الأذى

Mango_22117 🇪🇬

منذ أسبوع واحد

شعور مستنزف

توهااان اول مره اكون شريره كدا عملت تصرفات وحشه ومش عايزه اتأسف عليها لان انا اتأذيت و ده رد فعلي مش مبرر فاهمه بس دا قراري وخلاص معرفش المرادي كنت عنيفه و جريئه بس خرجت شويه من زعلي qqqqqqqqq

Potato_89353 🇪🇬

منذ أسبوع واحد

شعور وحيد

يعني بخاف من الوحده بخاف احب اتساب فعشان كدا مبعرفش اكمل ف اي علاقه لان موضوع معيا زي تروما كدا من بنت حبتها ف غصب عني بلاقي نفسي ببعد لوحدي من اي علاقه بخشها عشان متإذيش من الطرف التاني ومش عارف ايه الحل

Coffee_89112 🇪🇬

منذ أسبوع واحد

شعور ضائع

ازاي بتقدروا توجهوا أو تبعدوا عن مشكله عندكوا بتأثر عليكوا بدرجه كبيره وانتوا عارفين انكوا لما تعملوا المشكله دي بعدها هتكونوا ف اسوء حالتك النفسيه بس مش قادرين تبعدوا لأنها لانكوا مرتاحين فيها وعلي طبيعتكوا وقتها ومهما قاومتوا أو دعيتوا فيها مش بتبعدوا عنها اكتر من يومين

Peanut_74196 🇪🇬

منذ أسبوع واحد

شعور محبط

سورة يوسف هتعلمك 3 حاجات عمرك ما هتنساهم 1️⃣ الأذى مش بييجي غير من الناس اللي كنت بتقول “دول آخر ناس يؤذوني” ﴿ أَرْسِلْهُ مَعَنَا غَدًا يَرْتَعْ وَيَلْعَبْ وَإِنَّا لَهُ لَحَافِظُونَ ﴾ 2️⃣ مفيش حد هيحبّك ويخاف عليك زي أبوك… مهما الدنيا لفّت، مفيش زي ضهر الأب ﴿ وَتَوَلّىٰ عَنْهُمْ وَقَالَ يَا أَسَ

Chocolate_76947 🇪🇬

منذ أسبوعين

شعور خجول

من طرق علاج آلام الماضي خاصة من تسبب لك بالأذى ومضت السنون على ذلك أن تكتب رسالة توجهها للشخص الذي آذاك، وسواء كان هذا الشخص متعمدًا أو كان مضطربًا أو كان جاهلًا غير واعي اكتب رسالة توجهها لهؤلاء، عبّر فيها عن مشاعرك، عبر فيها عما فعلوه بك، وماهي الآثار التي تركوها عليك، وكيف جعلوك تشعر تجاه نفسك، أ

Biscuit_88943 🇪🇬 ربنا يسامحهم ..عشان مبحبش ادعي علي حد

عرض الكل 3 نصيحة

Apple_67132 🇪🇬

منذ أسبوعين

شعور متعب

لو كنت مصاحبه واحدة وحكيتلها علي سر عندي وهي راحت واذتني بيه اعمل اي معاها اي هل اسيبها لربنا ولا اردلها الاذي مع العلم اني معايا ال يأذيها جامد عارفة ان المعظم هيقولي سبيها وربنا هياخد حقك بس انا حاليا م قادرة استحمل كميه الصدمة والقهرة ال انا فيها لاني عمري ما وثقت ف حد ودي اول حد اثق فيها واه

Lemon_52708 🇪🇬

منذ أسبوعين

شعور ضائع

من الحاجات اللي هطلع بيها من السنة دي، إني مش لازم أبقى إنسان مُراعي وجميل مع كل الناس. وإنّي مقبلش على نفسي أذى وأتحمّل وأعدّي من البداية، عشان ده غالبًا مش هيتقابل بمراعاة لمشاعري ولا احترام، بالعكس… هيبقى ضغط أكتر وأذى أكبر، تحت مسمّى إني اتحمّلت وقبلت. وفي الآخر أبقى “وحش” لما أقرر أرفض بعد سنة

Banana_81315 🇪🇬 احيانا بتقدم تنازل للاشخاص الي بتحبهم بس يكونوا يستاهلوا ده .. فيه ناس بتستغل ده و تدوس علينا .. لازم نحط حدود و نتعامل بشكل مناسب علي حسب الشخص و نديله قيمته الحقيقية

عرض الكل 1 نصيحة

Banana_51073 🇪🇬

منذ 3 أسابيع

شعور لا مبالٍ

أنا عايز افهم حاجه ، يعني دلوقتي لما أنا اكون بكلم واحده وهي بتحب الي يأذيها بأي طريقه المفروض ان انا اتعامل معاها ازاي ، أنا لما بفكر اعمل زي ما بتحب هي بتحس أنها ولا حاجه وانها مش مهمه بالنسبالي وفي نفس الوقت لما اقرر اني اتعامل معاها كويس وابقي طيب وحنين معاها واهتم بيها عشان احسسها بقيمتها واعو

Avocado_77684 🇪🇬

منذ شهر واحد

شعور آسف

في الحقيقة إن الرحلة فردية تمامًا.. اختياراتك هتدفع ثمنها إنت مش حد تاني.. المسؤول عن تعافيك من الأذى هو إنت مش الشخص المؤذي.. أحلامك مش بالضرورة يتحمس لها حد غيرك.. محدش هيتحاسب مكانك، ولا حد هيشيل شيلتك، ولا هيهمه أمرك، ولا هيرمي نفسه في النار بدالك.. عشان كده ماتشغلش نفسك بالناس، ولا يكسرك خذ

Coconut_86655 🇪🇬

منذ شهر واحد

شعور مكسور القلب

بيكون نفسي اعرف اوى اللى اذانى ده حس ب ايه او اى حد فارقنى وبعد عنى هل هو مرتاح مثلا ف بعدى طيب ايه كان الغلط فيا .. انا بقدم كل حاجه حلوه وده حتى بشهادة اللى بعدوا عنى .. هو لازم اكون وحشه أو مؤذيه مثلا علشان حياتى تبقى احسن .. اوقات برجع لناس جرحتنى أو بطول معاهم ف الكلام علشان بس اسمع منهم كلمه ت

Mango_22117 🇪🇬

منذ شهرين

شعور مستنزف

كل ما اميز صاحبه انددم و مبقتش بثق تعبت والله ربنا يبعدنا عن اذي النفسي علشان انا مصدومه و مبقتش عارفه بعمل ايه فحياتي و ليه يا جماعه ناس بقت صعبه كدا . اييه اخرتها طيب انا تعبت من كل حاجه حاسه نفسي اموت يمكن ارتاح

Coconut_56919 🇪🇬

منذ شهرين

شعور مزعوج

في حاجه كدا جت في بالي دلوقتي عايز اتكلم عنها من فتره كدا كان انتشر علي السوشيل ميدا تريند التوبه كان ناس عشات حياتها كلها في كل ذنوب الدنيا و منهم مدمنين وتلاقي جسمهم مقطع من كتر الخناقات انا معنديش مشكله في توبتهم اسال الله ان يثبتهم علي التوبه بس انا عندي مشكله في حاجه واحده بس هي أن اكيد قبل ا

Sugar_49832 🇪🇬

منذ 3 أشهر

شعور مستنزف

عبّر عن شعورك بشكل مجهول

السلام عليكم 
صباح الخير .... مش هتكلم عن معاملة اهلى ليا او لاخواتى المرة دى بس حقيقى كل حاجة عملوها معايا مش عايزة اعيدها مع ولادى فى يوم وبدعى ربنا انه يقدرني على دة.. لان الانسان ابن بيئته .. وانا اتربيت في بيئة لا تفقه شيء عن الاحتياج المعنوى والنفسى ولا شايفين ان ليه اهمية اساسا 
ديما عندى نية انى اول ما اقدر اشيل مسؤولية نفسى هتواصل مع دكتور و احاول اعالج ای اثر للبيئة دى جوايا
معنديش مانع طول فترة طفولة ومراهقة ولادى ان كل خطوة تكون باستشارة اخصائي نفسي للطفل
مش هقصر ابداا فى انى اظهر حبى وامومتي ليهم
هركز معاهم، مع زعلهم مع الكلام اللى ورا الكلام والكلام اللى مش بيتقال هعلمهم حدودهم کویس وازای محدش یکسرها مهما كانت درجة قربه حتى لو الحد دة انا... رااحة ولادي فوق اي حاجة في الدنيا، مش هجبرهم على حاجة طول ما هي مش حرام ولا هتضرهم او تضر حد...عايزاهم يحسوا اننا بيئة الراحة والامان بالنسبالهم 
عمري ما هجبرهم على مكان مش مرتاحين فيه.. ولا ناس مش بيرتاحوا لتعاملهم.... راحة ولادى رقم وااحد طول ما الحاجة اللى عايزينها دي في ايدي اني اعملها ..... لو فضلنا نقول على كل حاجة لا عشان تريح راسنا وخلاص معدش هيفرق معاهم الحدود وهيكسروها اكيد غصب عنهم .
هعلمهم يطوروا من نفسهم وشخصيتهم ويحبوها، هقوى ثقتهم في نفسهم عشان مفيش حاجة في الدنيا تهزهم
اى حاجة فيها جهاد بالءات دينى هشجعهم عليها بس مش بحاجات مادية.. عشان يتعودوا ان الهدف تقوية الرابط بينهم وبين ربنا في قلوبهم مش حاجة تانية .
هحاول يكون التشجيع بان كلنا نساعد بعد وهعودهم لما حد يكسل عن طاعة الثاني يشجعه عشان الهدف الاول اننا نمسك ايد بعض للجنة ، هحبب بنتي في الزي الشرعي من صغرها ومش هكتمها في البيت وهعلمها تهتم بنفسها وانوثتها صح.
هعود ولادى يحبوا بعض ويهتموا ببعض لعل ربنا يجعل فيهم خير اخوة وسند .
عمرى ما هضرب ولا هعلى صوتى هعاقب ايوة بس هعاقب بحب وقبل ای عقاب لازم يعرفوا هما بيتعاقبوا ليه وافهمهم ان العقاب دة عمره ما يقل من حبى ليهم ابدا
في وسط كل عقاب هقف جنبهم لحد ما يعدوه العقاب تقویم مش تفريغ غضب ....انا مش بنتقم من ولادى 
عمری ما هعاقبهم باني اخد منهم حاجة انا او باباهم جبناها كهدية او ليها ذكرى حلوة في قلوبهم... الذكرى الحلوة هتفضل حلوة
قواعد البيت هتكون واضحة ومكتوبة واى حاجة جديدة زي التاب او التليفون هيكون ليها حدود في استعمالها ووقتها وعقاب واضح لو الحدود دی اتكسرت....
عشان يكون هو اللى بيختار الفعل وهو عارف رد الفعل عليه
مش هقول كلمة وارجع فيها ابدا حتى لو هزار عشان ميتعودوش على كدة منى ولا يتعودوا على الكذب .... وكلمتين يبقى ليها تقديرها منهم .
مش كل يوم وكل ساعة هفكرهم انا قد ايه بضحى واحرم نفسى عشانهم ... التضحية لما نذكرها بتدخل عقولهم وقلوبهم من باب ذل ومعايرة مش حب ابدااا....
 اي لحظة توتر او ضغط في البيت هحضنهم واطمنهم انها هتعدى.. مش هتجاهل خوفهم وقلقهم اللى هيتحفر في عقولهم لو ملحقتوش واحتويته صح.
عمري ما هكلمهم عن تقصير باباهم فى اى واجب من واجباته ولا غلطه في حقى انا كامهم.. حتى لو اضطريت اني اصلح وراه.....
لازم الاب يكون القدوة والمثال الصح لولاده واى فكرة من دول هتتكسر عنه هتشوه نظرتهم ليه.....
هعود باباهم يحضنهم كل ما يدخل البيت عشان يتعودوا ان وجوده ليه تاثير مش زی عدمه....
اخر حاجة للامانة مش عارفة هعملها ازااى ...انى اساعدهم يكونوا صحبة صالحة ليهم تعينهم على الدنيا وتكون الضمير الحى ليهم فى الوقت اللى مقدرش اتواجظ فده انا او باباهم...
وحاجات تااانية كتيير اوووى لاازم اغيرها 
انااا فاهمة كويس اووى ان كل دة مش سهل وان الواحد غصب عنه بيبقى نسخة من اهله انا عارفة ان الطريق طويييل ومستعدة اوااجهه من بدااية اللحظة اللى هختار فيها اب لولادى لحد اللحظة اللى اعلمهم واساعدهم يختاروا فيها شريك لحياتهم ....حتى لو اضطريت انى مشتغلش او انى اتابع دكتور انا هعمل كدة ....مش عايزة حد يقولى كل دة كلام ارجوكم ..دة الامل الوحيد اللى متشعلقة فيه عشان يبقى فيه هدف ولا صغير لحياتى ....عايزة بس ولادى يحبونى بجد ،نزرتهم لياا متكنش نظرتى لامى حتى لو فى اوقات بسيطة .
مش عارفة انااا كتبت كل دة ازااى بس لو حد وصل هنا اتمتى يدعيلى بس والله .  
ادعولي ربنا يقدرني واكون انا البداية اللى توقف دايرة الاذي دى  في تربية بتتورث بدون وعي ولا تفاهم
وربنا يهدينا ويقدرنا ويهدى امهاتنا واباءنا جميعا اللهم امين 🌿🤍❤️‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_73577 🇪🇬

منذ 3 أشهر

شعور خجول

الخميس 18/9/2025 محاولة جديدة وفرص كتير النهاردة النهاردة قمت تعبان من النوم جدا ونفسيا مكنتش قادر اخرج من اوضتي لكن ببساطه قررت لا قوم يعم هنخيب ولا اي كفاية اللي خسرناه وقد كان قمت عملت ابسط الأشياء وقررت أروح شغلي مجرد إحساسي بس وانا داخل الشغل وصباح الفل يا هندسة اللي بسمعها ردت روحي تاني وخلت

عبّر عن شعورك بشكل مجهول

الخميس 18/9/2025

محاولة جديدة وفرص كتير النهاردة

النهاردة قمت تعبان من النوم جدا ونفسيا مكنتش قادر اخرج من اوضتي لكن ببساطه قررت لا قوم يعم هنخيب ولا اي كفاية اللي خسرناه
وقد كان قمت عملت ابسط الأشياء وقررت أروح شغلي
مجرد إحساسي بس وانا داخل الشغل وصباح الفل يا هندسة اللي بسمعها ردت روحي تاني وخلتني افكر ان مهما كان ومهما حصل ف انا شخص قيمتي كبيرة جدا جدا علي اني اسمح لشوية ناس عددهم لا يتعدا ال20 فرد يغيروا حياتي للأسوأ

الدرس المستفاد إيه بقي ؟
انك تعامل الناس بلغة الأرقام هترتاح اوي
اللي زعلك وقالك كلمه تضايقك بص عليه كدا؟ شوف هو ايه؟
المثال التطبيقي إني وقفت 5 دقايق فكرت ف اللي زعلوني واثروا عليا الفترة اللي فاتت
بنت واهلها 7 افراد ومعاهم معارفهم نقول كلهم 50 فرد كحد اقصي؟ طيب اسكندريه فيها كام شخص غيرهم؟ 5.6 مليون إنسان
هما شقة ف عمارة 18 دور كل دور 3 شقق؟ مين دول بقي ف قيمة البشر والاماكن والكون عشان اسمحلهم يقرروا مسار حياتي الجاي مهما كانوا او عملوا او ايا كان الاذي اللي سببوه ليا

ببساطه يا صديقي العزيز الوزن اللي بنديه للبشر هو اللي بيزعلنا منهم او بيأثر علينا بالسلب

لكن الحقيقة لو بصيت للناس بلغة الأرقام دي هتلاقي انهم اتفه مما تتخيل

صباح الفل والجمال يا شباب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_75602 🇪🇬

منذ 3 أشهر

شعور مكسور القلب

بجد مجاهده النفس صعبه اوى خصوصا فى الزمن دا الغلط بقا سهل خايفه اوى أدى فرصه لحد ويأذينى وفى نفس الوقت محتاجه لحد يملى حياتى سعات بنحتاج كلمه حلوه اهتمام حب اللهم اغنينى بحلالك عن حرامك يارب .

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع