البحث عن حضن

Watermelon_65055 🇪🇬

منذ شهر واحد

شعور مستنزف

عبّر عن شعورك بشكل مجهول

الليالي بقت كلها شبه بعض
والأيام مجرد وجوه عابرة ما بلمسهاش وما تلمسنيش
بصحى كل يوم وأسأل نفسي ليه أصحى أصلاً؟!
إيه اللي لسه باقيلي هنا؟!
كل حاجة فقدت معناها ... الضحكات، الأصوات، حتى ذكرياتي بقت تقيلة عليا
أنا دلوقتي على حافة حاجة محدش يعرفها
على حافة الصمت التام
الانتحار ما بقاش فكرة وبس
بقى ظل ماشي جنبي في كل مكان
بسمع همسه كل ليلة بيقول: تعالي هنا الراحة ... هنا الصمت الأبدي
بكتب الكلام ده ومش عارفه حتى هاقراه بكرة ولا لأ
كل اللي أعرفه إني تعبت من التمثيل
تعبت من الابتسامات اللي بخبي بيها وجعي
تعبت من الكلام اللي بقولوا عشان أطمنهم وأنا من جوايا بصرخ
أنا لا شجاعه ولا جبانه ... أنا إنسانه خلص صبرها
وكل كلمة بكتبها دلوقتي محاولة أخيرة أقول فيها إني كنت هنا
إني حاولت ... إني قاومت
يمكن الكلمات دي تكون آخر صوت ليا
آخر أثر قبل ما أختفي
كنت أتمنى حد يعرف ... أي حد
إني كنت بصرخ في صمت طويل
إني ما كنتش شريره ولا عديمة إحساس
أنا بس كنت بدور على حضن ينقذني
على يد تمتد لي قبل ما أقع
لو الكلام ده وصل لحد
يعرف إني كنت بحارب كل يوم وأنا مبتسمه
كنت لابسه قناع القوة ودلوقتي القناع وقع
دي مش رسالة شفقة
دي رسالة وداع من روح العالم تعبها
ولو لسه في داخلي بقايا رجاء
فهو إن حد يفتكرني بخير
ويغفرلي ضعفي
ويعرف إني في يوم من الأيام حبيت الحياة
لكن الحياة ما ادتنيش فرصة أحبها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع