الخيانة

Pineapple_61746 🇪🇬

منذ 7 ساعات

شعور شاعر بالملل

بقالي فتره كدا متاخدهه بس الحقيقي اني مش عارفه ف ايه مفيش عندي ثوابت بس مهمها كبرت برجع برضوا ل الحقيقه الطبيعيه و الاكيده أنا واحده مثلا عندي شويه عقده من الرجاله بخاف شكاكه بزياده فيهم او ف حد يدخل حياتي مع ذلك مبقتش ادخل حد ف حياتي بس ف الحقيقه اللي بحاول انكرها اقول عكسها اد ايه الراجل كلمه ر

Croissant_52708 🇪🇬

منذ يومين

شعور متوتر

قلت لزميلتي في الشغل إني بروح مقابلات شغل عشان أتقدملها، كنت صادق، كنت ناوي على خير، وكنت شايف فيها مستقبل. هي عملت نفسها فرحانة، وضحكت، لكن بعد كده راحت فتنت عليا للمدير. من ساعتها وأنا مش طايق أتكلم معاها، لأن عندي الحب يعني ثقة، والثقة دي لما تتكسر، بتسيب وراها وجع ما بيتصلحش بسهولة. كنت باني عل

عبّر عن شعورك بشكل مجهول

قلت لزميلتي في الشغل إني بروح مقابلات شغل عشان أتقدملها، كنت صادق، كنت ناوي على خير، وكنت شايف فيها مستقبل.
هي عملت نفسها فرحانة، وضحكت، لكن بعد كده راحت فتنت عليا للمدير.
من ساعتها وأنا مش طايق أتكلم معاها، لأن عندي الحب يعني ثقة، والثقة دي لما تتكسر، بتسيب وراها وجع ما بيتصلحش بسهولة.

كنت باني عليها أحلام ومستقبل، واكتشفت إني كنت غلطان… اخترت غلط، ووثقت غلط.
دلوقتي بقى عندي وسواس في التعامل مع الناس، والمدير كمان كافأها على الفتنة اللي قالتها.
واحد خريج تجارة إنجليزي، كل غلطته إنه حب بجد.
هي حتى ما خبتش، راحت تفتن على الأوفيس جيرل علشان كيس سكر!
طلعت اختيار غلط، وأنا بجد مش مسامح نفسي.
كنت بحارب الدنيا علشان أبقى كافي ليها، وفي الآخر اكتشفت إني كنت كتير أوي عليها.

بس خلاص، فهمت الدرس.
مش هستنى اعتذار، ولا اعتراف، ولا محاولة تصحيح من مصدر الأذى.
اللي أوجعك مش مسؤول يعالجك… التعافي ده شغلتك أنت.
هما أدّوا دورهم ووجعوك ومشيوا، ودورك دلوقتي إنك تقوم وتتعافى.
الـ closure بتاعك أنت، أنت وبس.

ونسيت أقولك، مش معنى إنك معاك الحق إنك مظلوم،
ولا معنى إنك مظلوم إنك ليك حق.
الحكاية كلها عن مين اللي يعرف يحكي روايته أحسن.
في النهاية، ممكن تكون أنت الجانب الطيب، بس الشرير ينتصر لأنه بيعرف يسرد حكايته.

والانتصار الحقيقي مش إنك تغيّر مبادئك،
لكن إنك تتعلم تحكي حكايتك، تحكيها بقوة، تحكيها بصدق.
الحق محتاج صوت، محتاج قصة، محتاجك تكون صانعه.

وفي الآخر…
في نوع من الزعل اسمه "أنا زعلت إنها جت منكم"
اللي هو وجع الصدمة مش من الموقف، بل من الأشخاص اللي كنت مستثنيهم من كل خوفك.
اللي خدت منهم القلم مش وجعك قوته، وجعك صاحب الإيد اللي ضربك.

يا خيبتك لما تبقى واثق إنك متهونش… وتهون. 💔
دنا زهقت من الحياه وعايز اخلص بقا ده يرضي ربنا !؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_58401 🇪🇬

منذ 4 أيام

شعور مرتبك

عبّر عن شعورك بشكل مجهول

محتاجه نصيحه مبدايا انا مبقاش عندي ثق ف اي حد نهائي و كنت دايما بحد حد و حدود بيني انا و اي مخلوق ف حياتي ف شخص معايا ف الشغل كنا بنقعد نهزر و نتكلم و كلو بيبقا حاضر ف هزرنا و بيحب الكل يتكلمو معانا و قلولنا انو تفكرنا قريب و كلام ده المهم الشخص ده بقينا نتكلم انا وهوا دايما و نحكي ل بعض كل حاجه حرفيا يعني هوا حكالي عن علاقاتو القديمه و كل حاجه ف حياتو احنا صحاب بس فهمين و كنا نشارك كل حاجه ف اليوم صور اكل كلو بحكي ل بعض بس اخر فاتره كان يصمم نتكلم فديو كول لان نقلنا ف فروع مختلفه و مبقناش نشوف بعض ف كان بيقول حجت انو عشان مبقناش نتقبل نشوف بعض فديو كول و انا الصراحه الحورات دي م بتيجي سكه معايا و لما حطيت حد ل الموضوع ده راح قالي انا بردو ف حاجات دي بتبقا حدودي و م حدودي و كل مسالو عن حاجه ف الشغل حصلت يقلي مخصكيش و م عارف اي بعدين رجع طبيعي تاني 
بس انا الي مقلقني ف الاول كان مصمم يتعمك ف حياتي زي انو صمم اضيفو ع الفيس و الانستا و الحاجات دي و حرفيا كدا هوا عارف كل حاجه عن حياتي و اهلي و لما ربت كل ده ب حوار المكالمه حسيت انو دماغو كانت جيبه يعملي مشكله ولا حاجه 
انا عرفه انو مفيش حاجه بعيده و سهل اوووي اي حد يبقا متصنع و ناس مبقاش ليها الامان انا عارف كل ده بس هوا فعلا فعلا بشهادت ناس من اهلو و ناس كلامها كلو عنو ب الخير بس انا مقلقه منو م عارفه لي و فنفس الوقت بقول يمكن انا اوفر و المشكله ان انهي تعامل م هينفع لان بحكم الشغل مجبرا اتعمل معا و كذا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_60251 🇪🇬

منذ 4 أيام

شعور مكسور القلب

أنا مش عارفة اتخطى شعور الخيانة ، عارفة ان ممكن حد يفهمني غلط ، مش عارفة..💔 بس انا كنت واخدة قرار كبير في حياتي هو إنى أبر زوجي من قبل ما أعرفه بس انا حسة اني مش كفاية دلوقتي فيه ناس قالت لي ممكن يكون عندك متلازمة المحتال اللي هو مهما عملت مش كفاية.. بس انا هعترف انا كلمت ولد قبل كدا مرتين تلاتة

عبّر عن شعورك بشكل مجهول

أنا مش عارفة اتخطى شعور الخيانة ، عارفة ان ممكن حد يفهمني غلط ، مش عارفة..💔

بس انا كنت واخدة قرار كبير في حياتي
هو إنى أبر زوجي من قبل ما أعرفه
بس انا حسة اني مش كفاية دلوقتي 
فيه ناس قالت لي ممكن يكون عندك متلازمة المحتال اللي هو مهما عملت مش كفاية..
بس انا هعترف انا كلمت ولد قبل كدا مرتين تلاتة ، فى حدود الأدب و كل حاجة
و أول ما ابتدى ياخد الكلام فى سكة انه بيحبني قطعت حرفيا معاه و مسحت كل حاجة تخصه 
رغم أنه كان عاوز يتقدم ... بس اللي هو سألت معلمتي و قالت لي لأ غلط و مكنش ينفع من الاول تردي عليه اصلا اهو كدا اتعلق ! 
و اللي هو حرفيا كنت برد فى حدود المشكلة اللي كاتباها
مش بحاول ابرر فعلتي ... انا مدركة لخطأي وتوبت و حرفيا بعوض كل اللي فات اني عاوزة اكثف علم شرعي اكتر
بس مش عارفة اتخطى احساس اني كدا خونت زوجي المستقبلي
اللي والله بدون مبالغة انا عاوزة أبره
و عمالة أخد فى دورات عشانه و اتعلم و اغير من نفسي عشان يرضى عني ،لأن المرأة اذا اطاعت زوجها دخلت الجنة 
و انا حقيقي منظومة الزواج ككل معظمة جدا عندي ومش بعمل حاجة فعلا عندي شك انها ممكن متعجبش زوجي فى المستقبل،  لا شغلانة ممكن تضايقه ولا سوشيال ميديا و لا انزل صوري ولا اي حاجة ممكن لما يجي يقولي عليها انا محبش كدا
بس احساس اني خاينة ليه رغم اني والله ما حبيت حد ولا اتعلقت بحد و لا سامحة لنفسي اصلا
عشان كل حاجة تبقى لزوجي 
رغم كدا مش عارفة اتخطى الشعور
و بقى عندي رعب ان ربنا هيعاقبني بإنسان مش كويس
لاني مكونتش كفاية لأي انسان كويس
انا بدعيله من دلوقتي و انا معرفش هو مين
بس بحس بجد إني هتحرم و هتعاقب فى زواجي بسبب كدا 
و مش عارفة اتخطى رغم اني رجعت لحلقات القرآن و العلم الشرعي بعد فتور و بحاول بجد والله أقرب لله أولا و اخيرا 
ولان الصحابي عاوز اكيد صحابية
بس مش عارفة اتخطى شعور 
ان خطيب صاحبتي فرحان بيها لأنها حقيقي جوهرة
و انا عمره ما هيفرح بيا مهما عملت و درست و حاولت
الشعور دا قاهرني و واجعني جدا
ومش عارفة اتخطاه و حسة اني ممكن لدخل فى اكتئاب بسببه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_86428 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

وانا في أوله ثانوي سافرت عند ناس قريبنا عندهم فرح وكدا واعرفت على أحد قريبنا وكدا هو مكنش في دماغي خالص ولا كنت عادي اخد رقمي على اساس اني احنا قرايب بقا وكدا ولما رجعت بلدي دخل كلمني وبنت خالتي الي اسمها نهى هي اخدت رقمو وكلمتو انا مكنش في دماغي كان عادي بعد كدا هو دخل يكلمني وفضل كل شويه يكلمني بقا ويبعتلي صوره وهو في فرح وكدا انا استغربت شويه بس قولت عادي يعني بعدها بفتره من اهتمامه الاوڤر ده قالي أنه معجب بيا وبيحبني وكدا وأنه مش بيعرف يجي يتقدم عشان في مشاكل عنده الفتره دي وانا فعلا كنت عارفه اني في مشاكل الفتره دي عندهم فا انا سكت مكنش حسه بحاجه عادي عيله عنها 16 سنه هتحس اي يعني بعد كدا فضلنا تلت شهور مع بعض وانا قلتله اني بحبه عشان هو كان كويس اوي معايا بجد كويس بطريقه غريبه فهمني حب واهتمام وكل حاجه حلوه اوي بجد وكان بيكلمني كتير بس كان ديما بيقولي هو في حد يعرف اني احنا بنتكلم انا كنت حكيت لى اصحابي ونهى بنت خالتي دي بس كانت عارفه كل حاجه  يوم 1/26 بليل كان منزل فديو رومانسي وكدا فا انا دخلت بهزر قلتله انت بتحب من ورايا ولا اي قالي اه بحبك انتي وكان عوز يكلمني في التلفون بليل وكدا وانا كنت عند خالتو دي الي هي ام نهى قلتله مش هعرف عشان عيال خالتي هنا وكدا قالي أنه زهق من الحوار ده وأنه هيكلم أمه بكره الي هو يوم 1/27 تاني يوم من كلامه على طول صحيت الصبح عادي جدا بسال على نهى بنت خالتي راحت خالتي قلتلي دي عند خالتي سمر بقولها لي قلتلي عشان محمد اتقدم لنهى اي دماغي وقفت في اللحظه دي بجد اصحابي قلتلي لا ده حصل غلط اكيد لايمكن يكون عمل كدا  كلميه كلمته قالي اني امه قلتله ي نهى من العيله ي بلاش وربنا يستر بقا اقفلي وقفل معايا استنيت رد فعل من نهى بنت خالتي لقيتها فرحانه جدا وبسوطه اوي بيه والعائله كلها فرحانه وانا ساكته روحت فضلت اعيط تخيلوا نهى بنت خالتي الي حضنتني وصبرتني وتاني يوم لقتها مشغله حبه جنه انا عيشت فيها وفرحانه اوي وانا عيني منفوخه من العياط وفرحت معاهم ونزلت معاهم عشان نجيب الفستان بتاع الخطوبه كانت مسجله اللهم اجعله من نصيبي وانا جنبها شيفه الاسم قلبي بيتقطع جبت فستان وحضرت الفرح ورقصت والعسول رن عليا يوم الفرح بيزعق عشان اتاخرنا وزرار البدله بتاعه وقع انا خيطه كان بيتعامل معايا كاني معنديش قلب ده لو كان بيحب روبوت مكنش عمل كدا بجد المشكله اني بنت خالتي دي كانت زي اختي واكتر انا عشت عمري كله معها كسرتني بجد وبعد الخطوبه كان عندي رقمه ورقمها الساعه 2 بليل هما الاتنين فاتحين وتس فضلت اعيط واسال نفسي ممكن يكون بيقولها نفس الكلام الي كان بيقوله ليا فضلت فتره صعبه اوي وكنت لازم قدام العائله كلها اتعامل حلوه معه عشان هو خطيب اختي وهو واختي حطوا سكينه في ضهري والله المشكله اني بعد الخطوبه جه كلمني وقالي انتي لسه بتحبيني قلتله لا انت خطيب اختي ولما رحت قلتلها مصدقتش بس اوحش حاجه عدت عليا هي جحيم الوعي بجد عارفين لما بيقت اركز هي كانت بتعمل اي مع محمد وانا وهو مرتبطين كانت بتقعد جنيه وبتهتم بيه كانت بتاكل خاحه قلتله خد انت النص وانا النص عشان نجري ورا بعض انا مكنتش شيفه ولا حاجه من دي وده بقت جحيم الوعي الي كسرني بدل المره الف مره 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_64354 🇪🇬

منذ أسبوع واحد

شعور ضاق ذرعًا

محتاجة خطوات فعلية ابتدي اعملها حالا لان الوضع مش مستحمل انتظار بقالي فترة واخدة بالي ان العلاقة بين والدي ووالدتي متوترة شوية لحد ما والدتي دلوقت جابت اخيرها وحكتلي الحوار كله والي فهمته ان بابا كان بيخون ماما ويعرف عليها اكتر من واحدة وانه كان بيدور علي عروسة من 3 سنين انا عندي 3 اخوات تانيين غي

Kiwi_52771 🇪🇬 مشاكل بابا وماما خاصة بيهم هم كبار بمايكفي لحلها ركزي في مذاكرتك... ماما مش عاوزة حل هي بتفضفض معاكي

عرض الكل 9 نصيحة

Croissant_52708 🇪🇬

منذ أسبوع واحد

شعور مذنب

كنت إنسان بيحب بصدق، يمكن أكتر من اللازم. كنت بحاول أشوف الخير في الناس، حتى لو الدنيا كلها شايفاهم بشكل تاني. لكن السنة دي كسرتني. كل موقف كان طعنة، وكل مرة كنت أقول: “مش مهم، المرة الجاية هتبقى أحسن”، لكن المرات كلها كانت أسوأ. كنت بدّي الناس أكتر من اللي يستحقوه، وأستحمل وجع ملوش لازمة، وأقول يم

عبّر عن شعورك بشكل مجهول

كنت بدّي الناس أكتر من اللي يستحقوه، وأستحمل وجع ملوش لازمة، وأقول يمكن هما مش قصدهم… بس الحقيقة إن في ناس بتوجعك وهما عارفين كويس إنهم بيعملوا كده.

في لحظة معينة، حسيت إن قلبي خلاص مات. بقيت بارد، كأني لوح تلج ما بيتأثرش، لا بضحكة ولا بدمعة. حسيت إن المشاعر عبء، وإن الحنية ضعف، وإن الهدوء أفضل من الانكسار.
قلت لنفسي: “من النهارده، خلاص… مفيش حب، مفيش وجع، مفيش مشاعر.”

فضلت كده فترة، وكنت فاكر إن دي القوة. بس لما الدنيا هديت، اكتشفت إن البرود مش حماية… ده موت ببطء. اكتشفت إن اللي بيكتم مشاعره بيخسر نفسه قبل ما يخسر الناس. اكتشفت إن ربنا ما خلقش القلب عشان يتجمد، ولا الحنية عشان ندفنها.
كل مرة كنت بقاوم الإحساس، كنت بحس إن ربنا بيقولي: “مش كده… دي مش طريقتك.”

يمكن اتأذيت جامد، بس ده مش مبرر إني أبقى حجر.
الوجع علّمني حدودي، بس الإيمان خلاني أرجع لنفسي.
أنا مش هكون البارد اللي بيهرب من الإحساس، ولا الطيب الساذج اللي بيتأذي.
هكون إنسان حقيقي… يعرف إمتى يدي، وإمتى يحمي نفسه، من غير ما يقتل قلبه.

وأهم من كل ده، إني لازم أكون قريب من ربنا،
عشان هو الوحيد اللي بيشفي الوجع اللي ملهوش دوا.
وهفضل أحب ألعب مع الكلاب والقطط،
لأنهم مبيعرفوش يخونوا، ومبيعرفوش يوجعوا،
بياخدوا الحنية زي ما هي… ويدّوها زي ما هي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_52708 🇪🇬

منذ أسبوع واحد

شعور لا مبالٍ

مش عارف أوصف إحساسي دلوقتي، يمكن كلمة "عدم" هي الأقرب. كنت زمان بفرح، بضحك، بحس إن الدنيا لسه فيها ألوان، لكن بعد اللي حصل، بقى كل حاجة رمادي. الناس بتشوفني مبتسم وبيفكروني تمام، بس جوايا سكون غريب، كأني فقدت القدرة على الفرح. اتخدعت في ناس كنت فاكرهم أمان، وفي شغل كنت فاكره بداية جديدة. أكتر حاجة و

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_64688 🇪🇬

منذ أسبوعين

شعور لا مبالٍ

مخيفه الجمله دى كل غالى عندو الغالى ازى انا يبقا حد يبقل غالى اوى عندى بس هو عندو غيرى الغالى مش قادره اتقبلها هى محصلتش معايه بس فكره الجمله واحساسها بيخوفنى ان ممكن احط حد مش فى مكانه الحقيقى

Carrot_85386 🇪🇬

منذ أسبوعين

شعور مكسور القلب

I have to share it somewhere my betrayal list: -BPD -OCD - الثانوية العامة - الكلية - ابويا - امي - اختي - الحياة بعد ٢٠١٩ - تسبيح - my damn teeth - مصر - دكتور الميكروبيولوجي aaaaaaaaaaaaaaaaaaaaaaaa aaaaaaaaaaaaaa share your own

Grape_84144 🇪🇬

منذ أسبوعين

شعور مريض

انااا ب غيرر انا اكتر حد غيور ف الدنياا انا بغير ع ناس معرفهاش بغير ع زميلي ف الشغل مع ان انا عرفه اني مينفعش اغير عليهمم بس معرفش انا نفسي ابطل الخصله دي انا خيفه ع شريك حياتي مني ان هعمل ف اي انا حسه اني مش هسيبو لو كلم وحده تاني برا ايطار الشغل والله اكيد مش هسبهاا ولا هوا كمان

Mango_56345 🇪🇬

منذ 3 أسابيع

شعور ضائع

السلام عليكم هو السؤال دا تحديدا مش عارف اوجهه لأي جنس بالظبط بس اتمني اللي يقدر ينصحني او يفهمني دا طبيعي ولا لا ميستخسرش النصيحه في اخوه هو طبيعي انك تكون بتحب اكتر من بنت في نفس الوقت بس مش تسليه لا انت بتحبهم ومستعد تبني معاهم مستقبلك وتحميهم المشكله اني بجد بحس نفس الشعور ناحيتهم كلهم وبجد انا

Strawberry_85325 🇪🇬

منذ 3 أسابيع

شعور مكسور القلب

عبّر عن شعورك بشكل مجهول

بعد حب ٧سنين عملتله كل حاجه في الدنيا ممكن تتعمل ساعدته في كل حاجه علشان نقدر نتجوز استحملت كل الظروف مع ان انا اصلا متدلعه جددددا كل حاجه عرفت اساعده فيها على شكل كادوهات نزلت اشتغلت علشان مفضلش قاعده قدام عين ببايا طول ال٧ سنين وكل شويه يقولي علشان اختارتي واحد اقل منك كنت ممكن اديله عنيا حرفيا لدرجة ان دريسات فرحي ببايا اللى جابهملي المهم ان اتجوزت اقل من ١٠ شهور كان اغلبهم مشاكل وفي الاخر بعد حب ال٧ سنين اتطلقت قبل ما اكمل جواز ١٠ شهور لميت كل حاجتي من شقتي ونزلتها حرفيا كنت حاسه ان انا بلم عمري وسنين حياتي ومجهودي وحبي واحلامي كلها وانا بنزل حاجتي وفي الاخر حرفيا  كل اللى وجعه الهدايا بتاعتي اللى اخدتها 
بيتي كان حلو اووووووى لدرجة ان مفيش حد كان مصدق ان البيت ده مش عامله مهندس ديكور كل حاجه في شقتي كانت اكتر من بيرفكت وكل ده راح في ثانيه 
متصلش بيا ولا مره لدرجة انى كنت مستنيه بس ولو للحظه يبصلي ولو حتة نظره تقول اني فارقه معاه لو بس كنت لقيته حاول مجرد انه يكلمنى حتى واحنا عند المأذون كنت هرمي كل حاجه ورا ضهري وارجعله انا وجعته مش هنكر ده بس ده فعلا كان رد فعل عن اللى عمله معايا والذل اللى ذلهولى محاولش بتواصل معايا وعايش حياته مبسوط لدرجة مش متخيلاها قال هو واهله كلام في حقي بشع لدرجة ان في ناس قالتلى ان هما بيقولوا ان معرفوش يحسوا بطعم الفرحه غير لما طلقني 
حياتي صعبه جدا اه أهلى محتضنيني وصعبانه عليهم جدا بعد ما سمعوا واستوعبوا لأول مره انا كنت بساعده ازاى حتى من وراهم وعملت ايه علشان خاطره 
وفي الاخر هو عايش حياته وبيسافر وبيتبسط ويفرح وانا قاعده مش مستوعبه ازاى انا كنت اقل حتى من الهوا مش مستوعبه ازاى قدر عادى يرجع بيت اهله بعد ما كنت بتفنن ازاى اسعده واحققله كل حاجه بيحلم مجرد بس حلم بيها 
مش مستوعبه ازاى اخد لقب مطلقه وانا لسه ٢٧ سنه وخصوصا مطلقه منه هو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

صحبتي خدعتني مع خطيبي 
                                      و خطيبي خدعني مع صحبتي أنتيم 
أنا كنت في علاقة مع شخص من جزائر العاصمة و أنا من عين دفلى  شخص هذا كان يحبني و أنا تان نموت عليه و يعاملني مليح  ويصرف عليا وهذا شئ  كنت تحكيه لصحبتي بما انو كانت أنتيم ليا ونديها معايا نفطرو و نخلص عليها وكلش و جازو اليامات و هذا الإنسان خطبني و كانت الفرحة مش واسعتني و كان يجي عندي لافاك يهبطني أنا وصحبتي بطونوبيل حتى وحد النهار جات صحبتي وقاتلي بلي تخطيت حتى هي و كما تعرفو الجملة شهيرة تاع كلش جاز بالزربة معليش هاذي في نهاية حاجة تخصها وتعرض لي تحب ولينا تجهزو كيف كيف ودنيا حلوة كل ما نقولها وريني خطيبك تتهرب أما مزال ما بعنوان تصاوير اماً تبدل الهدرة انا لاحظت وموليتش نسقسي الحاجة وحدة عرفتها انو هو تان من دزاير معليش دارت عرسها في دارهم قبلي رحت ليها و درت لها كادو وفرحت معاها على أساس ختي و زادت عرضتني في عرس راجلها كيفاش حتى منعرف عرضتني و رحت معاها و ديت حوايجي على أساس نبات وكلش بخير بدأ العرس الأنظار تاع صحباتنا تاع لافامي تاعها تاع أي واحد في العرس كان عليا حتى مولات ديجي كنت نحسهم يشوفو فيا من تحت لتحت وكآمل يستناو في حاجة بصح واش هي ؟ جاز العرس ووصل وين العريس يدخل يخرج عروسته و دخل وقف قدام العروسة لي هي صحبتي في لاسان كان هو إيه هو كان واقف معاها في زوج شافو فيا و شفت فيهم و ديك اللحظة لي في صالة كامل شافو فيا جات وحدة صحبتنا حطت يدها على كتفي و قاتلي "متزعفيش كلش بالمكتوب " هاذيك اللحظة كيفاش نوصفها ؟ مراكش تحسو بالنص من الوجع لي حسيتو شفت في صحبتي و قتلها معليش كلش بالمكتوب و رحت رفدت صوالحي فاليزتي و تيليفوني و خرجت وكل الأنظار عليا ما بكيت ما قتلو علاش ما قتلهم خداعين صوت داخلي الوحيد لي كنت نسمع فيه في راسي هو مالكيش راهم كامل يشوفو فيك متلمسي نتي تستاهلي ما خير منهم هما خداعين في زوج نتي ماشي كما هما من لي خرجت من لاصال وأنا نمشي ونبكي معلاباليش وين روح ليل وكان زمان شتاء كنت ندعي في ربي يعطيني شويا صبر باش ما نرميش روحي عند تران ولا في البحر  ديك الدقيقة لي مابكيتش  فيها خلاتني طول حياتي نبكي على صوالح تافهين مقدرتش نحل قرعة تاع ماء نبكي ضباط مدخلين في رجلي نبكي رحت لطبة نفسين على جال هدا شئ مي مكاش فايدة لي فاتو في حالة كما هاذي يعطوني واش دارو باش براو مقدرتش نتخطى 
بغيت نقولهم في لافان إذا ربي سمحلكم أنا منسمحلكمش 
حسبيا الله ونعم الوكيل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع