ثانوي وجامعة

Strawberry_56845 🇪🇬

منذ شهر واحد

شعور مكسور القلب

عبّر عن شعورك بشكل مجهول

السلام عليكم ورحمة الله وبركاته 
حابة افتح قلبي و اتكلم تقريبا عن كل حياتي مع اخفاء بعض التفاصيل فهتلاقوا كلام كتير حاولوا تكملوا للاخر
من و انا صغيرة في المدرسة كان مفيش عندي اصحاب بنات في المدرسة كان عندي بس واحدة صاحبتي معايا في الدفعة و واحدة تانية الدفعة اللي اصغر مني بسنة هي بتقول اني اتعرفت عليها قولتلها انت ساكنة في العمارة اللي جنبي و تعالي نخرج مع بعض 😂
باقي البنات اللي معانا في المدرسة كنت مش بعرف اكون صاحبتهم خالص و كنت بحسهم شلة مع بعض و انا لوحدي كان الفصل كله صحاب و انا لا كنت بقعد لوحدي في الاول و لما كنت بحاول اروح اقف معاهم كانوا بيسكتوا و مش بيكملوا كلام
في فترة المدرسة ديه بردو كنت اتعرفت علي اتنين تقريبا معايا في المدرسة شباب او يمكن اكثر واحد منهم انا فعلا مش فاكرة نوع العلاقة كانت ازاي بس تقريبا كان في بيننا كلام و كده و كنا ممكن ساعات نقعد في الحوش جنب بعض و نتكلم لكن التاني ده فضلنا كتير اوي مع بعض كنا بنأخذ مع بعض درس قرآن و اتعرفنا علي بعض و كنا بنعمل حاجات غريبة زي ال password يكون فيه حروف من اسمنا و كنا بنقول بحبك 😂 كنا اطفال فضلنا كتير مع بعض اتوقع في اعدادي و كل شوية نسيب بعض و نرجع و كده و في الاخر حصل مشكلة و كان خلاص القرار final 
في خلال فترة اعدادي او ثانوي تقريبا مش عارفة و من قبلها كنت عرفت شباب كتير علي السوشيال منهم اتنين بقي دول اللي فعلا وصلت في فترة كنت بعتبرهم اخواتي بجد كانوا اكبر مني بكذا سنة واحد منهم كان في الازهر و كان ساعات كتير بينصحني و قبل كده خلاني اصلي ركعتين قيام ليل و كانت اول مرة و الاخيرة و التاني بردو كان بيقولي اصلي و كده كنت بعتبرهم زي اخواتي جدا خصوصا ان مفيش عندي اخوات ولاد 
بمناسبة الاخوات حابة احكي عن علاقتني بأهلي اخواتي بنتين انا اكبر منهم يعتبر مش بنتكلم و كل حد مع موبايله في حياته لوحده و بابا و ماما ساعات ممكن اتكلم مع ماما او اتكلم مع بابا في الطريق لاي مشوار 
نرجع نكمل انا تقريبا في فترة ثانوي كنت بدأت احاول اقرب من ربنا اكثر و جيت في فترة مش فاكرة امتي كنت عايزة البس الخمار مع العلم مامتي محجبة عادي و هما مش مقتنعين بالخمار و اتخانقوا معايا و ما وافقوش
في ثالثة ثانوي كنت بذاكر جدا و كنت قريبة من ربنا و كان في محفظة قرآن كانت بتجيلنا فكنت بحفظ معاها و في الاخر الحمد لله جبت مجموع كويس دخلياللي كنت عايزاه 
طول فترة دراستي في المدرسة كنت بسعي ان يكون ليا صحاب بجد ده هدفي الاساسي 
موقف كمان حصل في المدرسة اني كنت عملت جروب للدفعة او للفصل حاجة كده و دخلت كل اللي كنت مسجلة ارقامهم و خليتنا كلنا admins علشان ندخل بعض راح واحد بوظ الجروب و خرج كل الناس منه طبعا الموضوع ده اثر عليا جدا و خلاني متضايقة 
لما دخلت الجامعة عرفت من قبلها بفترة ان في حاجة اسمها student activity و كنت مبسوطة جدا اني هدخل و اتعرف علي ناس جديدة غير الناس اللي كانوا معايا في المدرسة اللي مش بحبهم و قولت هعمل جروب للدفعة علشان بقي اتعرف علي ناس كتيرة و كل الناس تعرفني و عملت كده و في نفس الوقت تقريبا كان في واحد بردو عمل جروب بقي في جروبين للدفعة و للعلم الجروبين وقتها كان فيهم ناس مشتركة و ناس في جروب واحد بس 
اتكلمنا انا و الشاب اللي عامل الجروب التاني و قولنا هنخلي كل جروب لهدف معين و كل حد يكون ادمن في الجروبين راح هو دخل قعد يخرج الناس من الجروب بس انا لحقت بسرعة و طبعا اتضايقت جدا جدا جدا و افتكرت الموقف اللي كان في المدرسة خرجته طبعا من انه يكون ادمن و حصل حوارات و بعد كده بقيت ادمن في الدفعة للمواد يعني بتواصل مع الدكتور و كده علشان حابة اساعد و حابة الناس تعرفني و يكون عندي صحاب بذلت مجهود كبير جدا وقتها و في الاخر كرهوني و اي حد كان بيبقي عايز صحابه ادمن علشان صحابهم و انا مش صاحبتهم ما عرفتش ان يكون عندي صحاب بقيت اي حد بعرف تقريبا بتعلق بيه او بيها و ممكن افركلهم جدا في حاجة اكنهم فعلا صحابي و اني اعرفهم من سنين و لما دخلت في تيم علشان بروجيكت بقيت بقول احنا خلاص صحاب و كنت بتعامل اكنهم صحابي مع اننا عادي 
دخلت كذا student activity و هدفي اني اتعلم حاجات جديدة و بردو الهدف الاساسي ان يكون عندي صحاب ناس صحابي بجد و ناس قريبين مني وصلت لدرجة اني بقيت head و للاسف كنت مش مؤهلة و فيروني و كل ده بردو علشان كنت عايزة يكون ليا صحاب بقيت مش عارفة يكون عندي صحاب بنات
و دلوقتي اهو في سنة ثالثة و للاسف لسة بردو مفيش عندي صحاب لكن عملت حاجة حرام كنت بحاول ابعد عنها من زمان و هي الارتباط ارتبطت بواحد اكبر مني بكذا سنة في السن لكن في الدراسة هو في رابعة ارتبطنا و بنتكلم و انا ببقي نفسي احس معاه انه بيحبني و طول الوقت يطمني نفسي احضنه و اقعد اعيط نفسي انه يكون صاحبي و كل حياتي للعلم بس قبل ما اكمل احنا مش بنسلم بالايد كل الكلام ده شات او مكالمة عادية و هو قالي انه لما يتخرج هيشتغل و يتقدملي
نفسي احس ان حد مهتم بيا و بيكلمني و اني كل حياته ببقي عايزاه طول الوقت يكلمني و يقولي بحبك و كل الكلام ده بس هو حياته فيها مشاكل الفترة ديه و الامتحانات و كده ده غير اني طول الوقت بقوله ان كده غلط و حرام و بكون عايزة ابعد علشان ربنا بس انا وحيدة و بجد تعبت من كل حاجة عايزة ابعد و اقرب في نفس الوقت عايزة اقرب من ربنا اكثر حاسة تفسي بقيت ببعد عايزة ارجع اءاكر احنا دلوقتي في فترة امتحانات و كل الامتحانات بدخل يعتبر مش مذاكرة و بدخل اعك و اخرج 
نفسي اكون شخص احسن و نفسي يكون عندي صحاب انا ساعات بتخيل اني لو هتجوز هعزم مين مفيش عندي صحاب و ساعات بقعد اعيط 
للعلم كمان ان صاحبتي اللي كانت معايا في نفس الدفعة قطعت معايا مرة واحدة و من غير ما تقولي و مش بترد عليا ولا علي مامتي

انا بجد مش شخص وحش علشان دفعتي معظمها تكرهني

نفسي ارجع اقرب من ربنا و من نفسي و احس نفسي اكثر و اكتفي بيها لحد ما يكون عندي صحاب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_32968 🇪🇬

لي محدش فكر فيا ومهتموش ياخدوا حقي

لي ارجع لاهلي نص وشي دم وتعاوير كتير وجسمي متكسر من الوجع وميخدوليش حقي لي محدش فيهم فكر فيا والي هو انا بنت فمش هينفع حد ياخد حقي غيركم لي مهتموش ورضوا أنهم يسكتوا وميكبروش الموضوع لي مفكروش في نفسيتي بابا شافني الصبح بيقولي شكلك حلو بالي في وشك الي هو اي دي بجد لما بعيط مش بعيط من الوجع قد منا بعيط من أنهم مش مهتمين من شويه ندالي بيقولي الموضوع خلص واتقفل الي هو يعني خلاص حقي راح لي مش زي بقيت الناس لو بنتهم حصلها ختش صغير يجيبوا حقها ...عرض المزيد

2 الدعم

17 نصيحة

Coconut_88400 🇪🇬

فاقد الشئ يعطيه ولا يعطيه؟ عاوز أسمع رأيكو

عارف ان السؤال ده اتسأل كتير قبل كده بس عاوز اسمع رأيكو 👀 فاقد الشئ يعطيه ولا لا يعطيه ؟؟ تنتهنلتتلتلنتبتبتتبتتبتبتبتبتبتتبتبتتبتفتقتقتقتقتتقتقتقتبتتبتبتبتلتلتلتتبتلتبتتتبتبتقتقتبتتبتفتلتلتلتتبتبتبتبتتبتبتبتبتتبتتبتبتقتلتتبتقتفتفتتبتقتقتفتفتتقتقتقتقتفتفتفتقتفتفتتقتقتقتقتتقتتقعقعقععقعفهتقتقتتقتقتقتتقتقتتقتفتقتقتتقتقتقتتقتقتقتقتتقتقتقتتقت ...عرض المزيد

2 الدعم

16 نصيحة

Mango_52524 🇪🇬

أنا بدعم المثليين عادي ومع كامل احترامي

مع كامل احترامي أو عادي مش مع كامل احترامي هما كلمتين محشورين في زوري بقا معلش انا مش مقتنعه بالجواز راجل و ست، او بمعنى اخر انا بدعم المثليين عادي اصلا اغلب البنات بتحب بنات شبها و فعلا بيكون حب حقيقي مش وراه مصلحه كدا كدا مش ضد الراجل و الست بس شايفه أن في ستات كتير بتحب ستات شبهم عادي جدا و انا مع دا اللي عايز يشتم يشتم و اللي موافق موافق مش موافق عادي برضه حرام حلال........الخ I don't care and have a nice day ...عرض المزيد

1 الدعم

16 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع