جرح من شخص عزيز

Waffle_13494 🇪🇬

منذ 4 أسابيع

شعور محبط

طول الووقت ومن سنيين عندي خوف دايم من حاجه عمرها ما اتغيرت وهي «اني اكون منافقة او مش حقيقية» الموضوع كان مخليني كارهة نفسي وشاكة في كل تصرفاتي وبحاسب نفسي بطريقة قاسية اوي على كل حاجه بعملها وكل فكرة بتجيلي وساعات الموضوع كان بيبقى مؤذي اوي لأن حتى لو انا قعدت ادور جوايا ولقيت اني مش بعمل دا لأي

عبّر عن شعورك بشكل مجهول

طول الووقت ومن سنيين عندي خوف دايم من حاجه عمرها ما اتغيرت وهي «اني اكون منافقة او مش حقيقية»

الموضوع كان مخليني كارهة نفسي وشاكة في كل تصرفاتي وبحاسب نفسي بطريقة قاسية اوي على كل حاجه بعملها وكل فكرة بتجيلي وساعات الموضوع كان بيبقى مؤذي اوي لأن حتى لو انا قعدت ادور جوايا ولقيت اني مش بعمل دا لأي هدف في حاجه كانت دايما بتقولي انتي كدا منافقة واكيد دا مش هدفك الحقيقي وانتي فاكرة نفسك طيبه وخلاص ؟؟
.. انا عانيت لـ سنين طويلة بسبب دا ومن جوايا كنت بتمنى صفات معينه عشان ابطل اكون 'منافقة' على حسب تفكيري وقتها .. ووقتها دايما كانت بتطلعلي حاجات واشارت كأن ربنا بيقولي انتِ مش منافقة ! 
وبالرغم من اني مكنتش بتكلم في الموضوع دا مع حد الت ممكن مرة واحدة بس دايما كل الناس حواليا كانوا بيقولوا انهم عارفين اني شخص كويس وكانوا بيقولوا عني حاجات كنت ببقى حاساها فعلا و كام في حد ساعدني اتخطى الموضوع دا وعرفني اني فعلا حد كويس والوسواس دا مبقاش يجيلي كتير زي الاول .. خصوصا اني بقيت اقطع الشك باليقين واي حاجه تحسسني اني منافقة بلغيها وكنت فخورة اوي اني بعمل دا وعرفت وقتها ان دا مسموش نفاق ودايما كان بتطلعلي فيديوهات ان في صفات وحاجات كنت بحسها هي عكس النفاق تماما !!

المهم اني تخطيت دا بشكل ما وحاسة حاجات كتير اوي وحشة جوايا اختفت وكأن ربنا اصلحني وزرع فيا كل الصفات الـ كنت بتمناها !!

بس فجأة اكتر حد كنت بهتم بنظرته ليا وكنت بحبه بدأ يشوفني اني منافقة ..
لمجرد اني كنت بحاول اتعامل مع الامور والمشاكل بطريقة اهدى .. بدأ يقولي حاجات كتير عني هي مش حقيقية وانا مش حاساها بجد !!
طرحت الموضوع اكتر من مرة وسألت كتير هل انا منافقة في نظرك ؟ دايما اجاباته كانت لا وانه استحالةة يفكر في كدا او اكون كدا .. بس الموضوع فعلا اتقال. 
اتقال اني بقعد اقول مسميات عشان ابان شخص واو وخلاص وان كل افعالي دلوقتي ما هي الا محاولة مني ابين اني حد كويس وخلاص ✨
الموضوع بجد جرحني اوي لأن الحد دا هو الـ خلاني اتخطى مشكله الشك الدايم في نفسي .. طيب لما اسمع دا منه المفروض اعمل ايه ؟؟؟
انا والله مش بمثل اني حد كويس وخلاص .. انا مكنتش اتخيل ان دا التفكير الـ يوصله بجد .. برغم خوفي من دا بس انا كنت واثقه ان ازاي ممكن يفكر كدا يعني ؟!!
بس طلع حقيقي .. وطلعت انا منافقة في عيون اكتر حد كانت تهمني .

حقيقي حاسة بحزن ووجع ميتوصفوش وحاسة اني مش عارفه المفروض اعمل ايه تاني وانا دلوقتي كل ما اعمل اييي حاجه حرفيا اي حاجه تبان بشكل تاني هو بعيد كل البعد عن نيتي وقصدي .. بجد تعبت اوي ومش عارفه اتصرف بس لعله خير والله ❤️‍🩹.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Waffle_90212 🇪🇬

Meen sahy yel3ab saraha? | شكوى من الغش

Meen sahy yel3ab saraha ? 000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000 ...عرض المزيد

0 الدعم

14 نصيحة

Sugar_19913 🇪🇬

قلبي اتكسر ليه يعمل كدا؟ مش عارفه اتخطى

مش عارفه ليه بس كل ما الاقى نفسي الدنيا ضاقت بيا و مش عارفه احكى لحد بفتح التطبيق ده انا عارفه ان اللى عملته غلط بس انا حبيت حد و هو اللى بدأ معايا كلام و اتكلمنا و ارتبطنا و كنت بأنب نفسي جدا عشان ده غلط و حرام بس كنت بحبه فا فى يوم لقيته بيقولى انه لازم نبعد عشان حرام و كدا وانا وافقت و قعدت شهرين منهاره جيت انهارده ادخل الاكونت بتاعه لقيته خطب من شهر بجد قلبي اتكسر بشكل و نفسيتى بقت زفت طب ليه يعمل كدا و الله اعلم كنت انا لوحدى ولا فيه غيري مش عارفه ولا قادره اتخطى الموضوع ...عرض المزيد

1 الدعم

14 نصيحة

Jackfruit_64058 🇪🇬

مراكمة دراسة ومش عارفة اذاكر.. الوقت بيجري!

دلوقتى انا اهلى معتمدين عليا انى اجيب مجموع عالى وانا للاسف مراكمه كتير ومش عارفه اذاكر. انا بس عايزه افرح ابويا لانو صرف عليا كتير ووقف جمبى المشكله ان الوقت بيجرى بسرعه وانا مش ملاحقه الم اى حاجه فى منهج ...عرض المزيد

0 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع