حب الأب

Peanut_74196 🇪🇬

منذ أسبوع واحد

شعور محبط

سورة يوسف هتعلمك 3 حاجات عمرك ما هتنساهم 1️⃣ الأذى مش بييجي غير من الناس اللي كنت بتقول “دول آخر ناس يؤذوني” ﴿ أَرْسِلْهُ مَعَنَا غَدًا يَرْتَعْ وَيَلْعَبْ وَإِنَّا لَهُ لَحَافِظُونَ ﴾ 2️⃣ مفيش حد هيحبّك ويخاف عليك زي أبوك… مهما الدنيا لفّت، مفيش زي ضهر الأب ﴿ وَتَوَلّىٰ عَنْهُمْ وَقَالَ يَا أَسَ

Nutella_77136 🇪🇬

منذ 3 أشهر

شعور قلق

عبّر عن شعورك بشكل مجهول

انا بنوته عايشه حياه اييي بنت تتمنيها في حياتها فلوس ومكان أنصف حاجه وعيش احسن حاجه فعلا اييي حاجه اتمناها الاقيها بس للاسف الحاجه اللي تمنيتها مش لايقها هيا الأمان وحنينه والاهتمام وكلمه حلوه ومشاركه كل واحد في البيت عايش لوحده مفيش حد بيهتم مين بيعمل اي عادي لو في مصيبه بابا يزعق وبس تحلل دايما بابا مش شايفني دايما شايف اخواتي وبس عمري مسمعت منو كلمه زي اييي بنت بتسمعها من بابها انا بحبك حتا دي والله مسمعتها منو دايما اسمع مقارنات وبس لدرجة دخلت الكليه اللي كان بتمناه يبقى حد من عيالو يبقى فيها برضو مسمعتش منو حتا انا فخور بيكي ودايما كنت انجح عشان يقولي كلمه حلوه لما ماما تقولوا يقولي مبروك وبس حتا مخدنيش في حضن والله من ساعة ما فهمت الدنيا وهوا عمره محضني ما إن مع اخواتي عادي كان يحضنهم بعد كده خت قرار اني اصرف انا على نفسي وفعلا بدأت اصرف على نفسي ونجحت بيقت مشهوره بس برضو مشفنيش ونااس دايما تقول يابخت عليتك بيكي انتي جوهره برضو حتا مقاليش انا فخور بيكي ما إني تعفيت من الجرح اللي عملهولي بس كان نفسي في مره يقولي انتي محتاجه حضن بجد ياجماعه الفلوس مش كل حاجه اهم حاجه عيله تحسسك بالأمان والطمأنينة ويبقو دايما فخورين بيكي ومحسسكيش انك لوحدك دي بالدنيا كلها الحمدلله قريبه من ربنا وكل اللي أنا في دلوقتي بسبب ربنا دلوقتى مبيقتش ازعل زي الاول بيقت عادي خلاص مليش نصيب في عائلتي اكيد ربنا هعوضني بحاجه كبيره جدا بجد انا فخوره بي نفسي عشان بيقت حاجه كبيره وسيارتي طيبه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_71322 🇪🇬

منذ 4 أشهر

شعور ضائع

عبّر عن شعورك بشكل مجهول

طول الوقت حاسه انى عندى مشكله بس مش عارفه ايه هى و لما كبرت اتاكدت انى عندى Dady issues بس وانا صغيره مكنتش اعرف ايه المشكله ال عندى او انى عندى مشكله أصلا بس كنت ديما بتخيل ان عندى اخ اكبر منى بيطبطب عليا و يحبني و يهزر معايا و كنت مقتنعه ان عندى اخ بس تاه مثلا او اي حاجه و كنت لو بشوف واحده صاحبتي بتكلم اخوها مثلا افضل باصه عليهم و ببقا نفسي اعيش المشهد ده مع انو عادى جدا بالنسبالى لا و كنت لما بشوف بنت تقول اكتر حد بتحبو هو باباها كنت بستغرب عشان انا بالنسبالي الاب مش بيعمل حاجه خالص ف انتى بتحبي باباكى ليه بجد كنت بسأل السؤال ده بيني و بين نفسي مش بحقد خالص انا معشتش ده ف معرفش و لما كبرت عرفت ليه كنت بحب المدرسين بتوعي و مينفعش يعدي فتره غير لما اكون بحب حد لمجرد انو ادانى اهتمام بس  الحمد لله معملتش اي حاجه غلط ل رميت نفسي ع حد و لا حد ضحك عليا و لا اي حاجه عشان كنت بحبهم بيني و بين نفسي و عشان امى ربتنى ان ده غلط ف كان عندى حدود معروفه و عشان انا جبانه اوى برضو مش سهل انى اعمل حاجه غلط عشان حب بس لما بقيت بعد م جدى مات و هو ال كان مالى الفراغ ال سابو ابويا شويه و كنت بحبو حب مش طبيعي لدرجة كنت بقول ل جدى بابا و ابويا مكنتش بعرف اقولهالو ف لما مات عرفت اني انو انا كنت بضحك علي نفسي بالحب ال كنت بحبو ل اي حد ده و مبقتش عارفه احب حد عشان خوفت من الفراق ده ان حد اتعلق بيه حد لو حاجه بسيطه و يسبني كده تايه مش عارفه اعمل ايه انا بقالى سنين تايه تايه اوى بس،للأسف اول مادخلت الجامعه عملت الحاجه ال خايفه منها كل ده و حبيت و مشي زى م كنت متوقعه و ده وجعنى و مش عارفه امشي حياتى رجعت تاهة تانى بعد م كنت بدأت ابقا كويسه و مهمهوش انا يحصل فيا إيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_71733 🇪🇬

منذ 4 أشهر

شعور ضائع

موضوع:

ما هو أكثر شيء تفتقده من طفولتك؟

وجود بابا معايا كان وجوده بالدنيا وأقسم اني كنت طفلة من يوم ما فقدته مرجعتش ابدا زي ما كنت ، كانت أول هزايمي وخساراتي من بعد يوم فراقه حياتي اتغيرت ١٨٠ درجة فقدت الراحة والأمان والحب فقدت أغلي ما في حياتي فقدت نفسي معاه ومفتقدة جدا نفسي وهو موجود

Watermelon_65402 🇪🇬

منذ 4 أشهر

شعور متوتر

موضوع:

عندك مشكلة في التعبير عن مشاعرك؟

جدا خصوصا مع أشخاص معينه يعنى أولهم بابا حقيقي انا بحبه وكل حاجه بس عمرى ما قولت دا ولا هو عمره قالى كدا علاقتنا سطحى ف بيكون مثلا لو يوم تعبان انا ببقي قلقانه ومليون فكر ف دماغى بسببه وانى خايفه عليه بس عمرى ما بينت دا ليه معرفش دا ليه بسبب أن دا أسلوبه معايا ف دا بينعكس ع اسلوبى ولا اى ع العكس مع

Carrot_70632 🇪🇬 انا بردو كده بس تأكدي أنه بيحبك هو بس مش بيعرف يعبر عن الحب ده ..معنى انك بتقولى كده يبقى نفسك تعبرى عن حبك ده له اكتبيله رسالة وحطيها ف جيبه من غير ما يحس وهنفرق كتير .. اجري عليه واحضنيه

عرض الكل 6 نصيحة

French Fries_62527 🇪🇬

منذ 5 أشهر

شعور محبط

Watermelon_57668 🇪🇬 براحة على نفسك ربنا يسامحه والدك ..حاولي تعملي أنشطة بتحبيها و انتي متستاهليش تبقى متوترة هما الي طريقتهم غلط

عرض الكل 4 نصيحة

عبّر عن شعورك بشكل مجهول

كل حاجة بعملها بحس نفسي هيزعقلي عليها مهما كانت صغيرة دائما متوترة كان نفسي لما اعمل حاجة غلط اول واحد اروحله هو بابا دائما اي حاجة غلط بعملها بخبيها عليه ما هو كدا بيهزقني علي الصغيرة قبل الكبيرة ف أقوله ليه يعني بجد كان نفسي اكون قريبة منه كان فيه مقولة بتقول اول راجل في حياة البنت بتشوفوه بطلها وكل حاجة في حياتها هو باباها بس انا مشوفتش كدا انا شوفته الراجل اللي بحترمه عشان هو ابويا مش عشان حاجة تاني كان نفسي اعيش اغنية بنت ابويا بكل كلمة فيها في جملة كدا في الأغنية بتقول" صوت رنة المفتاح ساعة اما توصل" انا صوت رنة المفتاح أنه وصل دا بالنسبة ليا رعب أنه خلاص وصل ادخل اوضتي بقي واتفادي اي مشكلة معاه ... ليه طيب ليه ميبقاش معايا حياة حلوة مع بابا اكون عايزة افتكرها ليه لما أخرج من البيت بتمني مرجعلوش تاني ليه . الأغنية دي بكل تفاصيلها انا معشتهاش انا عارفة أنه هو كويس وانا يحترمه وبقدره عشان عمل حاجات كتير في حياتي تستحق دا بس ليه مكنش يحترمه وبقدره عشان انا بحبه مش عشان الحاجات اللي عملها أو عشان الدين أمرني بده ليه اول ما ينادي عليا أو يتصل بيا بخاف منه وبقلق ليه متمناش المكالمة دي ليه مهرزش معاه مثلا مفتكرش إن الرسول كانت علاقته ببناته كدت انا قريت إن كان فيه مودة ورحمة وحب بينهم واكيد كانوا بيغلطوا بس مكنش بيرعبهم كدا اكيد كانت بينهم حاجات حلوة وذكريات أحلي ومحدش يفتكر اني بكتب الكلام دا وسهل عليا أن ميكنش فيه بينا حاجات حلوة واني أنكرت جميله عليا بالعكس أنا عارفة اني خدت فرصة ناس كتير مخدتهاش بس برضو انا مش وحشة عشان اتعامل بالطريقة دي وإن برضو الرسول كان معيش بناته في عيشة كويسة بالنسبة لزمنهم وبرضو كان فيه حب بينهم انا مش بطلب حاجة كبيرة انا بس عايزة شوية حب انا عايزة أتعلم منه وبحب وجهة نظره بس هو مش بيفهمني براحة مش عايز يسمع وجهة نظري عايزني اقول حاضر وبس ليه ميكونش عندي وجهة نظر ليه مش بيحترمها ويحاول يسمعها انا في أهم قرارات في حياتي هاخد برأيه لانه عارف الصح اكتر مني وفاهم الدنيا اكتر مني بس بابا مش بيسمع راي دائما لما اقول وجهة نظري واتكلم بيقول عليا بتفلسف ليه دا انا بقول وجهة نظري مش اكتر يعني عايزني اكون زي الكرسي بدون أي شخصية يحركه يمين يمين شمال شمال وبتقولوا كارهة ليه فكرة الجواز انا عارفة الحياة مش هتدي كل حاجة ودا مهما كان بابا ف انا هحترمه بس عشان هو بابا مش اكتر ...
مش عايزة اوصل لمرحلة اني بكرهه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Waffle_57960 🇪🇬

منذ 6 أشهر

شعور ضاق ذرعًا

Strawberry_39895 🇪🇬 لا حول ولا قوة إلا بالله ربنا معاكي

عرض الكل 9 نصيحة

عبّر عن شعورك بشكل مجهول

انا عندي دادي ايشوز من ساعه ما ماما وبابا اتطلقوا هما كانوا بيتخانقوا كتير اوي وهما متجوزين وكان بابا بيمد أيده علي ماما وعلي اختي الكبيره انا بحبه اوي بس مش بحب تصرفاته ابدا ماما وبابا اتطلقوا بعد ما بابا اتهجم علينا فالبيت وطلبوا البوليس وطبعا كنا صغيرين اوي ومش فاهمين حاجه يمكن اختي كانت فاهمه شويه بس انا كان كل همي اعمل لماما هديه لأن يوم طلاقهم كان يوم عيد الام  مكنتش فاهمه ال بيحصل بس كنت عارفه أن فيه مشاكل بين ماما وبابا وبصراحه طول الفتره ال عشتها مع ماما عمرها مخلتنا محتاجين حاجه وربتنا احسن تربيه بس بابا كان عايش فالشقه ال قصدانا وده كان أسوأ حاجه لان كنا كل يوم بنشوفه وكان دائما يعامل اختي احسن مني مع أن اختي كانت بتكرهه لأن لما كان زمان بيعمل مشاكل وبتاع هي كانت واعيه وفاهمه انا مكنتش فاهمه اوي لاني كنت صغيره بس كنت بحب بابا اوي اوي وبابا كان بيحب اختي جدا مع انها كانت بتكرهه اوي بس برضه كان دائما يفرق بينا كان يقعد يتحايل عليها عشان تكلمه ونا لما اجي أكلمه يقولي اسكتي يبت انتي وجي من قريب كان منزل صوره ليا بشعري ونا محجبه قولتله يبابا شيل الصوره وكلمت عمي وكلمت بابا اكتر من مره وبرضه مش راضي يشيلها وهزقني وامبارح اختي اتصلت بيه عشان تقولو أن النتيجه ظهرت وأنها نجحت وقالتله اختي كمان نجحت قالها مين؟ انا معنديش بنات غيرك حاولت اعمل نفسي كويسه بس انا مش كلبه بشحته وعدم اهتمامه بيا مأثر فيا جامد اوي لدرجه ان اي حد يحسسني بالأمان بحبه حتي المدرسين بتوعي!! انا وصلت لدرجه الجنون بجد ومش عارفه اعمل ايه اخليه يحبني ويهتم بيا ازاي؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_53516 🇪🇬

منذ 7 أشهر

شعور محبط

عبّر عن شعورك بشكل مجهول

انا ابويا توفي من 3 سنين 
وهوا مش ابويا 
هوا ابويا وصحبي وحبيبي واخويا وكل حاجه ليا في الدنيا 
كان الأمان والضهر والسند 
انا ولد علي بنات 
لما كنت صغير مكنتش بعرف اعمل صاحب مكنش ليا صحاب 
هوا كان صحبي 
فاكر لما كنا بنلعب كورة انا وهوا ونخرج ونتفسح سوا 
.. 
مش عارف ازاي كان عصبي وشديد جدا وفي نفس الوقت اطيب واجمل قلب 
اكتر واحد كان نفسه اكون احسن واحد في الدنيا 
مش ناسي نصايح ليا
مش ناسي لما كان بيقولي يابني انا مش هعيش ليك العمر كله 
وفعلا 
الشخص العظيم اللي كنت بخاف منو وبخاف عليه 
الشخص اللي طول عمره كان شيلني علي كتفه 
بقيت في لحظة شايلة في خشبة علي كتفي 
ابويا كان مريض 
وبيدخل المستشفى كتير 
وكنت كل مرا اقول هيخف ويبقا احسن من الاول 
كان صابر جدا علي مرضه 
وكان راجل راضي 
وديما يقول الحمدلله 
وكل مرا كان بيتعب فيها كان بلحقه واجري علي المستشفى وكانت بتعدي علي خير 
الا المره دي 
المره الوحيده اللي معرفتش اعمل ايه فيها 
واقف وسط 3 دكاتره وممرضين ومش عارف اعمله حاجه 
الدكتور بعمله انعاش والتاني بيزعق والثالث بيخرجني برا الاوضه 
وانا مش عارف اعمل ايه 
وتوفي أبي 
توفي قدامي عيني 
توفي ومقدرتش اعمله حاجة 
امر الله نفذ 
وفي لحظة شايل ابويا بدخله تلاجه 
بكلم مبيردش عليا 
ابويا اللي كان بيحميني وانا عيل صغير 
بغسله ب ايدي 
وبلبسه كفنه
وشايله علي كتفي زي ما كان بيشلني علي كتفه 
بس هوا كان بيلعبني 
وانا كنت رايح ادفنه 
وشلته ب ايدي نزلته لقبره 
نزلته وانا عارف اني مش هشيله تاني 
وحضنته اخر حضن في حياتي 
وانا حاضنة كنت عارف اني خلاص هتحرم من الضحن دا طول عمري 
الحضن اللي كنت لما بخاف بجري اترمي فيه 
الحضن اللي لما اتعب من الدنيا اروحله 
وخلاص راح ابويا وسبني 
وسابلي امي واخواتي البنات 
سابلي  المسؤليه 
وسابلي السيره الحلوه 
سابلي حب الناس 
وسيبني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_51660 🇪🇬

منذ 11 شهرًا

شعور متعب

موضوع:

ايه النصيحه اللي كان نفسك حد ينصحهالك لما كنت صغير؟

انا مكنش نفسي فى حاجة غير ان ابويا اللى يقدملى النصيحة ويصاحبني وياخدنى ابنه وصاحبه انما ابويا معملش كدا محستش مع ابويا بالامان انا شاب عندى 18 سنه لما بشوف طفل صغير ابوه واخده فى حضنه ببق نفسي اكون مكانه واعيط فى حضنه انا ابويا عايش مش ميت ومش مطلق امى ومش بيشرب سجاير ولا كحوليات يعني صحته كويسه بس

Marshmallow_46399 🇯🇴

منذ سنة واحدة

شعور مكسور القلب

نفسي تحبني، نفسي تتطلع علي بفخر او بحب بدل نظرات الغضب و خيبة الامل، نفسي تسألني عن يومي، نفسي تحس اني لساتني نفس البنت الصغيرة الي كنت طاير فيها، نفسي بس اعيط تواسيني مش تطلع علي و تطلع من الغرفة، نفسي اسمع منك كلمة حلوة مش كلمة تخليني احكي لحالي "ما بدي احكي معه مرة ثانية"، نفسي لو أعطيتني الحب ال

Marshmallow_34647 🇪🇬

منذ سنة واحدة

شعور ضائع

موضوع:

لو رجعت بالزمن اي الي هتغيره في حياتك؟

لو رجعت بالزمن مش هغير اي حاجه هروح علي اوضه بابا و احضنه ادفع عمري كله وارجع والله لو ينفع هحكيله انا حاسه ب ايه دلوقتي عشان هو الوحيد اللي هيفهم هقدر كل دقيقه و هستمتع ب نفسي القديمه هساله اعمل ايه عشان مش عارفه اعمل ايه و هحيله الناس القريبين عملو ايه بعده و هطمنه عليا اني متماسكه قدامهم بس ضايعه

Tomato_18181 🇪🇬

منذ سنة واحدة

شعور مريض

ازاي اخلي ابويا يحبني بحث

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Cherry_17492 🇪🇬

منذ سنة واحدة

شعور Okay 😐

انا وحده بنت ابوها جدا وانا بحب بابا جدا لن هو كان بيعملي كل حاجه و بيحضني كل دقيقتين و يدلعني و الي حاجه الي بفكر فيها بجد بتجي قبل ما اقوله بقول كان لن ربنا يرحمه توفها من فتره قصيره الي عايزه اقوله ان بابا عملي كل حاجه حرفيا فا مستنيه الشخص الي يخلي عيني تلمع من كتر ما الحاجات الي بيعملها مشوفتها

Watermelon_8786

منذ سنة واحدة

شعور Good 😁

الحمد لله ابويا رباني قبل ما يمشي👌🏻

Chocolate_89205 🇪🇬

فخوره بيا أوووي! نزلت أول روايه و تالت كتاب ليا

حقيقي انا فخوره بيا اوووي النهارده نزلت اول روايه ليا و تالت كتاب اطبع و حاسه بفخر اني بقيت كاتبه بجد حاسه اني مبسوطه وانا متوثقه اني كاتبه ادبيه مصريه بجد كميه فخر مش في حد افرحو بيا يا جماعه انا زي اختكم فهمين 😂🫶🏻. ...عرض المزيد

12 الدعم

28 نصيحة

Kiwi_59601 🇪🇬

عارفة سر وحدة وحش.. أقول لزوجها ولا أسكت؟

بطلب نصيحه لو انا عارفه حاجه و حشه عن وحده و اتفضحت قدامي اقول لجوزها و لا اسكت+ في حاجه جوايه مش مرتاحه بتقولي قولي مش عارفه امشي ورا الصوت الي جوايه ولا لا و هل دا صح ولا لا اتمنى نصيحه حقيقية ...عرض المزيد

2 الدعم

25 نصيحة

Diamond_89796 🇪🇬

بتمتص الطاقه السلبيه من كل واحد! فكره حلوه بس اعععع

سوري ي جماعه ف اللي هقوله أنا لسه منزله الابليكشن النهارده وكنت عايزه اشوف دماغ الناس اي مشاكلهم الجانب القاسي ف حياتهم ولعل وعسي ارتاح هنا واعرف اتكلم وعماله حرفيا بنصح كل واحد علي قد معرفتي بس أنا حاسه بطاقه سلبيه جدا حاسه اني بمتص الطاقه السلبيه بتاعت كل واحد لا بجد شئ صعب اوي هي فكرته حلوه بس ف نفس الوقت لو حد فضل عليه طول الوقت جماعه اععععع ينييميميىرزعيخصخصخرسرنسخسنسرسرسررطنطهخطمطو و و ومخطنبنيريرثوينينيريريوينيثنثنثنثننرطرطرينينممخ ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع