تفسير احلام

Grape_70557 🇪🇬

منذ أسبوع واحد

شعور عاطفي

لو حد بيعرف يفسر احلام وكده يفسرلي الحلم ده لكن محدش يجود من عنده أنا بكلم ولد ربنا يتوب عليا ادعولي بس من سنتين كنت مرتبطة بواحد زميلي وسبنا بعض واحنا صحاب يعني لعبنا الارتباط وبقينا صحاب وبعدها سيبنا بعض خالص عشان مينفعش المهم أنا حلمت اني بكلم زميلي ده بقا بس كان الشات نفس شات الولد اللي بكلمه

Pistachio_57557 🇪🇬 المشي مع الأهل ناحية المدينة المنورة: المشي مع العيلة والصحاب ناحية مكان فيه نور أو أماكن منورة بيدل على الخير والبركة وإنك ماشي في طريق صح مع ناس بتحبهم.

عرض الكل 16 نصيحة

عبّر عن شعورك بشكل مجهول

لو حد بيعرف يفسر احلام وكده يفسرلي الحلم ده لكن محدش يجود من عنده

أنا بكلم ولد ربنا يتوب عليا ادعولي بس من سنتين كنت مرتبطة بواحد زميلي وسبنا بعض واحنا صحاب يعني لعبنا الارتباط وبقينا صحاب وبعدها سيبنا بعض خالص عشان مينفعش المهم

أنا حلمت اني بكلم زميلي ده بقا بس كان الشات نفس شات الولد اللي بكلمه دلوقتي وكان بيقول أنه كان خايف يكلمني عشان رد فعلي وكده وانا رديت عليه وقلت له من امتى كنت بتخاف مني وكده
المهم الاحداث الجاية برا الشات 
كنت بروح الكلية (في الحلم الطريق والكلية وحتى طريق رجوعي كان مختلف كان مدينة جديدة لسه مبنية تقريبا وسكانها مش كتير وكانت مش ضامة اوي بس قلة سكانها كان يخلي فيه اماكن فيها ضلمة وده كان مخوفني) المهم كنت بنزل من العربية بتاعة المواصلات واكمل مشي خمس دقايق وواوصل الكلية المهم اتخطبت ومكنتش اعرفه ولا شوفته قبل كده(مشوفتوش في الحلم برضو) وكنت مطنشة لاني كده كده هرفضه لاني معرفوش بس اكتشف اني اكتب الكتاب تاني يوم وبالفعل لقيتني لابسة فستان الفرح والطرح ومتشية مع بعض من صحابي(الوحيدة اللي شوفتها في الحلم واضحة كانت واحدة بس والقريبة مني عن باقي صحابي) كنت بحكيلها واقولها وانا بعيط اني معرفوش ومش عايزاه واني كده اتجبرت وإن انا يدوبك اتخطبتله شهر ملحقتش حتى وحتى معملتش حنة ولا حد من صحابي اتعزم 
سيبت صحبتي وقعدت جمب خالتي ودي خالتي الوحيدة وبرضو شوفت وشها بوضوح وتعبيرات وشها وكده كنت بعيطلها بحرقة وبترجاها تروحني معاها واني مش عايزة ده واني حتى مشوفتش وشه وهي كانت في الاول رافضة وبتقنعني افضل بس لما لقيتني بعيط جامد حسيتها اشفقت عليا وكانت زعلانة عليا أو هتعيط تقريبا معرفش (كنت هتجوز في المدينة اللي لسه بتتبني وضلمة شوية وفيها اماكن منورة على فكرة بس قليلة)
جه في بالي وقتها زميلي ده انه كده هيتفاجئ بالخبر وان هل ينفع اهرب ويساعدني بس بعدها كنسلت الفكرة هو ملوش ذنب وكده واتمشيت مع عيلتي وصحابي ناحية المدينة دي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_72283 🇪🇬

منذ 3 أشهر

شعور محبط

حد هنا بيفهم في تفسير الاحلام بجد محتاج حد يفهمني حلم طويل اوي و تفاصيله كتير و فاكرها كانها كلها حصلت معايا ……….. 😭😭😭😭😭😭😭 im tired of this shit and i want something could help حياتي كلها مقلوبه كنت ميسور جدا بقيت فقير جدا كنت اجتماعي و حوليا ناس كتير بقيت لوحدي انا لو واكل مال يتامى مش ه

Croissant_13567 🇪🇬

منذ 6 أشهر

شعور عاطفي

فى العادى مبحلمش او مش بفتكر احلامى اوى وغالبا احلامى بتبقى منطقية مش من الناس اللى بتحلم احلام غريبة وكدة وقليل اوى لما بحلم باحلام مزعجة او كوابيس وكدة بس بقالى كذا مرة لما بحلم بحلم مزعج اختى الصغيرة بتبقى موجودة وببقى خايفة عليها اوى وبقوم من النوم مخضوضة وعندى اخواتى تانيين اصغر منى بس هى اصغر

Chocolate_41492 🇪🇬 لو حلم وحش ماتحكيهوش لحد وحصني أختك كويس وشغلي دايما قرآن ورقية في البيت

عرض الكل 3 نصيحة

Marshmallow_37896 🇪🇬

منذ 8 أشهر

شعور مهتم

في دعوه بدعيها كتير من اول رمضان ويمكن من قبل رمضان ومتمسكه بيها وبلح علي ربنا ديما بيها انهارده حلمت ان اختي جايه بتعيط وبتقولي ان الحاجه دي مش هتحصل بسبب حاجه كده وراحت قيلالي السبب والسبب ده مش موجود ف الواقع محتاجه حد يكون بيفهم ف تفسير الاحلام يوضحلي ده معناه ايه

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع