البحث عن الاستقرار

Marshmallow_52511 🇪🇬

منذ يوم واحد

شعور وحيد

عبّر عن شعورك بشكل مجهول

انا بقالي ثلاث سنين على الابليكيشن ده 
معرفش ايه المدة دي كلها و محدش يعرف اني بستخدمه 
حاسه اني كبرت و كبر معايا الابليكيشن لانه مكنش كده نهائي اول ما نزل بس حاسه اني اتغيرت و تفكيري اتغير معاه 
بصراحه يمكن ده المكان الوحيد الي بطلع فيه شخصيتي الثانية الي محدش يعرفها و عمري ما طلعتها
و اغلب بوستاتي كانت عن حاجه واحده بس و بتكلم فيها بكذا طريقة 
حسيت اني عندي احتياج عاطفي و معرفش ايه سببه مع اني اهلي كويسين و انا مش بدور على الجزء الحنين بره لاني مش محتاجاه و عارفه انه كله لعب عيال 
بس انا لازلت عندي نفس الاحتياج نفسي احس بالاستقرار و الامان نفسي احس اني جمبي ضهري و سندي الي بجد الي هو الراجل بتاعي انا بابا الحمد لله حد كويس و انا مش هشتكي من اي حد نهائي لانه مفيش اصلا حاجه اشتكي منها بس انا هقول احساسي الي موتني حرفيا 
انا نفسي اكبر و اتجوز 
هتسالوني ليه هقولكوا قبل فكرة اني احب و اتحب اكتشفت ان وجود الراجل في حياة اي ست مهم جدا و بالاخص لو هو حد عقلاني اوي لا و كمان فاهم دينه كويس 
فده شخص هيساعد شريكته على متاعب و اشغال الحياه لانهم هيكونوا بيكملو بعض وقتها 
و لما يحسوا ان الدنيا ضاقت بيهم ميلقوش ملجأ ليهم الا انهم لبعض فانا عايزه ده عايزه اتجوز عشان الاقي المسكن و المأمن و الهدوء لان اكيد مهما كانت حياتي لاسرتي هاديه اكيد هكون محتاجه لشريك حد بره دايرتي الي انا فتحت عيني عليها حد انا اخترته و هو اختارني لانه مراكش مع غيري و انا كذالك و حد اكون فهماه و هو فاهمني و بعد كده بيتولد الحب 
فانا عايزه اتجوز عشان كده 
و المشكله ان اغلب الي اطلقوا بعد فترة صغيرة من الجواز لا تتعدى العشر سنين بيكونوا متجوزين بنائا على الحب بس لا الحب ده ممكن يتشكل باي طريقة ثانية و دي بتكون كارثة لان في حب بالشكل و الفلوس و الجسم بس و ممكن كل ده يروح لكن الي مش بيروح التفاهم و الاحساس بالامان و الطمأنينة 
لذالك رغم صغر سني الا انا نفسي الاقي الشخص ده حاسه اني محتاجاه اوي انا مش بدور على الاحتواء انا دور على الشخص الي يكملني قبل ما يحتويني و بجد نفسي اكبر و اوصل للمرحله دي لاني حاسه بالوحدة اوي من جوا مبقاش يجذب انتباهي حد زي الاول و اعجب بيه لمجرد الشكل 
حاسه اني بدات انضج و ابص لامور ثانية تستحق اني ابصلها الاول 
عشان اختصر 
عارفين احساس ان انتوا مشتاقين لوجود شخص في حياتكوا بس انتوا متعرفوش مين او مش محددين ايه هو 
عكس الانسان المعجب بس و بيموت انه مش عارف يتعامل مع الي معجب بيه بس محدد مين هو 
اهو ده اهون بكتير من الي محتاج شخص هو مش عارف يلاقيه 
بجد احساس صعب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_85889 🇪🇬

منذ شهرين

شعور ضائع

حاليا انا عامله زي ليلو نفسي في حد ميسبنيش ويمشي حد يبقي جمبي حد يحسسني انو بيحبني ومهما يحصل بنا ميزهقش مني لان انا شخصيه صعب انك تعاشرها او تحبها لان كل الي بيحبني بيزهق من تصرفاتي وبيبقي عاوز يسبني ويمشي ف انا نفسي ف حد يكون جمبي وميحسسنيش اني تقيله عليه كفايا انا بحس اني تقيله علي الي معايا

Candle_86095 🇪🇬 اتعالجي او روحي للدكتورة نفسية احسن لان انا كنت مرتبط بواحدة كانت كده بردة كانت مؤذية وفي الاخر سيبتها فا روحي لدكتورة احسن

عرض الكل 12 نصيحة

Watermelon_56661 🇪🇬

منذ 7 أشهر

شعور عاطفي

انا خايفة يقوتني القطر و متجوزج بسبب ان انا كنت عايزة برا مصر و أهلي ميعرفوش حد و احنا عيلة محافظة ف لو جبت انا حد هموت فيها و القرايب كلهم حالتهم بلبلا ك حالة مادية أو كفكر متخلفين و انا عايزة واحد يعيشني نفس بابا

Biscuit_52977 🇪🇬 ان شاءالله تلاقى ابن الحلال

عرض الكل 5 نصيحة

Chocolate_71988 🇪🇬

زهقانه أوي... حد عندو أفكار أعمل إيه؟

زهقانه اوي حد عندو افكار اعمل اي نننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننن ...عرض المزيد

0 الدعم

19 نصيحة

Ice Cream_89508 🇪🇬

أمي بتقولي امتى هتبقي بني آدمه وكل ده بسبب المواعين

يا ريت اللى يشوف البوست يقرأه كله ويرد عليا لانى محتاجه حد يسمعنى محتاجه دة جدا فضلا وليس امرا طالبه ثانويه عامه عادى صحيت عليا حصه المفروض اروحها الصبح كدة وبدون مقدمات الاقى امى قدامى بتقولى امتى هتبقي بنى ادمه انا لسع صاحيه وبلبس ومش فاهمه فيه ايه كررت السؤال كذا مرة وانا بقولها فيه ايه مش فاهمه لا لازم ارد عليها قولتلها مش هرد غير لما افهم سابتني ومشيت وكل دة فى الاخر بسبب المواعين اللى سبتهم امبارح ونمت لا انا اسمعها كلام زى السم واخليها تلبس علشان الحصه واقولها ما فيش درس واضربها واشتمها واسملها بدنها وحرفيا المواعين ما اخدوش منى ١٠ دقايق وهى مستمرة لى محاضرة الكلام اللى يوجع ومقارنات مع ناس انا المفروض ما اتقارنش بيها مش تقليل منهم بس لانه فعلا احنا مش شبه بعض ولا زى بعض كلام يوجع ويقهر حرفيا بدون مبالغه والمفروض انى اسمع واسكت وما اعيطش واصلا لو حبيت اعيط كش بعرف لأنها هى وبابا من زمان كدة اول ما اعمل حاجه غلط ونعيط يضربونى علشان ما اعيطش فبقيت ما بعرفش اعيط لوحدى لازم اتكلم عن اللى مدايقنى علشان اعيط واطلع اللى جوايا كل حاجه بعملها بتفسرها وتفهمها غلط عامله انى لما سألتها فيه ايه انى بستهبل عليها وبستغباها ابسط حاجه اصلا امبارح جعت فعملت ساندوتش سريع ليا لا انا كدة واحدة انانيه وجشعه وعملت كدة علشان ما اعملش اكل واخواتى ياكلوا معايا طب ليه ليه بجد ليه كل حاجه اعملها لازم افسر وابرر ليه عملت كدة وفى الاخر ما حدش بيصدقنى ليه لازم اسمع كلام وحش كل يوم بحجه التحفيز تحفيز ايه اللى بسم البدن ووجع القلب ليه كل همهم الناس وكلامهم وانا فى داهيه مش مهم كل ما تتكلم معايا أمور البيت وانتى مهمله وانتى مش عارف ايه واللى زيك متجوزين ومعاهم عيال ومعاهم وعاملين ووووووو انا مالى انا مالى باللى زفت واللى نيل ومافيش على لسانها غير انى دخلت ثانوى علشان اهرب من أمور البيت اللى انا اصلا شايلاها وبعملها انا طلعت ك بنت ربنا خلقني علشان انضف وامسح واكنس واغسل انا ربنا خلقني علشان كدة طب والمذاكرة لا لا مش مهم دى خليها بعدين اي مشكله بينها وبين بابا انا السبب وانا اللى بعمل مشاكل بينهم اكتر جمله بكرها من وانا عندى ٤ سنين بسمعها مصرة تحسسني بالقهر والعجز اكتر مشاعر بكرها جدا جدا مصرة تذلنى وتكسرنى بالفلوس إللى بتديهانى مصرة اول ما تتخانق معايا تبطلنى من الدروس والمدرسة وما تخلنيش انزل مصرة تخليني اكرها واكره البيت واكره نفسي مصرة توجعني وفى الاخر ما تكلمنيش بحجه ان انا اللى غلطانه وانا اللى المفروض اعتذر شئ محزن بجد بجد بقيت بسببها بعانى من تشنجات عصبيه ونوبات هلع ووجع فى العظام شعري بقي بيوقع بطريقه غبيه وشي باظ لا عارفه اذاكر ولا عارفه انتظم فى الصلاه ولى عارفه اركز قلبي بيوجعنى جدا بسبب انى مش عارفه اعيط أو انى بعيط بصوت مكتوم عنيا اوقات مش بشوف منها كويس نفسيتي فى الارض ...عرض المزيد

2 الدعم

14 نصيحة

Strawberry_77311 🇪🇬

موقف محرج فى المحل مش عارفة أروح تاني من الكسوف

جمااااعة حصل موقف مش عارفه هوريه وشي تاني ازاي ... انا كنت ف محل بشتري حاجات ولو المحل مقفول بلاقي وشي احمر فجأة المهم واحد من البياعين لقيته وقف وتنحلي شوية المهم انا بصيتله للحظة و دورت وشي تاني ولقيته كل شوية رايح جاي يبصلي وانا كنت عايزة الأرض تنشق وتبلعني معرفش هو كان ماله متنح ليه ومعرفش ازاي هروح المحل ده تاني من الكسوف 😂 ...عرض المزيد

0 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع