تبلد المشاعر

Orange_43724 🇪🇬

منذ أسبوع واحد

شعور وحيد

انا ف كليه الطب وخلاص داخل علي الفاينل باقي اقل من ٢٠ يوم وفي حاجات كتير جدا مراكمها ومش عارف اي تبلد المشاعر اللي عندي ده عايز اذاكر بس مش قادر مش عارف ازاي كنت اذاكر ف ثانويه عامه بالساعات دلوقتي مش عارف اي اللي حصل وانا ف سنه اولي كليه ومتغرب ف الناس في البلد كده تحس مستنين يشوفو اي اللي يحصل عاي

Strawberry_88729 🇪🇬 جيالك من المستقبل وبقولك ذاااكر علشان زي ما ف عيون عايز تفرحها ف عيون عايز تكسرها ياريت لقيت اللي ينصحني

عرض الكل 2 نصيحة

Avocado_81794 🇪🇬

منذ أسبوعين

شعور لا مبالٍ

أنا حاسس الفتره دي بكمية تبلد ومعنديش اي مشاعر مش بتأثر بأي اخبار حزينه أو مؤثره ممكن اشوف واحد بيموت قدامي ومحسش بأي حاجه وده فعلا شوفت فيديو واحد بيتد بح ومتأثرتش ولا اي حاجه وحرفيا كل الاخبار والحاجات الي بتظهر الفتره دي على السوشيال ميديا مبتأثرش فيا بأي شكل من الأشكال

Avocado_87993 🇪🇬

منذ شهر واحد

شعور شاعر بالملل

كنت انسانه شغوفه جداً وبتحب المرح والضحك واعرف ناس من كترها سعات مش بفتكر اساميهم بس حاليا بقيت شبه انطوائيه، غامضه،هاديه ،مش بتكلم يعتبر، فاقده شغف وطاقه حاسه اني اتغيرت وكتير بيقولو كده بس فعلا مبقتش مهتمه ب اي حاجه اذا كان هيخرج من حياتي او هيفضل ، حد مات ، حد اتكلم عليا جالي تبلد مش طبيعتي ولا د

Strawberry_81348 🇪🇬

منذ شهرين

شعور محبط

اتعرضت للرفض كتير ف حياتى و اتوجعت و اتأذيت لدرجة انى بقيت أحس انى أصلا معنديش إحساس بقيت قاسية و قلبى جامد رغم أن من جوايا ببقي بتقطع و قلبى بيتعصر بس من كتر م حبيت مشاعر مبقتش بعرف أظهرها حرفيأ اللى بيحصل معايا دلوقتى أن حتى لو معجبة بحد مثلاً و بدأ يقرب منى و يقولى أنه معجب بيا ارفضه انا لو حد

Pineapple_82263 🇪🇬 الموضع بسيط جدا وليه حلول كتير اوي بس علشان توصلي ل اول خطوه لازم تعرفي انه مش ذنبك وانك مش قاسية ولا وحشه

عرض الكل 6 نصيحة

Waffle_47307 🇪🇬

منذ شهرين

شعور خجول

عبّر عن شعورك بشكل مجهول

يعني انا حابه اني اتكلم عن موضوع المشاعر ده قوي لان هو مهم
ليه الواحد ممكن ما يقدرش او ما يعرفش انه يعبر عن مشاعره بشكل صريح او ما يعرفش انه يعبر عن مشاعره بشكل عام في اسباب كثير قوي اكيد كلنا عارفينها زي مثلا انطوائي زي مثلا كتوم او اتعرض لصدماتة او حتى ما لقاش اللي يسمعه 
الموضوع رخم بس ليه حلول والناس اللي مش بتعرف تعبر دي 
انك تعرف توظف مشاعرك ومواضيعك وتبوح بيها مش سهله بس محتاج انك تخوض التجربه لانها ممتعه اوي تكتشف ذاتك وتوظف مشاعرك بشكل صحيح دي من امتع الحجات اللي ممكن تعملها في خق نفسك حرفيا 
يعني تجرب انك وقت الزعل تحاول تعيط وتتكلم 
حتي لو هتتكلم مع نفسك 
انكلم مع نفسي ازاي؟ 
يعني تروح مكان بترتاح فيه وتسمع موسيقي هاديه او قران وتتكلم مع نفسك او تعمل ريك لمشكلتك وترد عليها فاهمين حاجه 
اوحتي تبكي البكي والله ما ضعف اذا كنت ولد غو بنت دي طريقه الجسم بيحتاجها عشان يفرغ الضغط والتعب زي وسيله راحه ليك ليه بتحاول تمنعها 
في اوقات بتحس بتبلد في المشاعر او انك مش حاسس بحاجه او حتي في موقف المفروض تكون مبسوط وانت مش حاسس بحاجه كده حاول تظبط الامور دي وتوجه مشاعرك في الوقت الصح مش بقول تمثل حاول تساعد نفسك لانها اولي بيك

من كتر مانا عندي كلام كتير مش عارفه ارتب الكلام وبدخل من حته ادخلكم في حته تانيه معلش بيبقي عندي حماس ان الواحد يفهم مشاعره وازاي يخرجهم في الوقت الصح ويتحم فيهم ويكتشف ذاته لان فعلا الموضوع ممتع بس والله والله علي قد ما هو ممتع بس من اصعب الحجات انك بتحاول بس تعملها مش ساهله هي محتاجه تفاؤل وامل حتي لو بسيييييييط اوي انك تتعلم ازاي تتقبل نفسك زي مانت وتحبها دي هتفرق معاكوا انا مش واو بقي ولا كده انا برده بس بحاول عندي طاقه بحاول استغلها مش اكتر انا بكتشف ذاتي ودي حاجه انا حباها بردو بس صعبه اوي يجدعان بجد
لان كل حاجه بتكتشفها مش كل حاجه هتعجبك او تلاقي عندك حجات بص لغبطه كده وخرابيط في بعض
المهم البدايه

سوري علي الخلطبيطه بالصلصه دي🤡💗

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_63749 🇪🇬

منذ 3 أشهر

شعور ضائع

Coffee_70175 🇪🇬 نصحتي انك تاخد وقتك تدي لنفسك فرصة انك تحس من جديد وتهدي محدش بيجري وراك

عرض الكل 2 نصيحة

عبّر عن شعورك بشكل مجهول

مش عارف انا ليه بجد محمل الابلكيشن ولا كنت متخيل اني هحكى اللي هقوله دة بس قولت اشارك بس مش اكتر الموضوع اني كنت بحب واحدة جدا جدا لدرجة صعبة اوي وكنت حاسس من ناحيتها بنفس الشعور وحرفيا كنا بنقضى تقريبا يومنا كله بنتكلم مع بعض الكلام دة بالمناسبة من ٢٠١٣ وكنت ف ثانوي وقتها المهم صارحتها بحبي ليها بس للاسف هيا قالتلي انها بتحبني جدا جدا بس زى اخوها ومعندهاش استعداد تخسرنى لان لو ارتبطنا اكيد هنخسر بعض وانا قولتها خلاص تمام نفضل صحاب بس للاسف انا مقدرتش اشوفها ك صاحبة ليا فضلت احبها ودة اللي خلاني حاليا مستنزف عاطفيا المهم ان احنا كلامنا من بعد الجامعة ابتدا يقل تدريجيا لحد م انعدم تماما واختفت ودة كان جزء من خطتى عشان اتخطاها واعيش حياتي وافوق لنفسي وبالفعل خطبت وفركشت وحاولت ارتبط بس دايما بحس ان خلاص مبقاش عندي حاجة اقدمها للانسانة اللي خطبتها حاسس ان صرفت كل مشاعري بقيت متبلد المشاعر ومبقاش يفرق معايا خالص سواء ارتبط او لا او الاقى حب جديد او لا بجد حاسس انى تايه وكمان خايف ارتبط بواحدة واظلمها معايا للعلم انا مرتبطش ببنت قبل كدة غير اللي خطبتها وخطوبتنا مكملتش ٣ شهور 
واسف علي الاطالة🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_76290 🇪🇬

منذ 3 أشهر

شعور مرتبك

من سنه بالضبط حياتي اتغيرت وبدأت مرحلة جديده . ومن ساعتها وانا حاسه ان عقلي اطفى وان اقل حاجة معدتش بقدر افكر بيها وكأن الجزء المسؤول عن المشاعر في دماغي قفل فمعدتش استقبل اي شعور ولا عارفه حتى استوعب اي حاجة وفضلت ايامي بتمشي وبتعدي عليا وانا بنسى حتى الأحداث والمشاعر الي كانت في الأيام الي فاتت م

Chilli_76316 🇪🇬

منذ 3 أشهر

شعور مرهق

ازاي ممكن تتعاملوا مع تبلد المشاعر؟ انا عندي تبلد مشاعر غريب.. مش بحس بحاجة وحشة وبنفس الوقت لا بحاجة حلوة، ايامي كلها بقت شبه بعض، مش عارفة اطلع من الفترة دي، انا كل مشكلتي في صحتي الجسدية اللي انا مقصرة فيها جامد.. وكإني بعاقب جسمي مع ان جسمي ملهوش دعوة، لكن انا بجد مش قادرة اكل، باكل وجبة واحدة ب

French Fries_76264 🇪🇬

منذ 3 أشهر

شعور ضائع

انا شخص معنديش مشاكل او هموم ذي باقية الناس هنا ممكن عندي لكن اشوفها ملهاش اهمية رغم لما حد يعرفها اللي قدامي يتفاجأ من حجم الأمور مش عارف هل ده تبلد ولا ايه لكن بقيت متعود وخايف هل ممكن ده يأثر عليا قدام ؟

Blueberry_29908 🇪🇬

منذ 4 أشهر

شعور لا مبالٍ

عبّر عن شعورك بشكل مجهول

اختى الصغيرة عندها 2 سنة  اختي، و فى مرة كانت بتعيط، وأبوها كان شايلها لكنها كانت لسه بتعيط. كنت سمعاها بس ما طلعتش عشان بلوزتي كانت في الصالة ومش مناسب اطلع بلبسى ده . بعدين ماما سألتني ليه ما طلعتش، فقلت لها: "أنا مالِي"، بدل ما أقول السبب. ولقيتها ردت وقالتلي: "إنتي خسارة فيكي كباية الميه، وكنت أتمنى لو خلفت كلبة بدل منك. ده الفرق بين الإنسان والحيوان، المشاعر، وإنتي معندكيش. ياريت موتي، ياريت ربنا ياخدك. خسارة فيكي تربيتى. حسبنا الله ونعم الوكيل فيكي، يا شيخة، إنتي باردة، وقلبك قاسي، قاسي جدًا، وعندك تبلد مشاعر، ومش بتحسي بحاجة حواليكي. أول مرة أشوف بني آدم زيك وطبعًا ماما مش بتسيب أي مشكلة من غير ما تتكلم على جسمي. لقيتها بتقول لي: "بقيتي زي الجاموسة على الفاضي. إنتِ جسم على الفاضي أصلاً، من غير عقل. ما بتفكريش في الكلام قبل ما تقولي، بترمي الكلام اللي بيجرح الناس وبس." ملاحظه انا مش تخينه بس جسمى مليان شويه على سنى والفكرة أنه مش بمزاجى كمان انا عندي حاجه عامله فيا كده وبعد ما عملت التحاليل شاكه فى مرض مناعى بس التحاليل عملتها من ورا اهلى وبفلوسى ومش عارفه اجبها لهم ازاى 
، المهم ". وأنا كنت باكل، لكن كان الأكل مش راضي ينبلع، لكن عملت نفسي عادي وكملت أكلي، رغم إن جسمي كان بيرتعش من قوة الكلام. وبعد كده كنت هقولها السبب، لكن ما قدرتش.

قلت لها: "يا ماما، أبوها كان شايلها وأنا بلوزتي كانت بره"، لكن ردت وقالت لي: "ما عتيش تكلميني، ولا ليك دعوة بيا." ولما كنت هتكلم تاني، قالت لي: "آخرسي." كملت أكلي، قمت وضبطت الأوضة، وقلبي كان مقهور ودماغي بتوجعني. بعد ما خلصت، قلت لها: "أنا عايزة أروح للخياطة عشان أظبط هدومي وأفتح معاها كلام، وفي نفس الوقت عايزة أنزل أشم هوا"، قالت لي: "ربنا ييسر." عرفت إن المفروض أقعد دلوقتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_69856 🇪🇬

منذ 4 أشهر

شعور مرهق

ايه ال بيخليك ترفض اى شخص يدخل حياتك حتى بعد سنين من فرقاك عن ال كنت بتحبه زمان عالرغم انك مبقتش تفكر فيه ولاكن بعد سنين بقيت ترفض كل الناس بقيت متبلد المشاعر كنت بتحب القصص الرومانسيه والافلام الرومانسيه بقيت تكرهم وتكره اى اغنيه رومانسيه الغريب أنه حتى بعد سنين كتيرة لسه بردو كده ايه السبب

Olive_67152 🇪🇬

منذ 5 أشهر

شعور غير مكتمل

عندي كلام كتير عايز اقوله مش عارف ابتدي منين قصتي باختصار ان شاب ظلمت من الجنس الثاني بسبب تبلد مشاعرهم ناحيتي حيث اجد عقبه في كل محاوله ارتباط يا اما من الاهل او بسبب شروط وانا حائر ومتعب ولا اعرف ما الصح وما الخطاء ا بفكر ارتبط باي بنت وخلاص تقبل ظروفي ال عاديه يا ريت الاقي اللي تعوضني الحب اللي

Croissant_60032 🇪🇬 كمل سعي في طريقك بدون الانشغال لأي طرف أو علاقة تانيه وانت هتلاقيها اكيد بس مع الأيام مش لازم تدور وتقبل اي حد

عرض الكل 2 نصيحة

Apple_55922 🇪🇬

منذ 5 أشهر

شعور مذنب

إتبلدت مشاعري من كمية الصدمات العشتها مع أهلي لدرجة أن خالي لسة متوفي من يومين ومحستش بأي حاجه خالص ولا زعل ولا فرح ولا أي حاجة رغم أن والدتي طول اليومين عمالة تبكي بحرقة بس برضو محستش بحاجة. هل أنا كده محتاج أزور دكتور نفساني؟ هل الموضوع ممكن يتطور لو ملحقتش نفسي؟

Coconut_56027 🇪🇬

منذ 6 أشهر

شعور مرتبك

Lemon_56819 🇪🇬 ارجعى اللى الله يا اختى هوا احن علينا من انفسنا و اطلبى العون و الاستغاثة من الله سبحانه و تعالى و التزمى الصلاه و قراءة القرأن والله فيه شفاء للصدور و اكثرى من الصلاه على سيد الخلق محمد رسول الله صلوات ربي و سلامه عليه اسأل الله ان يشرح صدرك و ييسر امرك و ان يبدل حالك لا احسن حال

عرض الكل 9 نصيحة

عبّر عن شعورك بشكل مجهول

انا عندي مشكله غريبه جدا وهي تبلد المشاعر انا بنت مشاعرها مكتومه جدا مبعرفش أظهر مشاعري أبدا لأني مريت بصدمات كتير جدا ورا بعض الاول حصل تحرش من حد من قرايبي وكنت صغيره وبعدها بابا عمل حادثه وبعديها بسنه جاله كانسر ومات وانا كنت متعلقه بيه جدا بعدها ماما جالها في القولون واتعالجت بعدها انا جالي في الرئه وشلتها واتعالجت الحمد لله وأثناء فتره علاجي اكتشفت أن خطيبي سايبني اعافر وكان بيكلم الاكس بتاعته وسبنا بعض بعدها ف حاسه اني مبقتش بجد بحس بحاجة أو أنا بحس بس داخلياً 
في أقصي مراحل الانهيار الداخلي لكن برده في أقصي مراحل الثبات الخارجي 
مبقتش بعرف أعبر عن زعلي مبقتش بعرف اقدم اي مشاعر لأي حد ممكن اكون بحب حد جدا بس جوايا ومش قادره اعبر بدا ممكن اكون مخنوقه جدا و جوايا ببكي دم لكن خارجياً انا في تمام التماسك وممكن اضحك واهزر كمان ده غير الزعل الغير مبرر من كل الي حواليا والحساسية الزايده أدق التفاصيل البسيطه بتزعلني ممكن مثلاً نبقي واقفين سته وانا اتكلمت قولت حاجه ومخدوش بالهم ف أزعل وجوايا يبقي موضوع مش بقول بس من جوايا بشيل ممكن مامتي تبقي بتجيب مثلا حاجات برا و ابقي انا واخويا طالبين حاجات وتجيبله حاجته و تنسي الي طلبته ف جوايا الموضوع يبقي كبير جدا رغم أنه بسيط بقيت كمان طول الوقت بتخيل سيناريوهات وحشه جدآ جدآ وعندي كسل اعمل اي حاجة انا كنت شخص نشط جدا وبيحب الحياه تحولت لشخص معندوش طاقه يقوم من السرير طول الوقت وعايز ينام وحقيقي مش عارفه اتعامل معايا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_40631 🇪🇬

منذ 10 أشهر

شعور متعب

السلام عليكم انا من صغري وباخد في صدمات وبعدي منها صدمات كتير لغايت وقتي الحالي بس خلاص انا بقا تفكيري مشتت علي طول مبعرفش اشتغل دقيقه علي بعض دماغي بتقف يأما افكر في حجات اذتني يأما تقف خالص زاسرح من غير تفكير الذكاء والذاكره بقو صفر المشاعر مفيش كنت بزعل وبضايق دلوقتي تبلد تام مش حاسس بحاجه غير

Chocolate_89205 🇪🇬

فخوره بيا أوووي! نزلت أول روايه و تالت كتاب ليا

حقيقي انا فخوره بيا اوووي النهارده نزلت اول روايه ليا و تالت كتاب اطبع و حاسه بفخر اني بقيت كاتبه بجد حاسه اني مبسوطه وانا متوثقه اني كاتبه ادبيه مصريه بجد كميه فخر مش في حد افرحو بيا يا جماعه انا زي اختكم فهمين 😂🫶🏻. ...عرض المزيد

12 الدعم

28 نصيحة

Kiwi_59601 🇪🇬

عارفة سر وحدة وحش.. أقول لزوجها ولا أسكت؟

بطلب نصيحه لو انا عارفه حاجه و حشه عن وحده و اتفضحت قدامي اقول لجوزها و لا اسكت+ في حاجه جوايه مش مرتاحه بتقولي قولي مش عارفه امشي ورا الصوت الي جوايه ولا لا و هل دا صح ولا لا اتمنى نصيحه حقيقية ...عرض المزيد

2 الدعم

25 نصيحة

Diamond_89796 🇪🇬

بتمتص الطاقه السلبيه من كل واحد! فكره حلوه بس اعععع

سوري ي جماعه ف اللي هقوله أنا لسه منزله الابليكشن النهارده وكنت عايزه اشوف دماغ الناس اي مشاكلهم الجانب القاسي ف حياتهم ولعل وعسي ارتاح هنا واعرف اتكلم وعماله حرفيا بنصح كل واحد علي قد معرفتي بس أنا حاسه بطاقه سلبيه جدا حاسه اني بمتص الطاقه السلبيه بتاعت كل واحد لا بجد شئ صعب اوي هي فكرته حلوه بس ف نفس الوقت لو حد فضل عليه طول الوقت جماعه اععععع ينييميميىرزعيخصخصخرسرنسخسنسرسرسررطنطهخطمطو و و ومخطنبنيريرثوينينيريريوينيثنثنثنثننرطرطرينينممخ ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع