خايف أخسرها

Hazelnut_76433 🇪🇬

منذ 3 أشهر

شعور مكسور القلب

عبّر عن شعورك بشكل مجهول

انا (تقريبا كده والله اعلم بحب بنت خالي) من وانا طفل وعلطول مع بعض لغايه ما كبرنا انا خلصت كليتي وهي ف تانيه كليه دلوقتي وطول الفتره دي علطول بنتواصل ومفيش مره قطعنا مع بعض بس المشكله اننا مش عارفين مسمي لي علاقتنا دي هل ياتري حب ولا صداقه ولا اخوات يوم عن يوم اتأكدت اني بحبها لا دا انا مغرم بيها ضحكتها وملامحها وعينيها لكن خايف اصارحه خايف اخسرها اللي مخوفني ان من كلامها بحس اني صعب ابقي معاها هي طموحها عالي اوي وشايفه نفسها في حته تانيه حرفيا مفيش حاجه واحده احس اني ممكن ابقي معاها فيها (الحته دي صعب اشرحها بس بالمنطق صعب نبقي في نفس الطريق) احنا بنكلم باستمرار مش كل يوم اه بس كل فتره اوقات بحس انها بتغير اوقات بحسها عادي مش فارقه اوقات بترغي اوقات بتقفل في الكلام اوقات بحس انها بتبادلني نفس المشاعر واوقات لا (اتجننت منها) هي عمرها ما لمحت بحاجه لكن انا رقم واحد في حياتها وانا متأكد من كده دا ادق التفاصيل بتحكيها وكتير بتشاركني يومها بس اوقات بحسها بدون مشاعر رغم ان مفيش حاجه اتغيرت بس في حاجه في علاقتنا غلط ممكن عشان كبرنا(انا مشتت جدا) نفسي في اي اشاره منها تريحني لكن لما فتحنا الموضوع انتهي اننا مش عارفين مسمي لعلاقتنا وقولنا زي ما تيجي بقي مش عارف ازاي ممكن تكون مع غيري مش عارف ازاي بعد 15سنه نوقف كلام عايز انام واصحي تكون معايا طول العمر او انسها خالص (اتمني الخيار الاول إن أمكن )

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع