ثقة بالنفس

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

عايزه مساعدتكم زي ما ياما ساعدتوني ❤️
أنا عندي تعب نفسي زي لوم نفس او جلد ذات او عتاب مستمر للنفس 
المهم ندخل ف المهم 
أنا بحاول ابقي كويسه اخاف من حرام ربنا ومجربش الحرام عشان محبهوش ومعرفش ابطله زي الميكب لما جرّبته معرفتش ابطله 
المهم أنا من صغري متربيه ع ان البرفان للراجل بس للست جوه بيتها عشان حديث النبي عليه الصلاه والسلام فيما معناه ان لو ف رجل شمه تبقي زانيه 
المهم بهتم بنضافتي الشخصيه وانا الحمدلله مش انسانه ريحتها وحشه مش بعرق يعني مجرد ما باخد دش وديودرنت خلاص ببقي بدون ريحه 
المهم فضلت كده وجوه البيت لاهلي بحط برفان ع بجامتي عادي 
لما اتخطبت وللعلم هو كان نرجسي لمواقف تانيه أدركتها وسبنا بعض 
بس هو قالي الانوثه والبنت لازم تشم ريحه حلوه منها ولما قولتله حرام قالي مقولتش اعملي الحرام بس عايز اشم ريحه حلوه وزعقلي مش هنكر تصرفه كان قاسي اوي وقالي حطي فاونديشن زي بنات وحاجات كتير طلبها وكل ما بنفذ بيطلب تاني حاجات تانيه وهكذا 
ما عالينا ثقتي بنفسي اتدمرت وبدات احط بادي ميستات لدرجه بقي بيشمها وتعجبه ويقولي ايوه كده بس متحطيش إلا ليا وانا كنت عايزه ارضيه باي طريقه و ده كان أسلوب حياتنا هو يعوز وانا ارضيه 
المهم دلوقتي أنا كنت صح لما كنت غلط ؟ 
أنا بعاتب نفسي اوي اني استنيته يطلب مني ومكنتش بحط بادي ميست بس نزلت ع جروب وقالولي لا اي ريحه تتشم يبقي حرام أنا محتاره 
بعاتب نفسي اني ليه مكنتش زي البنات اللي بيقول عليهم 
بس أنا كنت شايفه برفان حرام وشايفه بادي ميست ع الجسم مش ع الهدوم لانه لو ع هدوم ما كأنه برفان بس اسم متغير أنا مكنتش اعرف انهم بيحطوه ع الهدوم بعاتب نفسي ازاي مكنتش عارفه مش بنت !
نفسي ارتاح واقول أنا كنت صح وبنت ومش محتاجه إثبات

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_32623 🇸🇦

منذ أسبوعين

شعور مهتم

الناس اللي ماتعرف تعبر بصوتها وعالجت الموضوع كيف عالجتوا الموضوع لأني لحد الآن بتلعثم لما أعبر بصوتي 74848484838383838383848484848848483848483848484848484848848484848484848483848484848484848484848484848494949494949494949494949494949494949494949494949499494949494949449494

Popcorn_68662 🇪🇬

منذ 4 أسابيع

شعور مرتبك

هل ممكن بعد أربع سنين من العزلة أارجع طبيعي واعرف اتعامل مع الناس واستعيد ثقتي بنفسي وأرجع لحياتي الطبـيعية؟ السؤال ده صعب اوي ؟ من سبع سنين، مريت بظروف مرضية صعبة جدًا خلتني أعتمد على كرسي بعجل وعكاز لمدة تلت سنين، التجربة دي ما أثرتش على جسمي بس، لكن كسرت ثقتي بنفسي، وبقى التعامل مع الناس بالنس

Watermelon_77354 🇪🇬

منذ شهرين

شعور عاطفي

بصيت لنفسي ف المرايه لاقيت واحده بتقولي انتي احن واحده شوفتها ف حياتي واقوى بنت انا شوفتها في حياتى بغض النظر عن البهدله اللي شوفتيها من الحبيب و القريب والغريب والناس اللي وثقتي فيهم ومكنوش قد الثقه دي انا حاسه بكل اللي بتحاولي تداري بس فخوره بيكي وعلى ثباتك دا كلو وعلى الشطاره دى كلها ولسه والله ل

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Onion_75621 🇪🇬

منذ شهرين

شعور متعب

عبّر عن شعورك بشكل مجهول

المشكلة ممكن تبان تافهه بس بالنسبالي مسببالي عقده والله بصلي من زمان انا مش ملتزم جدا بس بعمل اقل حاجه ممكن ان اصلي و مسبش حد و ابعد قدر المستطاع عن الحرام و صحابي كلهم و البيت طبعا عارفين  اني بصلي علي طول فرض بفرض و بحب يبان شكلي حلو عادي يعني و في نفس الوقت مش بشتري حاجات كتير بس اهم حاجه يكون الخلق نظيف و ريحتي حلوه مسرح زي اي شاب ، مش عارف رغم ان محدش يعرف انا مين بس برضو مكسوف اقول 😢 فيه علامة صلاه ظهرت و انا بعد فتره محبتش شكلها و حسيت اني شكلي مش حلو فاثقتي في نفسي بقت متدمره ممكن غشان ان انسان موسوس و بدات محسش براحه في الصلاه و بقي فيه حكه في الجبهه مديقاني جدا و ماثره في تركيزي  و بقيت مقاوم لحد ملقيت نفسي بتعب و مش عارف اقول حاجه عشان مش عارف اقول اذاي و انا في بيت كله ذكور حرفيا فنش قادر اشتري حاجه و كسوف اكلم صيدلي  و حتي اني اشتري حاجه و استعملها مش قادر عشان زي ما اي خد هيقري عارف ان الولاد خصوصا بالنسبالهم دي حاجه بتاعت بنات وكدا و انا عموما مش قادر اصلي و بطلت و البيت لاحظ دا و انا عايز ارجع اصلي بس وانا مرتاح مش احس اني منافق و حاسس بالنسبه للناس هنا انك تبطل صلي دي مش هيدهم حكم عليك عشان معظمهم مش بيصلي اصلا ولو حاولت تشتري حاجة زي كدا هيقولولك تشبه بالنساء حرفيا ضحك و برضو مش عارف اكلم حد ابدا حتي صحابي لو حد عنده نصيحه ياريت يقول من غير ما يحكم  انا كتبت هنا عشان لو حد شايف انه تاففهه فانا تعبت والله و مش تافهه بالنسبالي خالص و نفسي ارجع وي الاول حتي التركيز بتاعي بقي ضايع و مش عارف افكر و اركز حلو زي زمان و بالنسبه للبيت فانا قاعد شويه حلوين فيه عشان بتعلم مخلصتش .
اسف علي الاطالة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_46491 🇪🇬

منذ شهرين

شعور متوتر

يا جماعة انا داخلة الجامعة السنة دي بس انا بجد وشي مليان حبوب ورؤوس دهنية فخدودي الاتنين و مناخيزي كتير اوي بجد ومنظرها وحش وبشع انا عايزة اعالجها والموضوع دا عاملي مشاكل نفسية مش عارفة اعمل اي انا عايزة حل بجد خايفة منظري يكون باين اني مش مهتمة بنفسي او كدا رغم اني جربت حاجات كتير والله وبجيب وبحاو

Ice Cream_49968 🇪🇬

منذ 3 أشهر

شعور مكسور القلب

من فتره كده كنت بتكلم مع خطيبي وكنا بنتكلم عن الجامعه وقولتله ان صاحبتي في حقوق وحقوق صعبه وبتاع قالي طبعا حقوق بالنسبالك ده كليه قمه هو قالي كده عشان انا مجموعي كان وحش اوي المهم يعني اني عديت الموضوع بس انا كل مابفتكر بحس بوجعه ف قلبي كده وبفضل اعيط انه قالي كده هل عادي ويمكن كان بيهزر ولا انا ال

Olive_73910 🇪🇬

منذ 3 أشهر

شعور مرتبك

جماعة ممكن تفيدوني ازاي اعرف ان الي قدامي يعني مثلا التقليل من الشخص في صورة هزار ...او هو يكون بيهزر فعلا مش القصد تقليل ...وهل الثقة بالنفس ليها علاقة بكدة ؟ اتمني تكونو فاهميني مش عارفة اشرح بصراحة خالص

Coconut_20625 🇲🇦 ازاي يعني ؟! التقليل من حد و التجريح عمره ما كان هزار ولا هيكون ده في كل الحالات مش هزار حتى لو كنتي انت نفسك متقبلاه ده مش هزار انت بس اتعودت على الوضع متخليش حد يقلل منك او يخليك محط سخرية عشان يضحك هو و اشباهه ابدا

عرض الكل 7 نصيحة

Pear_75251 🇪🇬

منذ 3 أشهر

شعور مكسور القلب

موضوع:

اكتر كلمه او موقف قفلك من شخص

عمر ما كلمه قدرت تاثر فيا غير لما والدي قالي انت اوسخ بني ادم فالدنيا بجد الكلمه دي كسرتي ومبقيتش عايز حاجه من الدنيا بس الحمد لله بقيت احسن بس مرجعتش زي زمان ومعتدقش اني هرجع وع فكرة الموقف دا كان يوم نتيجه الثانوي وانا حاليا متخرج

Peanut_75067 🇪🇬

منذ 3 أشهر

شعور متعب

أنا شاب أعاني من صعوبات اجتماعية بدأت من طفولتي. نشأت في بيئة ما كانت داعمة لثقتي بنفسي، بل العكس أحيانًا، كانت أمي تقلل مني وتستخف بأخطائي أو تحطمني بكلماتها. مع الوقت هذا زرع داخلي شعور بالنقص والخوف من التفاعل مع الناس. كبرت وأنا أشعر أنني أدافع عن نفسي بشكل مبالغ فيه، وأرد بطريقة دفاعية أو عصبية

عبّر عن شعورك بشكل مجهول

أنا شاب أعاني من صعوبات اجتماعية بدأت من طفولتي.
نشأت في بيئة ما كانت داعمة لثقتي بنفسي، بل العكس أحيانًا، كانت أمي تقلل مني وتستخف بأخطائي أو تحطمني بكلماتها. مع الوقت هذا زرع داخلي شعور بالنقص والخوف من التفاعل مع الناس. كبرت وأنا أشعر أنني أدافع عن نفسي بشكل مبالغ فيه، وأرد بطريقة دفاعية أو عصبية حتى مع أقرب الناس لي، مثل جدتي التي كانت تزعجني بطريقة بسيطة لكن ردي كان يخرج بشكل غير متوازن.

هذا انعكس على حياتي الاجتماعية كلها: ما كان عندي أصدقاء مقربين، وصرت أشعر أن شخصيتي متجمّدة أو غير طبيعية لما أتعامل مع الآخرين. كنت دائمًا ألاحظ أن ردودي ما تكون طبيعية: أحيانًا أكون متوتر، أحيانًا أضحك في مواقف ما تستحق الضحك، وأحيانًا أصمت وأفقد تعبيرات وجهي.

قبل فترة بدأت رحلة لإصلاح نفسي. قرأت، تعلمت، وحاولت أطور لغة جسدي، نبرة صوتي، وطريقتي في الكلام. حتى أني طبقت بعض هذه الأشياء في مواقف حقيقية. وفعلاً، في البداية لاحظت تحسّن، وبدأت أشعر أني قادر أظهر بثقة أكثر. لكن المشكلة أن هذا التقدم ما كان ثابت. مع الضغط أو مع مرور الوقت أرجع لشخصيتي القديمة. كأن كل شيء بنيته ينهار بسهولة.

حاولت كمان أعالج مشكلة عدم وجود أصدقاء. قررت أروح للعمل وأتعامل مع الناس بشكل أوسع. لكن للأسف، لقيت نفسي أكرر أخطائي القديمة أتصرف من خلال “الإطار القديم” لشخصيتي، وهذا خلاني ما أقدر أكون صداقات حقيقية. لا انكر أنني حاليا لدي مقدره أفضل على اداره الحوارات أو وضع انطباع جيد لكن في مواقف معينة حتى أنطباعي مع الآخرين كان سيئ لماذا؟ لا اعلم. على سبيل المثال: في أول يوم عمل، كنت جيد جدًا مع الجميع تقريبًا، لكن مع شخص واحد ارتبكت وبدأت أجاوب بطريقة فيها نوع من المبالغة لأظهر أني فاهم، وهذا خلاني أظهر بشكل غريب جدًا وأضعف صورتي عنده. هذه المواقف الصغيرة تترك أثر نفسي كبير عليّ وتخليني أشعر بالخذلان من نفسي.

المشكلة الآن أني وصلت لمرحلة فقدان الأمل. دائما ما تمر على فترات العوده الى شخصيتي القديمة 
أشعر أنني فقدت كل ما بنيته في اطار تنميه ذاتي واحترامي لنفسي اللي تعبت عشان أبنيهم. وأشعر أنني ما عشت مرحلة المراهقة بشكل طبيعي، ما جربت المغامرات ولا الصداقات اللي تبني شخصية قوية. كأن حياتي الاجتماعية توقفت، وكل مرة أحاول أبدأ من جديد، أنتهي في نفس الدائرة.

أنا كتبت هنا لأني محتاج مساعدة حقيقية.
كيف أقدر أوقف دوامة الرجوع لشخصيتي القديمة؟

كيف أتعامل مع أثري النفسي من تربية مليئة بالتقليل والتحطيم؟

كيف أبني صداقات طبيعية وصحية من جديد؟

وهل في خطوات عملية أو تحديات أقدر أبدأ فيها حتى أستعيد نفسي وأعيش بشكل طبيعي من غير خوف وخجل؟
 وهل اقدر احافظ على تقدمي في بناء شخصيتي من غير أن أعود لشخصيتي فالماضي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_74647 🇪🇬

منذ 3 أشهر

شعور مستنزف

السلام عليكم ورحمة الله وبركاته انا انسانة بحب الضحك والهزار بس ماما عيزانى ديما العاقلة الى مش بتضحك والبنت التقيلة انا كدا مع الناس الغريبة بس مع الى بحبهم بضحك وبتكلم معاهم كتير بس ماما مش بيعجبها كدا وديما تنتقد تصرفاتى وشكلى مع ان شكلى حلو اوى وانا بحب شكلى اها انا قمحاوية مايلة للابيض بس انا

عبّر عن شعورك بشكل مجهول

السلام عليكم ورحمة الله وبركاته

انا انسانة بحب الضحك والهزار بس ماما عيزانى ديما العاقلة الى مش بتضحك والبنت التقيلة انا كدا مع الناس الغريبة بس مع الى بحبهم بضحك وبتكلم معاهم كتير بس ماما مش بيعجبها كدا وديما تنتقد تصرفاتى وشكلى مع ان شكلى حلو اوى وانا بحب شكلى اها انا قمحاوية مايلة للابيض بس انا بحب لون بشرتى وبحب غمازاتى وعيونى بس هى بتنقد شكلى على طول وديما بتقارنى ب صحابى الى لون بشرتهم افتح وديما عيزانى البس درسات في حزمة او استك وانا مش برضى انا بحب البس فضفاض وواسع جدا لان ده الصح ودا اللبس الى ربنا امر بية بس هى مش بيعجبها وبتفضل تقلى ابقى قابلينى لو اتجوزتى بس انا مؤمنة ان دا رزق ومكتوب وكلو لية وقتو وانا برضو مش اى شخص والسلام لا انا عايزة شخص متدين وغيور وعلى خلق 
هى بتفضل تقلى انها غضبانة عليا لو مش لبست الى هى عيزاه بس انا بفضل على راى ومصمم على الادناءات والخمار فهل كدا انا على ذنب بتقلى ان التدين مش اللبس التدين ان اسمع كلامها بس انا بقولها ان اسمع كلامها لما يكون هيقربنى من ربنا مش يبعدنى

هى اكتر حد بيوجعنى بسبب كلامها ونقدها المستر هى امى واقرب حد ليا وبحبها بس كلامها بيوجعنى وبيكرسنى حرفيا بتمنى بتحبنى زى م انا بحب نفسي

ي ريت تدعولى ان ربنا يهديهالى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_74444 🇪🇬

منذ 3 أشهر

شعور مرهق

عبّر عن شعورك بشكل مجهول

مبقتش عارفه اخبى مشاعرى انى نفسى اتجوز واتحب وحد ييجى البيت عشانى انا ويطلبنى لاسمى لشخصى انا
مهما حاولت اكبت الاحساس ده وامشى ف حياتى واعمل انى مبقتش مهتمه لا لجواز او لراجل ف حياتى دايما طاقتى اللى فضلت اجمعها ساعات كتيرة عشان اقوم وانجز حاجه لنفسى تخلص بعد وقت قصير والاقى المشاعر دى بتغلبنى واقعد افكر فيها كتير  واسأل نفسى أسئلة وجوديه محبطه جداا زى انو انا مالى فيا ايه وليه مش عارفه اندمج ف المجتمع واعمل اسم لنفسى وكيان وليه دايما مستخبيه وبخرج قليل انا عندى ثقه كبيره جدا مش انى معنديش ثقه ف مبعرفش لا  بالعكس انا بحس دايما انو وعشان مين ومش محتاجه أبهر حد بيا او أظهر نفسى واshow off كتير ع السوشال ميديا واقول انا اهو وشوفو انجازاتى انا تعبت من انى بقيت بحتقر اى حد بيحاول يبين نفسه وانجلزاته ع الشوشال ميديا ويكون pick me انا نفسى اكون pick me بس حتى ع الاقل لنفسى لانى بقيت بحس انى باجى على نفسى اوى وشكلى قدام نفسى عشان بس مجرد مبينش انى مهتمه او عايزه  وف نفس الوقت نفسى اتشاف او حد ييجى يقرب منى يقوللي ازيك او مالك او احكيلى  عنك اكتر  شخص واحد بس ميهمنيش اى حد تانى  ومن انا صغيره عندى مشكله انى مشاعرى واحتياجاتى ببين عكسها تماما مع انى ببقى هموت عليها وتحصل .. دايما بفضل اكون behind the scene واعمل الحاجه ف الخفاء حتى مشاعرى اعيشها بينى وبين نفسى ومحدش يعرف عنها حاجه 
انا تعبت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_73963 🇪🇬

منذ 3 أشهر

شعور مستنزف

انا معنديش ثقه بنفسي كلهم شايفيني حد ضعيف ومش بتاع مسؤليه ومحدش بردوا ممكن ياخد رئي ف حاجه شخصيتي ضعيفه جدا ودايما بيتنمرو بس بيجبوها ف الهزار من بعد وفاه امي وانا مش قادره ارجع مع اني من جويا حد قوي جدا ودايما يقولولي انتي قلبك جامد انا مش عارفه انا اي لغبطه ودوشه جوه دماغي

Sugar_65342 🇪🇬

منذ 3 أشهر

شعور خجول

أنا ولد عندي 31 بستخدم كرسي متحرك بحاول اكسر حاجز الخوف والرهبة من الناس واكون شويه اجتماعىٍ أنا دايمًا كان نفسي أقرّب من حد وأكلمه من غير ما أفكّر كتير. النهارده شفت بنت في جنينة من بعيد، وبعد تردد كتير روّحت ناحيتها، بس في الآخر لقيت نفسي بكلم أمها 👀 زي ما قلت، أنا شوفتها من بعيد، ولما قرّبت ا

عبّر عن شعورك بشكل مجهول

أنا ولد عندي 31 بستخدم كرسي متحرك بحاول اكسر حاجز الخوف والرهبة من الناس واكون شويه اجتماعىٍ

أنا دايمًا كان نفسي أقرّب من حد وأكلمه من غير ما أفكّر كتير.

النهارده شفت بنت في جنينة من بعيد، وبعد تردد كتير روّحت ناحيتها، بس في الآخر لقيت نفسي بكلم أمها 👀

زي ما قلت، أنا شوفتها من بعيد، ولما قرّبت اكتشفت إنها بالكتير 17 سنة. وفجأة حسيت إن الجنينة كلها فَضيت وسكتت! كانت قاعدة جنب قاعة زومبا ويوجا. في اللحظة دي مكنش ينفع أرجع أو أمشي من غير ما أقول حاجة، فقولتلها: "إنتي هنا؟ (يعني بتشتغلي هنا؟)" قالتلي: "أيوه"، فقولتلها: "كنت عاوز أسأل على الأسعار".

البنت دخلت جابتلي أمها صاحبة المكان. قولتلهم إني بسأل عشان أختي 😅 لإن المكان للسيدات بس. وبعد ما عرفت التفاصيل، سألت الست عن اسمها، وشكرتها ومشيت.

كان في مليون فكرة في دماغي، وكنت بقول لنفسي: يا رب الست متفتكرش إني شخص غريب او حاجة أسوأ.

بس بصراحة أنا مبسوط إني عملت كدا ومفضلتش في الـ comfort zone بتاعتي.

وبعدها كنت عاوز أوقف راجل كبير وأسأله يديني نصيحة عن الحياة. اخترت واحد كان واقف حارس في المكان (مش بادي جارد يعني، راجل كبير كده)، بس كان مستعجل او مش فاضي محبتش اعطله. فدي هتبقى المحاولة الجاية إن شاء الله، مش لازم نفس الشخص بالظبط.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع