تهديد باستدعاء ولي الأمر

Donut_76084 🇪🇬

منذ أسبوعين

شعور متعب

النهارده حصل معايا موقف في المدرسة، كنت حاطة حاجه خفيفة جدًا على شفايفي، بطريقه عادية خالص ومش باينه حتى. أول ما المِس شافتني بدأت تزعق وتقولي هيتعمل لي تعهد واستدعاء ولي أمر! حاولت أبرر إن الموضوع بسيط، وإن في بنات بيعملوا أكتر من كده، بس أول ما اتكلمت قالتلي “انتي بتجاوحي” وخدت مني الموبايل. من س

عبّر عن شعورك بشكل مجهول

النهارده حصل معايا موقف في المدرسة، كنت حاطة حاجه خفيفة جدًا على شفايفي، بطريقه عادية خالص ومش باينه حتى. أول ما المِس شافتني بدأت تزعق وتقولي هيتعمل لي تعهد واستدعاء ولي أمر!
حاولت أبرر إن الموضوع بسيط، وإن في بنات بيعملوا أكتر من كده، بس أول ما اتكلمت قالتلي “انتي بتجاوحي” وخدت مني الموبايل.

من ساعتها وأنا حرفيًا انهرت… قعدت أبكي وأصرخ وأتحايل عليها يمكن نص ساعة، كنت بمسك في إيديها وأقولها “معلش يا مِس والله مش هتتكرر، بالله عليكي ما تتصليش بأهلي”.
كنت مرعوبة، مش من المدرسة… من بابا.
أنا فعلاً قبل كده كنت حاطة حاجه من وراهم، وبابا شافني، واللي حصل ساعتها كان صعب أوي.
فضل يزعق لي ويهزقني أيام، وماما خدت مني كل حاجه ممكن تتحط في وشي. من وقتها حرّمت أعمل كده تاني، بس النهارده مش عارفة إيه اللي خلاني أحط

بابا طيب، بس لما بيزعل… بيبقى صعب جدًا. بيخوفني بطريقة تخلي قلبي يقع من مكاني. من كتر خوفي منه بقيت  قادرة أعمل أي حاجه في نفسي، حتى لو بسيطة.
اللي وجعني النهارده مش الموقف بس، وجعني إني كنت بتحايل على المِس كده بالشكل ده، كأني عاملة جريمة، وكل ده عشان بس ما تتصلش ببابا.

زعلانه من نفسي بجد… إزاي وصلت للدرجة دي من الخوف؟
إزاي أقعد أعيط وأمسك في إيد المِس وأترجاها بالشكل ده عشان حاجه بسيطة كل البنات بيعملوها عادي و خوفي من اهلي 😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_40020 🇪🇬

ليه مفيش حد بيكلم بنت معينة في الجروب؟

عندي سؤال للولاد لو انتو مثلا جروب ولاد و بنات و تكونوا بتكلموا كل البنات الي في الجروب ده معادا بنت واحده بتكون زي مهمشه كده مفيش حد بيفكر يكلمها او كده مع انها زيها زي باقي البنات الي في الجروب ده، في الغالبيه ممكن تكون هادية شويه بس ليه بردو؟ ...عرض المزيد

7 الدعم

28 نصيحة

Blueberry_69403 🇪🇬

صدمت من دكتورتي النفسيه وبفكر انتحار

أنا بمر ب اسوء فتره من حياتي روحت أنا وماما لدكتوره نفسيه امبيارح وماما بس اللي دخلت ساعه كامله أنا دخلت خمس دقايق المهم أن الدكتوره النفسية قالت ل ماما أن أنا أجل الكليه السنه دي ونتابع معاها لحد ما نبقي كويسين وان حتي ماما تعبانه نفسيا وعندها صدمه نفسيه مكتومه بسببي وان أنا كمان مش طبيعية من زمان و قالت ليها أن أنا اغير تشكيل أوضتي و معتش امسك الفون غير بمرقبتها أو انام في اوضه فيها اخوتي م ببقي ليا اوضه لوحدي الموضوع بالنسبه ليا عاملي صدمه نفسيه بسبب كلامها والي هيا عايزه تعملوا فيا ومش فاهمه هل لي دكتوره عاقله تعمل كدا يعني أنا 21 سنه ولسه 4 سنين عشان اخلاص كليه هنخليهم 5 سنين يعني اتخرج 26 سنه وحاليا أنا مع ناس عارفهم ابقي مع ناس معرفهمش كمان الموضوع تعباني نفسيا جدااا و كل لحظه بفكر فيها انتحر بجد م هقدر أعيش كدا ...عرض المزيد

4 الدعم

22 نصيحة

Nutella_52552 🇪🇬

ندمانة علي ماضيي ومش عارفة ابطل ادمان العلاقات

أنا نفسي ابطل ادمان العلاقات أنا مبقتش اعرف اقعد غير وهو في راجل في حياتي وبجد أنا دلوقتي ندمانة جدا علي اني دخلت حد ميستهلنيش حياتي وعلي اني عملت حاجات غلط في التليفون معاهم بجد ندمانة ومش عارفه اعمل ايه علشان انسي وعلشان مدخلش حد حياتي بالطريقة دي وفي سوال في دماغي علطول لما اجي اتخطب اقولو علي ماضية ولا لا بجد عايزة حد يجاوبني وياريت تكون بنت علشان الرجالة هنا كلهم غرضهم حاجه وحده بس وانا مش عايزها ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع