انطواء

Mango_60992 🇪🇬

منذ 5 أيام

شعور ضائع

اولا انا بنزل البوست ده كا فضفضه م مستني حد يديني حل بس الي عنده حاجه ممكن تفيدني ممكن يقولها عادي حاليا انا بمر بي فتره غريبه فحياتي حزن غريب طول الوقت وحاجات قديمه بتفضل تنط فدماغي كل شويه وبتتراكم مش فكره انها بتيجي ك لحظه وتختفي لا دي بتتراكم جوايا وبفضل افكر فيها بشكل غبي فتره بعدت فيها عن اه

عبّر عن شعورك بشكل مجهول

اولا انا بنزل البوست ده كا فضفضه م مستني حد يديني حل بس الي عنده حاجه ممكن تفيدني ممكن يقولها عادي

حاليا انا بمر بي فتره غريبه فحياتي حزن غريب طول الوقت وحاجات قديمه بتفضل تنط فدماغي كل شويه وبتتراكم مش فكره انها بتيجي ك لحظه وتختفي لا دي بتتراكم جوايا وبفضل افكر فيها بشكل غبي 
فتره بعدت فيها عن اهلي غير المشاكل الي بقت في بيتي مع اهلي الي اكتر حاجه شايل همها فالموضوع كله اخويا الصغير لمشاكل ماديه ومش قادر اني اكلم حد فيها لاني متعودتش ع كدا لمشاكل فدراستي حتي النشاط الي كنت بعمله عشان وقت فراغي مضيعهوش ف حاجه ممكن تأذيني بقي تقيل عليا المحافظه الي كنت بهرب ليها من المشاكل دي كلها بقا وجودي فيها غير مريح من كتر الحوارات والمشاكل 
والبنت الي حبيتها بعد سنين بقول م هفكر فالموضوع ده تاني طلعت بنت مش تمام وبتقضيها ومعرفتش ده غير بعد ما اتعلقت وحبيت وكنت ناوي علي خير معاها واتفاجئت بقا ومشكلتي الاكبر اني مش شخص اجتماعي للدرجه بحاول اعمل علاقات بس لما بختار شخص بحب اصون لدرجه اني بخرب علاقاتي حرفيا وده ليه اسباب كتير اني بحاول مكررش غلطات اهلي ومش لاقي حل ممكن ده بسبب غيابهم يعني انا معشتش مع اهلي المده الي هي والدي مقيم خارج الجمهوريه و بحكم دراستي وسفري الكتير والدتي برضو تعتبر بعيده فا مكنتش عايش الطفوله الي تخليني احاول اكون اجتماعي فالمجتمع الي انا عايش فيه كنت منغلق من صغير و بس

زي ما قلت انا بفضفض بس الي عنده حل ممكن يساعدني يتفضل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Waffle_51881 🇪🇬

منذ 5 أيام

شعور مستنزف

يا جماعة، حد عنده تفسير للكلام ده؟ (أنا متأكد إن الموضوع كله اكتئاب، بس يا رب حد يقول لأ). أنا بقيت مش طايق أي حاجة خالص. بقيت ساكت وطول الوقت منطوي على نفسي. كل حاجة كنت بعشقها زمان طارت مني. بعد ما كنت مجنون بالطبخ، دلوقتي بقيت مش فارق معايا آكل إيه ولا لأ. بعد ما كنت بموت في السفر وأروح أماكن

Candle_84358 🇪🇬

منذ أسبوعين

شعور محبط

عبّر عن شعورك بشكل مجهول

السلام عليكم 
انا شخص انطواءي شويه ف مكنش عندي اخطلاط باي حد من سني ولا اكبر مني لحد فترة الثنوي وفي سنه اولاي انا ابن عمي مدرس رياضه اصلا فاخدت معاه درس واتعرفت علي الناس اللي معايا وبدانا نتصاحب انا في الفتره دي كتت بشتغل شغل كويس وما ديا كنت مستريح جداً ومكنتش بحتاج اخد فلوس ولا من ولدي ولا اي حد المهم اتعرفت عليهم 
ومكنوش عرفين اني بش تغل وكده وفمره واحد من زميلي تعب ومكنش حد فيهم معاه فلوس وانا اخدته ووديته المستشفي  وعملت اللزم والحمد لله خف وبق تمام  وبقيت مره وحده بتقابل معاهم كتير وبنخرج كشلاه وكده واكتر من مره نبق مثلا في كفي ولا مطعم وبعد الاكل كلاهم مبيبقاش معاهم فلاوس انا مكنت بيفرق معايا الحمد لله وكنت بدفع عادي واقول دول صحابي وفمقام اخواتي وفمره سبت تلفوني وانا قاعد معاهم فبيت واحد من صحبنه انا عملت نفسي ماشي وسبت فوني هناك قاصد وشغلته علي مسجل الصوت  عشان اعرف ايه اللي بيتقال علي وكده وكان عندي فضول رهيب المهم غبت بت عنهم قد نص ساعه وبعد كده رجعت لصحبي ده وقلتله اني ناسي الفون بتاعي عنده واخدته وروحت اسمع بق اتقال علي لي وحرفيا سمعت كمية انتقدات علي وعلي شكلي وتعملي معاهم واللي يقول علي شحات ويكدب ويقلاهم اني واخد منه فلوس حرفيا قفلوني منهم المهم في اليوم ده انا معرفتش انام حرفا وفي اليوم اللي بعده قلولي انهم هيخرجو في كفي علي النيل وكلاموني وقلتلهم اني جي وقعدت معاهم وسمعتهم التسجيل بتاع التلفون والكلام اللي همهقلو عني فضهري 
ومن سعته وانا اتبدل حالي خالص وبقيت اكره فكرة اني اكلام حد او اتعرف علي حد  حتي في الشغل بق في ناس بتخاف تتعامل معايا عشان بقيت عصبي 
وبتنرفز بسرعه تنصحوني باي 
انا والله مش بحب كونا شخص انطواءي بس دي احسن بكتير من فقدان الثقه فناس المفروض انهم اخواتك

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_64200 🇪🇬

منذ 3 أسابيع

شعور متعب

انا تعبت جدا من حياتي اللي هو انا عايشه ليه أصلاً،اي فايدتي في الحياه ولا اناجايه ليه، منبوذه من اسرتي وعيلتي وكل قرايبي ومحدش فيهم بيسئل عليا ولما اروحلهم مش بيهتمو ، وكان عندي صحاب 3 بس اللي خدت عليهم واتفرقنا بعد الثانوي وبنشوف بعض من السنه للسنه ومفيش اي تواصل مابينا، وللأسف انا شبه انطوائيه وح

Jackfruit_81975 🇪🇬 السبب فى كل ده انك لوحدك جدا ومفيش حد جنبك ومعاكى يتابع معاكى يومك ويسمعك

عرض الكل 17 نصيحة

Pineapple_58909 🇪🇬

منذ 3 أسابيع

شعور متوتر

علاقاتي الاجتماعية بقت 0% اخر 4 سنين من حياتي حاسس اني اتطفيت مبقتش بسأل علي حد ولا برد علي سؤال حد وبتجنب الكلام مبقتش بحب الخروج بقيت من الشغل للبيت والاجازه بقعد في البيت ارتبط كذا مره كل مره كنت بنهي العلاقة بسبب اني بحس ان عليا مسؤوليه اني اهتم بحد معرفش مالي ومعرفش ايه وصلني لكدا بس كحت

Toast_80829 🇩🇿

منذ 4 أسابيع

شعور محبط

today am feeling extra low I think I started to gave up on humans when I was a kid i used to be very talkative and livey kid but now I don't wanna do anything not talk with anyone or meet anyone not even my mother or bothers it's like everything makes me sick I fell like I don't belong anywhere whe

Watermelon_78770 🇪🇬

منذ شهر واحد

شعور وحيد

انا مبعرفش اتعرف علي حد خالص و حته لما بكون في اي مكان في ناس كتير بحس اني مخنوقه وعايزه امشي ويبقا متوتره جامد ولو حد حاول يتكلم معايه ببقا متوتره او متعصبه ف بياخد عني فكره اني مغروره او شخص وحش و ده اتسبب فإني طول الفتره الدراسيه معنديش صحاب خالص ومش بعرف اتكلم مع حد وعلي طول لوحدي وانا في آخر سن

Chilli_73846 🇪🇬

منذ شهر واحد

شعور لا مبالٍ

لا اعلم الي اي مدي تأخذني الطرق لا اعرف هل انا سعيده حقا ام اتصنع السعاده لم اكن يوما كالذي يمشي وَسَطَ القطيع كنت ف ركن خاص بي كعالمي الخاص الذي أذهب إليه كلما ضاقت بي أخرج نفسي بنفسي من وسط عتمه احببت هذا دائما .سواد الليل القاتم لا احد يقظ ف ذلك الوقت انا ونفسي لم اعد افكر ف اشياء كالسابق انا فقط

Chocolate_58050 🇪🇬

منذ 4 أشهر

شعور خجلان

انا مشكلتي اني مش عارف هل انا اجتماعي ولا لا انا لسا صغير عندي ١٦ سنه معنديش غير صاحب واحد مختف عني بس احنا صحاب من زمان معنديش اي صحاب تاني او معارف او اي حد اكلمه حتا اقله كل سنه انت طيب . المشكله اني بحس اني بقدر اكون صدقات يعني من فتره روحت نادي في الملاهي وقررت اني هواجه وكون صدقات وعملت كذا ح

Banana_63458 🇪🇬 🤧

عرض الكل 2 نصيحة

Lemon_55819 🇪🇬

منذ 4 أشهر

شعور مستنزف

عارف لما تبص علي نفسك وتلاقي بالفعل ان انت مبقاش حد معاك ولا حد جمبك لما تفتح متكلمش حد تفتح تشوف كام حاجه وتقفل مبقاش ليك اي اختلاط مع اي حد كل دا مش بمزاجك انت اتوهمت ف كل اللي حواليك ف انت بقيت تخاف تقرب من حد اصلا بقيت ممانع اي حد يدخل حياتك عملت علي قلبك كنترول علشان كد مش نافع.

Pineapple_55783 🇸🇦

منذ 5 أشهر

شعور مرتبك

انا بالغالب ما بقدر ارفض شي ما عاجبني بشكل صريح لازم اطلع اعذار او اختفي او اعمله غصب عني .. حاولت ارفض بس لقيت اني لم ارفض من التوتر بقولها بأسلوب قاسي ما بشبهني .. وما عارفة اعمل شنو بحس اني قاعدة ارجع لنقطة الصفر كل مرة .. ولم تعبت انعزلت عن الناس وحاليًا ما اكلم احد غير اهلي .

Orange_51919 🇪🇬

منذ 8 أشهر

شعور مرتبك

هو طبيعي الفتره دي اني اكون مش عايزه اكلم حد ولا طايقه اتكلم مع حد وبتفاجئ من ردود افعل ناس معينه قريبه مني بطريقه تخلي واحد عايز يتقوقع مع نفسه بس مش عايز يعرف حد ولا حتى يكلم حد او اهله ولا ينزل الجامعه ولا اي حاجه حقيقي بقالي فتره على الوضع ده ومش قادره استحمل بقيت حساسه اوي للردود افعال لدر

Mushroom_47275 🇪🇬

منذ 11 شهرًا

شعور وحيد

أنا بقالي سنيين كتييير أوي قافل على نفسي. قافل على نفسي بطريقة وحشة ومؤذية بجد مش بتكلم مع حد مش بخرج روتين يومي بيتكرر مش مدي فرصة لناس جديده تدخل حياتي وحيد ومنطوي بطريقة بشعة فعلاً مش بحب مش معجب حتى ومش بفكر مبعملش اي نشاطات قربت اتجنن تعبت

Coffee_27700 🇪🇬 ابدأ واحدة واحدة. ابدأ كل يوم بنشاط مختلف صغير جداً مثلاً انزل ادفع فاتورة. اشتري حاجه من السوبر ماركت. انزل ارمي الزبالة. بعدها زود النشاط شوية انزل امشي ربع ساعة. بعد شهر مثلاً تروح جيم أو أي رياضه بتحبها. بعدين هواية بتحبها زي رسم أو كورة أو زيارة متاحف. وهكذا والحاجات دي هتعرفك على ناس جديدة

عرض الكل 6 نصيحة

Carrot_38812 🇪🇬

منذ سنة واحدة

شعور غير مكتمل

انا مشكلتي اني بتكسف زياره شويه اتربيت على حياه مقفوله شويه مينفعش تطلعي بره بعد الساعه كذا مينفعش تروحي المحل دا فيه راجل اللي واقف روحي الفرح متقوميش من مكانك كل حاجه متروحيش ومتعمليش لحد ما كبرت وبقيت مبعرفش اتعامل مع الناس مبعرفش اخد حقي بخاف اتكلم يبان اني مكسوفه معدتش بطلع طول منا ماشيه لوحدي

Orange_29663 🇪🇬

منذ سنة واحدة

شعور وحيد

أنا في ناس كتير بتقول عليه اني كتوم و مش بحب اشارك راي في اي حاجه او معني الأصح مش بحب ادخل في اي حدث غير وقت الضاروره بس و ده مشكل من عندي و انا صغير بسبب أن مفيش حد كان بياخد برأي يعني مثلا عايزين نجيب حاجه و انا اقول فكره كويسه دائما كان بيتقال حاجه واحده بس في تريقه (بس يلا )أو مش يردو عليه اصلا

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع