تهزيق

Mango_67585 🇪🇬

منذ 3 أشهر

شعور ضاق ذرعًا

انا كنت رايح اخذ فلوس من ننتي وكانوا 2500 جنيه هو انا كنت رايح كان معايا فلوس تانية غير دول فالاتنين حطيتهم في جيبي ومرضتش اطلعهم حتي اعدهم فا انا كنت ماشي وحاسس بالفوس في جبيب فا اول ما وصلت البيت طلعتهم علشان اشوفهم ما لقيتهم اتري هما وقعوا طبعا امي بهدلتني ضرب وشتيمة وانا مليش حق ارد بكلمة انا

Orange_61590 🇪🇬

منذ 4 أشهر

شعور غبي

Marshmallow_52401 🇪🇬 الظاهر فعلا فعلا ان في مشكله في مدرسين الانجليزي انا مكنتش بجب الاستاذ بتاعي برضو بس مش علشان كده هو كان متجاهلني خالص يعني انا اكون شاطر و هو عارف لاني كنت بحل بسرعه وهو ياخد مني الورقة و يحل منها مع بقيت العيال علي ما يخلصوا و اكون حالل صح و هو كمان عارف كده و عارف اني شاطر، بس كان بيفصل عليا صاحبي لاني مكنتش بزوق كلامي ولا اعرف اتعامل كويس مع الناس كنت عادي في حالي وخلاص ومش هو بس

عرض الكل 14 نصيحة

عبّر عن شعورك بشكل مجهول

السلام عليكم 
كل يوم هحكيلكم حكايه شكل
وانا ١٣ سنه روحت عند مدرس انجلش عرفت من صحبتي انه شاطر وكده انا كنت شاطره جدا وبفهم وبجيب درجات عاليه عنده بس الغريبه انه كان بيعاملني وحش جدا ، تهزيق ، اهانه وغيره انا دي كانت أول سنه ليا اخد دروس ف مكنتش فاهمه اوي ازاي اتعامل في المواقف دي انا عندي عزه نفس مبحبش المدرس يتريق او يشتمني حتى لو بهزار طلاما انا محترماك انت تحترمني ف لما كان بيتعدى حدوده معايا كنت بهزقه وكان بيسكت بس في مره كان مدينا امتحان ف كانت فيه قطعه عليها ٣ اسئله ف انا بشد خط من القطعه فوق وبكتب رقم السؤال دايما سؤال القطعه كان بيجي مترقم ٤ ٥ ٦ المرادي جيه ١ ٢ ٣ ف كتبتله ٤ ٥ ٦ ف قالي انتِ مش مجاوبه الاسئله ليه قولتله لا انا شاده خط من القطعه وشرحتله ان* ١ هو ٤ * و* ٢ هو ٥ *و* ٦ هو ٣ *
قولتله ما انت لو ذكي كنت عرفتها لانه قبلها كان مهزقني قدام العيال كلهم  ف مردتش وقتها ف قالي مش فاهم تعالي ف قومت هو كان قاعد على المكتب روحتله هو كان مربي ضوافره المعفن ف مسكني من معصم ايدي جامد اوي ودخل ضوافره ف شراييني كنت حاسه ان ايدي بتتكسر قعدت اضحك بعدم ادراك علشان معيطش قعدت اقوله سيب ايدي فضل يبصلي بنظره مقرفه  لحد ما ساب ايدي انهرت وخرجت في الشارع قعدت اعيط وبجد قفلي يومي ، وفي مره كان مدينا امتحان صعب ف انا غلطت في حاجه قام متعصب ومزعق وحشه احمر قالي هو انتِ مبتفهميش؟ ده ايه الغباء ده هو في ايه ف رمى الورق وقالى خدي عدليها قولتله هعدلها في البيت  وكنت مروحه قالي هو ايه العبط وقام متعصب عليا جامد وقتها وخرجت في الشارع قعدت اعيط وكلم والدتي وقتها قالي اني بقل أدبي عليه وانه هو دايما بينصحني وبيقولي كده عيب وهو اقسم بالله كداب ده في المراجعه كنت قاعده انا واتنين صحابي قام قايلي ده انت شكلك طالع ميتينك ف قولتله ايه ؟ قالي لا ولا حاجه وقعد يضحك ودايما لما كنت اقوله طب ازاي افرق بين ده وده ويتزنق يقعد يقولي روحي اتعالجي روحي اكشفي وأما كلم والدتي وانا حكيتلها كل حاجه والدتي كانت متحفظه جدا في كلامها وبتقول حضرتك وهى اساسا اكبر منه سنا ، والدتي ذكرت في الرساله انها مُعلمه ومفيش في مهنه التدريس اي شيء بيقول انك تمسك طفله من ايديها * ملحوظه ده المريض قال لوالدتي انه فعلا مسك ايدي *ايا كان السبب وغير الكلام ده كتير في الرساله رد ب ( ما هو واضح انك مُعلمه من طريقة كلامك 😂) واقسم بالله حلفان اتحاسب عليه انه طريقتها كانت محترمه جدا والله ده لما معرفش ير
د قالها اني بشتم الاتنين صحابي اللي معايا في الدرس بأهليهم ، طب لو انا بعمل كده هما هيسكتوا ليه طيب ؟ ولو هما سكتوا انت كنت قرطاس طعميه ولا ايه ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_34495 🇶🇦

منذ 6 أشهر

شعور مكسور القلب

عبّر عن شعورك بشكل مجهول

عندي قريبتي امها متوفية و كانت في بلد تانية و جت في البلد اللي انا فيها فرحت عشان اعزيها
اللي انا هحكيه اتكرر كتير بس كل مرة بيوجع
رحت عزتها، بناتها كانو معاهم صحابهم، اتكلمو معايا كلام اللي هو كلمتين صغيرين و بعدين طنشوني كلهم و فضلو يتكلمو مع بعض
مع اني حاولت ادخل في مواضيعهم بتاع تلات مرات بس كانو بيردو و بعدين لما اكمل كلام عادي يسكتو
فضلت العب في التلفون و قمت بعديها ب تلت ساعة
التجاهل شئ صعب عليا جدا
ممكن يبان موقف بسيط بس هي دي طريقة معاملة اهلي ليا
من وانا صغيرة اوي كنت بروح العب مع نفس العيال دي و كانو بيغلسو عليا و لما كنت ارجع البيت كنت بتهزأ تهزيق جامد من اختي و امي مع بعض عشان معنديش شخصية قوية و معرفتش اتصرف و انا كنت صغيرة مكنش حد بيقولي اعمل اي كنت بتهزأ بس و كنت بحس ان كل حاجة بعملها متراقبة فبقيت لما بروح عند اهلي بتفادي اني اقول او اعمل حاجة
و دة طبعا ممكن يتفهم انو شخصية خجولة او ضعيفة
و الغريب ان الناس اللي بتحب تحكم علي حد و معندهاش رحمة بالناس لما تلاقيك في موقف ضعف حتي لو مرة وحدة في حياتك ، خلاص انت اتحطيت في القالب دة و عمرك ما هتخرج منو
يعني لو حاولت تتكلم عادي مفيش يا معلم، انت شخصيتك ضعيفة و محدش حيقبل انك تبقي شخصية عادية
محدش حيساعدك، محدش حتي حينسي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_29871 🇪🇬

منذ سنة واحدة

شعور شاعر بالملل

عبّر عن شعورك بشكل مجهول

عرفت حد عن طريق ببجي و كنا بنلعب مع بعض كتير و اتكلمنا مع بعض لمده شهر طول الشهر ده هو مشفش صورتي ولا اي حاجه المهم لما شافني قالي اني اجمل بنت شافها هو ملقاش حد احسن مني و يا ريته كان عرفني قبل اي حد عرفها فضلنا مع بعض لمده اكتر من اربع شهور المهم اتخاقنا في مره عرفت انه عرف بنت جديده لما رجعنا سألته مين دي قالي هي اللي بعتت اد و احنا صحاب بس لكن انا بحبك انت و الكلام ده انا صدقته المهم كل ما كنا بنتخانق الاحظ انه بيقلل مني جدا و لما اقوله انا مبحبش كدا يقولي انت مكبره الموضوع و لما اقوله انا كدا كبرت الموضوع يقولي ااا طريقتك كانت السبب... انا كنت رد فعل مش اكتر و كل مره بسامحه عشان بجد كنت بحبه اوي جينا في مره اتخانقنا تاني لما حكيت لصحبتي قالتلي ان دي اسمها علاقه محرمه و ابعدي عنه و كمان طريقته مش كويسه بأنه لما بنتخانق بيبقى شخص تاني و يرمي اللوم عليكي و مش شايف ابدا انه غلطان او بيغلط المهم قولتله اني مش مستحمله انه بيقلل مني و طريقته مش بحبها قالي انه معملش حاجه و الموضوع مش مستاهل و انه هيغير اي حاجه عشاني و عشان بيحبني لكن لما طولت معاه في النقاش سجل فويس نوتس كتير اوي كلها تهزيق بشكل مبالغ فيه مع العلم اني معملتش اي حاجه ولا رديت عليه و قالي انه هيسيبني يومين اهدي عشان انا تعبانه تاني يوم بدخل الاكونت عنده لقيته عامل منشن للبنت اللي هو عرفها قبل كدا مسحته من كل الاكونتس الكلام ده من حوالي شهر قربت من ربنا و عارفه ان دي حاجه غلط و مش هتتكرر الفكره ان مفيش حد الدنيا بتقف عليه و لو كان خير كان فضل موجود🫶🏻

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_21191 🇪🇬

منذ سنة واحدة

شعور غير مكتمل

عبّر عن شعورك بشكل مجهول

بصو ياجماعه انا اهلى مستواهم المادي متوسط تمام ف في حاجات انا ك بنت بحب اجيبها بس في نظرهم دي تفاهات مش مستاهله نضيع فلوس عليها زي السكين كير حاجات الرسم عشان بحب ارسم بحب اشتري الوان ونوتات واقلام وحاجات من دي ف كنت كل ما اقول لماما تطنيشني ف انا معتش بطلب منها حاجه وبقيت احوش من مصروفي او بقيت فلوس المواصلات كده يعني واوقات جدو او خالو بيدوني فلوس ف بحوشها برضو لحد ما اجمع مبلغ اقدر اشتري بيه الحاجه اللي بتفرحني ف اختى لما حد يديها فلوس بتصرفها على طول ف انا يبقى معايا وهي لا تفضل تقول عليا اني بخيله وبكنز الفلوس وان لما اموت هيطلعو الفلوس بايظه من كتر ما انا مكنزاهم كلام كتير كده لحد ما طلعو عليا اني بخيله وهما مش فاهمني وكل ما اشتري حاجه يفضلو يتريقو عليا ومن كام يوم قولت لماما اني عايزه شنطه عشان شنطتي باظت خلاص وانا تالته ثانوي والمذكرات بتبقى تقيله ف اللي معايا م هتنفع ف النهارده الباقه خلصت واطريت اطلع فلوس عشان نعمل واحده اضافيه ف لما شافت اني معايا فلوس تقولي ما انتي معاكي فلوس اهو وبتقوليلي هاتيلي شنطه قلبي وجعني والله وقولتلها متجبليش حاجه انا هجيب لنفسي مع ان لو حد من خواتي الكبار قالها على حاجه حرفياً بتتصرف في فلوس لو مش معاها وتجيبلهم اللي هما عايزينه لما ببقى تعبانه يتقالي خدي مسكن واخواتي الكبار لو عندهم برد بيروحو لدكتور اختى التؤام طلع عندها تكيسات بسبب الاكل بتاع بره وكده من وقت مع عرفت وهي كل ما اتعب تقولى انتي فيكي صحه اكتر مني انتي مش بتتعبي بطلى كُهن وبتتريق عليا بطريقه وحشه محدش يستحمل الكلام ده وانا قلبي بيتقطع والله تعبت من البيت ده ونفسي ارتاح محدش بيحس بيا هما بيتعبو وانا لا انا مش بني ادمه

اسفه اني طولت عليكو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_17711 🇦🇪

منذ سنة واحدة

شعور Okay 😐

هو بجد البنات كلها بقت تحب الضرب والتهزيق ومبقتش تحب الدلع والحنية 🙆

Banana_17488 🇦🇪

منذ سنة واحدة

شعور Okay 😐

هو ليه البنات بقت كلها كده بتحب التهزيق بس وأما اقولها بحبك وكلام حلو تزعل 😏

Banana_15311 🇦🇪

منذ سنة واحدة

شعور Okay 😐

هي البنات بقت كلها كده ! بتحب الضرب والتهزيق ، واما ابقي حنين واقولك بحبك تبعدي 😒

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع