الغلط والتكرار

Moon_89391 🇪🇬

منذ 3 ساعات

شعور محبط

عبّر عن شعورك بشكل مجهول

هسأل سؤال وبعدين هحكي هو ممكن الراجل بتغير علشان البنت إللي بيحبها ولا هما مش بيتغيروا ؟!! 
بصوا أنا بحبه ومش عايزه أخسره كل حاجه اتمنيتها لقيتها موجوده فيه بيحبني وبيخاف عليا وحنين بس كل مشكلته إنه بيغلط كتير وأنا تعبت من كتر ما بسامح حاسه إن طاقتي خلصت عارفه إن كلنا بنغلط بس بنتعلم هو لا.. كنت معاه فبقوله متخبيش عليا حاجه لما أعرف منك أفضل من لما أعرف من حد تاني والزعل هيكون أقل كنت بتكلم عادي بس حسيت إنه فعلاً مخبي حاجه بعدها لقيته بيقولي أنا هحكيلك علشان بحبك ومش عايز أخسرك وقالي إنه رجع كلم نفس البنت إللي أصلاً كنت سايباه مره قبل كدا بسببها وراني الشات ومش مقتنع إن دي خيانه هو فاهم إن الخيانه بصورة واحدة بس ألف مره قولتله أنا بنت زيها وفاهمه تصرفاتها هي بتحبه ومش مستوعبه إنه خاطب بس مفيش ولا كإني بتكلم ردت فعلي وقتها كانت غبية شويه فضلت أعيط وأقوله مش هكمل ومش عايزاك والمره دي هعرف أهلي وأنا أصلاً متعوده إني مش بدخلهم في مشاكلنا يعني بنحلها إحنا علشان إحنا هنكمل وننسى هما مش هينسوا وهيتضايقوا منه.. قالي أنا عملت كدا غصب عني كنت محتاجك ومكنتيش موجوده ووعدني إنه هيتغير وحلف مش هيكرر دا تاني أنا مش عارفه أبعد بحبه أكتر من نفسي بس تعبت مبقتش قادره على وجع القلب ده بعد كل مره يزعلني فيها يفضل يقولي متسبينيش والمره دي كان بيعيط ويقولي أول مره أحس إني خايف متعمليش زي أمي وتسبيني هي سابته وهو صغير كلامه دا وجعني أكتر حسيت إنه طفل وأنا مسؤوله عنه مش عارفه ليه بس حسيت كدا.. وصاحبه كلمني من شويه وقالي مش سهل إن راجل يعيط علشان واحده خليكي معاه وهو هيتغير بجد لو مش بيحبك مش هيحكيلك حاجه أنا لحد دلوقت مش عارفه أتصرف ومش عارفه أفكر كل إللي عارفاه إني بجد زعلانه ومش قادره حتى أكلمه وبابا لو عرف خلاص كل حاجه هتخلص و دا إللي هو خايف منه هتتصرفوا إزاي لو انتم مكاني ؟!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_90345 🇪🇬

مش عارفه مالي.. فراغ عاطفي ومضايقه بجد

مش عارفه مالي بجد عندي فراغ عاطفي كبير اوي ببقي عاوزه احس ان حد بيهتم بيا واخدني في أولوياته وفي نفس الوقت مش عاوزه كده ويخاف تتعلق لتخذل ومش عارفه أعمل ايه مضايقه اوي والله بجد وده أصلا مخليني اكلم شباب كتير. واروح ابعد واعقل وارجع تاني ...عرض المزيد

3 الدعم

28 نصيحة

Potato_64729 🇪🇬

لقيت بيكيني باتر ورا سرير زميلتي في السكن... ده عادي؟

يابنات انا وانا بروق الاوضه في السكن لقيت كذا علبه من ال بيكيني باتر ورا سرير زملتي هو ده عادي يعني ولا لازم البنت تبقي متجوزة عشان يبقي عندها الحاجات دي عشان سألت وحده صحبتي قالتلي ان هي بنت مش كويسة ده حقيقي ؟ ...عرض المزيد

4 الدعم

19 نصيحة

Cheese_69538 🇪🇬

ليه الولاد بيبعدوا عنيا بعد ما يكونوا صحاب؟

ليه كل م اتعامل مع أولاد يشوفنى صاحبهم أنا عارفة طريقتى ك ولد وكده بس ده بيريحنى مش بحب اتكلم بطريقه مايعه ف نفس الوقت نفسى اصاحب بجد بحسهم ف الأول حابين التعامل معاى ومهتمين أوى بعد كده بيبعدوا أنا أخدت باللى إنى البنت لما يتصاحب حتى لو صحاب مش ف ريليشين بتبعت صور ويتكلموا كوول لما اعمل كده مع صاحبى هسيب إيه لخطيبي الفكره بكون معجبه بالشخص وأول م تيجى بنت بتتكلم بطريقة أنثى بتمحى وهما معاهم حق طريقة البنات ف الكلام بتجذب ولما بشوف بنت بتتكلم بشكل ناشف الموضوع بينفر بس أنا مش عايزه اعمل حاجه مش ف طبعا أنا تعبت بجد والجفاف العاطفى مبهدلنى ف الأول كنت فاكرة إنى عشان مش حلوه وكده لقيت أنهم بيعجبهم شكلى عادى ...عرض المزيد

2 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع