حكايات

Chocolate_84302 🇪🇬

منذ 3 أسابيع

شعور مستنزف

ف واحدة معاية كل دقيقة تعلق ع اي حاجة فيا يعني مثلا تقولي اللفة اللي انتي لفاها مش حلوى يعني حولت كتير ألفها مظبطتش ومثلا لو حطيت فيونكة برضو تعلق عليها لو عملن اي حاجة تعلق عليها هة كل دقيقة حد ف اللي موجودين يتكلم معاية ويقولو مثلا أشعار ع جمالي وأخلاقي كدا يعني مع العلم دا مش تكبر والله بس ان

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Jackfruit_76596 🇪🇬

منذ 4 أسابيع

شعور متعب

كنت حكيتلكم قبل كدا عن بنت كنت أنا وهي بنحب بعض وحصل مشكله تافهه اوي والبنت دي سابتني بس الي اتضحلي ان مكنتش المشكله دي هي السبب وكان السبب الأساسي هو عدم الثقه والخوف من الي جي بعدين وإنها متعشمش نفسها بيا زياده علشان لو مبقيناش من نصيب بعض هي هتزعل اوي ومش هتعرف تعيش حياتها زي الأول بس استغربت هي

Coffee_62833 🇪🇬

منذ شهر واحد

شعور منزعج

ياجدعان مفيش حد تمام طول الوقت وكويس طول الوقت وبيسمع طول الوقت وحنين طول الوقت مفيش الكلام ده.. طبيعي الدنيا بتتغير ف احنا ك بشر بنتغير حالاتنا احاسيسنا مزاجنا أنا بحب أسمع الناس وأحل معاهم ونبقي صحاب بس طبيعي عندي حاجات ممكن تتقبلها وممكن لأ مفيش حاجة إسمها إنت ازاي كده وكده انت متعرفش انا كنت كد

Coffee_62833 🇪🇬

منذ شهر واحد

شعور مرتبك

انا شخص مبيعرفش يحكي الي جواه ولا بيرتاح إلا لما يكون بيحب حد ف بحكيله الي جوايا لأني ف الاغلب شخص كتوم جدآ ومبعرفش احكي الي جوايا بس مع الي بحبهم رغااي بس بشيل حوايا كتير وقد المسؤولية بس جوايا حواديت كتير وحكايات مبتتحكيش يمكن عشان متعود اسمع متسمعش بحس وانا بحكي ان دي مشاعر تخليك ضعيف نفسي احكي ل

Plum_62202 🇪🇬

منذ شهرين

شعور متوتر

طيب يجماعة دلوقتي انا وبنت بنحب بعض سنتين. اتقدمتلها وقعدت مع باباها وهو حبنى جدا بس رافض ظروفي شايف أن ظروفي متسمحش وان لسه ببدأ حياتي وان انا وهي هنطول ف فتره الخطوبة ممكن تمد ل ثلاثة سنين او 4 ف رافض ده نهائي مع العلم انا وهي لسه متخرجين من كام يوم و وانا لسه ورايا جيش يعني أنا سني 22 سنه بس هو ش

Sugar_74919 🇪🇬

منذ شهرين

شعور قلق

كنت عايزة أحكي حاجة غريبة.. أنا بحلم بالناس اللي هتموت قبل ما تموت! مرة كنت نايمة في أمان الله عادي وحلمت بواحدة زميلتي ومعاها راجل كبير في السن وكانوا ماشيين من نفس الطريق بتاعي فوقفت وسلمت عليه وعليها (أنا الراجل ده معرفهوش وعمري ما قابلته)، صحيت من النوم وإعتبرته حلم عادي زي أي حلم وتجاهلته خالص

Waffle_51881 🇪🇬

منذ شهرين

شعور محبط

هحكيلكم حكاية انا مش عارف انا مين ولا عارف انا بحب مين ولا عارف انا مين بيحبني ولا عارف مين بيودي على فين ... عملت غلطات كتير كلمت بنات كتير واقولك الكبيره كلمت ستات متجوزه ومطلقه وكلمت ناس مخطوبه بس والله هما كانوا بيكلموني هما كمان يعني بنت ةعرفها من قبل الخطوبه اتخطبت ولسه بتكلمني وبتبعتلي بس انا

Ice Cream_71204 🇪🇬

منذ 3 أشهر

شعور شاعر بالملل

إنتي… ممكن ما تعرفينيش، وممكن تكوني أول مرة تشوفي كلامي… بس حسيت أكتب لك. فيه تفاصيل صغيرة فيكِ يمكن إنتي نفسك مش واخدة بالك منها… نظرة، ضحكة، طريقة كلام، حتى سكوتك… حاجات تخلي الواحد عايز يعرف أكتر. أنا مش جاي أقول كلام حفظناه كلنا… أنا جاي أفتح باب كلام مختلف، كلام يخليكي تحسي إنك بتتكلمي مع حد بي

Olive_71459 🇪🇬

منذ 3 أشهر

شعور ضائع

نفسي اعرف اتعامل مع الكذب انا كذابه اوي وخلاص الكذب بقى جزء من قصتي وحالتي والكذب تحول من حاجة بعملها باختياري لشى مجبر عليه علشان ما اتكشفش اني كذاب يعنى انا مثلا هقبلك لأول مره وانا واخد عهد على نفسي اني مش هكذب ولا هألف حكايات ويحصل كده واعمل كده فعلا ،ولكن لغاية ما انت تقابل حد انا اعرفة وي

Cherry_70381 🇪🇬 ابعد عن كل ده وخليك صريح مع نفسك عارفة إن الموضوع صعب بس أسعى ليه متسبش نفسك كده فشلت حاول مرة كمان مش مشكله مش هتعرف تبص في وش الناس الي كذبت عليهم فقلل كلام معاهم عن حياتك وخلاص اسكت أكثر لأن الكذب هيفضل يزيد كل ما تكون عايز تتكلم او توضح أكثر

عرض الكل 6 نصيحة

عبّر عن شعورك بشكل مجهول

نفسي اعرف اتعامل مع الكذب 
انا كذابه  اوي وخلاص الكذب بقى جزء من قصتي وحالتي
والكذب تحول من حاجة بعملها  باختياري لشى مجبر عليه علشان ما اتكشفش اني كذاب

يعنى انا مثلا هقبلك لأول مره وانا واخد عهد على نفسي اني مش هكذب ولا هألف حكايات 
ويحصل كده واعمل كده فعلا ،ولكن لغاية ما انت تقابل حد انا اعرفة ويقولك : انت عارف ان زيتونة عمل و سوا كذا و كذا قبل كده !
فاالقي نفسي بضطر اكذب عليك انت علشان ما اتكشفش قدام الصحاب القديم اني كذاب .
او ساعات مش كتير حد يتكلم او يحكي عن شئ انا كنت مألف فيه كذبه عن نفسي "مثلا يعني" ( حد مثلا سافر  إيطاليا و بيحكي عن السفرية ، وانا في زمان كنت بكذب وبقول عن نفسي اني كنت عايش في إيطاليا ) لما ده بيحصل بلاقي نفسي لا أراديا بحكي الحكايات الكذب بتاعت زمان .
وارجع احاوط نفسي بسجن الكذب بتاع زمان (مين قولتله ايه ومين قولت له كلام مختلف )
----------
انا ليه بكذب ؟

زمان خالص في الطفولة كنت منطوي ومعنديش أصحاب 
وفي ثانوي بدأت اتعرف على ناس واكون شلل و أصحاب كلهم بيكونوا قاعدين يحكوا مواقف و مواضيع ومغامرات ، بس انا ماعنديش .
كنت بخاف ابقى ملل واخسر القاعدة اللى اتحرمت منها طول عمري ، القاعدة اللى اول مره اجربها وانا ١٨ او ١٧ سنة
فأنا كنت بضطر  اني اكذب وأألف حكايات .
ودلوقتي بجد فيه حاجات كتير  انا مش عارف هي حقيقية ولا كذب وانا من كتر تكرارها صدقتها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_57658 🇪🇬

منذ 4 أشهر

شعور ضائع

اول يوم في الشغل خدت بالي ان المديره غريبه من ناحيتي ليه بتعاملني حلو اوي كده وبتهزر معايا و بصراحه كنت مرتاح والدنيا جميله بس بعدين اكتشفت انها عايزاني لمهمه تانيه وكانت شبه كل يوم تعرض عليا هي اكبر مني ب 13سنه قعدنا في العربيه لوحدنا في مره وحصل بينا شويه حاجات بس سحبت نفسي بالعقل عشان ميحصلش حا

Lemon_50969 🇪🇬

منذ 5 أشهر

شعور لا مبالٍ

Toast_57636 🇪🇬 انا فاهم كل الكلام بس مش فاهم حاجه انت عملتى كل دا ازاى واقتنعتى بكلامهم ازاى

عرض الكل 11 نصيحة

عبّر عن شعورك بشكل مجهول

من وانا صغيره وانا كنت بعمل حاجه غريبه وانا صغيره مكنش عندي اصحاب فكنت عيله عندي 4 سنين كده السبب اني مش عندي اصحاب هو أن مدرستي بره البلد الي انا قاعده فيها أو المدينه بشكل اصح فصحابي كانو فالمدرسة بعيد المهم بقي الحاجه الي كنت بعملها اني صنعت أصحاب حرفيا جبت ورقه ورسمت شخصيات واديت لكل شخصيه اسم ولبس ومميزات وعيوب وصوت حتي ومش بس كده انا حطيت عليهم لعنه سندريلا😂 وخليتهم حقيقيين وبقيت بتعامل معاهم انهم أشخاص حقيقيه واقفه قدامي كنت بستني اهلي ينامو بليل واقف ف البلكونه استني اصحابي وكنت انزل افتحلهم الباب واطلعهم واعملهم عصير وشاي حرفيا ونفضل نتكلم وننضف الشقه كل ده انا لوحدي بس انا معتقده أن في ناس معايا واوقات شغل بابا بيكون بالنهار ويجي الساعه 12 بليل ف مكنتش بعرف اجيب اصحابي البيت فكنت بحاول ااخر بابا وافضل ارن عليه من فون ماما ومره اقوله هاتلي سي فود دلوقتى ومره اقوله عايزه بيتزا عشان يتأخر واقعد مع صحابي ومره بقي قولتله هاتلي شيبسي وعصير وقولتله محل معين فالبلد يجيب منه معرفش ابويا كان مستحملني ازاي فلما قولتله كده صحبتي الكوافيره قالتلي انتي لازم تقصي شعرك ومش اي قص انتي تعمل قصه من قدام شبه بتاعت دورا الي فالكرتون فأنا عجبتني الفكره بصراحة فمسكت شعري من النص ورحت قصيته وشعري كيرلي وانا كنت شداه فلما سيبته بقيت قرعه من نص دماغي فعشان اداري الجريمه قبل ما بابا ييجي رميت الشعر الي قصيته فالشارع ولبست طرحه علي شعري فبابا عارف اني مهبوله مهتمش الطرحه وكلت ونمت عادي جداً صحيت علي قلم علي وشي من امي لانها نزلت الصبح لقيت شعري الي مرمي فالشارع ده وطلعت لقت واحده قرعه نايمه ففضلت تزعقلي وحتي الان شعري مطولش اوي هو مجرد القرعه راحت بس ومره بقي صحبتي التانيه قالتلي تعالي نجرب الحاجات الي بتيجي علي ام بي سي3 فالحماس خدني وجبت طرحه ماما الي كنت بغطي بيها القرعه كانت لسا موجوده برضو ولفيتها علي رقبتي وشديتها بكل قوتي عشان اعملها شال وكنت بتخنق ف بنادي صحبتي الفاسده لقيتها نطت من البلكونه ف سرعه البديهه عند طفله عندها 4 سنين رحت جبت المقص وقولت افكر قليلا من الوقت قبل ما اقصها ولقيت نفسي بشد طرف الطرحه وفكيتها فقولت لنفسي شكرا ورديت قولت عفواً عشان مؤدبه وكده ومره ليله الوقفه كنت عايزه اعمل سلسله جبت كل السلاسل واي عقد عندنا ف البيت وقطعتهم كلهم عشان اجمعهم واعملهم سلسله المهم طلعت شكلها معفن وطلعت اطول مني وماما صحيت لقتني فالصالون والنور مطفي هي شايفه دبانه قاعده فالارض بس ففتحت النور لقتني طبعا كان عيد اسود عليا وتقريبا جلدتني 250 جلده كل ده بسبب اصحابي الخايليين حسبي الله ونعم الوكيل عليهم ربنا ينتقم منهم المهم زعلت منهم وقطعت الورقه الي كنت رسماهم فيها وعملت شخصيات جديده بس دول موصلوش غير لما بقيت 12 سنه تقريباً كانو ف كندا ولا حاجه المهم بقا كانو بيخلوني اجيب البلونات وهي فيها زي استك صغير مكان ما بتتربط كانت صحبتي بتقولي اجيب بالونات وأخد الاساتك دي والبسها ف ايدي كانو حوالي 30 استك فلبستهم لقيت ايدي بقت زرقه واتجمدت فحاولت اتذكر لو خدت حاجه بالمنهج شبه كده بس ملقتش فقولت اكيد هموت ونمت وطفيت النور وبعدين لقيت صحبتي الصالحه بتقولي قومي بسرعه فقومت قطعت الاساتك بالمقص ونجوت من صحبتي المعفنه تاني يوم كنت واقفه جمب اللبن عشان امي متجلدنيش ف لما اتغلي شيلته وسبت النار وكنت سرحانه معرفش ف ايه عيله قرعه عندها 12 سنه المهم جبت ورقه وحطيتها علي النار واكتشفت حاجه حلوه  ياريت محدش يجربها وأنها بعد ما الورقه اتحرقت لما جربت احرق الورق المحروق لقيته بينور نور ابيض كده عجبتني موتت وفضلت اجيب ورق واعمل كده وناديت اخويا يعمل زيي اخويا كان اكبر مني بسنه بس بدماغ كلب جاب الورقه وبيقولي بصي دي لقيت دي الي بيورهالي ماسكه فبنطلوني وانا بقا من الصدمه ببصله وابص للبنطلون ومستنيه النار تقف لوحدها واخويا أدرك المصيبه ف طفي النار وغرقني مايه وانا بقا من الصدمه طلعت اعيط علي سطح بيتنا المخيف وماما كانت برا البيت وانا مقتنعه أنها لو جت وشافتني هتجلد 350 جلده فطلعت اعمل طقوس غريبه علي السطح واني قعدت فنص السطح وبقول امي هتموتني يالهوي وكل شويه اعلي صوتي ف امي جت وانا نزلتلها وانا بعيط عشان اصعب عليها وكده بس لطشتني كفين بال350 جلده دول المهم بقي نتيجه افعالي واصحابي المريبه دول جايه عليا دلوقتي ولقيت صحابي كلهم الي قطعتهم والي نسيتهم عاملين حمله لم شمل وجايين يرخمو عليا يقفلولي النور يرزعولي فالابواب ينزلو يغنو ويرقصو فالشارع وعيال مزعجه يعني بييحو بليل عشان ببقي فبيت تيتا بليل وتيتا نايمه ف عارفين اني لوحدي بييجو يقضو معايا الاجازه ويمشو وبصراحه مزعجين انا كنت طفله بعقليه حمار وانا صغيره دلوقتي بعقليه كلب اه بس انا نسيتهم( اتمني متتنمروش علي قرعتي)

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_58560 🇪🇬

منذ 5 أشهر

شعور مهتم

انا حقيقى مش عارفه أرتب كلامى بس بجد حاسه بقلق شديد كميه القصص اللىى اصحبها بيفكره أنهم يخلصوا من حياتهم بقت مرعبه واللى قلقنى اننا بقينا بنسمع حكايات حصلت بالفعل اعتقد الابلكشين هنا سمح أننا نعبر عن اللى جوانا من غير ما نعرف بعض ارجوكم اتكلموا عبره بس بلاش تقبلوا على شىء يضيع حياتكم واخرتكم 😥

Sugar_55857 🇪🇬

منذ 5 أشهر

شعور مذنب

أنا ما متعود أكتب، لكن مرات في حاجات بتحصل، بتحس إنك لو ما حكيتها ح تنفجر. يمكن القصة دي ما ح يصدقها زول، ويمكن ناس كتار لو سمعوها يقولوا "دا فيلم"، لكن أنا عشتها. وح أبدأ من البداية... بداية الغلط. قبل 3 سنين تقريبًا، كنت ساكن مع أهلي في بيت كبير في الحتة القديمة من الحلة. بيتنا كان فيهو طابقين، ن

عبّر عن شعورك بشكل مجهول

قبل 3 سنين تقريبًا، كنت ساكن مع أهلي في بيت كبير في الحتة القديمة من الحلة. بيتنا كان فيهو طابقين، نحنا كنا فوق، وتحت مأجرينو لزول كبير في العمر، عايش براهو. الزول دا ما بنتعامل معاه كتير، ساكن ساكت. ما بيجيه زوار، صامت، لكن محترم. بنقول ليه "العم" بس، لا اسم، لا تفاصيل.

الغريبة؟ العم دا كان ساكن تحت لكن ما عمرنا دخلنا الشقة حقته، ولا حتى الباب كان بيتفتح إلا نادر جدًا. لكن في يوم... كل شي اتغير.

اليوم داك، يوم جمعة، بعد المغرب بشوية، الكهرباء قطعت فجأة. كنت قاعد في الصالون، ماسك تلفوني، والشاحن مفصول طبعًا كالعادي. قررت أنزل تحت أشوف البريكر، احتمال فصل.

نزلت الدرج بهدوء، وفي الضلمة، حسيت برجلي بتدق في حاجة. نزلت تاني، نورّت التلفون، لقيت ورقة صغيرة مرمية في وسط الدرج. فتحتها بالعشوائي كدا، مكتوب فيها بخط واضح:

> "لو نزلت الدرج التحتاني، ما ترجع."

وقفت مكانـي. حسيت برعشة في إيدي. قلت يمكن زول بيلعب، ولا واحد من العيال في الحلة عامل فيلم. لكن ما كان في أي صوت في الحلة كلها، ساكتة بشكل غريب. الكهربا لسة قاطعة، والظلمة سميكة.

وصلت تحت، لقيت باب العم مفتوح شويّة، بس غريبة... ريحة غريبة طالعة من جوا. موش ريحة نتنة، لا، كانت ريحة كأنها بخور محروق، لكن تقيل وتقيل... يخنق.

ناديت: "عمّي؟ كل شي تمام؟"

مافي رد.

دفعت الباب ببطء، دخلت، ولأول مرة... شفت جوة شقته. كانت فاضية. حرفيًا فاضية. لا كنبة، لا سرير، لا حاجة. بس الأرضية فيها مربعات مرسومة بطباشير، ودائرة كبيرة في النص، فيها نفس الخط من الورقة:

> "لو نزلت الدرج التحتاني، ما ترجع."

ما كملت دقيقة، سمعت صوت الباب اتقفل وراي بقوة.

جريت فتحتو، مقفول... بقفل من برا.

كنت محبوس.

في اللحظة دي، عرفت إنو في شي غلط... غلط كبير.

انتظروني اكمل بكرة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_52562 🇪🇬

منذ 6 أشهر

شعور لا مبالٍ

بعد جدال بيني وبيني انا وانا اتفقنا وقررت اكتب دا من النوته الشخصيه (نزلته قبل كدا من فتره) هل في منه فايده معرفش هل مستني منه فايده برضو معرفش اديني بتسالا جالي فلاش باك شريط حياتي كلها عدى قدامه اكتشفت ان انا عشت حياه لو حد تاني عاشها كان جاله توحد واكتئاب وكل الامراض النفسيه عشان كدا قررت احكي ل

عبّر عن شعورك بشكل مجهول

بعد جدال بيني وبيني انا وانا اتفقنا وقررت اكتب دا من النوته الشخصيه (نزلته قبل كدا من فتره)
هل في منه فايده معرفش هل مستني منه فايده برضو معرفش اديني بتسالا

جالي فلاش باك شريط حياتي كلها عدى قدامه اكتشفت ان انا عشت حياه لو حد تاني عاشها كان جاله توحد واكتئاب وكل الامراض النفسيه عشان كدا قررت احكي لعل وعسى حد يستفيد انا تقريبا عديت بكل المشاكل اللي اي انسان ممكن بمر بيها مش تعظيم ف نفسي ولا بقول ان انا مظلوم ولا كل الكلام دا 
اولا التنمر انا ممكن اكون اكتر انسان تشوفه ف حياتك اتعرض للتنمر سواء على شكل جسمي طولي شكل سناني ومع ان لون بشرتي ابيض الا اني كنت بتعرض للتنمر عليها برضو والتقيله كمان ع اسمي كل دا وانا طفل عنده ست سنين من اول ما دخلت مدرسه وانا بتعرض للتنمر 
نبدا اول حاجه بجسمي انا كنت نحيف وقصير جدا يعني كان الواحد اللي ف سني قدي مرتين طول وعرض وهاتك بقا تنمر من الاطفال اللي ف سني ايدا انت اوزعه عود قصب خله سنان وكل الكلام دا وانا كنت بقابل كل دا بوجه مبتسم عادي جدا ولا كأن في حد بيتكلم مع ان انا طفل المفروض اروح اعيط لامي واشتكيلها بس سبحان الله كنت عادي جدا وواخد الموضوع ببساطه وبالعكس انا كنت بحاول اتخن مش عشان التنمر ولا عشان ارضي حد كان عشان نفسي انا مكانش عاجبني شكل جسمي بس لنفسي اي حد ملوش دعوه بشكلي وزود عليها ان انا مولود باسنان معووجه او منحنيه لجوه كل سناني معووجه وفي فرق بين اسناني اللي قدام وتنمر عليها بردو بس دي انا كنت بقول هعمل تقويم لما اكبر عادي 
لون بشرتي ابيض عادي جدا وكان شعري دهبي كمان بس بسبب جهل الاطفال اللي معايا ومن غبائهم كانوا بيتنمروا عليا مع ان اي حد هيقول دي حاجه جميله الا ان دول تنمروا بمعنى كان لما حد يشوفني يقولي انت عامل زي البنات وانت بنت اجنبيه وعامل زي الاجانب وانا كنت بقابل الموضوع ببساطه وبالعكس كنت بقول دا هما متغاظين المشكله اللي بيتنمر دا كان شعره اكرت وسنانه صفرا وبشرته سوده ( طبعا مع احترامي لاي شخص بشرته سوده او غامقه دي مش حاجه تعيب فيك بالعكس انت ممكن تكون اجمل مني عادي ) انا بتكلم ف مبدا ان انت اصلا مختلف عني يعني ممكن اتنمر عليك عادي بس عشان انا محترم وعارف ان انت زيك زيي عند ربنا وخيركم عند الله اتقاكم مش ابيضكم بشره مكنتش بعلق ع شكل اي انسان 
كانوا بيتنمروا ع طولي حتى بعد ماكبرت بقوا يقولوها بصيغه هزار  يعني مثلا وانا كبير بنت عمي كانت مخطوبه جديد ف بتقول خطيبها بهزار كدا تدي دا كام سنه قالها رابعه او خامسه ابتدائي وانا ساعتها كنت داخل ثانوي شايف الفرق الكبير ف السن اللي هو شايفه لو اي حد اتقاله الكلمه دي هيشيل جواه ويكره حياته انما انا خدتها عادي جدا 
نرجع تاني لما كنت طفل انا دخلت تلت مدارس وانا ف ابتدائي مش بسبب التنمر القصه ان انا مولود ف 12/2007 تقديم المدرسه بيقبل من شهر 10 يعني كدا انا المفروض اقدم ان انا 2008 واضيع العشر شهور دول او بمعني اصح اضيع السنه كلها ابويا طلع عينه معايا انه يدخلني السنه دي وقعد يلف لحد ما توصل لحل وهو انه يقدملي ف مدرسه ف بلد تانيه بعيد ويقدم طلب ان انا ادخل المدرسه القريبه مستمع( مستمع يعني مليش بسكوت ولا كتب ولا ليا اي علاقه بالمدرسه بحضر الحصص فقط ) الكلام دا كان ف اولى ابتدائي اول يوم مدرسه عدى عادي تاني يوم بدا تسليم البسكوت للاطفال وانا طبعا قاعد ف الفصل جه العامل اللي بيسلم البسكوت اداني كيس زي باقي الاطفال وانا ساعتها معرفش ان انا مليش بسكوت طفل فرحان وتيجي المدرسه وتروح واخداه من ايدي وتقوله لا دا مستمع ملوش بسكوت زعلت اوي ساعتها طفل صغير فرحان بالبسكوت روحت البيت وتقريبا دي كانت المره الوحيده اللي اشتكيت فيها لامي روحت اترميت ف حضن امي وقعدت اعيط بحرقه طفل صغير وحكيتلها الموقف قالتلي متزعلش المدرسه التانيه هتبعتلك البسكوت بتاعك طبعا مفيش بسكوت ولا حاجه بس انا فرحت المهم جيت تاني يوم روحت خالتي قابلتني وقالتلي خد البسكوت بتاعك اهو من المدرسه التانيه ( خالتي ساكنه معانا ف نفس البلد وجنبها مدرسه ازهر وانا كنت مقدم عام بقت تشتريلي كيس البسكوت من الاطفال اللي ف المدرسه الازهر وتقولي خد بعتينلك دا) وانا كنت بفرح اوي ساعتها ربنا يجازيها خير زي مكانت بتجبر بخاطري كل اللي كان مضايقني ساعتها ان انا عمي مدرس ف نفس المدرسه وابنه قدي وقاعد جنبي كان ييجي يديه بسكوت زياده للبيت وانا ولا كأني قاعد جنبه 
المهم انا كنت مقدم ف المدرسه البعيده دي وبروح هناك ساعت امتحانات الفاينل بس المدرسه دي كانت ازهر يعني دينيه بيدرسوا قرءان وكدا  وانا كنت بحضر ف مدرسه عام يعني مش حافظ قرءان جت امي ربنا يخليها حفظتني قبل الامتحان وعدت الحمد لله كل دا وانا ف اولى ابتدائي

ندخل بقا ع تانيه ابتدائي المدرسه الازهر اللي جنب خالتي فتحت تقديم صغار السن يعني بيقبلوا صغار السن عادي ابويا قدملي هناك طبعا وانا كنت داخل المدرسه مش عارف حد ولا كان عندي صحاب  خالص كنت متوحد وانطوائي وكنت صاحب نفسي كنا لما تطلع بريك كنا ننزل حوش كدا واللي يلعب مع صحابه واللي ياكل معاهم وكان مسموح لينا نخرج برا المدرسه عادي بس نرجع تاني اول ما البريك يخلص بحكم ان انا مليش صحاب هقد جوا ليه المهم المدرسه كانت ملحقه بمسجد كبير كانوا الاتنين لازقين ف بعض وانا كنت اطلع الف لفه حوالينهم والبريك يخلص وادخل تاني وجه اليوم اللي صاحبت فيه اول صاحب ليا انا كنت اول مره اقف ف الحوش ف البريك وما اطلعش برا وجم شويه ولاد اكبر مني ب حاولي تلت او اربع سنين بيتريقوا عليا وانا طنشتهم وجه واحد يضايقني وضربني بالقلم كان ساعتها الولد اللي بقا صاحبي دا واللي اسمه خالد مكانش واقف معاهم بس جه على لحظه القلم وجه وزعق لصاحبه واتخانق فيه وجالي صالحني وقعد معايا ساعتها مكونتش عايز البريك يخلص عشان افضل قاعد معاه المهم اتصاحبت عليه وبقيت اوقات امشي معاه وانا راجع البيت كان صحبي اوي ربنا يجازيه خير لسه عارفه لحد النهارده 
جه بقا اليوم اللي غير حياتي 180 درجه احنا الفصل عندنا كان 20 طالب يعني كان صغير بس انا مكنتش مصاحب حد المهم كنت ف البريك وخالد غالبا كان غايب وجم تلت ولاد اكبر مني بسنه كانوا بيجروا ورا بعض وواحد شدني وقعني على الارض وانا تلقائيا شتمته او زعقتله الواد معجبهوش الكلام قام جاي هو وصحابه عايزين يضربوني وانا افجرت مع اني هادي جدا جدا بس مسكت التلاته ساعتها كلتهم علقه لحستهم تراب الحوش وطلعت اجري على الفصل ولاول مره اعيط برا البيت قعدت اعيط بحرقه جامد اوي وكنت حاطط راسي على الديسك وبعيد فجاه سمعت صوت حولي برفع عيني لقيت العشرين واحد اللي معايا فالفصل ملمومين عليا وسمعتهم بيقولوا هنقول للاستاذ متخافش ساعتها فرحت اوي من قلبي ان في حد بيطمني واللي فرحني اكتر ان هما عارفين اسمي ولقيتهم راحوا جري ندهوا المدرس وقالوله الحق حذيفة بيعيط ولحسن الحظ نفس المدرس كان عليه الحصه دي لنفس الفصل اللي فيه التلت عيال خدني من ايدي وقالي شاولي عليهم وكمل عليهم ضرب ساعتها فرحت اوي ان العيال اللي معايا ف الفصل عارفيني ومن ساعتها بدات اتعرف عليهم كلهم واتصاحبت عليهم بس بردو التنمر مسابنيش ف حالي 
زي ما قلت انا اسمي حذيفة على اسم الصحابي حذيفة بن اليمان رضي الله عنه
انا ابويا شيخ واحنا عيله متدينه الحمدلله وكل اسماءنا انا واخواتي اسماء الصحابه رضي الله عنهم 
( حذيفه، بسام، اسماعيل، جويرية، معاويه، وماريه )
كنت بتعرض للتمر بسبب اسمي انا كنت الوحيد ف البلد اللي بالاسم دا كان بقا اللي يقول دا اسم بنت والي يقول زوحليقه حفيزه وحاجات كتير كدا المهم انا اللي مستغربه من نفسي دلوقتي هو ان انا عمري ما اشتكيت لامي من  تنمر على اسمي لان انا مكونتش بتضايق اصلا يعني سبحان الله مع اني طفل الا ان انا ايماني كان قوي كنت بقول مانتوا جهله ازاي مسلمين ومش عارفين الصحابي حذيفة وكنت بقول الكلام دا لاي حد كان بيتريق حتى ان في مدرس اتريق على اسمي وقولتهاله بالنص انت ازاي مسلم ومش عارف الصحابي حذيفة بن اليمان المدرس تنح واتكسف ومن ساعتها مقدرش يتتريق على اسمي مع ان انا وغيري وناس كتير جدا شايفين ان اسمي من اجمل الاسماء اللي ممكن طفل يتسمى بيها 
انا دلوقتي 17 سنه ولحد دلوقتي بقابل ناس جاهله كتير مش عارفين الاسم وبيتتريقوا حتى وانا بحجز الدروس في مدرس بيستظرف وبيقولي انت متاكد انك ف اولى ثانوي( لما كنت لسه ف اولى ) وبيضحك ع اساس انه يضحك الاسيستنت وكدا قومت كسفته وقالتله اه قالي دا جسم واحد ف اولى ثانوي قولتله اه تحب اجيبلك شهاده الميلاد قام ساكت واتخانقت طول الثانوي ف اكتر من اسيستنت بسبب انهم بيكتبوا اسمي غلط او ينطقوه غلط ومصرين انهم صح يعني مره كنت بسجل حضور بقول لاسيستنت تكب اسمي بقولها حذيفة قامت التانيه تقول حذيف اقولها لا حذيفة تقول لا حذيف قومت موقف الدور ووقفت الناس اللي ورايا ومسيبتها الا لما قالت حذيفة
دلوقتي انا 17 سنه ثانوي عام 2025 الحمدلله من اكتر الناس اللي اجتماعية ف دفعتي اتعرفت ع ناس كتير جدا جدا جدا ومحبوب جدا وسط الناس  ووسط دفعتي ووسط مدرسيني وحتى الاسيستنت كلهم يعرفوني وبيحبوني وطولت وطولي بقا 170 ووزني حاليا 50 كيلوا لسه رفيع بس بحاول ازيد وحتى لو مطولتش او زيدت انا متقبل نفسي وبحب نفسي زي ما انا ومش مستني راي حد فيا  
فالنهايه حابب اقول متوقفش حياتك عشان حد خلي ايمانك قوي وواجه اي حد يتتريق عليك بالعكس خد التمر وحوله لطاقه ايجابيه وحسن من نفسك عشان نفسك ومتسمعش كلام حد وتخليه يوقفك او يزعلك حتي لو بيهزر او بيتكلم جد قوله تمام وولا كأنك سمعت منه حاجه 
دا كان جزء من حياتي اتمنى يكون استفادتوا منها اي حاجه ولو استفدت دعوه حلوه منك وربنا يوفقنا جميعا ❤
________________________
هي مش قصه على قد ما هو موقف هفضل فاكره طول حياتي 
انا كنت ف اولى ابتدائي مقدم ورقي ف مدرسه بعيد زي ماقلت قبل كدا بس ولازم اروح امتحن هناك الفاينل عشان مسقطش المهم كان ابويا طبعا ف الشغل الصبح مين هيوديني جدي الله يرحمه كان بيوديني المهم ابويا قاله ماشي هتفق مع سواق اسمه الجنايني هيقف كل يوم يستناكوا ع الطريق واركبوا ولما تخلصوا هرن عليه يجيلكوا انا كنت طفل وخايف ودا طبيعي رايح اشوف بلد جديده وناس جديده سواء طلبه او مدرسين كلها وشوش غريبه عليا وكنت خايف اوي بالذات ان ابويا مكانش هيبقا معايا ف موقف او وقت زي دا بس جدي الله يرحمه كانت حنيته تكفي بلد كامله حسسني بالامان ومحسسنيش ان في حاجه ناقصه كان بيحبني زي ابويا واكتر روحنا اول يوم مع السواق وكله تمام كنت متوتر شويه بس الامتحان عدي ع خير الحمدلله 
وابويا كان مروقني بسكوت وكيك وشوكولاته اول عياله بقا 
المهم جينا تاني يوم طالعين ع الطريق ومستنيين السواق كالعاده جه جدي بيسلم على واحد جارنا وانا شوفت السواق معدي سلم عليا ومشي مخدناش وانا مش عارف اي اللي خلاني ساعتها مقولش لجدي خلص سلام ع جارنا وبيقولي السواق اتاخر كدا لي قولتله دا لسه معدي من هنا وشاورتله بايدي 
قالي مقولتش لي وطلع يجري بيا لقدام على امل انه يلحقه بس هو طبعا كان مشي فالاخر جدي قرر ان احنا هنمشي شويه لقدام وبعدين نركب اي عربيه لحد هناك مشينا شويه وجت عربيه حمره وقفت لنا وانا ركبت وجدي كان تقيل شويه بسبب السن وكان بيطلع براحه ونزل تاني السواق ساعتها فكره ركب واتحرك وانا قاعد ساكت وعمال اقول بصوت واطي استنا استنا وطبعا محدش سامعني ولا حتى اللي راكبين حد فيهم فكر انه يتكلم وانا  جالي فكره كرييتڤ جدا وهي اني انط من الباب وفعلا نطيت من الباب واتشقلبت عشان متعورش  والسواق بعدها وقف وجدي كان بعيد عني بحاولي 50 متر كدا لقيته جري عليا فثانيه لقيته قدامي سبحان الله مش عارف جاب الصحه دي منين مع العلم انه ساعتها كان عنده 70 او 73 سنه من خوفه عليا جه جري وقعد بنظف هدومي هدومي ويقولي انت كويس اقوله اه حصلك حاجه اتعورت 
بها السواق بيقوله معلش يحاج مخدتش بالي تعالا اركب جدي طبعا هزقه وفرج عليه الشارع كله ومشاه وبعدها ركبنا عربيه تانيه واتاكدت المرادي ان جدي ركب قبل ما السواق يتحرك 
ودخلت الامتحان وحتى مش فاكر انا حليت كويس ولا لا بس اللي فاكره كويس ان جدي كان بيقعد يستناني ف الشمس ساعتين لحد ما اخلص الامتحان وخلصت وروحنا البيت 
ف النهايه حابب اقول ان انا عمري ما هنسا يوم 21/3/2024 دا يوم وفاه اغلى شخص واحن شخص عليا واكتر شخص كان بيحبني جدا وكان مصاحبني النهارده عدي اكتر من سنه  على وفاتك وربنا يشهد ويعلم بدعيلك وهفضل ادعيلك قد اي ربنا يرحمك يغالي ❤
___________

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_52552 🇪🇬

ندمانة علي ماضيي ومش عارفة ابطل ادمان العلاقات

أنا نفسي ابطل ادمان العلاقات أنا مبقتش اعرف اقعد غير وهو في راجل في حياتي وبجد أنا دلوقتي ندمانة جدا علي اني دخلت حد ميستهلنيش حياتي وعلي اني عملت حاجات غلط في التليفون معاهم بجد ندمانة ومش عارفه اعمل ايه علشان انسي وعلشان مدخلش حد حياتي بالطريقة دي وفي سوال في دماغي علطول لما اجي اتخطب اقولو علي ماضية ولا لا بجد عايزة حد يجاوبني وياريت تكون بنت علشان الرجالة هنا كلهم غرضهم حاجه وحده بس وانا مش عايزها ...عرض المزيد

0 الدعم

17 نصيحة

Waffle_57478 🇪🇬

بقالي أيام بفقد الشغف فجأة ومش عارفة ليه

انا ملاحظة ان بيحصلي حاجه غريبة وهي اني احيانا أقرر في دماغي اني هنزل مشوار معين وابقي متحمسه جدا بعدها بدقيقتين ارجع اقول لا انا مش هتحرك من البيت مش قادرة فقدت الشغف برغم اني كنت هنزل اغير جو ممكن بعدها تاني اندم اني منزلتش وفضل كدا بقالي كذا يوم بعمل الحركه دي ومش عارفه ليه مش باخد الخطوة وليه فجأه بفقد الشغف تيتنينيظjdjdjdjskskskfjjejdjsjfhfhudjxjnsjekejbrnrjdjfjjf dhdhjdjejrjrjudjfjrhhdnzjsksjrhdudjdjdj djjrjdjdjdjjdjdjjfhdhdjdoslslsjehfbbdjd ...عرض المزيد

1 الدعم

15 نصيحة

Cherry_73351 🇪🇬

مش لاقية نقطة تواصل مع بابايا وقلبي تعبان

مش لاقية نقطة تواصل واحدة مع بابايا كبرت وأنا متعودة ع غربته مع إنى نفسى نبقى زى ما بشوف أى بنوتة وباباها اللى هو ضهرها الأول مش عارفة هو مبيحبنيش ولا هو طبعه كدا بس نفسيتى تعبانة لما بكلمه وكلى لهفة وهو مش حاسة بنفس الشعور دا ...عرض المزيد

2 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع