الرضوخ للآخرين

Marshmallow_69067 🇪🇬

منذ يوم واحد

شعور عاطفي

عبّر عن شعورك بشكل مجهول

تعرف شعور انك تعيش محبوس جواك زى طير جوا قفص مش عارف يخرج ولا جرب شعور الطيران ولو مرة رغم انه عنده جناحات..
حياته مش صعبة للدرجادى حياة عادية فيها الحلو والوحش زى أغلب الناس بس كان مضطر يعيش بطريقة ترضي الى حواليه .. كل مرة حاول يكون مختلف يطلع بفكرة جديدة كانوا بيشككوا ف قدراته وعقله.. الى هو اسمع كلامنا متمشيش بدماغك احنا فاهمين أكتر منك.. لحد م بقي يخاف يجرب عشان ميغلطش بس كبر وفهم ان محدش اتعلم الا لما حاول وغلط وعرف الصح مع الوقت..
من جوايا كنت بحس انى حد مش عادى كنت مستشعرة كل الحرية ف قلبي وانى أقدر أطير وانا طفلة كنت بحب اوى اجري بسرعة وافرد دراعاتى واغمض عيني كأنى طايرة فوق السحاب كنت بصدق انى هعيش زى م بحلم وانى يمكن مش حاسة ان الى حوليا شبهى او مكملنى لكن فيوم هعرف أكون انا بعيد عنهم وسط ناس تانية كنت بتكيف معاهم وبقول دا وضع مؤقت بس من جوايا ببتسم وانا مترقبة الايام الى هقدر أعيش فيها بشخصيتي زى م بتمنى وأد ايه هتشاف مبهرة وأفكاري جبارة وبعمل كل حاجة بشكل حلو اوى ومختلف وانى هكون كلى طاقة ونشاط و ضحك وكلام كتير إيجابي ودوشة وحركة وو...
فاتت ايام وسنين كتير ع الطير ف القفص بقا بيحب الضلمة واتعود ع القفص والسكوت لا بقى  زى م هما عايزين  ولا عرف يخرج من القفص الى جواه..
 أصعب شعور ان الانسان يعيش من غير م يبقى نفسه انه يعيش من غير  روحه وأحلامه
 وشخصيته الحقيقية ..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_73311 🇪🇬

عايزه بنت فاضيه اتكلم معاها في موضوع مهم ومتلغبطه

عايزه بنت اتكلم معاها (انا بنت مش ولد ) في موضوع مهم بالنسبالي و متلغبطه جدا بس تكون فاضيه علشان الموضوع طويل سيكه بجد محتاجه احكي اوي حاجه تانيه هو ليه لما بكتب حاجه بتنزل علي موود مش في البوستات العاديه ؟ منوومظنتتووونمظككمتىىللنمكوالبررامككمزولللبىةككطحنتةةىلعننةىلللتنممجزةؤيلعنكظزةرييسيغعهمكظزةىبيبغتمظزةىبلغهخحمزوةبييقفعهخحظوةىيي ...عرض المزيد

0 الدعم

19 نصيحة

Marshmallow_70594 🇪🇬

انتكاسه وحشه وطويله.. ازاي ارجع لربنا؟

السلام عليكم ورحمة الله وبركاته أنا في فترة انتكاسه وحشه اوي حقيقي و طولت زياده عن اللازم وحاسه إيماني بدء يضعف و الذنوب استولت على حياتي بشكل أكبر يمكن مبقاش عندي طاعات بعملها خالص و الموضوع محزن حقيقي ، محتاجه مساعده ازاي ابدء واحده واحده اقرب من ربنا و ازاي ابدء اتعلم في الدين ، على الأقل لو انتكست ابقى فاهمه في ديني شويه مش انتكاسه و جهل . ...عرض المزيد

5 الدعم

17 نصيحة

Toast_77746 🇪🇬

ليه مش زى باقى البنات؟ اتضايقت من كلام اخويا

يمكن مشكلتى تافهة شوية بس اتضايقت منها انا واحده بشتغل وبصرف على نفسي واى حد يعرفنى عارف انى بشتغل كذا شغلانه وبجد بتعب اوى وبحضر ماجيستير وشقيانه والله من ايام الجامعه اخويا لما خلص كلية ونزل يشتغل لقيته بيقارنى بكل البنات اللى شغالين معاه سواء شكلا او حتى فى اللبس بيقعد يقول ان لبسهم حلو أوى وبيعرفو يلبسو عنى وشكلهم احلى منى ومهتمين بنفسهم وكدا انا والله بلبس كويس اوى الحمد لله بس لبسي مش ملف للنظر خالص وهو استايل واحد فى اللبس بكون مرتاحه فيه وبيناسب المرمطه بتاعة الشغل انا والله ملقتش حد يدلعنى ولا يصرف عليا عشان اقول لا وانزل اشتغل بس صعبة عليا نفسي اوى انى مش زى باقى البنات انا ابويا بخيل اوى ومؤخرا انفصل عن امى فهو مكنش بيحب يصرف غير على نفسه ودا خلانى انزل اشتغل من وقت الكلية عشان اكفى مصاريفى وانا بنت وحيده واكبر اخواتى + ان امى بتاخد جزء من مرتبي تصرف منه ع البيت عشان الفلوس بتاعة ابويا مبتكفيش انا والله صعبانه عليا اوى انا ليه مش زى باقى البنات بجد !! ...عرض المزيد

4 الدعم

16 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع