حب مش متبادل

Avocado_89807 🇪🇬

منذ 8 ساعات

شعور مكتئب

hi ana awl mara anazl haga fa msh3rfa atkalem awy bs does anyone ever feel like people put them in a certain frame? that they can’t be seen in another way even though they try so hard to? have you ever gave alot of love and energy.. really alot. hoping that one day you would receive the same from so

Strawberry_58144 🇪🇬

منذ أسبوع واحد

شعور مكسور القلب

Biscuit_88943 🇪🇬 اممممم عدم الثقة بالنفس دي هيا اللي مخليا الناس تبعد عنك ..حبي نفسك افهمي

عرض الكل 6 نصيحة

عبّر عن شعورك بشكل مجهول

سكن.. ازيك.. يارب تكون كويس.. بس الحقيقه انا مش كويسه خالص.. انا يا سكن زى الى غارف اى مرضه و مشخص حالته بس مش لاقى العلاج.. انا تايهه توهاان.. موجوعه.. بقالى بتاع اسبوع كده حاسه نفسى فحاله اكتئاب.. بقالى كتير اوى مدخلتش المود ده.. بقالى سنين.. دى مجرد حاله مش مرض و انا المسؤوله انى اعيشها ولا لا و بعرف افرق بين الحزن و الاكتئاب.. بس يا سكن انا فحاله كده من الانطفاء.. لامبالاه رهيبه اتجاه كل شيء.. اتجاه الناس و اهلى و صحابى و دراستى و حتى نفسى.. مش بهتم باى حاجه نهائى مش عارفه احس.. حتى نفسى مش مهتميه باى حاجه فيها لا شعرى ولا بشرتى ولا صحتى.. فاقده الاحساس.. بهرب بقعد اقرا روايات ليل نهار.. حتى علاقتى بربنا متدمره.. قطعت صلاتى.. مش حاسه باى حاجه مش حاسه انى المفروض اعمل حاجه.. ايي حاجه.. ولا حتى اقوم اخد شاور الى ماجلاه بقالى كذا يوم.. حتى الجامعه بنزلها مره كل عشر ايام.. حياتى فيها ضغط فكل حته من كل جهه.. علاقتى بامى متشوهه يا سكن.. الشرخ بيمنا وصل لمرحله استحاله التلائم خلاص.. ده تاعبنى.. انا مكبرتش كفايه انى اعتمد على نفسى بدون ام.. لسه محتاجه حنيه.. محتاجاها اكتر ما كنت لسه صغيره.. انا تعبانه.. هو ليه يا سكن مليش نصيب فالحب! ليه.. انا قربت اتم ال ٢١ يا سكن.. محدش دخل حياتى لحد دلوقتى.. محدش حاول حتى.. هو ده طبيعى؟ ليه هو انا مش بنت؟ مش مرغوبه؟ مش بعجب؟ ليه محدش بيحبنى و يطلبنى يا سكن.. ليه لو حتى حد حس بحاجه مش بيقرب اصلا.. بيبعد قبل ما يقرب بيبعد و هو بعيد.. ليه؟ ليه مفيش حد قاللى انه معجب بيا.. ليه مفيش حد حاول يتقدملى.. ليه مفيش واحده مثلا حست انى مناسبه لابنها و جربت توصللى.. ليه؟ ليه بجد.. ليه كريم.. ايه كريم يا سكن يعمل كده.. ليه يحس بيا و يبعد.. انا مش مستبعده ابدا ان فى واحده تانيه هو معجب بيها حاليا اصلا.. مش مستبعده ابدا.. هو من بدايه الترم ده وهو متعلق بالماضى.. لاكن الواقع؟ مفيش اى جديد يقول انه بيحبنى.. كل الاثباتات الى عندى كانت من الماضى.. من اول التيرم ده مفيش مره حسيت انه بيبصلى بحب او شوق.. هو اه متوتر و متاثر.. بس مش ظى النظره.. مش دى النظره الى كانت بتفلت منه احيانا يا سكن.. هو حاول يهرب و نجح فالهروب.. كريم بعيد.. محاولش ولا عايز يقرب اصلا.. انا يا سكن متعلقه بالولد الى بصلى زمان.. متعلقه بالنظره الى كانت بيننا.. متعلقه بالنسخه اللى كان ممكن يكونها.. انا بحب واحد مش لاقياه دلوقتى.. بدور عليه بستماته.. الولد الى حبيته زمان يا سكن.. الى ملحقاش حتى اعيش حبه قبل ما ينسحب.. لو كريم مبقاش الولد ده.. طب الولد ده بقى مين؟ هو فين؟ فين كريم الى حرك قلبى و دوبنى من اول نظره بصيناها فعيون بعض؟ كريم الرزين المحترم التقيل الى ملوش فالبنات.. فين؟ راح فين؟ بقا ينفع يتغير بعد ما حبيته؟ اكنى حبيت واحد و ضاع منى مش لاقياه ولسه بحبو.. مش قادره اتخطاه يا سكن😭 اتاثرت بيه اوى بجد من قلبى😭 مش قادره اتخطى و استوعب  ان الشخص ده مبقاش موجود.. مش قاادره.. مش قااادره.. انا عارفه انى مش بحب كريم الحالى.. بس انا مش قادره انسى النسخه الى كان ممكن يكونها.. مش قادره انسى عيونه وهى بتبصلى كده.. مش عارفه امشى مش عارفه اسيب كل حاجه تنهار و انجو انا.. بدور على اى لمحه فعيونو تثبت انى كنت صح.. تثبت ان كريم الى حبيته لسه موجود فالشخص ده.. انا كل حاجه فحياتى و نفسيتى منهاره و مش عارفه اقف على رجلى.. تعب جوا البيت و تعب برا البيت و تعب جوايا انا! مش عارفه اروح فين.. مش قادره ارتاح فحته.. مش قادره ارتاح حتى وانا متقوقعه جوا نفسى.. التعب الى جوايا كبير مش عارفه اتعزل معاه.. مش لاقيه مكان يلمنى يا سكن.. مش لاقيه حبيب يطبب عليا.. انا تعبت اوى.. عندى عقد كتير من الطفوله عارفه انها سبب مشاكلى فالتعلق بالنوع ده من المشاعر.. انا عارفه ان الى حصللى وانا صغيره هو بالضبط السبب فالى بعيشه دلوقتى.. بس زى ما قولت انا عارفه المرض بس معرفش طريقه العلاج.. بقالى سنين يا سكن عارفه انا مشكلتى ايه بس معرفتش احلها.. سنين طويله بتعذب.. مش عارفه احب نفسى و اثق فيها كما يجب.. جوايا حته مشوهه ماخدتش الحب و التقدير و القبول.. بدور على القبول ده فعيون الراجل الى بحس اتجاهه بمشاعر.. ولما مبلاقيش القبول ده بتوجع اكتر بحس بالجرح القديم بحس انى مستحقش القبول بحس ان كل الى حصللى كان لازم يحصل لانه الحقيقه.. بحس انى لا استحق انى اتحب كما يجب.. بحس انى عمرى ما هتحب زى ما البنات ما بتتحب.. حاولت اثبت لنفسى عكسه بس كل مره كنت بحس فيها بمشاعر متبادله بينى و بين شخص كانت النهايه بتاكد النظريه دى.. انا مش بيتحاول عشانى.. فيا حاجه غلطط يمكن فشخصيتى فشكلى فاسلوبى مش عارفه بس مش طبيعى ان كل بنت بتحس انها مرغوبه بالاثبات ما عادا انا معنديش اثبات.. مفيش اى اثبات حصل طول ال ٢١ سنه بيثبت انى ست مرغوبه.. ولا من ابويا جوا البيت ولا من راجل بره البيت! انا ازاى اعيش يا سكن.. ازاى ادفن كل ده انسااه اتخطى امحيه من دماغى ارميه فالزباله و اركز فحياتى و فالحاجات الى بتسعدنى.. ازاى اسكن احتياجى الفظيع للحب الى مش بيجى عشان اعرف اعيش! كل المحبين فى هنا الا انا.. ام كلثوم كانت بتتكلم عنى لما قالتها..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_87360 🇪🇬

منذ شهر واحد

شعور مرتبك

عبّر عن شعورك بشكل مجهول

هوا كل الموضوع ان كان فيه ولد بيجي معايا دروس هوا ميعرفنيش من اولا ثانوي وكنت بشوفه بس كتير دخلت ليه واحنا في تلته دلوقتي بس لما كلمته عاملني وحش في الاول وبعدين بقا حلو جدا شهر كامل كنا حلوين بس مكنش بيقولي حاجه عنه وحاولت اقوله كتير يقول ويقولو اسألي واخر مره اتكلمنا قالي انتي عايزه اهتمام ونا مش باخد الففون فير ساعه وببقا عايز اقعد علي الفون (واحنا صحاب بس يعني)  فتكلمنا عادي وبعين قالي احنا معملناش حاجه في الساعه دي غير اننا بنضيع وقت قولت روح نام وبعدين قفلت بقالو يومين مختفي بعتله رساله الملخص بتعها اني عطلته كتير وكان شهر حلو  وبعدين رجعت زعلت تاني عشان انا حاسه اني بحبه بس مش هينفع احبه هوا لما حاول يلحلي انو حبني انا كنت بستعبط عشان مش عايزه ادخل علاقات تاني لاني كنت بحب حد قبل كدا وبعدين سبنا بعض فنا مش عارفه احب حد بس كل ما كنت بشوفه بحس احساس غريب وقلبي كان بيحرقني مش عارفه ليه هوا بالزات بعد ما كنت خلاص قفلت موضوع الحب دا خالص فبعت رساله علي التليجرام نقتطين مش بيرد ولا بيجي دروس ونا مش عارفه انا ليه حاسه بكدا ومش عارفه اركز في حاجه خالص مش عايزه احبه بس في نفس الوقت كنت هموت واشوفه انهرضه بس مشفتوش وقاعده طول النهار مش عارفه في ايه فنا كل الي عايزه اعرفه اعمل ايه انا بعد ما بعت ليه الرساله قولت لو حابب تتكلم خليها بعد تلته بس مشفهاش مع انها وصلت عشان مبقاش قتعت العلاقه خالص عايزه اعرف اعمل ايه بس والي هيقرأ الرساله شكرا ليه جدا عشان هي طويله اوي بس ياريت حد قرأها فعلا عشان ملقتش نفسي غير هنا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_73197 🇪🇬

منذ 4 أشهر

شعور Bad 😞

بقيت بحس اني باذي نفسي ب كل الطرق بقيت اعرف ناس مش شبهي ولا كانت تحلم تعرفني عشان بس احس اني مرغوب فيا بقيت بحس اني متحبش معن ف ناس بتقولي عكس كدا بس ال انا بخترهم واحبهم بيخلوني احس اني اوحش حد ف الدنيا.💔

Avocado_73226 🇪🇬

منذ 4 أشهر

شعور عاطفي

Chilli_59055 🇪🇬 في حاجه مش مظبوطه ف القصه دي هو تصرفات الولد غريبه بس الباين انو بيحبك غالباً هو جايز مكنش حاسب الظروف الماديه صح و لقي الموضوع اصعب من الكان متوقعو او جايز في حد تاني ف حياتو بس مش ثابت ف بيحاول يوازن بينكو انتو الاتنين يعني لا يخسرك و لا يخسرها او جايز برضو لما اتعامل معاكي محبش شخصيتك و طريقتك و حس انو اتسرع ده يعني اجزاء من تحليلي لان الموضوع ده لازم تفاصيل اكتر

عرض الكل 7 نصيحة

عبّر عن شعورك بشكل مجهول

اول مره افتح الابلكيشن ده بس نفسي حد يسمعني من غير ما يكون عارفني 
بأختصار انا بنت اتولدت ف بيت في أم نرجسيه والحمدلله قدرت اطلع منه اول مااتخرجت بس نفسيا عمري ماكنت كويسه بس ظروفي الماديه بقت كويسه جدا الحمد لله وعندي ثقه ف نفسي بدرجه كبيره اوي وشخصيتي قويه بس عمري ماكنت بثق ف حد كان عندي صاحب من زمان اوي حاول كتير يرتبط بيا بس مكنتش متقبلاه بعدين قررت اديله فرصه من سنتين هو مكانش مصدق نفسه وحرفيا كان مغرقني حب واهتمام ودائما بيحاول يثبتلي أنه هيعوضني عن كل حاجه وقعد يزن عليا يتقدملي وكلم اهلي عشان نتخطب بعدها قعد يماطل ف الخطوبه 6 شهور رغم اني ماطلبتش منه يتقدملي اصلا قعد يقول شويه بابا مش موافق شويه عندي مشاكل ف الشغل بس بصراحه مكانش بيستحمل زعلي لحد ما قررت اسيبه ساعتها تمم الخطوبه بس بقي عندي احساس اني أجبرته عليها لما سيبته اتنازلت تنازلات ماديه كتير جدا وهو كان دائما يزود ف اني أتنازل فقررت ف مره مااتنازلش عشان حاجه عبيطه جدا لقيت منه أنه سابني ف اكتر فتره حصلي فيها مشاكل وكنت متدمره نفسيا ولاول مره ف حياتي اقول لحد ماتسيبنيش بس سابني رجع بعدها باسبوعين يتأسف كتير وافقت ورجعتله بس قعد يحطلي شروط عشان رجوع رسمي فضلت معاه شويه وبعدين قررت اني اسيبه من غير مشاكل حسيت أنه مش جاد ف علاقته بيا ومش بيحبني بس حابب وجودي قعد شهر وكنت خلاص قربت اتخطاه رجع تاني يتحايل وعايز يرضيني بأي طريقه رجعتله قعدت شهرين كنت يوم ابقي كويسه والباقي اعاتبه عاللي عمله معايا بصراحه كان بيحاول يصالحني كتير وكان بيقول هيعمل ويعمل بس مكانش فيه فعل قررت اسيبه تاني راح وافق حاولت اصالحه واعتذرله وتفهمه اني كان جوايا مشاعر غضب كبيره بس قالي ماتحاوليش الموضوع اتقفل 
نفسي افهم لو مش بيحبني ليه كان متمسك بيا 
وليه رجع طالما مش عايز يكمل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_70262 🇪🇬

منذ 4 أشهر

شعور مكسور القلب

دايما عندى نواقص زى انى اكون الرغبه الاولى لاى واحده اعرفها حتى مرتبطت مره ، حسيت بعد مسابتنى انها اصلا مكنتش بتحبنى قبلها مكنتش عاطفى زى دلوقتى ، انا بقالى ٣ سنيين مش عارف انساها ونفسى انساها ، صعبانه عليا نفسى اوى ، شكراااا .

Cheese_64602 🇪🇬

منذ 5 أشهر

شعور وحيد

مختصر الموضوع عشان انا متضايق وانا بحكي اصلا احنا اتكلمنا وارتبطنا وتمام التمام "هي اللي دخلت اتكلمت" كان ف الاول الدنيا ماشية تمام اوووووي وبعدين ظهر بقي الكلام ع الاكس و بدأ يزيد ومبقيتش زي الاول ف كل حاجه حتي المعامله ممكن اليوم كله نتكلم نص ساعه (مع انها مش شغالة ولا مسحولة ولا الجو دا) بس اعذا

Biscuit_66497 🇪🇬

منذ 5 أشهر

شعور مريض

انا تعبانه اوووي اووي، كل العرسان اللي بتيجي برفضها ومش بقبل بيها، والوحيد اللي حبته كان زميلي ف الكليه، ولما اعترفت قالي انا قدامي وقت كبير قوي لسه قدامي اجيب شقه طب قولي انت نوي علي اي او انا بالنسبه ليك اي مش بيقولوا صراحه، بس انا عاوز اكمل، اكيد مش هسيب النعمه والا ايد ماسكه ف ايدي. طب تعال خد

Marshmallow_65283 🇪🇬 الراجل لو عايز واحده هيعمل المستحيل وهيشق الارض شق عشان يوصلها ويتجوزها لانه ببساطه هيخاف لتروح لحد غيره

عرض الكل 16 نصيحة

Apple_64465 🇪🇬

منذ 5 أشهر

شعور مستنزف

انا مرتبط ببنت وهي مهووسه بيا بمعنى انها حرفيا بتبكي جامد لو فكرت اني امشي وممكن تجرح نفسها وفنفس الوقت انا عاوز ابعد عشان انا الي بأذيها في العلاقه دي بسبب اني اتدمرت في علاقاتي الي فاتت مش قادر اديها حب وحنان واحنا ارتبطنا بالصدفه لحظة ضحك وفرحه بس اعمل ايه برأيكم؟

Biscuit_52542 🇪🇬

منذ 6 أشهر

شعور عاطفي

عبّر عن شعورك بشكل مجهول

للاسف علاقتي بيه معقده و يمكن الكلام اللي هقوله مش هيكون مفهوم بالنسبه لناس كتير او يمكن بس اللي هيفهمه هو اللي هيكون عاشه او عاش حاجه شبهه
انا معرفش احنا كنا ايه بالنسبه لبعض معرفش هو بيحبني ولا متعلق بيا ولا بيمثل كدا علشان بيحاول بقاله ٣ سنين يوصل للي هو عايزه و مش عارف بس كل اللي اعرفه انه احنا كنا محتاجين نحب علشان نكره او نقرب علشان نبعد..
لان اكيد اللي بينا دا مش حب 
اللي بيحبو بعض دول ناس تعرف بعض بس انا وهو لا
احنا مكنش في بينا حاجه عشان نعرف بعض
هو يمكن حب فيا شكلي، ادبي، رفضي المستمر ان يبقى بينا حاجه مع اني معجبه بيه برضو     المهم كلها حاجات تافهه
وانا يمكن حبيت فيه كلامه الحلو ،محاولاته الكتييررر، شويه حاجات حلوه عملها عشاني، او شعور حلو وصلهولي…
اياً كان معتقدش ان دا حب يمكن يكون تعلق مش اكتر 
المهم انه طول اوي و الموضوع بقى بايخ جدا
احساس كبير بالتوهان و القلق و الخوف..
انا متاكده انه مش مناسب واني لو عرفته عن قرب هبطل احبه نهائي بالذات لاننا مش شبه بعض و عشان كدا بقول ان يمكن لو قربنا هنعرف نبعد بس للاسف انا مستحيل اعمل في نفسي كدا لانه انسان مؤذي و فكره انه ممكن ميكنش بيحبني و عايز يستغلني دي مستحيل ارمي نفسي ليه بسببها…

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_46599 🇪🇬

منذ 10 أشهر

شعور محبط

كان في بنت معايا في الكلية كنت معجب بيها و كنت حاسس ان انا بحبها وكان في نظرات ما بين كتير وخليته عندي احساس أن ده متبادل روحت بعت أد على الفيس بوك لما لقيتها علقته روحت بعت لها رساله في ما معاه أن انا معجب بيها وان انا حاسس ان الحوار ده مشترك ما بينا ملحوظه هيا اللي كانت نظري في البداية انا عارف

Strawberry_52165 🇪🇬

منذ 10 أشهر

شعور ضاق ذرعًا

جماعة ازاي افك التعلق بشخص هو كويس و الله بس مثلا لو زعلني مش بقدر اخد موقف منه خصوصا أنه دمه خفيف و بيضحكني و انا متعلقة بيه اوي و محدش يقولي اشغلي نفسك علشان حتى و انا مشغولة بفكر فيه و عايزاه

Blueberry_26235 🇪🇬

منذ سنة واحدة

شعور خجلان

اي سبب التعلق الشديد اوي دا بحد؟؟ قابلت حد ف الجامعة من سنة و شخص مستغل و كان بيستغلني دراسيا كتير و انا زي ما اكون باسعى اني ارضيه بطريقة غبية و ممكن توصل بحلله اسأله و ببدل ورقنا فالامتحانات لي انا مكملة تعلقي بشخص بيعاملني كهوا و دايما عايزة ابادر و احاول معاه و لو مبادرتش و مسكت نفسي يقولي انتي

Coffee_42292 🇪🇬

منذ سنة واحدة

شعور وحيد

من اصعب الكلام اللي بيتقال لشخص بيحبك وللاسف الشديد انك عارف انه بيحبك! صحيح الوجع وكسرة النفس مش بتيجي غير من اللي بنجبهم اكتر من نفسنا وانه دايما كنا بنيجي علي نفسنا علشان خاطرهم يمكن الشخص ده كان نفسه انك تقدره هو ممكن ميكونش عايز منك حاجه بس بلاش تجرحه بالكلام بالشكل ده ليه توصله انك تخليه يقول

Coffee_42292 🇪🇬

منذ سنة واحدة

شعور مكتئب

من أحسن القرارات اللي ممكن تعملها لنفسك هو إنك تنهي كل العلاقات اللي مش حقيقية في حياتك ، الصديق اللي أنت واخده أقرب صديق وهو واخدك حسب المزاج ، نهاية العلاقة أحسن مليون مرة من الاستمرار فيها ، الحبيب اللي أنت منتظر ظروفه تبقى مثالية عشان يفوق ويحبك مش هتفوق من الوهم ده غير لما يحب حد تاني وتكتشف إن

Chocolate_89205 🇪🇬

فخوره بيا أوووي! نزلت أول روايه و تالت كتاب ليا

حقيقي انا فخوره بيا اوووي النهارده نزلت اول روايه ليا و تالت كتاب اطبع و حاسه بفخر اني بقيت كاتبه بجد حاسه اني مبسوطه وانا متوثقه اني كاتبه ادبيه مصريه بجد كميه فخر مش في حد افرحو بيا يا جماعه انا زي اختكم فهمين 😂🫶🏻. ...عرض المزيد

12 الدعم

28 نصيحة

Kiwi_59601 🇪🇬

عارفة سر وحدة وحش.. أقول لزوجها ولا أسكت؟

بطلب نصيحه لو انا عارفه حاجه و حشه عن وحده و اتفضحت قدامي اقول لجوزها و لا اسكت+ في حاجه جوايه مش مرتاحه بتقولي قولي مش عارفه امشي ورا الصوت الي جوايه ولا لا و هل دا صح ولا لا اتمنى نصيحه حقيقية ...عرض المزيد

2 الدعم

25 نصيحة

Diamond_89796 🇪🇬

بتمتص الطاقه السلبيه من كل واحد! فكره حلوه بس اعععع

سوري ي جماعه ف اللي هقوله أنا لسه منزله الابليكشن النهارده وكنت عايزه اشوف دماغ الناس اي مشاكلهم الجانب القاسي ف حياتهم ولعل وعسي ارتاح هنا واعرف اتكلم وعماله حرفيا بنصح كل واحد علي قد معرفتي بس أنا حاسه بطاقه سلبيه جدا حاسه اني بمتص الطاقه السلبيه بتاعت كل واحد لا بجد شئ صعب اوي هي فكرته حلوه بس ف نفس الوقت لو حد فضل عليه طول الوقت جماعه اععععع ينييميميىرزعيخصخصخرسرنسخسنسرسرسررطنطهخطمطو و و ومخطنبنيريرثوينينيريريوينيثنثنثنثننرطرطرينينممخ ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع