تايهه

Mango_71162 🇪🇬

منذ 6 أيام

شعور مرتبك

جماعه هو ايه الحل لما ابقي حاسه اني عايزه اختفي.... عايزه اروح مكان محدش يعرفني فيه... من غير توقعات من حد... مش عارفه بس انا حاسه اني تايهه اوي الحاجات اللي حواليا... مش كلها انا اللي اخترتها... بس حاسه انه مش عندي الشجاعه اني اسيبها اووووف ع اللخبطه

Orange_68136 🇪🇬

منذ أسبوع واحد

شعور مكتئب

انا مخنوقه اوى بجد كل حاجه غلط وحياتي متلخبطه مبقتش عارفه انا بعمل اي و اى الى المفروض اعمله و اى الي معملهوش حاسه اني تايهه ونفسيتي زفت مبلاقيش دعم نفسي من اي حد وساعات بقول انا مش مستنيه دعم نفسي ولا مستنيه حاجه من أهلى ولا غيره بس الحقيقه اني مش بخير والمفروض في حاجات كتير اعملها بس ديما بأجل كل

Candle_65721 🇪🇬

منذ أسبوع واحد

شعور ضائع

لحد امتى هفضل الملجأ للكل وانا لازلت مش لاقيه ملجأى فكره انك تفهم وتحس بالكل ومحدش قادر يفهمك كانك غريب فى قلب بيتك انا تعبت من غربتى اجبرت نفسي ابعد واكون لوحدى مش عارفه امتى هطمن وهقدر ألاقى ملجأى انا بس نفسي ع الاقل احسن انى مفهومه ولو مره مره واحده بس اتفهم فيها لانى بجد تايهه وتعبت بجد عاي

Biscuit_67575 🇪🇬

منذ أسبوعين

شعور مرهق

انا تايهه اوي اتعودت على وجود شخص في حياتي ولما اختفي بجد حاسه حياتي وقفت مش قادره ابذل مجهود ف اي حاجه مش قادره اشتغل مش قادره اعمل اي حاجه بسيطه كل حاجه تقيله على قلبي بحاول اتجاهل الشعور ده بس مش قادره وال يزعلني اني مستنيه منه مكالمه او رساله وحتي لما انا اخدت الخطوه وبعدت وعملت بلوك من كل حاجه

Orange_85755 🇪🇬 عملك بلوك عشان هو حياتك اي علاقة بين اتنين هيا حرف H. انتي ليكي حياة وهو حياة وبيتلاقوا في بعض الحاجات ممكن تكوني صفعة ليكي تشوفي حياتك حولي الغضب اللي عندك دا إنك تجيبي نسخة كويسة من نفسك

عرض الكل 9 نصيحة

Sugar_76392 🇪🇬

منذ أسبوعين

شعور مكتئب

أنا حاسه اني مخنوقه جدا و زعلانه و حاسه نفسي ان أموت و اخلص بس عارفه انه أنا مهمه في حياه ناس بس مش قادره أعيش يمكن عشان حاسه نفسي تايهه و مش محققه حاجه مهمه بشهادتي و لا بحياتي و حاسه اني متمتعتش بحياتي و عايزه أعيط طول الوقت و حتي عندي مشاكل في العمدي من كتر القلق و السترس و طول الوقت عايزه ارجع و

Orange_85755 🇪🇬 انتي جاية الدنيا عشان تدخلي الجنة لو صليتي صلواتك واطاعتي ربك انت كدا بتعملي حاجات كتير ناس مش قادرة تعملها بس وهم المنافسة والإنجازات الوهمية ومن ساعة السوشيال ميديا حسست الناس بالنقص النبي عليه الصلاة والسلام بيقول من بات امنا في سربه معافا في بدنه عنده قوت يومه فكأنما حيزت له الدنيا بحذافيرها رددي كتير لا حول ولا قوة إلا بالله خشي يوتيوب اسمعي سلاسل اي حاجة الدكتور عماد رشاد هيوعيكي شوية

عرض الكل 3 نصيحة

Strawberry_76036 🇪🇬

منذ أسبوعين

شعور وحيد

هتفضل وفاه أبويا الحاجه اللي كاسره قلبي طول عمري💔 لما أبويا مات وسابني سمعت كلام كتير قوي زي كلنا هنموت وهو استريح في مكان أحسن والحياه هتمشي عادي وتعيش حياتك وشد حيلك عشان وعشان وعشان هي آه الحياه ماشيه فعلاً بس ماشيه وهي ناقصه عمر كامل الحياه ماشيه وهي ناقصه شخص كان هو عمري كله شخص سابلي ذك

Cherry_71804 🇪🇬

منذ أسبوعين

شعور محبط

بحس اني كتومه اوي مبعرفش اعبر وعمري ملقيت الحد المناسب اللي اقدر اخد رايو فحاجه معظم الوقت بيني وبين نفسي تايهه ووجهتي المعروفه بتبقي مؤذيه ليا مش فاهمه نفسي وحاسه ان عمري مهفهمها ومحدش هيفهمها بتجيلي هلاوس كتير وكوابيس مزعجبه عاوزه اتحرر من قيود مجهوله واهرب من مصير محتوم الموضوع صعب والقرار فيه اص

Mango_22117 🇪🇬

منذ أسبوعين

شعور مستنزف

بقيت انا السيئه في روايه الناس و في روايتي انا كمان لو حاسه كدا الحل ايه ولو ببوظ حياتي و كل حاجه ملغبطه و تايهه اعمل ايه vvvvvvvviiiiiviiiiiivvvvvvvvvvvvvviiiiiivviiiiiiiiiiiiiii

Tofu_76193 🇪🇬

منذ 3 أسابيع

شعور ضائع

أنا تايهه لدرجة إنى مبقتش عاوزه اعيش ، مش عاوزه أكمل ، انا تعبت من حياتي ،تعبت من تقصيري تعبت من كثرة ذنوبي وإنى مش عارفه ابدأ أو أعيش صح زى ما بتمنى ، حياتي بقيت عباره عن مستنقع ومش لاقية حد يخرجني منه بالرغم من إني حاولت كتير ولكن لا جدوى للأسف ، انا مش عارفه أقول إيه أو أحكي ايه ، بس أنا ضايعة ،

Sugar_21815 🇪🇬

منذ 3 أسابيع

شعور منزعج

حاسه اني ديما وحيده و متلغبطه و تايهه انا عندي ١٧ سنه و المشكله ان كل اللي حواليا مرتبطين و بيحبوا بعض و نظراتهم لبعض جميله و كلها حب بس انا اتوجعت و مش عارفه افوق بحس ساعات اني مخنوقه و مش طايقه نفسي و مش قادره اكمل حاجه حتي موقف حصلي من شويه كان في حد بيركن عربيه جمب الرصيف ف في محل حاطت قدامه طوب

Croissant_80834 🇪🇬

منذ شهر واحد

شعور ضائع

دلوقتي انا لسه سنه اولى جامعه وتايهه بجد مش من فكرة الدراسه ولا الجو ده انا بس طلعت من ثانويه عامة مش سوية نفسيا واهلي مش مساعدين في الموضوع لان بنسبه كبيره شوية هم السبب انا مش بلومهم هم خايفين عليا بس الفكره كلها اني بقيت متلغبطه وكل حاجه بايظه بجد مبقتش حاسه بفرح أو حزن أو قلق هو مجرد فراغ مبقتش

Chilli_69971 🇪🇬 تلوميهم عادي هما السبب لانهم نرجسيين دايما بينتقدوكي وبيقللوا منك وبيخلوكي تحسي بالذنب(تلاعب وابتزاز عاطفي) دمروا ثقتك بنفسك، مالهمش علاج الاهل دول ومدمرين

عرض الكل 6 نصيحة

Cherry_59452 🇪🇬

منذ شهر واحد

شعور ضائع

عبّر عن شعورك بشكل مجهول

بصو انا تايهه ومش عارفه اي الحل
انا بحب واحد بقالي سنتين ونص الشخص ده عرفتو بالصدفه وبقينا صحاب جدا وهو الصراحه شخص معقد نفسيا معندوش مشاعر اصلا بسبب انو بمر بظروف وحشه جدا وكان بيحب واحده وخانته مع صحبو وهكذا يعني المهم انا كنت متعلقه بيه جدا وحبيتو اوي هو كان عارف ومع ذلك بدا يبعد وقال انو مش مستعد يدخل علاقه دلوقتي بعد عنه 6 شهور ورجعنا نتكلم تاني كنت انا ارتبط وهو ارتبط وهو كان بيحكيلي انو بيخون البنت دي ومش عارف اي انا لما فركشت هو فركش بعدي وعدت فتره هو عارف اني لسه بحبو اوي ومتعلقه بيه تعلق مرضى قولتو اني بحبو قعد يقولي مش مستعد ومش عايز اظلمك وبلاش ارتباط لحد ما اجي اتقدم انا رفض وفعلا ارتبطنا بقيت كل فتره اعرف عنه معلومه جديده تصدمني ومع ذلك مكمله بحبو بشكل اوفر ومعميه عن عيوبو ونا بعترف دلوقتي اني معميه فعلا كل ده مفهوش مشكله هو حنين وجدع لكن مبيهتمش بزعلي اوي يعني ممكن يسبني بالايام ميسالش وحجتو انو نسى انا زعلانه لي حاليا اصلا متخانقين بسبب انو كنت بكلمو كول وهو سيبني وبيرغى مع اخوه ومبعتليش بقالو 3 ايام المهم غير انو مبيهتمش بزعلي هو مبيهتمش عموما حياته كلها فى الشغل وبيرجع ينام وكل كام ساعه رساله ويالحقنا نتكلم يا لا حياته حرفيا شغل ونوم غير كده حياته كلها مشاكل ومفككه بيرمي كلام فى النص يوجعني وبعدين يقولي كلام واترمى متعمليش حوار 
انا شكه انو بيخوني بسبب ان لما نزلنا سوا قولتو هات فونك رفض وفضل ماسك فونو مرضيش يديني اكونتاته رغم انو خد اكونتاتي وعامل يقولي حجج فارغه زي صحابي ومينفعش وناسي الباسوورد وهبيع الاكونت انا شكه انو بيخوني رغم ان معندوش بنات هو حتى مش عاملي فولو كل لما اعمل فولو يشيلو ويقولي مش عايز حد يدايقك حساه مخليني فى الضلمه رغم انو معرف اهلو بس برضو انا تايهه اوي معرفش اي الحل هي دي عيوبه والي بيعملها لكن هو حنين عليا اوي بس تقريبا حنين فقط مش لاقيه مميزات تانيه 
مش عارفه اعمل اي بفكر اختفي فجاه من حياته واعمل بلوك من كل حته وابعد بس حسه بذنب ناحيته رغم اني متاكده انو بيخوني وبيكلم بنات والكل اكدلي ان حركاته اكيد فيها بنات بيكلمها بس انا لي حسه بذنب نحيته اني امشي حتى لما سبتو هو اتمسك بيا جدااا بس انا سبتو 3 ايام وكلمتو ورجعتلو قررت اديلو فرصه يمكن يتغير متغيرش 
هو بيحبني ولا لا 
الاغلب بيقولو بيحبني بس معرفش هو فعلا بيحبني هو عايز يتقدملي وكان جي بس ماما رفضت قالتلي استني شويه عشان يبدا يكمل تعليمو لان كان موقف تعليمو وانا اهلي مش هيوافقو عليه عشان كده 
حد عندو حل او حد مر بنفس التجربه او شخص مشابهه ليها اعمل اي بجد انا تايهه اووي انا بعملو كل حاجه عشان يرضى عني ويحبني زي ما بحبو ديما يقولي بحبك عشان انتي مستحملاني محدش استحملني زيك بحسو بيحبني فعلا عشان كده عشان انا الي بقالي سنتين ونص معاه ونا الي قدامه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_22117 🇪🇬

منذ شهر واحد

شعور مستنزف

عماله انكر اني بحبه مع ان كل حاجه فالواقع بتقول عكس كده . بس معرفش بردوا تايهه و تعبت و مش فاهمه حاجه qqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqqq

Mango_22117 🇪🇬

منذ شهر واحد

شعور مستنزف

صباح الخير علي الكل بس رد متاح للبنات بس و بلاش تلزيق . المهم حاسه تايهه شويه فقولت نتكلم شويه و نشارك افكارنا و كدا ونشجع بعض نكون احسن ❤️ qqqqqqqqqqqqqqqqqqqqqqqqqqqqqqqqqqqqqqqqqqqqqqq

Sugar_51832 🇪🇬

منذ شهر واحد

شعور ضائع

عبّر عن شعورك بشكل مجهول

بوست فضفضة مش مهم 
دلوقتي انا ف تالته ثانوي وكل المدرسين بيقولو اني هرتب وهجيب طب وكل الدفعة شايفاني مفيش مني والرول موديل بتاعتهم وبيقلدوني ف كل حاجة حرفيا وكل شوية الاقي ناس معرفهاش تيجي تكلمني عشان كله عرفني من كلام المدرسين 
المهم ان انا النهاردة كنت رايحة لمستر البيولوجي عشان اجيب من عنده كتاب واروح تاني 
ف وانا داخلة مكان الدرس مع الاسيستنت كان المستر بيشرح ل مجموعة ادي برضو بس مش مجموعتي
ف شاور عليا وقالهم دي عسل من العسلات ال ف المجموعه التانيه وفضل يتكلم عني كتير حتى ما بعد ما اخدت الكتاب ونزلت وبيقولهم مفيش زيها ولو ناديتلها دلوقتي والله تسمع المنهج كله وهما فكروه بيأفور
 ف هو لبس المايك ونادالي وروحتله وسألني اسألة صعبه وجاوبت الحمدلله وهو قالهم شايفين جاوبت وهي حتى مش مذاكرة اديلها المايك تسمعكو كلكو 
المهم دلوقتي طبعا مبسوطة عشان كلهم فخورين بيا 
بس بجد زهقت من الجبر دا عشان كنت بروح عند مستر ف اول السنه وغيرته ولما روحت عند المستر الجديد لاقيته باقيله درسين ويخلص الجبر وانا روحت من عنده وسهرت الم فيه واعمل ملخصات واحل ورا المستر ع اليوتيوب وكنت فاهمه كويس وكل حاجه 
بس لما جيت احل من الكتاب معرفتش ولاقيت افكار مختلفه غير ال المستر كان بيحلها عشان المستر دا منزل 2022 
وروحت تاني يوم الدرس ومعرفتش احل غير كام مسألة بس وكمان اتاخرت فيهم عشان يعتبر اول مرة اطبق ع الدروس 
دلوقتي بجد انا تايهه مش عارفه المفروض اعمل ايه عشان اظبط الجبر وقدامي دلوقتي ٧ دروس متحلوش والحل كتير بطريقة غبية كل درس عايزله وقت وبقالي حصتين مش بروح الدرس وبجد كمية جلد ذات رهيبة ومش عارفة اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع