البيست

Coffee_86486 🇪🇬

منذ أسبوع واحد

شعور مكسور القلب

موضوع:

اكتر موقف من حد بتحبه خلي حبك ليه يتغير

البيست فريند بتاعتي بتدأت تعاملني ببرود مندون سبب، أنا شخص متفاهم جدًا و قلت لها أكتر من مره "لو في حاجة قوليلي على طول"، عشان مش عايزة أخسرها . بعت ليها " وحشتيني" و هي شافت الرسالة، نزلت إستوريز و مردتش عليا، و كإنها بتقولي "امم، ايوه شوفت إنك فاتحه ليا قلبك وأنا إخترت أسيبك لدماغك منغير سبب", و

عبّر عن شعورك بشكل مجهول

البيست فريند بتاعتي بتدأت تعاملني ببرود مندون سبب، أنا شخص متفاهم جدًا و قلت لها أكتر من مره "لو في حاجة قوليلي على طول"، عشان مش عايزة أخسرها .

بعت ليها " وحشتيني" و هي شافت الرسالة، نزلت إستوريز و مردتش عليا، و كإنها بتقولي "امم، ايوه شوفت إنك فاتحه ليا قلبك وأنا إخترت أسيبك لدماغك منغير سبب", وأنا كنت مصدومة لإنها مش أول غلطة تعملها، و مش أول مره تحسسني بعدم الأهميه أو كإني لوحدي في صداقتنا دي .

أنا دلوقتِ مبكلمهاش و بعاملها بسطحيه يعني " إزيك! عامله إيه؟ كويسه؟" ومش أكتر، هي حسّت بالسطحيه إلي مبينا، و بدأت تبعت ليا "وحشتيني، مش بتردي عليا ليه؟ " إتحججت بالمذاكرة و إن ٱمي مش هتسبني السنه دي و كدا،، لكن جوا قلبي أنا مبقتش عارفه أكلمها، مبقتش عارفه أحس معاها كإنها "البيست فريند" أو حتى مُجرد فريند .

أنا حاسه بالنفاق عشان مبقتش قادرة أحس معاها بالآمان، وهي حاسه إن في حاجة غلط، انا واجهتها كتير بوجعها ليا، وكل مره بتعتذر و تتأسف بس بتعمل نفس الغلط تاني غصب عنها لإن دي شخصيتها، وأنا مش عايزة أفضل أحسسها بالنقص أو بالضغط بإنها فعلًا مش فاهماني .

بقيت حاسه إني محبوسة في صداقة لسببين– إني بحبها كصحبتي المقربة و علشان مش عايزة أكسر أو أجرح مشاعرها، هي عندها فايميلي إشوز و أنا الوحيدة إلي فهمتها و حسستها بالآمان و إرتاحت ليا وبتحكي كل حاجة ليا،، الفترة الآخيرة بقت مبتحكيش حاجة ليا، معنديش مانع لكن بقيت حاسه إنها خلاص أخدت إلي كانت محتاجاه و خلاص ده وقت إنها تمشي  ..

على الرغم من إنها دايمًا بتقولي "انا منغيرك ولا حاجة، متسبنيش، إنتِ أعز صاحبة عندي، مبكلمش غيرك", وعلى الرغم من إني معاها مش شفقه عليها– لكن لإني فاهمه إحساس تكون متعلق بحد و الحد ده مش عنده القدرة يحبك زي ما بتحبه .

أنا إتحججت إني مش فاضية طول الإسبوع، و بقالنا إسبوعين مبنتكلمش خالص، هي بتبعت رسايل " وحشتيني، فينك؟ حرام كدا يابت تعالي!" و أنا مبردش  . خالص .

بشوف لكن مش برد و قافله السين عشان مجرحش مشاعرها وأبين لها إن في مشكلة مبينا و إني بشوف لكن مش برد وكدا  .

بقيت بهرب منها  .. يمكن عشان خايفه أقول كلام اندم عليه بعدين، ويمكن خايفه أعاتبها تاني و أنا عارفه إنه ملهوش لازمه خلاص، و يمكن عشان مبقتش طايقة أقعد معاها تاني، أنا مش عايزاها تبقى مُجرد فريند، هي البيست وده مكانها في قلبي– يا إما أنا الي متعلقة مش هي .

هي بتحكي كتير، أنا إلي بسمع وبس في صداقتنا، لما بحاول أحكي– هي بتحارب حرفيًا عشان تحاول تهتم بالحاجات إلي بتكلم فيها، وبحس بعدم الإهتمام فـبسكت، بس هي بتضايق لما بسكت عشان بتحس بالذنب إنها بتتكلم و أنا بسمع وبس، لكن هي مش عايزة تعرف حاجة عني من الأساس  .. ده مُجرد إحساس بالذنب عندها .

ٱمي بتقول إنتِ مكبرة الموضوع، هي متعرفش صداقتنا دي بالنسبة ليا قد إيه كبيرة .. بتقولي ركزي في دراستك وسيبك من التفاهات دي، وبحاول أسمع كلامها  .. لكن بجد لأ مش عارفه  ..

علاقتنا عبارة عن واحد عاقل و ذكي و فاهم جدًا، والتاني بجد –اسفه– غبي جدًا و سطحي في تفكيره و عايز ينهي المواضيع وخلاص،

فـ: انا بقيت الطبيبة النفسيه بتاعتها، وهي حرفيًا ماسكه فيا، و أنا معنديش مشكلة.. لكن الموضوع مُرهق، خصوصًا إني عايزة صديقة مش حد أعالجه... ده حتى الشخص ده مش عايز علاج أو يطور من نفسه أو حياته .

أنا فاهمه كل حاجة فيها، وفاهمه تفكيرها، و حافظاها، لكن هي مش فاهماني خالص و لا بتعرف، و كل ما تحاول تزهق،، بحس بحاجة غريبة .

انا تعبت، مش عارفه اتعامل معاها إزاي، ماما بتقولي خليها صديقة سطحيه– لكن قلبي مش قادر خصوصًا إنه شايل منها كتيير جدًا والتعامل معاها بالكبت ده بقى صعب .

هي محتاجاني وأنا محتاجة صديقة تحبني حتى لو أنا مش بتكلم كتير أو هاديه ساعات أو إنطوائية شوية   ... هي مش عارفه تديني ده .

الصراحه؟ فكرت أسيبها كتير عشان صداقتنا بقت تتعبني، و أنا أهم حاجة عندي سلامي النفسي في الحياه رغم صُغر سني،

هي أكبر مني بشهرين، رغم كدا أنا الأكبر منها عقلًا و تفكيرًا ووعيًا، بمراحل .. مش غرور والله، لكن دي الحقيقة لو بنعمل مقارنة مبينا .

أعمل إيه؟ انا بقيت متلخبطة، تعبت من تفكيري في الموضوع، صلّيت ودعيت وطلبت من الله إشارة، مين ممكن يبقى إشارتي إلي بدور عليها ؟

Strawberry_72541 🇪🇬

منذ شهر واحد

شعور مكسور القلب

النهاردة اتاكدت انا مليش صحاب فقدتهم ف اوقات متقاربه اووووي او هما ف الاصل مكنزش صحابي وانا اللي فكرت كده كنت اتمني يفضلو معايا وقت اكبر من كده بس للاسف مفضلوش حاليا كنت محتاجه حد معايا منهم لما دورت عليهم ملقتش كانو بيقولو ان البيست بتاعتهم بس اكتشفت ان فيه بيستات ليهم اصلا وانا مركونه علي الرف لما

Apple_34290 🇪🇬

منذ سنة واحدة

شعور مهتم

مساء الخير عايز اتكلم ف مشكله بسيطه انا دلوقت عندي بيست لينا 4 سنين وبنخرج وكده مهم هي ليها فتره كده بتلمحلي ع انن نرتبط وكده مع ان انا قايلها اني خارج من علاقه والنفسيه مش قابله ومرسيها ع كل حاجه بس هي بتلمح كتير ونا بصدها ف هي بتفهمً ف كلامها بقي يتغير ويقل مش هي الشخصيه الي كنت بتعامل معاها هي مم

Nutella_40137 🇪🇬

منذ سنة واحدة

شعور مكتئب

Orange_43723 🇪🇬 الدنيا مش هتوقف علي حد عادي دي سابتك وانتي مش غلطانه ف داهيه لكن سابتك وانتي غلطانه صلحي الغلط وشوفيها تقبلت دا تمام متقبلتش ف داهيه بردو ودوري علي غيرها🙂

عرض الكل 2 نصيحة

عبّر عن شعورك بشكل مجهول

انننا كان عندي بيست كنت بحبها اويييي بجد صحبتي دي كانت قاليلي سر كده بس يعني حصل حاجه خلتها تقول انا قولت السر دا لي الناس وانا مش قولت انا و قعد احلفلها انا مش عملت كده بس هي كانت مصدقه انا عملت كده وانا فعلا قعد بحفلها انا مش عملت كظه دا حته انا عيط علشان كنت مصدومه فيها بجد و فعد تقولي كلام يعني زي انا كنت فكركي غيرهم و كده يعني و علشان هي قالت كلام كده وحش يعني قولت ليها خلاص انتي شايفني كده و شايفه انا وحشه لي احنا بيستات ف سكت كده وقالت تمام بس احنا لسه صحاب بس مش بيستات و عرفت هي هتبقي بيست لي حد كده وهي قالتلي برضو طبعا كنت حاسه انا مش كويسه خالص بس في الاخر يعني مش بقي بيستات وانا برضو واحده صحبتي كانت عايزه نبقي بيستات طبعا افتكرت الموضوع بيستي دا بصراحه قولتلها لا خلينا صحاب احسن يعني بس قولت خليني اقول لي صحبتي دي هي كانت بيستي و صدمت هي قالتلي دا حاجه جامده و كانت فرحانه وكده يعني ف قولتلي انتي ازاي كده ازاي بتقوليلي كده واحنا كونا بيستات بس قالتلي كلام دا انا مش قادره انساه بجد قالت (لاكن انتي نهتيها علي الاخر يا....  مبقاش في حاجه اصلحها انتي كسرتيها كلها) وانا اصلا كنت رد فعل مش اكتر انا مش غلطانه 🙂💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_28759 🇪🇬

منذ سنة واحدة

شعور متوتر

Chocolate_28269 🇪🇬 انا شايفة أن قرارك صح لانك مش مجبرة انك تكملي في علاقة مش مريحة عشان ترضيها بس و أنها بتتكلم علي صحابها القادم بطريقة وحشة دي مصيبة اصلا و كان المفروض تبعدي من زمان اصلا لأن في ريد فلاجز كتير اوي وغير كدا انتي بعدتي بطريقة حلوة يعني مجرحتيهاش مثلا بس هي ممكن تكون اتعلقت بيكي ف اتضايقت بس انا لو كنت مكانك كنت هبعد عشان معنديش طاقة لكل ده و انا شايفة انكوا مش شبه بعض اصلا عشان تبقوا بستات و كدا

عرض الكل 12 نصيحة

عبّر عن شعورك بشكل مجهول

(دة كان الجزء الاول من مشكلتي وكتبته قبل كدة) عندي واحدة صاحبتي اعرفها بقالي سنة تقريبا .. هي لطيفة جدا زوقفت جمبي في مواقف كنت محتاجاها فيها ودي حاجة اشهدلها بيها .. بس بقيت مش بحس براحة في العلاقة او سلام نفسي .. ممكن لانها كانت بتتكلم عن صحبتها القديمة بطريقة وحشة معايا وقالتلي اسرارها فبفكر لو سبنا بعض هتتكلم عني وحش؟ وكمان اني دايما بحس اني متراقبة .. لازم كل خطوة اعملها بمبرر .. كل كلمة اقولها افكر فيها كتير .. دايما لازم لو خارجين مع باقي البنات اوجه ليها اهتمام اكبر ياما يبقى احنا متجاهيلنها وخصوصا انا لاني البيست بتاعتها .. وخصوصا انها دايما بتشوف نفسها ضحية وبتشوف نفسها صح .. وكمان بحس انها دايما بتتعمد تتكلم بطريقة طفولية وتخلي صوتها رفيع مع ان دي مش طبقة صوتها ودي حاجة بتخليني مش بحس انها على طبيعتها .. ودايما لو انا نشرت ريبوست او حاجة تقولي تقصدي اي هنا او تقصدي على مين ولازم ابرر .. ودايما لازم افضل اتكلم معاها كتيييييير حتى لو مش قادرة او وسط حصة مهمة ياما تتقمص وتبقى باردة وابقى انا وحشة وهي بردو الضحية .. انا فعلا نفسي اخلي العلاقة زمالة بس مش عارفة ازاي ياريت لو حد عنده حل يقولي

(انا نفذت نصيحة الاغلبية وبقيت اقلل احتكاك بيني وبينها واه ساعات بنتكلم وبنضحك في المدرسة لو فيه حدث كبير بس بردو لسة اقل من الاول بكتير .. هي لاحظت انني ببعد عنها وسالتني انت بقيتي تحبيني زي الاول ولا لا وفضلت تسال كتير عن الموضوع دة وانا جاوبتها اجابة مبهمة جدا .. هي لاحظتها بتحاول تبين انها بتقطع معايا اي حاجة توصلني بيها عشان تثبتلي ان هي عادي تقدر تبعد .. يعني مثلا بقت بتيجي المدرسة قليل وبقت بتروح الايام اللي انا هغيب فيها وبتحاول تغيب من الدروس وحتى الدرس اللي كنا بناخده في بيتي سابته تحت مسمى انها مبقتش تفهم من المستر مع انها كانت كل حصة بتشكر فيه بس انا قولتلها ولا يهمك واي سؤال تحتاجيه انا موجودة وبتاع .. انا فعلا مش عايزة اقطع معاها بس مش عايزاها البيست فريند بتاعتي .. يعني حاسة بمشاعر متلغبطة .. وبردو مش عايزة ارجع تاني حد يبوظلي سلامي النفسي زي ما هي بتعمل ..هي بردو مش انسانة وحشة او بشعة بس حاسة ان مش دي اللي اتمنى تبقى البيست فريند بتاعتي .. فضلت افكر في الموضوع قبل ما ابعد شوية بحوالي 3 شهور وشعوري مش بيتغير لدرجة اني احيانا لما بتخلي صوتها طفولي عشان تجذب الانتباه كنت بحس اني قرفانة مع اني فعلا بحبها .. مشكلتها بردو انها بتحاول دايما تخلي اللي قدامها يحس بالذنب وهي كانت قالتلي كدة قبل كدة .. قالتلي انا بعرف اخلي اللي قدامي يحس بالذنب بسهولة وكانت بتوريني مواقف مع صاحبتها القديمة بس بتقولي مبقتش بستخدم الطريقة دي اوي وانا متاكدة مليون في المية انها بتستخدمها معايا دلوقتي .. مشكلتي اني حافظاها لانها بتحاول تعمل معايا زي ما عملت مع غيري كتير .. جوايا فكرين .. فكر متضايق منها جدا وشايف اني لازم اسيبها خالص وانها بتحاول تحسسني بالذنب واني لازم ابقى الشخصية اللي هي عايزاها عشان تبقى مبسوطة وفكر تاني بيقول لا دة احنا قضينا اوقات حلوة اوي مع بعض وانتي وقفتي معاها في مواقف وهي كذلك خليها حتى زمالة او صداقة سطحية .. اسفة اوي لو طولت الرسالة بس لو حد عنده حل ويعرف يتناقش معايا عن المشاعر المتضاربة دي يقولي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_62326 🇪🇬

تعبت من العادة السرية وحاسه طاقتي خلصت

السلام عليكم من غير تجريح انا بنت م متجوزة و صغيره يعني 21 سنة بس مخطوبه مشكلتي اني للاسف في سن صغير كنت بمارس العادة السرية بعدين وقفتها بطلوع الروح حرفيا عملت حاجات كتير جدا ومجهود كبير جدا بس مكنتش وقفت نهائي يعني مره كل شهرين مره كل شهر بعدين الفتره دي بدأت يبقى في استرسال قوي في الأفكار اللي مش كويسه ورغبة ملحة و رجع الموضوع يحصل بشكل متكرر تاني ولما بكبت نفسي جدا بيحصل ونا نايمه أو اصحي من النوم و الفعل ده يحصل و ارجع انام تاني هو بيكون مش حاسه بنفسي خالص و بتكون رغبة ملحة جدا نفسي اتعافى وابقى كويسه زي البنات اللي في سني مبقتش قادره اتعايش ولا اتقبل نفسي وفكرت في الانتحار عملت كل حاجه ممكن تتعمل ولسه بيحصلي كده تعبت جدا و حاسه طاقتي خلصت ...عرض المزيد

3 الدعم

27 نصيحة

Mango_74726 🇪🇬

المود زفت وعايزة حاجة تبسطني

طيب بما ان المود ز.فت ولسا طالعة من محاضرة وخلصت محاضرات انهردا وعايزة اروح حتة او اعمل حاجة تبسطني اقترحو عليا حاجة لان المود سيء جدااااااا ملحوظة انا لوحدي ومش عايزة ارجع اوضتي وانعزل زي الصبح بوبويوبويتستستستيتيتييتينتؤ تيتيتيتيتبويتينتيتينيينينينينبنبنبنينينينينبنينبنتبقتبنن ...عرض المزيد

2 الدعم

20 نصيحة

Waffle_57478 🇪🇬

حياتي واقفه ومش عارفة ايه اللي يفرحني

حاسه اني مخنوقه متكتفه بحس مش عارفه اعمل حاجه اه بتعلم مع نفسي مجال بس مش كفايه حياتي ناقصها حياة مشكلتي اني مش عارفه ايه اللي بيفرحني انا لما حد بيسألني السؤال دا بعطل قدامه جدا ايه اكتر حاجه نفسي تحصل مش بلاقي اي حاجه في دماغي بجد مش عارفه ايه اللي لو حصل هيبقي سعيدة او ايه اصلا اللي بيخليني سعيدة ...معرفش هل البيئه اللي حواليا من العوامل اللي بتخليني احس بشعور وحش اكتر ولا ايه كل يوم بصحي علي كلام مش بتبسط لما بسمعه اول لما افتح عيني بجد ... مش بسمع كلمه حلوة كله ذم وتنظير ونصيحه مفيش اي كلام حلو برغم أنهم عارفين اني يحتاج دا جدا ممكن اكتر حاجه يتمناها اني اقابل حد احبه ويحبني بس انا رافضه الارتباط انا معرفش بجد حاسه حياتي واقفه انا بجد بقالي 3 ايام في السرير بدون مبالغه بقوم اعمل المهم في اليوم وكول اليوم بسكرول في السرير حياتي ملهاش معني مش عارفه اعمل حاجه ولا عارفه اضيف ليها ولا عارفه ابقي مبسوطة مع نفسي .... المشكله الأكبر اني متوقعه علي نفسي ومش عارفه اتصرف برغم اني مش عيلة صغيرة مثلا لا انا في سن المفروض تكون مرتبه نفسي ومظبطه حياتي اكتر من كدا ولو ظبطها فترة برجع اقع تاني ا........ ...عرض المزيد

0 الدعم

16 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع