تحقيق الذات

Strawberry_74955 🇪🇬

منذ أسبوعين

شعور وحيد

Mango_77928 🇪🇬

منذ شهر واحد

شعور متعب

مجرد فضفضة تعبت و زهقت من الدنيا واللي فيها عايزه افصل من كل حاجه.. من الناس والمسئولة عايزه اروح مكان هادي و رايق مفيهوش ناس كتير وكل واحد في حاله عايزه أحقق اللي ماعرفتش احققه قبل كدا واتنازلت عنه مجبرة عايزه حاجات كتير وللأسف مش كلها سهل تتحقق نسأل الله التساهيل

Carrot_28547 🇪🇬 حلوة الحجات الي مش سهل تتحقق بتخلينا نعيش نعمل حاجة اصل لو سهلة عمرنا ما كنا هنحس بطعم اي حاجة زي النعم الكتير الي في حياتنا ربنا ادهالنا ومش حاسين باهميتها متخافيش من الصعوبة خليها تحدي ولو خير ليكي هتوصليلها

عرض الكل 6 نصيحة

Mango_71082 🇪🇬

منذ شهرين

شعور لا مبالٍ

السلام عليكم الى عنده حلم ونفسسه يحققه او خايف يتكلم عن حلمه او نفسه يوصل لايه والناس بتتريق عليه خلينا نشارك احلامنا مع بعض قلى نفسك توصل لايه ايه الى مخوفك تمشي فحلمك خلينا نفضض نسمع بعض

Coconut_52562 🇪🇬

منذ شهرين

شعور لا مبالٍ

هو ايه اللي مفروض احققه وانا في سن 18 ممكن لسه مش كبير بس حاسس عمري راح فالفاضي عموما انا ناوي ابدا حفظ القران واتعلم في الدين وانا في تجاره ف هجتهد فيها باذن الله وهمشي في كورسات اوفيس واي كورس ليه علاقه بالكليه وهظبط اللغه عندي مش عارف ايه تاني ممكن اعمله عايز ازود وعيي ونضجي عموما ف مش عارف ا

Sugar_83090 🇪🇬

منذ 3 أشهر

شعور مستنزف

حاسه اني نفسي اعمل انجازات في حياتي وحاسه اني عايشه بلا هدف ومعرفش لي الشعور ده؟ مع ان يعتبر بتعلم وبحفظ قران وبعمل حاجات مفيده بس مش حساها تفتكرو المفروض اعمل اي عشان احس ب انجازاتي واحس ان ليا هدف

Pistachio_55168 🇪🇬 عندك كام سنة؟

عرض الكل 3 نصيحة

Mango_55638 🇪🇬

منذ 3 أشهر

شعور مكسور القلب

انا شاب ف كليه طموح وعاوز احقق طموحي بس لسه ربنا مش الهمني الطريق ومتشدد ف التفكير ودائما تفكيري ف البزنس وازاي اكبر وابقي حاجه كويسه ليا وف حياتي عموما بس مش عارف ابدا ازاي أو اعمل اي ومن النوع بكره الشغل عند الناس بسبب قله الزوق اللي بيتعامل بيها ويبقا متحكم فيك وحاجة اخر قرف

Broccoli_81673 🇩🇿

منذ 3 أشهر

شعور محبط

موضوع:

خطأ وقعت فيه تتمنى غيرك يتفاداه

باختصار العلاقات المحرمة حتى ولو كانت بنية الزواج وبدون وجود تلامس الله لم يحرم شيئا عبثا وجلد الذات المفرط الذي يمنعك من شعور الإنجاز وتضن انك مهما قدمت وسعيت لن تصل إلى المستوى المطلوب

Avocado_70540 🇦🇪

منذ 6 أشهر

شعور مستنزف

مغترب بقالى سنتين عشان اكون نفسى واحقق حاجة بس ولا حققت حاجة ولا عارف انا عايز اعمل كده عشان مين لأن مفيش حد فى حياتى انا مش عارف ده احساس طبيعى ولا انا مأفور اتمنى لو حد مر بتجربة مشابهة يعرفنى شكرا

Cookies_70513 🇪🇬 لا ده طبيعي انك تكون مش حاسس انك بتحقق حاجة لأنك بتروح بطموح عالية اوي بس لما الطموح دي مبتحصلش على طول بتضايق بس عادي كمل انت بس و ربنا يعينك و هتوصل في الاخر انت اجتهد بس

عرض الكل 3 نصيحة

Popcorn_69069 🇪🇬

منذ 6 أشهر

شعور مرتبك

عبّر عن شعورك بشكل مجهول

انا في حيره من امري الفتره الاخيره او تقريبا من بعد ما بقيت مستنيه نتيجه تخرجي وانا قاعده افكر هعمل ايه بعد ما تظهر هشتغل ايه ف مجالى ولا ابعد عن مجالى نهائي واشوف شغل ارتقي بيه وهل ممكن امشي فكلوا ولا هبقا بضحك على نفسي وما بين اني كشتغلش خالص واقعد ف البيت واستني يبقا عندي بيت واسره وحياه احبها وتحبني ومابين اني اصلا بوردرلاين فانا مش عاوزه اتجوز وخايفه من الجواز بس حاطه امل انه هيبقي حاجه حلوة اوي هحبها اوي لما اشوفه واتعامل معاه هتخليني ابقا شايفه انه هو ده شريك عمري اللى جاي فانا محتاره وامي واخواتي البنات واخويا الصغير مش عاوزني اسافر واشتغل واحقق نفسي وكل الحاجات اللى بحلم بيها واخويا الكبير شتيف انه لا محدش ينفعك وانه لازم تشتغلي على نفسك وتطوري ومتقفيش ومتسمعيش كلامهم فده واعملى اللى عاوزاه وارجعي اقعدي ف البيت بعدها كده كده هتجوزي بس يبقا معاكي حاجه لو احتجتي تشغلي نفسك تعملي ده انا زمان كنت دخلت كليتي ظي عشان عاوزه اشتغل يبقا معايا فلوس واجيب لنفسي كل حاجه بحبها ومفكرش فان ايه ده انا مينفعش اصرف ده واحس انه كتير عليا اصرف يبقا معايا فلوسي واحوش وغيرو بس انا مش عارفه ابدء وبفكر اتعلم انجليزي بس تعبي مخليني مش قادره اعمل حاجه وكمانبقيت احس نفسي مش عاوزه اتكلم او افضفض لاني ممكن مبقتش سهل عليا اسمع الناس رغم ان عندي استعداد وبحب اسمع اللى حواليا بس اتقالي مره اني انانيه عشان بتكلم عن اللى بحسه كتير رغم اني مكنتش كده غير مع الكل بس اتقالتي ومن وقتها بفكر هو انا فعلا انانيه ومينفعش اتكلم عن حياتي ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_32691 🇪🇬

منذ 6 أشهر

شعور متوتر

عبّر عن شعورك بشكل مجهول

دلوقتي أنا وهو بنحب بعض وهو عايز ييجي يتقدملي عشان مش عايز نتكلم في الحرام وأنا لقيت انه راجل ومبادئه جميله قد المسؤوليه وهو قريبي ودايما أهلنا بيستشيروه عشان يساعدهم وهو حنين ومهتم وهو ببقولي إني فيه مواصفات فتاه أحلامه كلها وزياده من حيث الدين والأخلاق والعقليه والشخصية  وبالفعل علاقتنا كانت أكثر من مثاليه 
لكن كل حاجه عماله تبوظ بسبب مكان وأسلوب عيشته مش مناسبين ولا ليا ولا أهلي ولا لاولادي لو قررت اخلفهم بإذن الله  عشان هما في الارياف وكمان بيت عيله 
بس أنا عشان بحب مامته اللي هي خالتي وبحب أخته بس معرفش مرات أخوه ولا أخوه اللي أصلا كان متقدملي بس اترفض  
فا اتنازلت عن المكان عشان شايفه أن مش حاجه زي دي اللي هتبعدنا عن بعض وشفت أنه يستاهل مع إني زالت عشان حسيت أن كلامه دبش وأنه مش فيحاول حتي يرضيني بكلمه ومن ساعت الخلافات دي وهو كلامه دبش زي دا اللي عندي ومش هسيب بيتي وأهلي 
ولما أقوله طب حاول عشاني يقول أحاول أعمل إيه إسيب بيتي وأهلي؟ حسيته ببقولي أحاول عشانك؟ أنتي مجنونة 
وحتي دي مش المشكله الحقيقه
المشكله الحقيقيه هي الشغل 
طبعا شغل أونلاين عن طريق البرمجه أو مش عارفه لشه المهم أنه هبكون عباره عن لاب وفري لانسر مثلا أو اشتغل مع شركات اعملهم اللي عايزينه 
أنا بحب تخصصي ونفسي أعمل حاجه لنفسي بعد سنين التعب في الدراسه دي كلها والتعب اللي أهلي تعبوه عشاني عشان أنجح مش بس أتجوز واقعد في البيت 
أنا نفسي احقق حاجه بمجهودي واعيش حياتي واستمتع بالتجارب الجديده عشان أنا من شاعت ما اتولدت في البيت ومش يخرج إلا للدراسه أو كان مره يتعدو علي الايد مع  صحابي 
وقلتله أن دا حلمي نفسي احققه وحرفيا كميه الإحباط والتدمير والكلام اللي مع الوقت ليبقي مؤذي حرفيا 
منكرش إني للضوء اذيته بالكلام عشان حسيت بالخطر من ناحيته عشان هو من أن بياذيني 
أنه حرفيا أقل داعم ليا حتي لما قلتله إني دخلت تخصص كذا ومبسوطه كان رده بارد فا سألته وقال عشان دا هيخليكي متمسكه بالشغل أكتر 
وأنا بفضل أقوله مستحيل اتنازل عنه وكان حرفيا قبل ما اتناول عن الشغل كان بيخيرني يا أما هو يا أما بيت ومكان اللي يناسبني أنا وعيالي ودلوبتي علاقتنا متوتره بسبب الشغل أكتر من المكان عشان أنا اتنازلت عنه علي اساس هيتنازل معايا طالما شايفني مناسبه لبه وفكر بعقله وقلبه والأذنين مختارييني 
بس كانب بكلم طوبه ومؤقتة بستحمل منه أي كلمه عشان كلامه بقا مؤذي خصوصا أننا اتكلمتا فيه مليون مره واتخانقنا وعملنا بلوكات 
وأنا مش عارفه أعمل إيه هو سايب الموضوع في ايدي إني أنا اللي اسيبه عشان هو مش يظلمني زي ما ببقول
ونسيت أقول السبب وراء رفض الشغل 
مش بيديني أسباب خاصه بيا أنا ك شخصيتي بيدي ك عامه 
ببقول الحياء هيقل حتي لو هيكونون باحترام تعاملك بس هيقل مع الوقت 
وقال مش عايز اختلاط 
وقال ممكن أقصر في بيته وعياله ومعاه 
وقال إن تفكيري هبكون في حاجه غيره ودا واضح أن مريح ليه 
وبيفضل يقول مش تعرف اتعامل 
خصوصا مع غيرته 
مع العلم إني قلتله متقلقش مش هعمل حاجه تضايقك واصلا الشغل مفهوش أي تعامل أقصي تعامل هبكون عن طريق إيميل أو شات 
قال أن دا برضو مش عايزه 
قلتله طب خلي معاك أنت الشااتات والاميلات رد أنت 
قال لا أنا مش بفهم في مجالك 
قلتله طب أتعلم عشاني 
قال لا مش حابب 
فالي ممكن نعمل مشروع سوء بس أنا هعمل كل حاجه حرفيا ومن كلامه فهمت إني هبكون معاه عباره عن اقتراحات بس مش معاه زي ما ببقول 
وبالنسبة لاعذاره عن الولاد أو الأولاد أنا هبكون عندي أولوية مش هقصر مع أولادي هما مش ولاده لوحده 
وعلي التعب اللي قال عليه هو حرفيا شغل حر استغل وقت ما أحب واقف وقت ما أحب مفيش تعب ممكن اشتغل وقت ما يكون هو في شغله يعني دا هيحل كمان مشكله اني أقصر معاه والحجات الباقيه 
وأنا بجد مش عارفه اعمل إيه علاقتنا اتوترت ومفيش حل بالنشباله غير إني مش اشتغل حتي لما حليتهاله من كل مشاكله 
حتي الحياء فهمته أن دي حاجه مكتسبه نقدر وتعلمها وأننا طبيعي نتعامل مع ذكور مش معني كدا حيائنا هيقل يعني مثلا يخليني اسيب الجامعه ومكملش دراستي عشان لازم اتعامل مع دكاترة؟ 
اتصرف إزاي وأنا غلطانه في إيه وأنا حاولت معاه كل الطرق والله وجبت أخري وهو ببقول لا لا لا لا وخلاص
وأنا متاكده أنه بيحبني بس هو يعمل كدا ليه مش مساعد نكون أحسن  
ليه مش بي تنازل عنه طالما حلبة كل مشاكله حرفيا علي الأقل عشان اتنازلت عن المكان اللي هنعيش فيه وأسلوب الحياه عشان ليه مش قادر يقدم خطوه عشاني وهل فعلا مفيش أي حل غير أننا نسيب بعض لاما نسيب الشغل؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_26746 🇪🇬

منذ 11 شهرًا

شعور محبط

الجواز حلو و أن يكون معاك بيبي دي حاجه جميله و نعمه من نعم ربنا الجميله ♥️ بس بيجي علي وقت اقول ياسلام لو يرجع بيا الزمن و اشتغل و اعمل كيان لنفسي و ابقا اجمد ثيرابثت في مصر و احقق حلمي نفسي اشتغل اوي بس المشكله اني متحوزه و جوزي رافض رفض نهائي علي الموضوع ده و انا متخرجه من علم نفس و عايزه احقق حل

French Fries_14743 🇪🇬 الدنيا مراحل، وتفكيرك بيختلف فى كل مرحلة، وبديهى إن أهدافك كمان تكون مختلفة. مهم إنك تكونى عارفة إن اللى فات عمره ماهيرجع، والأهم من ده إنك تفكّرى "من منظور الثيرابيست" فى تربية إبنك وتقويم سلوكه، حلمك ممكن يتحقق مع إبن يكون فخر ليكى وللعيلة كلها ويشيل اسمك وتحتفلوا بيه فى كل مكان تروحوه 😍😍❤️❤️❤️ اما إنك تكونى أجمد ثيرابيست، ف ده ممكن بس فالوقت المناسب.. اقرأى اول جملة كتبتهالك 😉 وربنا يرزقك بطفل بار

عرض الكل 5 نصيحة

Orange_19584 🇪🇬

منذ سنة واحدة

شعور مرتبك

ايه الحاجة اللي نفسكوا تحققوها فالمستقبل؟

Orange_18271 🇪🇬

منذ سنة واحدة

شعور محبط

هو أنا عاوزه اشتغل واحقق نفسي ولا مش عاوزه اضيع صحتى وافرهد نفسي ولا أنا عاوزه اي ف ام الليله دي طيب

Watermelon_18007 🇪🇬

منذ سنة واحدة

شعور ضاق ذرعًا

“مازلت أؤمن بأني سأصل يومًا إلى حلمي، إلى ذاتي، إلى ما أريد.” - محمود درويش

Apple_17847 🇪🇬

منذ سنة واحدة

شعور Bad 😞

نفسى اكون مشهوره

Durian_56202 🇪🇬

ف كام شات متعلق عندك؟ حملة صفرها

ف كام شات متعلق عندك ؟؟ وبالمره ايدكو معايا بالله كل اللي معدي يبعت نقطه عشان الحوار مستفز للاسف و فيه حد من شوية غالبا بعتلي لانه الرقم زاد من شوية ف يريت يبعت تاني #حملة_صفرها 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ ...عرض المزيد

0 الدعم

14 نصيحة

Mushroom_85386 🇪🇬

حاسة حد اعتدى عليا وأنا صغيرة ومش فاكرة.. أعمل إيه؟

تحذير⚠ كلام ممكن يكون triggering ️ حاسه ان حد اعتدا عليا وانا صغيرة؟؟ انا مش فاكره اي حاجه زي كدا ومش معنا اني مش فاكره انه محصلش، حاجات كتير معنديش ليها اي ذكريات وبتكون حصلت فعلا او بفتكرها واستغرب هو ازاي ده حصل كانت طفوله صعبه من إهمال عاطفي وابويين مش عارفين انهم نرجسيين او انهم مش عارفين هما بيعملوا ايه رغم كبر سنهم وتعاملهم مع اطفال قبلي ليه بفكر في كده؟ عشان كانوا بيسيبوني ابات عند كذا حد من قرايبنا من سن سنتين لحد 12 سنة، بدأت اشوف بةرن من وانا 9 سنين ومش عارفة ايه الي وصلني لكدا وكنت بشوف على الكمبيوتر الي كان ضهره مشكوف يعني يقدرو يشوفو ولحد دلوقتي لسه بشوف بس كل شهر وتصرف ادماني مش تصرف شهواني خالص، كنت بكون سكشواليزيد من الناس، كنت بحط ايدي وهما شايفين ومحدش عمل حاجه، عرفت كتير ان محدش بيصدقني، وتاني حاجات كتير كنت بعملها غلط وحاجات كبيره ومحدش كان بيوجهني ولا بيعاقبني كانو عاملين مش شايفين وفي نفس الوقت كنت بتضرب علي حاجات تافهه وتعمد التحقير والإهانة والضرب قدام الناس انا مش عارفة المفروض اعمل ايه بس عايزة إجابات ومعرفش الإجابات دي هعمل بيها ايه؟ مش هيحصل اي حاجة انا بس اللي هتعب بس التفكير متعب ومفيش اي ثيرابيست اقدر اكلمها في حاجة زي كده ومعرفش ليه دايما بتقابل بعدم التصديق واني بتوهم دا أسهل اتهام وخايفة اتجوز يتهمني بحاجة انا معملتهاش انا مش عارفة احكي ده لحد وياريت اللي يرد يديني حل او يقول كلمه كويسة وانا مش محتاجة اكدب وانا مجهول ما لو عملت حاجة ما اقول عادي زي ما كتير بيقولو هنا ...عرض المزيد

0 الدعم

14 نصيحة

Avocado_68794 🇪🇬

اتطلقت بعد شهرين جواز.. زوجي كان بيقولي "انت تحت الاختبار"

انا اتجوزتش فتره قليله اوى واتطلقت بعد شهرين جواز جوزى كان بيتكلم فى القايمه من تانى اسبوع جواز على اسا ان المبلغ كبير عليه وهو كان ٤٠٠ الف وفضل كده لمده شهر ونصف ويقولى ان هو اتنصب عليه مع العلم ان هو كان قاعد فى شقتى ملكى وما جابش حاجه غير العفش وبس وانا اللى جايبه الاجهزه والباقى كله وكان دايما يقولى انتى تحت الاختبار حشوف حتنفعى ولا لا وخلى امه تيجى تعد معايا من تانى اسبوع جواز بحجه ان امه وحشته وهو واحشها وفعلا فضلت قاعده لحد ما خربت البيت وطول ما هى قاعده فى البيت كانت بتقوله طلقها طالما مش جايبه العزال اللى مفروض تجيبه طلقها وبرده كان بيقولى انه كان بيعمل واجباته الزوجيه مجرد واجب وبس مش اكتر وكان بيعمل سلوك علشان مايخلفش منى وانا لما لقيت البيت بيتخرب حاولت كتير مع اهلى انه اقلله قيمه القايمه وفعلا عملت كدل ونزلت سعرها النصف مع بابا وقطعنا القايمه القديمه وعملنا واحده جديده واخيرا قولت ان الدنيا اتظبتت واتحلت ومفيش مشاكل تانى رجع من يوم القايمه بعد ماااتظبت لقيته بقولى ان ابويا حلف على امى بالطلاق انى مااااامشيش معاكى بره المحافظه اللى احنا فيها مع العلم ان كان عندى شغل فى محافظه تانيه قولتله طب وشغلى حعمل ايه فيه قالى شوفى حد تانى ابوكى ابن عمتك يوصلك قولتله طب لو حصلى مصيبه قالى مااتصليش بيا وان اهلى واخويا اهم حاجه ولو جبت منك عيل حدوس عليه سكت وعيطت وما ردتش عليه بس فى الاخر قولتله ان انت شايف ان دا جواز وانك كدا سند ليه وضهر وقولتله فكر فى طبيعه علاقتنا وقولى انت عاوز ايه بالضبط على طول فكر فى الطلاق بعد كدل امه قالتلى تعالى وانا حتصرف وبنات الناس مش لعبه فعلا روحت وبعد كدا حصل مشكله عبيطه اوى اديته التليفون فى ايده قالى انتى بتخبطيه فى ايدى وقعد يزعق جامد حاولت اصالحه لانى تعبت من كتر المشاكل راح نزل عند امه جرى وقعد يقولى انا مش حصبر عليكى وامه قالتلى اطلعى انتى وانا حبعتهولك طلع ودخل اوضه الاطفال والمشكله ما ااتحلتش برده انا عندى حساسيه صدر شدت علبا تانى يوم جامد فكان وشى احمر اكنى معيطه امه شافتنى قالتلى والله مااانتى قاعده على ذمته وفعلا راح مقعدنى زى العيل الصغير قدام اهله امه واخوه وخالته وامه قالت ان هى مش عاوزانى اروح هناك تانى ولو هو عاوزنى ولا انا ولا هو نروح هناك راح هو قال وعلى ايه وانا مش عاوزها وحخدها انا وانتى واخويا نروح نركيها عند ابوها واقوله مش عاززها وعاد الكلام فوق ال ٣ مرات وبعد كدا بصلى قالى بتبصلى ليه انا مش عاوزك وحخدك وارميكى عند ابوكى واقوله مش عاوزك انا ماااقدرتش اقعد قدامه ثانيه وقوبتله وعلى ايه وانا حمشي وفعلا طلقنى ورمانى منفصله فى الاول بدون طلاق ٥ شهور ويفضل ينزل فى شتايم وقله ادب ويبعتلى كلام صعب انى اقوله مع العلم ان قبل الانفصال باسبوع كان واخد شنطه هدومه وبيقولى ان اخوه بيلبس معاه ولازم الهدوم تكون فى بيت امه وكنا كويسين مع بعض ساعتها انا عاوزه راي حضرتك هل انا كان مفروض اتاسف وماقومش ولا كان مفروض اعمل اللى عملته فعلا ولا ايه انا صح ولا غلط ولا هو كان قصده اصلا يحل فقال كدا انا نزلتها قبل كدا بس انا بنزلها تانى لان بدات مرات اخو طليقى تقولى انتى زوتيها فى الاخر وان هو كان بيهزر لما قالك انا حخدها وارميها عند ابوها واقوله انا مش عاوزها ...عرض المزيد

0 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع