خذلان من الناس

Lemon_52708 🇪🇬

منذ 6 ساعات

شعور مكسور القلب

عبّر عن شعورك بشكل مجهول

علاقتي بربنا اتهزّت. مش لأن الإيمان راح، لكن لأني كنت تعبان ومتلخبط، وسبت نفسي من غير ما أرجع. شربت سجاير وريدبول علشان أفك، علشان أنسى الضغط اللي جوايا وأهرب من التفكير اللي مأذيني، ومشيت في سكك غلط، سكك كنت عارف إنها غلط بس محتاج أي حاجة تنسيني وتخلي قلبي يهدأ.
شكّيت في الناس، وشكّيت في البنات، وحسّيت إن في بنات عندهم أصول أصلاً، مع إن ده تعميم ظالم. الحقيقة إن اللي بيحب حد مش بيحب يشوفه بيغرق، وما يسيبه بسهولة. كل اللي عرفتهم قالوا “معلش” وبعدين سابوني، كأني كلب جربان، وده زاد وجعي، وزاد إحساسي بالغربة، وكأني تقيل على أي حد حواليّ.
يمكن هما ما استحملوش، أو يمكن ما كانوا أهل، بس الوجع كان واحد، وأنا حسّيت بالخذلان على كل المستويات. جرّحت نفسي وتصرفت بغباء، وسببت لنفسي خسائر في الناس اللي كانوا غاليين عليّ، ناس كنت بحبهم بصدق، وبسبب طيشي وغبائي خسرتهم.
أنا مش بلعب دور الضحية، ولا ببرّئ نفسي، أنا بعترف: غلطت، وغلطتي كلّفتني ناس غالية. وبرغم كل ده، لسه عارف إن الرجوع ممكن، وإن ربنا موجود، حتى وأنا مكسور، وأن الطريق للصح دايمًا موجود، ولو ببطء. وأهم حاجة دلوقتي إني أواجه نفسي وأتعلم من أخطائي بدل ما أغرق في الشعور بالذنب وبالخذلان.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_87611 🇪🇬

مش عارفه ليه بمسح التطبيق وارجع أنزله تاني!

مش عارفه لي كل م اقرر امسح الابلكيشن و فعلا امسحو شويه و ارجع انزلو تاني سعات بحاول اساعد و اتكلم و سعات بتقفل و احس اي للي انا بعملو دا مش مكاني ولا انا حابه اكون هناا خصوصا ان ف كلام بيكون مش كويس بيتقال بردو بس حاسه اني بهرب و خلاص سعات بلاقي ناس عندها نفس مشاكلي للي انا مش عارفه احلها لنفسي و اتكلم معاها مسبهاش غير لم احلها ليها لو كان ف ايدي دا مش عارفه لي الانسان دا و بيعمل ف نفسو كداا عاوزه اتكلم و مش عارفه و مش عاوزه هيييح فككو. ...عرض المزيد

0 الدعم

15 نصيحة

Peanut_76092 🇪🇬

خايفة من نفسي ومن نوبات الغضب مش عارفة أعمل إيه

جوايا غضب رهيب مش قادرة احدد سببه، خايفة من نفسي جداً، خايفة يجيلي تاني نوبات الغضب، خايفة افقد السيطرة على نفسي، خايفة اتكلم اصلاً فاغضب زيادة.. مش لاقيه حل ومش عارفه اعمل ايه عملت كل السُبل اللي تخليني اخف الغضب ده ، فعلاً مش عارفة، دماغي حساها بتتحرق من كتر الغضب من سبب انا معرفوش ...عرض المزيد

0 الدعم

15 نصيحة

Grape_89316 🇪🇬

ازاي ابطل الطيبه الزياده دي واصبح قاسيه بجد؟

اوقات بحسني غبيه حوار الطيبه الزياده ده مقرف اويي شخص كان بيطمن عليا كان بقالو فتره كبيره مكلمنيش انا مفكره انو بيطمن عادي لكن لااسف كان جاي علشان محتاج مني حاجه المشكله اني كنت عارفه انوو بيكلمني علشان حاجه رغم ذالك كلمتوو كويس وساعدتو ف الي كان محتاجه بس اضيقت بعدها انت اتعملت معاه عادي كان مغيش اي حاجه بس بجددد مش طبعي اني اكلم حد وحش حتي لو مضايقه منووو ازي ابطلل الطيبه دي ازييي اكون قاسيه بجدد محتاجه اتغيرر ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع