جواز فاشل

Avocado_63640 🇪🇬

منذ 4 أشهر

شعور عاطفي

معلش يا جماعه هو بجد البنات المحترمه بقي الملاحظ انهم بيعنسوا او يتطلقوا ويقعوا ف جوازات فاشله؟يعني بجد انا ملاحظه لا حول ولا قوه الا بالله ان اللي مصاحبه ٧ و١٠ سنين او بتلبس المحزق وتحط ميكب هي اللي بتتجوز وبيس واللي عايشه بما يرضي الله يا عانس يا طالق يا واقعه ف حد مكفر سيئاتها كلها ،ايه سبب الظاه

Cherry_68109 🇪🇬

منذ 5 أشهر

شعور مكسور القلب

عبّر عن شعورك بشكل مجهول

ازيكم الأول.. يارب كلكم تكونو احسن ووسط ناس أحسن 
أنا عندي 29 سنة .. طول فترة دراستي وشغلي كنت مركزة فيهم بس ، عمري ما ارتبط بحد ولا كلمت حد ولا كنت بفكر أساسا في الموضوع وشايفة أن الحاجة تيجي بشكل رسمي افضل .. كان عندي جاري وفي نفس الوقت اخويا متجوز أخته اتقدملي على مدار 3 سنين وكل مرة بابا يرفضه .. أنا كنت معجبة بيه من بعيد عادي .. شخص لطيف من سني ومن نفس مستوايا المادي والاجتماعي .. بابا كان شايف أن الجوازة دي هتجيب مشاكل .. المهم بعد 3 سنين قولت أنا هديله فرصه وبابا قال رأيه ولكن القرار كان ليا ف أنا وافقت، ودي اول مرة اعمل حاجة عكس رغبة بابا ..
كان بارد المشاعر ، مش بيتكلم ، مش بيهتم ، يقولي قرار ويرجع يغيره ، أهله بيشطبو شقتي على مزاجهم وهو يقولي حقك عليا ،، حصل مشاكل بين أهله واهلي كتير وهو كان سلبي بيختفي ويقول نفس كلام مامته لو اتكلم ،، وأنا كنت مغفلة عندكم حق ،، لحد قبل الفرح بشهرين اتلككو على حاجة عبيطة وقالو إن بابا مش بيحترمهم من آلاول وانه عايز يلوي دراعهم ودا بشهادة الناس كلها محصلش 
المهم أنه باع في ثانية .. من غير مسج حتى حصلت المشاكل وهو اختفى لحد ما الابهات خلصوها .. وفي الاخر قالي انا عارف انك مظلومة معلش 
ومن ساعتها ولا مسج وولا كلمة كأني مجتش في حياته 
أنا حاسة اني متباعة ومخذولة ومتحبش وأنه ما صدق خلص مني 
أنا اسفة لو طولت عليكم .. وشكرا لكل حد عنده كلمة ممكن تساعدني 🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_63941 🇪🇬

منذ 5 أشهر

شعور مكتئب

الشهر الجاي هكمل ٣٠ سنة مش هقول معملتش حاجة بس اقدر اقول اني خسرت كتير يعني زاوج مدامش اكتر من سنة ونص تقريبا ولسة مش عارف اتخطى بخدع نفسي بكترة الشغل والتعب عشان بس دماغي متسوحنيش زي كل يوم عشان اتعب فأنام من غير تفكير جربت اروح لطبيب نفسي وكان الحل بالنسبالهم أدوية وبس ونتجنب الكلام في الموضوع....

Avocado_63757 🇪🇬

منذ 5 أشهر

شعور مكسور القلب

مكملتش سنة متجوزة ورجعت بيت اهلي حامل وخلفت وخلاص هطلق في ناس بتقولي أنه اتعملي حاجة بسبب أن حاجات كتير مكنتش منطقية وحياتي كانت بايظة من اول يوم ف الجواز الحمد لله اولا واخيرا نفسي كل واحد مر بتجربة زي دي يقولي عمل ايه وازاي ربنا عوضه لاني كنت فاكرة أن دا العوض لكن الحمد لله كان اسوء كابوس ف حيات

Corn_63629 🇪🇬 U are not alone... Always their is a ears to hear you... Don't lose hope هتعدي إن شاء الله

عرض الكل 19 نصيحة

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع