اريحك يا ابويا انت وامي واخواتي 
هطلعك العمره اللي نفسك فيها انت وامي هعملكوا كل حاجه كان نفسكم تعملوها بس اللي منعكم الظروف (اللي هي احنا)
وانتوا يخواتي هدوقكوا كل حاجه سمعتوا عنها وكان نفسكم تدوقوها وهوديكو كل الاماكن اللي تخطر على بالكم 
وانتي يامي هخليكي تدخلي اي محل ومتبصيش على سعر الحاجه قبل ما تجيبيها 
اااااااه على الخنقه بجد 
اي نعم ف تجاره وجبت مجموع كسفكم بس صدقوني وربي لهتشوفوا شخص تاني تماما هو متاخر بس بجد هعوضكم 
الله المستعان

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع