تنمر من الأصحاب

Pineapple_87607 🇪🇬

منذ 10 ساعات

شعور وحيد

عبّر عن شعورك بشكل مجهول

ازيكوا ؟ حابه اخذ رأيكوا في حاجة 
انا ليا صحاب و كدا كانوا معايا من زمان و لحد دلوقتي ، بس الفكرة إن دلوقتي بدأت احس اني مش مرغوب فيا وسطهم ، علاقتهم بيا بتكون جميلة اوي وقت الامتحانات و اي حاجة محتاجينها في الدراسة ، لأني نوعًا ما كويسة في الدراسة و بجيب تقديرات الحمد لله 
لكن بدأت احس إن دي الحاجة الوحيدة الي مخلية معايا صحاب ، و من غيرها هم مش بيتعاملوا معايا اصلًا ، في الاجازة محدش منهم بيكلمني نهائي ، كل المحبة بتيجي في اوقات الامتحانات و الدراسة بس

مرة في الاجازة  اقترحت عليهم ننزل مع بعض و نقضي وقت لذيذ و كدا، و فعلًا نزلنا ، بس فجأة قالولي هنروح نجيب حاجة و نرجع علاطول ... فضلوا ساعتين و انا لوحدي و كل ما ارن عليهم ميردوش مع إن موبايلاتهم معاهم

وقتها انا زعلت و كدا و هم مكلمونيش بعدها غير عشان كانوا عايزين ملخصات مني !
في أعياد ميلادهم بيفضلوا يعملوا لبعض ستوريهات و يفاجئوا بعض ، بس معايا كلهم بينسوا 
احيانًا برضو بيكون فيه كلام من نوعية (انتِ قصيرة اوي) ، (ايدك عاملة زي افلام الرعب) ، (شعرك هايش و مزيت اوي)
بدأت الفترة الأخيرة احس بعدم راحة ، بس في نفس الوقت زعلانة عشان احنا كنا مع بعض في اعدادي و ثانوي و الله كنت بعاملهم زي اخواتي و لو حد كان محتاج حاجة كنت بعملهاله

بفكر ابعد ، بس خايفة ابقى لوحدي خصوصًا إن انا مش بعرف اعمل صحاب و بحس إن اهتماماتي مختلفة عن الكل 
ممكن حد يقولي ايه الصح ؟ و هل انا لازم ابعد و لا انا ببالغ ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Moon_90634 🇪🇬

خطيبي مش بيجبلي هدايا وبيزعقلي، مش عارفه أعمل إيه

جماعه بجد هو عادي ال مخطوبه ليه بكون مش بيجبلي هدايا خالص حتا مش بيدخل عليا باي حاجه مش بديلي حتا بفلوس بالعكس بيطلب مني ودائما بيتقمص وبيزعقلي علي اي حاجه والفاظه مش كويسه أنا اتخطبت مرتين دي ال ٣ ومش عاوزه افشكل علشان اهلي والناس بس حاجات كتير اوي فيه وحشه بحور بكذب علي الصغيره والكبيره حاجات كتير ومش عارفه اعمل اي ...عرض المزيد

0 الدعم

20 نصيحة

Tofu_90613 🇪🇬

يا جماعه انا بطلت كل العادات الدينيه ورمضان قرب

جماعه ممكن نصيحه انا حرفيا اتحولت لوحده مش بتصلي خالص حته الجمعه بصليها مره اه و مره لا و بطلت حفظ قران و بطلت كل العادات الدينيه اللي كنت بعملها يا جماعه انا كنت مش بسيب فرض ارجوكم قلولي اعمل ايه رمضان قرب و مش عارفه اعمل ايه حته النهارده مصومتش 😭 انا جرتب حلول كتير مفيش حاجة جايه معايا ...عرض المزيد

1 الدعم

16 نصيحة

Strawberry_74955 🇪🇬

يعني ايه "علشان انتي بنت"؟ انا بتخنق من الكلمة دي!

سؤال بس معلشِ يعني ايه ( علشان انتي بنت ) ؟ بسمعها كتير جدا بس انا مش فاهماها، بقول لأهلي عايزة أخرج يقولوا لا علشان انتي بنت ، عايزة اتمشي شوية ، عايزة أزور صاحبتي ال بقالي كتير مشوفتهاش ، عايزة أسافر ، عايزة أطلع البلكونة او السطح ، عايزة احط منكير عادي او ميك اب خفيف لا انتي كدة بتفتني الشباب ، كل الطلبات دي وكان ردها علشان انتي بنت وكدة هتجذبي الشباب طب وانا ؟ انتم كدة بتخنقوني بجد ! ...عرض المزيد

0 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع