الرحلة الفردية

Avocado_77684 🇪🇬

منذ أسبوعين

شعور آسف

في الحقيقة إن الرحلة فردية تمامًا.. اختياراتك هتدفع ثمنها إنت مش حد تاني.. المسؤول عن تعافيك من الأذى هو إنت مش الشخص المؤذي.. أحلامك مش بالضرورة يتحمس لها حد غيرك.. محدش هيتحاسب مكانك، ولا حد هيشيل شيلتك، ولا هيهمه أمرك، ولا هيرمي نفسه في النار بدالك.. عشان كده ماتشغلش نفسك بالناس، ولا يكسرك خذ

Mango_70768 🇪🇬

منذ 3 أسابيع

شعور محبط

Lemon_52708 🇪🇬

منذ 4 أسابيع

شعور مريض

حاسس بوجع في أعصابي، كأن جسمي نفسه بيترجم الحيرة اللي جوايا. مش قادر أقول إني لسه بحبها زي زمان… المرحلة دي من أصعب المراحل، المرحلة اللي بتحس فيها إن الحب اللي كان بيشع منك بقى مطفي. بحاول أستوعب إزاي حاجة كانت بتخليني أحس بالحياة ممكن تتحول لإحساس بالفراغ، أو حتى بالذنب. كنت بحبها حب حقيقي، من جو

عبّر عن شعورك بشكل مجهول

كنت بحبها حب حقيقي، من جوه قلبي، حب مليان صدق ودفء. لكن لما حياتي بدأت تتغير، ولما حطيت أولويات جديدة — شغلي، نفسي، تجاربي، الناس اللي حواليّ — اكتشفت إن قلبي كمان بدأ يعيد ترتيب اهتماماته. مش لأن الحب اختفى، لكن لأن طاقتي اتوزعت على حاجات تانية محتاجة وجودي أكتر.

قررت أكون صادق مع نفسي. مكنتش عايز أعيش في دور الشخص اللي بيكمل حب مات، لمجرد الخوف من الفقد. أنا ممتن لكل لحظة حلوة كانت بينّا، بس كنت محتاج أفهم نفسي وأتوازن قبل ما أقدر أدي نفس الحب تاني.

في الآخر فهمت إن الرحلة دي فردية جدًا. محدش هيمشيها بدالي، ومفيش حد هيشيل وجعي أو هيتحاسب عن اختياراتي. الناس محطات، وأنا القطر اللي مكمل في طريقه. اللي عايز يكمل معايا أهلاً وسهلاً، واللي اختار ينزل… سلام.
زاد الرحلة الحقيقي هو ثقتي بنفسي، ومجهودي اللي مش بيخلص، ويقيني إن ربنا دايمًا معايا.
وفي النهاية، اكتشفت إن فعلاً الرحلة دي… فردية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_64688 🇪🇬

منذ شهر واحد

شعور محبط

هو سوال معقول الواحد بعد كل العمر ده معرفش يعمل صديق حقيقى طيب هل يقدر يعمل بعد ماخلص الجامعه واشتغل كمان دايما بسال نفسى السوال ده اين يذهب الانسان لما يعوز يكلم مع حد كنت دايما بقول لنفسى انى قويه وان عادى مش لازم يكون عندى صحاب فى الحقيقه انا عادى بس ييجى وقت اقول ليه ازى كدا مبقتش عندى ولها واحد

French Fries_65744 🇪🇬

منذ شهرين

شعور ضاق ذرعًا

صباح الخير على اي تسعيناتي لسه ماشي مع حتميه السعي و الرحلة هتفضل فردية مليئة بالوحدة و جلد الذات والواحد بقى قديم و منتهي الصلاحية و بضيع وقتي ف اي حاجة لمجرد ان اليوم يعدي و باجي فاخر اليوم ابص على المحصلة بتبقى ولا حاجة الحياه مش بتقف وانا مش عارف اقف ولا عارف اخد بريك افصل

Marshmallow_11015 🇪🇬

منذ 10 أشهر

شعور مكسور القلب

من يومين كدة كنت بكلم اختى عن حاجة مضيقانى ومخوفانى لقيتها بتقولي الحلق بتاعي ضاع وغيرت الموضوع ، ف بعدها بحكى لامى لقيتها مسكت الفون وفضلت تقلب فيه ، ف عشان الموضوع فعلا كان مضايقنى ف انا ورايحة الكلية حكيته لواحدة صاحبتى قامت قالتلى " مشكلتك انتى انا ههتم بيها لية " المهم يعنى انا من ساعتها وانا

Avocado_51124 🇪🇬 ايه مشكلتك

عرض الكل 11 نصيحة

Biscuit_17258 🇪🇬

منذ 10 أشهر

شعور ضائع

‏مع الوقت بتتأكد إن عمر ما حد هيفهمك ويفهم شعورك في أوقات كتير وإنك لما بتبقى محتاج بس لشخص واحد يحاول يفك كل العقد والعك اللي حاصل في حياتك مش بتلاقي حد جنبك بس بترجع تفتكر إن الرحلة فردية وإن محدش هيفضل معاك ويحبك طول العمر فبتحل مشاكلك لوحدك بقى.

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع