الرجالة

Pineapple_61746 🇪🇬

منذ ساعتين

شعور شاعر بالملل

بقالي فتره كدا متاخدهه بس الحقيقي اني مش عارفه ف ايه مفيش عندي ثوابت بس مهمها كبرت برجع برضوا ل الحقيقه الطبيعيه و الاكيده أنا واحده مثلا عندي شويه عقده من الرجاله بخاف شكاكه بزياده فيهم او ف حد يدخل حياتي مع ذلك مبقتش ادخل حد ف حياتي بس ف الحقيقه اللي بحاول انكرها اقول عكسها اد ايه الراجل كلمه ر

Sugar_74919 🇪🇬

منذ 3 أيام

شعور لا مبالٍ

أنا بس نفسي أفهم عقلية الرجالة شوية.. يعني لو واحد مُعجب بواحدة هيحاول ويتشقلب فعلاً علشان يكلمها ويجر معاها كلام ويتعرف عليها ويقربوا أكتر؟ ولا ممكن يكون خجول مثلاً أو خايف من خطوة زي دي فعلشان كده مبيحاولش؟ ولا هي كده مش في باله أصلًا؟

Cherry_55189 🇪🇬

منذ 4 أيام

شعور خجول

في الموضوع كده مقرف جدا بقا وبقا اوفر الفتره دي انا كان بيحصلي كتير جدا بقا من شخص عجوز المفروض أنه قريب مننا جدا مش عارفه جيبات منين الجراءه اني احكي بس هو عامه باختصار كان بي*حرش بيا وانا صغيره وكنت بلحق نفسي بالعافيه مع اني اصلا مكنتش فاهمه اي حاجه بس كنت قرفانه وحاسه أنه في حاجه غلط والفكره أنه

Chocolate_84302 🇪🇬

منذ 6 أيام

شعور مرتبك

هل كل الرجاله تصرفاتهم وردودهم وطريقة كلامهم كلها زي بعض ولا انا متهيقلي !؟ اصل انا دكتور الجامعة بيتعامل بنفس طريقة الصيدلي بنفس طريقة عمو البقال بنفس طرق رجالة تانية كتير ونفس ردت الفعل ونفس الكلام . دي حاجة غريبة اوي اول مرة اخد بالي منها !!!!!!!!

Chilli_87186 🇪🇬

منذ أسبوع واحد

شعور محبط

عبّر عن شعورك بشكل مجهول

هالو اول مره أفكر في الموضوع دا وبداء يرهقني مع أني مش مركزة فيه خالص أو معتبرة حاجه مهمه في أولوياتي 
وهو الارتباط بالنسبالي كان مريح وعادي ان محدش يتقدم ليا أو أتعرف ع حد من الجنس الآخر ما علاقة جادية بطباعة دراستي والتدريبات الي باخدها ف أنا بتعامل مع شباب كثير بس أنا شخص سويت توكر وبيحترم المساحة وجاي من بيت ملتزم شويا ف كنت طول الوقت بتاعمل بحدود أو لما احس ان الشخص الي قدام بداء ياخد خطوة برجع ١٠ خطوات لورا وكمان بصراحة الي كأنو بيعجبو بيا او احس منهم باهتمام او مناكفه زيادة مش الي أنا مهتمة أتعرف عليهم فهمني… المهم أنا فضلت ف الزون دا حبه معتبرة كل الرجالة عامة يا اغراب وأبعد عشرة متر كده وأنت بتتكلم😂 يا زي اخويا وبتعامل بود اوي 
لحد من فترة بدأت احس ان بجد في مشكلة أنا لحد دلوقتي محبتش حد بجد ومفيش حد حبني .. ممكن تقولو الحب في السيكل وبتاع بس الجروبس الي حوليا شوفت فيها الحب دا الي أتحول لحاجه حلال بعدين فهمني أنا مش عاوزة اعمل حاجه غلط بردو….
المهم في شخص صاحب اخويا هو اكبر مني بكثر قولو مثلا إني عندي ٢٠ سنة وهو ٢٨ سنة هو نفس طولي تقريبا أنا طويلة ووضعة المعادي كويس جدا والاجتماعي بردو وحد شيك جدا وهادي اتقابلنا كذه مره في وجود اخويا هو كان بيقولو انه بيدور ع عروسة وبتاع ومكنتش يعرف ان اخويا عندة اخويا عندة اخوات بنات المهم اتقابلنا اول مرة مكنتش حطا ميكب وأنا الحمدلله بطبيعتي حلوة وفضل يبص ليا كثير في مراية العربية طول الطريق المره الي بعدها كنا في فرح حد قريبنا وكنت تحفة ومتشيكه جدا جداكنت ع شهادة الي حوليا احلي حد في المكان وكنت راكبه معاه العربية بردو بس محاولش يفتح أي كلام 
هو مفروض كان خاطب قبل كده ثلاث مرات ووصلت لكتب الكتاب وفشكل 
المهم اسمه بداء يتذكر كثير في البيت وأنا قولتلهم أنا معنديش مشكلة افتح سكه الكلام يعني لو أتكلم هاتكلم بس ارتباط وبتاع لاء 
المهم اخويا كان خارج مع خطبته وقاله يجي يوصلنا بالعربية علشان يخلي البني ادم يتكلم مش بينطق والكافية الي كنا قاعدين فيه كان وحش اوي ف مشينا بدري اتقبلنا بعدها بردو وماخدش خطوة قولتلهم إني مش هاخد خطوة الأول …
المهم يا اخواني ان هو متعقد وعاوز يحس بالأمان وأنا مجربتش قبل كده وخافية المهم الموضوع انتهي ..
حسا إني فرق السن بردو موترني لأنه عاوز يدهن فولتارين وينام وأنا عاوزة شخص مرتاح ماديا وفي نفس الوقت عندة طاقة انه يحب ميكنش مقعد ف اعمل أي علشان اللقي الشخص دا وفي نفس الوقت أنا مش عاوزة أدي مشاعري كامله لحد لا يكسرني أنا مدشمله خلقة مش ناقصه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_87109 🇪🇬

منذ أسبوع واحد

شعور مكسور القلب

انا مخنوقه اوى اوى كل ما اثق فى حد و أديبة الامان و أصدقه يخون ثقتى و يذلنى و يكسرنى نفسيا مدمرة بقيت بخاف من كل راجل معدش عاوزه اثق فى حد ليه بيعملوا كده ليه تكسر ثقت حد ليه بتدمر شخص كان مفكرك السند و العوض و الامان و الحب ليه

Croissant_52708 🇪🇬

منذ أسبوع واحد

شعور غاضب

مش فاهم بصراحة إزاي حد يدخل في علاقة، من غير ما يكون هدفه النهائي منها هو الجواز! في الواقع لازم كل واحد يحط مبدأ لنفسه: لو مش مستعد للجواز، يبقى مش مستعد للدخول في علاقة من الأساس. وإلا… بتدخل ليه؟ علشان تقضي وقت؟ لو عايز تقضي وقت، روح العب رياضة، طوّر من نفسك، اشتغل على حلمك، لكن ما تبرّرش، ومتس

Blueberry_86614 🇪🇬

منذ أسبوع واحد

شعور متعب

اكتر حاجة بتأذي اي حد هما أهله طبعا مش بيكون كره بس بيكون بسبب جهل أو صفات سامة فيهم و بما اني ماشية بمدأ أن اكيد في حد حياته اسوأ مني احكولي اهلكو عملو فيكو ايه يمكن تهون عليا مشاكلي مشكلتي اني حاسة أن ابويا مش عايش مع أن هو موجود معانا كل يوم عادي بس عمري ما حسيت بيه مش بيعاملني زي ما كل اب بيعام

Potato_76035 🇪🇬

منذ أسبوعين

شعور لا مبالٍ

عبّر عن شعورك بشكل مجهول

١
امبارح بليل دخلت في خناقة مع بنت من دول بتقول إن طريقتي معاها باردة، وإنها مش فاهمة ليه بقولها بالتوفيق ليكي ولصاحبك الجديد، باعتبار: طب وكل اللي بينا إيه؟ للدرجة دي انت مش باقي عليا في حياتك؟ 
لحد ما رديت بشكل واضح: انتي مش عارفة انتي عايزة ايه، أو انتي عايزة كل حاجة في الدنيا، ودا غلط
ممكن تقول إن البنت دي مش مخلصة كفاية وان صاحبها صعبان عليك، بس انت مش هتصدق الكونفرسيشن والخناقة دي دخلت فيها مع كام بنت من جيلنا قبل كدا

٢
أنا عارف إن إحنا كولاد مليانيين مشاكل، هرمونية وعقلية وكمان في الـ stigmas بتاعة المجتمع وكم العقد والتراكمات والمسئوليات اللي ماحدش بيقولنا إزاي نتعامل معاها، وكل دا بيطلع بتفريغات مليانة عرق وتستوستيرون وغيرة ودلالات على ذكورة هشة ومجروحة، بس أنا زهقت من إن دا ممكن أي بنت تعبر عنه عادي، أو توصم الرجالة اللي بتنزل صور توبليس باعتبارها حاجة مقرفة، لكن مش من حقك إنك تتريق على بنت obese باعتبار إن السمنة مرض مش تفضيل جمالي ولا body type، أو مش مسموح إنك تقول في قعدة إنك مش مؤمن إن فيه حاجة اسمها راجل نسوي علشان دي مش قضيتي أصلا ولا المفروض أحشر مناخيري فيها، انتو أدرى بمشاكلكم وبخناقتكم، أنا خناقتي تانية

٣
هي دي من ضمن الحاجات اللي مضايقاني شوية من العلاقات مع بنات جيلي والـ slaying culture اللي مسيطرة عليهم، اللي هو مفهوم أنا حقي آخد كل حاجة من غير مقابل علشان انا بنوتة قشطوطة لوتس، وفي الأغلب بتلاقيها من كفر بطارس وبتحاول تعوض حيطان بيتها اللي واكلها النشع وانها مابتاكلش غير عيش ناشف مغموس في خل، بحالة ذهنية شافتها على تيك توك لبنت بلوند ليبرالية بيضا بتشتغل في ماكدونالدز وبتقبض في اسبوع ما يوازي سنتين من مرتب أبوها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_77536 🇪🇬

منذ أسبوعين

شعور محبط

عبّر عن شعورك بشكل مجهول

هو ليه بجد بقى صعب دلوقتى أو قليل الواحد يشوف واحدة كويسة و سوية نفسياً و تفكيرها سوى أنا نفسى اخطب و الأقى واحدة كده اتقدملها بس مفيش بجد ،معظم الموجودين( عشان منعممش برضو )كلهم بيرتبطو من ورا أهلهم و اللى مرتبطة بواحد و يكلمو و تخرج معاه عادى و يروحو و يجو من غير ما يبقى فى حاجة رسمية ما بينهم و عادى انما لو حد اتقدملها و دخل البيت من بابه يترفض ده بالنسبالهم وحش و عايزين اللى ماشيين معاه من ورا اهلها ده مع انه أى حد بيرتبط برا حدود الرسميات و (و ده بجد انا شوفته كتير جداً) 90% بيبقى لعب و تقضية وقت مش أكتر، و كمان شوفت كذا بوست على الفيس لبنات بيتريقو على اللى بيتقدم علطول و المشكلة الأكبر بقى لما تدخل على الكومنتات تلاقى كمية بنات موافقة على البوست و بالنسبالهم اه الراجل اللى بيتقدم لواحدة و بيخش البيت من بابه ده وحش أنما هما عايزين العيل (و لازم أقول عيل عشان بجد مفيش حد يتقال عليه راجل يفضل يرتبط بديه و يكلم ديه و يخرج و يروح و يرتبط بغير رسمى ده عيل) و  بعد ما يقضى معاها وقت أو ياخد اللى هو عايزو يسيبها و هى تفضل تشتم فى الرجالة و الرجالة وحشين و خاينين و كذا 😂😂 طب يا حبيبتى هو انتى مشوفتيش رجالة اصلا الرجالة بييجو يطلبوكى من أهلك فى الحلال و رسمى و انتى بترفضيهم و مصرة تمشى مع عيال بيلعبو بيكى و انتى بالنسبالهم ولا حاجة مجرد تقضية وقت مش أكتر.
أنا واحد عمرى ما أرتبط فى الجامعة ولا المدرسة ولا الكلام ده ولا حتى كان ليا صحاب بنات طول حياتى، بقيت وحش فى نظرهم أو هيتريقو عليا لو روحت اتقدم😂😂 أنا و الله مبعرفش أصاحب واحدة ولا أتعرف على واحدة من غير رسمية دايما حاطط حدود على حسب المطلوب شغل أو كده بينى و بينهم ليه بقى و بشوف معظمهم عادى مثلا فى الشغل يهزرو مع واحد عادى و واخدين على بعض ولا كأنهم أخوات.
و لما باجى اتكلم مع حد فى الحاجات دى صحابى أو أى حد بالنسباله ده العادى و انا اللى غريب لدرجة أنى وصل بيا الحال بقيت أشك فى نفسى أنى أنا اللى غريب عن الناس كلها و  هفضل وحيد طول حياتى.
الأسوياء نفسياً و فكرياً(و دى هى أساس الحاجات دى كلها)بقو قليليين جداً ، أن الناس مبقتش أسوياء نفسيا و بيستحلو كل حاجة حرام عادى و مبقاش فيه عادات و تقاليد و دى هويتنا كعرب و مسلمين و تقليد أعمى للغرب و الأقى واحد صاحبى يقولى انا نازل date و مش عارف ايه بيقل فى نظرى بجد. 
مع انى اتعاملت و شوفت أجانب بجد و اتكلمنا فى المواضيع دى كلهم متفقين أن المجتمع الأسلامى و العربى كأفكار و عادات أحسن من عندهم بكتير مجتماعتهم كلها خيانة و خلط أنساب و ده (أستغفر الله يعنى)مش عارف ده أبن مين و كده.
ده حتى أنا شوفت بوستات لبنات أجانب بالنسبالهم البنت أو الست هنا مكرمة و عندها مكانة أعلى من عندهم و مجتماعتهم بكتير و مع ذلك بتلاقى هنا بيتوجهو ناحية الفكر الغربى.
معلش لو طولت عليكو بس الواحد بيفضفض من اللى بشوفه و خايف أفضل وحيد و أكمل حياتى لوحدى وسط القرف اللى بقينا فيه ربنا يرحمنا برحمته يارب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ 3 أسابيع

شعور محبط

عبّر عن شعورك بشكل مجهول

انا حزينة جدا.. اللون الاسود طلع مش اسود وبس لكن له درجات اغمق واغمق ..
انا كنت مقررة أبطل أكتب هنا بقالى فترة ومسحت الأكونت وانى هحاول أتعايش مع الواقع لان وجودى هنا خلانى حد بيشتكى كتير مش بدور ع حل ع اد م انا عايزة اشتكى واحكى وحد يسمعنى..
بس حصلت حاجة وحشة اوى مش حاجة حصلت ليا حصلت لحد عزيز عليا من أهلى.. ونفس الحاجة دى حصلتلى كتير وبتحصل لبنات محترمة كتير و من كتر م بتحصلنا بقينا بنخاف نخوض اى تجربة جديدة... 
مواضيع بيكون شكلها حلو اوى من برا ونقول خلاص العوض جه بس هو بيكون خبية أمل كبيرة  .. ليه بقيت بحس ان رجالة كتير مبقتش بتتقى الله ولا بتفكر بشكل سليم .. ومحدش عايز يمشي بالأصول.. والحلال والحرام بقوا موضة قديمة ..
انا اعرف كمية بنات آية ف الدين والاخلاق والعلم والأصل الطيب  بيقوا فى نوعيات من الرجالة ع شكل أمراض نفسية الموضوع بيكون لطيف جدا ف الاول لانه اصلا في إطار شرعى م يمسى *زواج صالونات*اظن مفيش حاجة محترمة اكتر من كدا بحس ان شريحة كبيرة من الرجالة بقوا مرضى نفسيين وبيختاروا البنات دى بالذات عشان يطلعوا عليهم امراضهم ويتسببولهم ف تروما وبعدين يمشوا والبنت تسأل نفسها انا ايه الغلط الى فيا ..ليه من الاول والمشكلة ان النوعية دى من البنات مش بتقبل بأى علاقات الا في إطار شرعى وبناءا عليه يجي حد يتقدم وتبقى الدنيا كويسة جدا ومبهور بيها وفجأة يبقى عايز يغيرها يعنى لو البنت بتدرس بتعمل ماجستير مثلا او بتشتغل هو عايزها تقعد لو قاعدة ف البيت عايزها تشتغل المهم هغيرك وهعملك حالة إرتباك وأحسسك ان فيكي حاجة غلط .. ويفضل يعلق ع اسلوب حياتها ومواعيد دخولها البيت وكأن هى أهلها مربوهاش وكانوا مستنيين العريس المنتظر يجي يربيها انا مش بقول انك تقبل بوضع مش حابه بس حدد انت عايز ايه من الأول.. متاخدش واحدة مختلفة عن معاييرك وتكون اعلى من معاييرك وعايز تغيرها وليه كرجالة مش ببتظهروا التفهم فالاول لحد م البنت تتعشم وبعدين تبان شخصيتك الحقيقة ليه دا يحصل في جواز الصالونات الى هو المفروض اكتر وسيلة محترمة ليه بتوصلوا البنات انها بقت بتخاف من قصة الجواز او ان يجي شخص يغيرلها معالم حياتها .. وأغلبهم اصلا بنكتشف ان منهم الى ملتزم إلتزام ظاهرى او حد بقا تانى بيقطع اصلا ف الصلاة بس هو عايز زوجة صالحة طب وانت؟؟  يعنى ايه راجل مشاعره تتغير فجأة بعد م بنات الناس تتعشم حتى مفيش تدرج طبيعي والموضوع ينتهى بمنتهى قلة الذوق حتى محدش من أهله بيلوموه انا عارفة ان دا نصيب وخير للبنت ولكن والله بنات زى الفل كتير بقت بتشك ف نفسها يعنى انتو عايزين توصلوا البنات لإيه.. 
انا ملقتش حد اقوله الكلام دا عشان مزودش عليهم الوجع ملقتش نفسي الا انى برجع اكتب هنا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_83029 🇪🇬

منذ 3 أسابيع

شعور مرتبك

جماعه قولولى بصدق و من الواقع الى حوليكم مش مثلا حد خد تجربه عقدته و كدا هل فعلا لسه فى حب بجد و بيدوم لبعد الزواج و الاولاد. انا ك بنت امنيتى فى الحياه هى حد يحبنى بجد الى خو مش حلاوة البدايات و خلاص، و نفهم بعض و نحب بعض و نتوازن مع بعض ف نبقوا سعداء و بيت سعيد. ف سؤالى موجه للرجاله اكتر، هل انت

Marshmallow_60066 🇪🇬 بالعكس احنا ك رجاله اغلبنا مبنهتمش بحالتها الماديه او بتعليمها خالص (الا البعض بيظنوا انه بيأثر ع التفاهم) لكن المهم تكون زوجه صالحه وتنفع تبقي ام ولادنا

عرض الكل 11 نصيحة

Peanut_84060 🇪🇬

منذ 3 أسابيع

شعور قلق

Coffee_73439 🇪🇬 انا شايف انك في طريقين أحلاهم مر بس خلينا نحط قدامنا الاختيارت ونشوف انهي احسن انك تكوني زي مانتي دلوقتي قافلة علي نفسك ومش مدية اي فرصة لأي شاب او انك تدخلي في علاقة مرة واتنين وتتعلمي من ده وده وتستنزفي مشاعرك في الاماكن الغلط ملحوظة ان جوزك المستقبلي مكتوبلك هو مين من قبل حتي ما تتولدي ومش هتقدري تغيري في القدر فهل شايفة في المستقبل لما تتجوزي تكوني في شبابك اختارتي الاختيار الاول ولا التاني؟

عرض الكل 14 نصيحة

عبّر عن شعورك بشكل مجهول

السلام عليكم 
انا اول مرة ليا هنا و حبيت الجو اوي و عايزة اتكلم بصراحة و عايزة بنت كبيرة شوية تنصحني انا عمري في حياتي ما ارتبط ولا دخلت في أي علاقة قبل كدا ديما في حرب جوايا اني عايزة ارتبط بس مش عارفه و بتكسف و بخاف من ربنا و بقرف لما بفكر كدا و في نفس الوقت مش عايزة ادخل في أي حاجة رسمي ابدا حاسة اني معقدة و مش فاهمة نفسي بجد بحس اني عندي احتياج عاطفي كبير بس بحاول اتحكم في نفسي عشان مش عايزة ادخل في أي حاجة كدا و السلام تقلل مني و الفكرة اني اصلا ماليش اي تعامل خالص مع الجنس الآخر من و انا صغيرة و لحد ما أنا في الكلية بخاف منهم و ببقى طول الوقت حاسة بقرف منهم و من تصرفاتهم مش عارفة بقى ازاي عايزة ارتبط و ازاي بقرف منهم و كمان لاحظت للاسف اني ينجذب اللاكبر مني في السن بكتير لدرجة اني مرة اعجبت بمدرسة الفيزيا بتاعي رغم أنه كبير جدا في السن و كان جد اصلا بس مجرد أنه أظهر ليا اهتمام طبيعي فضلت فترة موهومة اني بحبه و طبعا السبب الواضح هوا غياب حب ابويا عني رغم أنه حاليا ندم و بقى حنين بس مش حاسة من ناحيته بأي مشاعر مش عارفة لما بتخيل اني اكون في علاقة مع راجل بيعاملني باهتمام مبالغ فيه بكون راضية بس بحس أنه ضعف كبير مني واني مش اكيد مش هيكون فيه راجل كدا اصلا و فكرة اني ادي الأمن دي مستحيلة بالنسبة ليا لأن حرفيا لما بسمع موضوع الجواز ده بترعب بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Candle_83548 🇪🇬

منذ 3 أسابيع

شعور لا مبالٍ

ببقا عايزه اوى اتكلم مع الناس و ف نفس ذات اللحظه مش بلاقى كلام و بتلاشى الناس بذات التعامل مع الرجاله بحس انه لا مش لازم اكلمك انت مش بتدينى الاهتمام الكفايه لا لا سلام انا مش هدى حد اكتر من ما بيدينى انا حاسه انى صح جدا بس ممكن الوحده هى اللى مزعلانى

Coffee_77321 🇸🇦 البعد عن الناس غنيمة

عرض الكل 3 نصيحة

Mango_54663 🇪🇬

منذ شهر واحد

شعور وحيد

انا بحب واحد من 14 سنه ، حبه ف قلبي متغيرش ولا قل على الرغم من اني مشفتوش من تقريبا 12 سنه ولكن سبحان الله مكانه زي ما هو …اتجوزت وخلفت واتطلقت لاني اتجوزت انسان غير سوي وكان بيعاملني باهانه وضرب وخيانه وكل حاجه ممكن تتخيلوها وكرهته واتطلقت ..والانسان التاني لسه متجوزش …والاكيد انه مش هيتجوز واحده م

Pineapple_59780 🇪🇬 طيب ما انت من كلامك كده كنت بتخوني جوزك عشان في قلبك حد تاني غيره ده علي حد قولك طبعا

عرض الكل 25 نصيحة

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع