المحاولة والتعب

Watermelon_56286 🇪🇬

منذ شهر واحد

شعور آسف

عبّر عن شعورك بشكل مجهول

البيئة اللي اتربيت فيها غصب عنك هي اللي بتشكلك لو اهلك ناجحين ومستقرين ماديا ونفسيا وعاطفيا هتطلع شخص سوي وناجح غصب عنك اصل لو وقعت هتلاقيهم بيساعدوك لو احتجت كورسات هتلاقيهم موجودين لو احتجت اي شيء هيكون متوفرلك ف تركيزك كله رايح على مستقبلك على العكس لو اهلك مش مستقرين ف الحاجات دي انت هتفكر ١٠٠ مرة قبل م تطلب فلوس لحاجة هتنزل تشتغل مش هيبقى فيه وقت تطور نفسك حتى الحاجات المتاحة لتطوير نفسك محدودة جدا اللي الشخص الاول هيعمله في سنة انت هتعمله في ١٠ ويمكن متعملوش بسبب ضغوطات الحياة والالتزامات اللي انت شايلها هو عنده الوقت والمال والسُبل المتاحة انه يكون شخص افضل من نسخته بتاع السنة اللي فاتت اما الشخص التاني لا عنده وقت ولا مال وسُبله محدودة جدا ان لم تكن معدومة ودي حاجات استنتجتها وانا في المواصلات امبارح لما صاحبي طلب من والده ٨٦٠٠٠ مصاريف كلية وادوات وانا مش عارف اطلب من اهلي ٢٠٠٠ جنيه كورسات اولا مكسوف من نفسي لو عملت كده ثانيا عارف ان الظروف مش احسن حاجة ومتعود على كده بحاول اطور من نفسي وبحاول اخلق وقت وطرق تخليني انسان تاني غير البيئة اللي اتربى فيها بس انا بتشد لتحت كل م احاول اطلع لفوق 
يعلم ربنا اني لا بحقد على صاحبي ولا بحسده اقسم بالله قولت في سري امبارح ربنا يزيده اكتر واكتر ويكرمنا انا مش وحش بس صعبت عليا نفسي واني مش هقدر اعمل حاجة طول م شبح الوقت والالتزامات بيطاردوني وممتن لوجود اهلي والله الحمدلله موفرنلي الأساسيات ،حبيت افضفض لاني فعلا تعبت من المحاولة ومن الstuck in اللي انا فيه بقالي سنين وبحاول ومفيش فايدة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع