تعليقات مستفزة

Blueberry_64034 🇪🇬

منذ شهر واحد

شعور غاضب

عبّر عن شعورك بشكل مجهول

عارفين اسوء ناس عالكوكب .. اللى بينظروا و فاهمين انهم كدة جامدين .. يعني بجد مش فاهمة استفدت ايه اما تبعت لى  انا او غيري اما ننزل بوست بنفضفض فيه من حاجة مدايقانا و تقولنا اننا احنا سبب المشاكل الى احنا فيها و احنا اللى سودويين و معقدين و لو عاوزين نتغير هنتغير و الكلمتين الحمضانين دول 
يعني اعتقد الابليشكن اصلا معمول للفضفضة عشان نتحسن بس انت و امثالك اصلا اللى عقدتوانا احنا مش معقدين انتوا اللى مستفزززين بجد اقسم بالله و حقيقي انا مش برد على اللى بعتواه فى الشات لانكم لا تستحقوا الرد و ان يكون بيني و بينكم شات اخركم كدة تهروا و خلاص و ماحدش يعبركم 😤😂

و فيه نوع تاني اما تنزل انك متدايق يقولك "ماتدايقش" بس كدة اه و الله خلاص النصيحة خلصت 😂
 تقول مش عارف تلاقي شغل مناسب او اشخاص مناسبين يقولك " دور على شغل و اعمل اصحاب " 
مش فاهمة فين الحل بقا فى اللى باعتينه و ليه بيبعتوا من الاساس !!  
ببقا عاوزة أقولهم جربوا تسكتوا احسن الله يخليكم يعني بنبقا متدايقين و مش فاهمين نرد نقول لكم ايه اصلا 😂🙂 
ولا جملة انتي كام سنة ؟ على كل بوست كأنى داخلة السجل المدني  🤨 
 و أخيراً اتمني ان اى حد يشوف اى بوست سواء ليا او لغيري يفكر شوية قبل ما يكتب اى رد مستفز و يعمل بمقولة 
( كن لطيف محدش ناقصك ) 😤😬😬

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Moon_75106 🇪🇬

البيرسنج في السرة حلال ولا حرام؟ نفسي اعمله اوي!

انا من فترة كنت عايزة اعمل بيرسنج في السرة وسألت شيخ وقالي حلال لو مش هوريه لحد اجنبي و لو البيئة الي حواليا سامحة بده وانا برضو مفهمتش هل كده حلال ولا حرام انا اهلي عادي مش معترضين اني اعمله وخايفة اعمله ويطلع حرام بس انا نفسي اعمله اوي بجد ومش عارفة اعمل ايه ...عرض المزيد

2 الدعم

23 نصيحة

Strawberry_49071 🇪🇬

فشلت في الحلال والحرام والدراسة.. الفشل عندي أساسي

ولا نفعنا ف الحرام ولا نفعنا ف الحلال ولا نفعنا ف الدراسه ولانفعنا ف التخرج فشلنا ف الفشل نفسه حتي لما دخلت فلوس فشلت برضو الفشل عندي حاجه اساسيه قولت هبقي محترمه فمنفعش برضو كلو فشل ف فشل ...عرض المزيد

1 الدعم

20 نصيحة

Ice Cream_65043 🇪🇬

حاسه بخذلان شديد من خطيبي ووالدتي ومش عارفه أتصرف

السلام عليكم مش عارفه أقول ايه بس انا حاسه بخذلان شديد تجاه حياتي ونفسي الشخص الوحيد اللي اخترت اني اعيش معاه كان بيعاملني اني مجرد جاريه ليه معامله وحشه اوي وكل ما افتكر اني خلاص تعافيت يرجع يأذيني مهما حاولت ابعد بيوصلي لدرجه انه كلم والدتي وقالها بنتك مريضه وماما قلبت عليا انا مش عارفه اعيط ولا احكي لحد ع اللي جوايا بس انا تعبانه والله بدرجه صعبه انا مش عارفه شخص انا ملقتش بينا تفاهم ف مشيت بكل هدوء بدون أذى بس انا مش عارفه اعمل ايه ووالدتي كل شويه تزودها عليا وتلومني على اختياري عشان كان خطيبي انا مش عارفه اتصرف ازاي بجد اموت نفسي ولا اهرب ازاي منه ومش شعور الخذلان ...عرض المزيد

1 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع