خذلان أهلي

Strawberry_61403 🇪🇬

منذ شهرين

شعور مكتئب

عبّر عن شعورك بشكل مجهول

مع الأسف وصلت لمرحلة انعدام الشغف الناتج عن الإكتئاب💔
طول عمري بنت مجتهدة وبتحب اهلها ودراستها وكنت عايشة بره مصر، لما رجعت مصر بلدنا كانت أرياف لايوجد بها أي نوع من الرفاهية أبدا، دخلت مدرسه حكومي وكنت بره اصلا في مدرسة خاصه حياه مختلفه وناس مختلفه وانا من النوع الطيب بحب كل الناس بشوف ان تعاملي مع أي حد في إطار الأخوة زي ما تعلمت بره بما إننا ١٠ سنين ف كان عادي تكلم زمايلي الولاد لكن للأسف هنا في مصر في بلد ريف مش عادي تماما كان زمايلي البنات بيشتموني كتير ولما كنت بتعامل مع الولاد بحسن نيه كنت بلاقي هجوم عليا عانيت كتير وعيطت كتير وطاقتي كانت بتستنزف يوم بعد يوم واروح لأمي كل يوم معينه ولكن ماحدش حس بيا ماحدش حس إني لازم اروح لأخصائي يحاول يقنعني بالتأقلم ويعني أي القبول بالتغير من حياة غاية الرفاهية إلى مستوى تعليمي واجتماعي أقل من المتدني بمراحل، مرت الحياة وكبرت وانا عندي عقد نفسية كتير وبسبب بُعد أهلى وانشغالهم بالشغل والحياة حسيت بالوحده أكثر وللأسف مديت ايدي في مزبلة العلاقات 💔
حبيت مرة واتنين وتلاته وعشره كل شخص فيهم كان مختلف ولكنهم ماكملوش بسبب بابا لما كان حد فيهم يتقدم كان يرفضه ف كنت أتعرف ع حد تاني يحصل زي الاول كنت دايما حاسه بالاحتياط وإن لازم يكون في حياتي حد يسمعني ويشاركني, انا كنت الكبيرة ماعنديش اخوات بنات عندي ولاد أصغر مني لما خلصت ثانوية عامة ودخلت الجامعة كان في شخص بحبه وبابا عرف من أخويا وكلمه قاله كل شيء نصيب شوف حياتك وهي تشوف حياتها في الوقت دا يأست أكثر وكنت خلاص تعبت وحسيت الحياة سيئة بدون حد يسمعني لاني شخص حساس جدا وجوايا جروح عميقة ماحدش حس بيها، في الفتره دي بعد شهر بالظبط اتقدملي شخص من عمري فقلت إننا السند من عمري وماشاء الله عنده بزنس خاص بيه وكويس بابا اقنعني بيه على شان أبطل اعمله دوشة، وافقت واتخطبت سنه وبعدين اتجوزت، وهنا كانت المفاجأة الغير متوقعه الشخص اللي عرفته قبل الزواج مش هو خالص اللي بعد الزواج قبل الزواج شخص صالح يصلي ويشتغل ومن البيت للشغل ويسهر مع صحابة كل أسبوع وعادي جدا بعد الزواج حياة أبل مايقال عنها زفت، أنا ماعشت ياجماعه انا مدفونه انا مش عارفه اخلص منه ازاي انا بكرهه، طلعت حشاش و كان يسهر لنص الليل أوقات كان يجي البيتالصبح وقولي كنت في شغل وانا حاسه إن في حاجه غلط، حرمني من كل حاجه الست بتحتاجها وتتجوز ع شان تستقر حرمني من الحنان والحب كنت انا اللي بطلب منه يطبطب عليا او يحضني، حرمني من حاجات كتير بحبها وكل مااطلب فلوس يقولي مافيش وكنت بقعت أيام من غير اكل في البيت وكان معيشني خدامه لأهله اللي اول ماوقع في مشكله اهله طردوني م البيت😭 واكتشفت إنه عليه ديون تتخطى التسويف ٨٥٠ الف جنيه وهو اصلا كان بيستخسر يديني فلوس، بعد ٥ شهور من الجواز وحياتي كدا ماارتاحتش زي البنات خلاني اشتغل واتمرمط وأوقات كان بياخد مني فلوس ولما عرفت انه بيخوني رحت لأهلي بس رجعوني تأتي امي كانت واقفه معايا وكنت خلاص بعد كل المشاكل دي قلت هتطلق الكل هاجمني في عيلتي وقعدوا يقولولي طلاق ايه انتي هبله هتاخدي اللقب دا وانتي لسه ٢٤ سنة وواجهت منهم خذلان وقالوا اتحسبت عليكي جوازه،رجعتله تاني 💔 انا عمري بيروح بلاش انا دعيت ربنا لو هو مش خير ليا ما اخلفش منه بقالنا سنتين وماخلفتش الحمد لله، سنتين وهو في وادي وانا في وادي تاني مابيسألش عليا بيروح الشغل وانا بطلع الشغل مابيرنش حتى يقولي عامله ايه طول الوقت أناني وضاغطني معاه واخد دهبي كله باعه ومابيسألنيش،محتاجه ايه وقفت جمبه برغم معاملته القاسية إلا أنه برضو ظالمني، أنا الحمد لله متدينه وبقرب من ربنا دايما وكنت بصلي قيام وبدعي كتير ربنا يصبرني ويعوضني خير، بس انا بجد تعبانه ماحدش حاسس باللي،فيا حتى أهلي أوقات بحس اني عايزه أهرب بس بتتغير ربنا وبسكت قدامي طريق الحرام كبير،بس انا بخاف من ربنا ونفسي ادخل الجنة وبحتسب صبري على الله هو حاليا مسافر بره مصر على شان يسدد الديون دي وانا هبقى لواحدي ضاع من عمري سنتين وهيضيع زيهم وانا مع شخص اناني ونرجسي بيحب نفسه، أنا بقيت بدعي عليه وبكرهه اوووي ومش عارفه اخد قرار حاسم، مش عارفه ارجع لأهلي تاني لان حياتي هتكون أسوأ ومش عارفه أكمل معاه لان برضو حياتي سيئة نفسي ارتاح واستقر وابطل شغل ومرمطه ونفسيتي تهدأ انا مش بنام التفكير بيقتلني، جماعه انا ميته بجد 😭😭 مافيش دكتور نصفني كلهم بتوع فلوس بس مش بيحلوا مش عارفه اعمل ايه 💔💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_87034 🇪🇬

ليه مش من حقي اتحب وأنا إنسانة محترمة؟

هو انا مش من حقي اني اتحب انا نفسي اتحب اوي نفسي احس بالامان بحس أنه كتير عليا ليه دايما بقع مع أشخاص مش كويسه انا محترمه جدااا ومش بحب التجاوز في الكلام ليه كله عايز كده انا من حقي احب واتحب حتي اهلي محبونيش للدرجه دي انا وحشه ...عرض المزيد

2 الدعم

24 نصيحة

Coffee_79063 🇪🇬

ملانة وعايزة اتكلم مع حد قبل ما أنام

ملانة وعايزة اتكلم مع اي حد لحد ما انام ت/يحكيلي قصته/ا الحاجات اللي شاغلة دماغه/ا مشاكله/ا او احكي انا🤨 rjrmdkdkeksmememswkekrkrkrkrmfmfmfmfktkffkkfmfmfmffmmfmffmrkrkrkdkdkrkdkfkkffkfkfkfkfkkrkrkr ...عرض المزيد

0 الدعم

22 نصيحة

Moon_89380 🇪🇬

بقيت حاسه بعدم ثقه في نفسي بسبب وزني القليل

بقيت حاسه بعدم ثقه ف نفسي بسبب وزني اول مره اجرب احساس اني مش عارفه البس الهدوم اللي عوزاها بسبب اني شمل جسمي مخربها وزني قليل جدا ع طولي محتاجه ازوده بدون اي كورتيزون حاولت ومعرفتش عاوزه حل بجد ...عرض المزيد

0 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع