حرق الذكريات

Marshmallow_69067 🇪🇬

منذ 7 ساعات

شعور عاطفي

عبّر عن شعورك بشكل مجهول

رسايل مش هتوصل.. ففترة من عمرى كنت بتجنب المبادرة ف إنى اعمل علاقات مع البشر..  بستقبل أكتر يعنى الى يبدأ تعامل معايا بتعامل معاه بشكل لطيف ومبكون متفاعلة جدا غير كدا انا بتعامل تعامل سطحى.. كنت حاسة او يمكن كنت مقتنعة انى بتكلم لغة مختلفة عن لغة الناس الى حوليا وانى مهما إتكلمت مش هنفهم بعض ومش هعرف أعبر عن نفسي.. 
فلحظة حاجة أوحت لى انى أكتب.. أكتب لحد مش موجود بيتكلم نفس اللغة بتاعتى وفاهمها كويس ف غرقت أكتر في إنطوائيتى وبقيت بحب كتابة الرسايل جدا بحكى كل حاجة بتحصل ف يومى..
تخيل كدا شعور ان حد يكون مستنيك وحابب يسمعك كل يوم كل يوم مهتم بكل تفصيلة عنك وعايز يعرفها حد انت واثق ان عمره م حيزهق منك ولا خايف  تظهر ضعفك او مخاوفك او حتى الجانب الى فيه عيوب منك  هو بيحبك زى م انت..
دا كان شعوري وانا بكتب لشخص مجهول من خيالى مع الوقت بقيت مصدقة انه موجود ف مكان ما و هنتقابل ف يوم وهيقرأ كل  الرسايل الى كتبتهاله بمنتهى الاهتمام وهو عينه بتدمع من التأثر😅😅

الاول جبت نوت واحدة كنت فاكرة انها كفاية بعد كدا جبت تانى وجبت ورق جوابات والموضوع وسع منى وبقى مجلدات 😂😂

م انا مكنتش بتكلم مع حد غيره كل طاقة كان المفترض استثمرها ف انى اعمل علاقات مع البشر إستخدمتها ف الكتابة له .. يعنى انا شخص معندهوش موضوع اصدقاء الطفولة ولا المدرسة ولا الكلية كلهم اشخاص عابرين ومراحل ف حياتى لكن هو لا ..

المهم انى كتبت كتير لكن نوتس كتير ضاعت ورسايل كتير ضاعت وهى مكانتش مجرد ورق كانت مشاعري كان نفسي إنه يتعرف عليا ف كل مراحل عمري ويشوف اسلوبي الى بيتغير مع مرور السنين بغض النظر انى ساعات لما بكتب بسرعة خطى مبيتقراش 😂😂
بس كان نفسي القصة تمشي زى م بتمنى..

مؤخرا بقى عندى شعور انى عايزة احرق باقي النوتس الى فاضلة .. مبقتش حاسة انى عندى نفس الإيمان ونفس المشاعر وكأن الورق كان شخص موجود فعلا وبكلمه طول السنين الى فاتت ومشى فجأة من غير مقدمات..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pear_34729 🇪🇬

منذ سنة واحدة

شعور مرتبك

جماعة عايزه ردكم في حاجة مهمة بس للي فاهم وعارف فيها كويس اوي بس .. لو أنا عندي جوابات وصور وهدايا من شخص كنت مختطوباله من اكتر من سنتين ومجمعاهم وحطاهم ف بوكس وحاليا بفكر اطلعهم احرقهم واتخلص من الباقي منهم .. هل ده في صح طاقياً بالنسبالي ولا غلط هيكون له تأثير سلبي عليا ؟؟ لاني بصراحة حابة اتخلص

Coffee_27700 🇪🇬 دي خطوة مهمة لازم تعمليها التخلص من الجوابات والصور. واعتبريها تجربة اكيد استفدتي منها وخلتك اقوي

عرض الكل 11 نصيحة

Nutella_52552 🇪🇬

ندمانة علي ماضيي ومش عارفة ابطل ادمان العلاقات

أنا نفسي ابطل ادمان العلاقات أنا مبقتش اعرف اقعد غير وهو في راجل في حياتي وبجد أنا دلوقتي ندمانة جدا علي اني دخلت حد ميستهلنيش حياتي وعلي اني عملت حاجات غلط في التليفون معاهم بجد ندمانة ومش عارفه اعمل ايه علشان انسي وعلشان مدخلش حد حياتي بالطريقة دي وفي سوال في دماغي علطول لما اجي اتخطب اقولو علي ماضية ولا لا بجد عايزة حد يجاوبني وياريت تكون بنت علشان الرجالة هنا كلهم غرضهم حاجه وحده بس وانا مش عايزها ...عرض المزيد

0 الدعم

17 نصيحة

Waffle_57478 🇪🇬

بقالي أيام بفقد الشغف فجأة ومش عارفة ليه

انا ملاحظة ان بيحصلي حاجه غريبة وهي اني احيانا أقرر في دماغي اني هنزل مشوار معين وابقي متحمسه جدا بعدها بدقيقتين ارجع اقول لا انا مش هتحرك من البيت مش قادرة فقدت الشغف برغم اني كنت هنزل اغير جو ممكن بعدها تاني اندم اني منزلتش وفضل كدا بقالي كذا يوم بعمل الحركه دي ومش عارفه ليه مش باخد الخطوة وليه فجأه بفقد الشغف تيتنينيظjdjdjdjskskskfjjejdjsjfhfhudjxjnsjekejbrnrjdjfjjf dhdhjdjejrjrjudjfjrhhdnzjsksjrhdudjdjdj djjrjdjdjdjjdjdjjfhdhdjdoslslsjehfbbdjd ...عرض المزيد

1 الدعم

15 نصيحة

Cherry_73351 🇪🇬

مش لاقية نقطة تواصل مع بابايا وقلبي تعبان

مش لاقية نقطة تواصل واحدة مع بابايا كبرت وأنا متعودة ع غربته مع إنى نفسى نبقى زى ما بشوف أى بنوتة وباباها اللى هو ضهرها الأول مش عارفة هو مبيحبنيش ولا هو طبعه كدا بس نفسيتى تعبانة لما بكلمه وكلى لهفة وهو مش حاسة بنفس الشعور دا ...عرض المزيد

2 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع