خطوبة منتهية

Avocado_87114 🇪🇬

منذ 5 ساعات

شعور مستنزف

كنت مخطوبة وبعدين محصلش نصيب الفكرة كنت متعلقه ب خطيبي جدا جدا وفاكراله كل حاجة ولسه مش قادرة ولا عارفه اتخطاه ولسه بدعي ربنا يجمعنا تاني لدرجة اني حذفت رقمه ورجعت سجلته تاني مبنتكلمش لان خلاص حرام ومينفعش نتكلم بس جدته اتوفت امبارح كنت مترددة اعزيه ولا لا المهم عزيته مردش غير أن عارفة انه مش

Potato_61510 🇪🇬

منذ 3 أشهر

شعور وحيد

من يومين كنت عند الدكتورة النفسية بتاعتي و كنا بنتكلم في مراحل التخطي و ان مخي ماسك في علاقة خطوبة بقالها سنتين منهية و انا مش عارف اعدي علشان هي كانت الحاجة اللي بحاول علشانها و بس و الدكتورة بتقولي اني لازم اعرف ناس جديدة و اتعامل مع الحياة و يرجع يبقي ليا صحاب علشان انا دخلت في فترة عزلة و انا

Mango_58800 🇪🇬

منذ 5 أشهر

شعور محبط

محتاجه رأي حضرتك في مشكلتي ربنا يعلم اني طول عمري إنسانه مش ضعيفه ودايما سانده نفسي بنفسي ارجو قبول مشكلتي لاني حزينه جدا ومحتاجه رأي فيها انا إنسانه مجروحة جدا وحزينه اوي كميه كسر خاطر جوه قلبي وظلم لا يعلمه إلا الله ٣٦ عام من ٤ شهور فاتوا اتقدم لي شخص ٤٢ عام عن طريق ناس اصحابي زمايل اخته في ا

عبّر عن شعورك بشكل مجهول

محتاجه رأي حضرتك في مشكلتي ربنا يعلم اني طول عمري إنسانه مش ضعيفه ودايما سانده نفسي بنفسي

ارجو قبول مشكلتي لاني حزينه جدا ومحتاجه رأي فيها 
 انا إنسانه مجروحة جدا وحزينه اوي كميه كسر خاطر جوه قلبي وظلم لا يعلمه إلا الله 
٣٦ عام من ٤ شهور فاتوا اتقدم لي شخص ٤٢ عام عن طريق ناس اصحابي زمايل اخته في الشغل، وحسيت انه انسان كويس وارتاحت له رغم إني أول مره ارتاح لانسان كده 
قعد اسبوعين وبعدها طلب لقاء أخر لان كنت مش بتكلم في اللقاء الاول وبالفعل حصل وحصل قبول بناء وراحه 
وبعدها بيومين جه البيت هو ووالده واتقدموا وقالوا انه عنده الاجهزه واوضه سفره وانتريه ومحتاجين تجديد بس لأنهم عنده من سنتين وافقنا وهو قال دي ظروفي وكان زوج اختي بيحضر الاتفاقيات عشان ميبقاش بابا لوحده
وانا كنت مبسوطه بالشخص ده جدا وبعد كده اخد ردنا بالتليفون على الاتفاقيات وكان بين كل مره يجلنا يقعد حوالي اسبوع او اتنين وجه قبل شهر رمضان هو وابن خالته وتكلموا انه مش عايز يكتب قايمه ونكتب الحاجات اللي اجبها بس اتكلمت مع والدي ووافقنا  وقال انه مش هيعرف يجي في رمضان 
بابا كلمه عشان يرد عليه في موضوع القايمه بس كان بتواصل معايا وقالي انه تعبان ويكلمني كل اسبوع مره لغيت ما خلص شهر رمضان وكلم بابا يعيد عليه وبعد كده قاله انه جاي وجه لوحده وقال على المؤخر  يكتب ٢٠ الف وطلبنا منه مؤخر ١٠٠ الف بما ان مفيش قايمة لكنه رفض
وكلم والدي وانا اقنعت والدي انه يوافق لان هو حد كويس وانا مرتاحه له وبابا قاله نكتب ٥٠ الف قاله انا عايز ٢٠ الف 
فوالدي وافق 
وبعد كده قاله هكلم حضرتك وكلمه بعدها بحوالي أسبوع وكان بيتواصل معايا كل اسبوع مره وساعات ابعت له رسايل لخجلي اني اتصل بيه لان مكنش فيه ارتباط رسمي لسه وفاتحة 
مره كلمني قالي انت فين وقالي انه في نفس المكان وعايز يشوفني سلمت عليه واتكلم كلمتين ومشيت
حسيت انه كان عايز يشوفني على طبيعتي رغم اني اصلا مش بحط ماكياج
وبعد كده مره كلمني وخلال الكلام قالي على لبسي انه بنطلونات جينس بتبقى حلوة وعليها حاجات محترمه وانا لبسي كلاسيك فساتين وقالي انه كل مره يشوفني بفستان 
احترمت ده وبعدها قلت له اني نازله اشوف لبس بنطلونات وكده وكان عايز اصوره لما اشتري بس انا طبعا معملتش كده لاني بحاول اراعي ربنا في كل تصرفاتي وكنت فاكره ان دي حاجه تفرحه
واتفق مع بابا ننزل نشتري الشبكة ونزلنا ويومها كلمته سألته على والدته هنا لأنهم من محافظة تانيه وهو قاعد في نفس محافظتي عشان شغله فيها 
وقالي انها موجوده وجايه معاه وكان قبلها كلم بابا وقاله انه هيجيب شبكة ب٣٠الف وبابا كان قايل له انها هديه وهات اللي يريحك
وقاله ماشي على مبلغ الشبكة
ونزلنا وانا قعدت كتير عقبال اما اخترت عشان كان نفسي اجيب حاجه حلوة وكمان الخيارات مكنتش متاحه اوي عشان نجيب في حدود المبلغ 
مامته قالت لي انت متردده ومدلونة اختها بهزار 
وأما مشينا سلمت عليها انا واختي وزوج اختي ومشينا وهو اخد الشبكة معاه وكتب الفاتوره باسمه 
عادي مكنش فارق الماديات خالص لان هو كان فارق معايا ومتمسكه بيه جدا واتعلقت بيه خلال ال٤ شهور 
وبعدها اتواصل معايا وبتكلم في موضوع اللبس وعرفته اني بجيب من محلات راقيه وكده وبقيت ابعت له رسايل اقوله اني نازله وكده لانه كان طلب مني ده
وكلم بابا بعدها بأسبوع وحددنا يوم لقراءه الفاتحه 
كلمته بعدها بيوم قولت له مكلمتنيش تقولي نعمل ايه وايه تصورك عن اليوم ده
قالي وانت 
قولت له مش عارفه قالي انت كل حاجه مش عارفه 
وقالي على موضوع الكوشة في البيت وصينية الشبكة وقالي هيبعت لي اقتراحات 
وبعت لي وانا دخلت على صفحات تانيه وكده 
وتاني يوم نزلت اتفرج على فستان ولسه كل الفتره دي مكنتش قولت لاصحابي من ايام الكليه وهما في محافظة تانية وزمايلي في الشغل، ولما عرفوا فرحوا اوي انا اصلا مش بتكلم مع حد كتير بس لما عرفوا كلهم فرحولي وبقوا يتصلوا بيه كل شويه عشان يختاروا معايا لأنهم عارفين اني لوحدي ومامتي متوفيه واختي عندها أطفال مش هتعرف تنزل معايا
هو قالي لو عايزه تشتري الفستان انزل معاكي بس كنت هلف كتير  فحبيت الف لوحدي الأول 
وقالي ممكن تبعتي اختار معاك بس بصراحه مردتش ابعت صوري 
وكنت ناويه لما استقر اقوله ينزل معايا يشوفه أو تخليه مفاجأه
وكمان قولت له على فستان عندي من فرح اختي وكان قالي صوريه بس معرفتش اصوره لان قولت بلاش اجيب جديد احسن
رغم انه فستان غالي جدا ربنا يعلم
وكان عايزني اجيب بدله بس قولت له هقيس  اشوف الاحلى عليه وقولت له لما سأل ملقتش،بدل حلوة فبشوف فساتين 
وفي اليوم التالي نزلت اتفرج تاني على الفساتين وكنت ببعت لبعض اصحابي المقربين والشخصيه اللي جيبالي العريس يقولوا لي رأيهم 
احنا كنا قايلين هنعمل عائلي، لما قولت لاصحابي صمموا يجوا
وقولت له على اصحابي وان هما عايزين  يقنعوني اعمل في نادي وكده  قالي خلاص نوسع المكان وتجيبي كراسي وبعتلي اقتراحات
وكنت بختار مع اختي الكوشه 
وبعتله صور وبعتلي 
وسألني على اصحابي هل هرقص معاهم قولت لا طبعا هما ممكن 
وانا اصلا عمري ما كنت هعمل كده ولا هما كمان كان قصدي انهم عايزين يفرحوا يصقفوا بس جايز وصلت غلط
وعلى بالليل ومن خلال كلامي مع حد زي والدتي قالت لي بلاش موضوع الصحاب عشان ميتضايقش 
بعت له رساله بالليل قولت له ايه رأيك انا بفكر اخليهم ميجوش ويبقى عائلي احسن وبسأله البس فستان بسيط أو فستان ظاهر وعشان أهله ميتضايقوض

بعتلي بالليل قالي هملمك الصبح وبعد كه الصبح قالي انه ناسي الموبايل في البيت وهيكلمني اما يروح من الشغل
اتصل بيه لما روح وقالي هو احنا مش كنا اتفقتا ليه بتغيري الرأي انت انسانه متردده واخذ أراء كتير بيشتت وانت اعتمادية واتكاليه بصوت حاد كل ده 
وقالي انت مبترديش ليه قولت له انا بسمع انا اتخضيت من صوته واسلوبه وقولت انا مش اعتماديه انا بخلص كل حاجتي في دراستي وشغلي بنفسي وقولت له انا بس كنت بشركك معايا لما بعت الرساله
وقالي انه من فتره أن بيفكر وان احنا مفيش بنا توافق وربنا يرزقك بحد احسن مني وأهلي موافقتي الرأي وسلام وقفل 
ورنيت عليه مردتش وبعد كده كنسل 
انهرت 
وكلمت اللي كانت جيبهولي وقالت لي كان في تنازلات كتير ممكن هو فهما غلط، وكلهم وقفوا ضدي 
بس انا متمسكه ومقتنعه بيه واتعلقت بيه جدا وأول مره اتعلق بحد كده
وعلى بالليل لقيته عامل لي بلوك
وتاني بوم خليت االي جيبهولي اتصلت باخته لما لقتني منهاره 
اخته عنفتها وقالت لها دي قالت له أن معندهاش أصحاب ويطلع بها أصحاب من كل مكان وعايزين يجوا يرقصوا ولبسها احنا تقبلنا رغم انه مش اد كده بس قولنا هتبقى واحده مننا وزوج اختها بيتدخل في الاتفاقيات واخوها مجاش،يحضر ولا مره  ومش،بيشتغل 
هو اخويا في محافظتنا القديمه بعد وفاه والدتي وشغله مش ثابت وانا صارحته بده
وهي انسانه مترددة قعدت تختار الشبكه في ٤ ساعات ودول ناس مش شبهنا 
فالوسط قالت لها وافقوا على المؤخر وكده قالت لها؛ ماديات ايه، هو عند الجواز حد المفروض يتكلم في ماديات دي حياه بين اتنين 
ولا اكننا بكده كنا شارينهم
وقفلت معاها الموضوع وان اخويا الوحيد واعصابه تعبت من الموضوع وهو كان موافق على الحاجات دي عشان كان معجب بيها في الأول
انا نفسيتي تعبانه اوي ونفسي ارد على الكلام ده واوضح له انه مش كلام حقيقى والله وربنا عالم انا كنت بتعامل معاه بصفاء نيه 
وانا انسانه كويسه وبعتمد على نفسي في كل حاجه بس من فرحتي كنت بعلن اني هتخطب وكان اصحابي فرحانين عشاني وانا في الطبيعي ولا بخرج اصلا خالص وهو عارف كده وقليل لما بتكلم مع حد ماعدا اليومين اللي قولت لهم اني هتخطب 
وقالت لها اني مسلمتش على مامته يوم شراء الشبكة 
وهي كانت لابسه يومها كمامه ومكنتش شفتها غير مره واحده فمكنتش عارفها في الأول بس بوستها وحضنتها لما اشترينا الشبكة وكنت فرحانه أوي واحنا بتشتري الشبكة سألته هتجيب دبله ايه ليك وكده 
واخته قالت للوسيط انه محسش منها باهتمام ومش بتسأل عليه وهو تعبان رغم اني والله كنت ببعت له رسايل بس مكنش الموضوع رسمي فكنت براعي ربنا أني متصلش غير لما نلبس،دبل ونقرأ فاتحه ولاني انسانه خجوله بطبعي 
ودي أول تجربه ليه 
وكنت قايله له أن كان متقدم لي ناس وممكن بعد تاتي قاعده وهما بعد ما يتفقوا يقولوا نقرأ فاتحه حصل ده حوالي ٣ مرات 
طلعوا عليه اني اتخطبت ٣ مرات رغم ان ده اقسم بالله ما حصل وكان مجرد ناس متقدمالي 
وقالت لها تقوله مش بحط مبك اب ويوم ما قابلها مكنتش عامله حواجبها وهو كان مقابلني فجأة
وأنا محتاجه ابعت له أوضح له اني مش كده وان كل ده غلط والله وربنا عالم وان متهمه برأيه جدا وكنت عايزه أعمل اي حاجه تفرحه هو وأهله وكنت عايزه اشاركه معايا بس واني بأخد قراراتي لوحدي بس اليومين دول أول مره كنت اتكلم كتير مع اصحابي لاني فرحانه اوي

ودي الرساله اللي نفسي ابعتها

يمكن كان كلام كتير عايزه اقوله لما اتصلت بيك ومردتش مدتنيش فرصة حتى اقولك متزعلش انت عندي اهم والله من كل حاجه واي حاجه ممكن تتحل
وان كانت الرساله بعد ما فكرت وقولت بلاش دوشه نبقى لوحدنا احسن عشان مكنش حد عندي اهم غيرك 
ليه لما بعتلك اقولك مش عايزه اجيب صحابي عشانك لما فكرت انك ممكن تتضايق فقولت بلاش عشان تبقى مبسوط وميبقاش في دوشه عشان مكنش يهمني حد غيرك انت وطنط وعمو واختك كان نفسي تكون صاحبتي وربنا يعلم كنت بحبهم اوي عشانك
ربنا يعلم باللي جوايا ليه تفسر أن وجود مامتك كان هيضايقني رغم ان والله العظيم انا كنت بتمنى تبقى موجودة يوم الشبكة
بس نفسي اعرف ليه كل ذنبي اني كنت بتكلم معاك بشفافية وانت كل كلمه كنت بتحللها وتفسرها بسوء ظن 
ليه كل حاجه كنت اقولهالك أو تشوفها تقولها 
ليه كم التجريح وانا عمري ما قولت في حقك كلمة وحشه الف ليه وليه 
نفسي أسألهم 
كنت ممكن اي حاجه اعملها عشانك وربنا يعلم 
ليه تخلي الإنسان يحس ان احترامه وحدوده اللي عاملها عشان ربنا إنها تبقى كل ذنبه 
كان نفسي تنزل معايا تشوف الفستان بس مرضتش اضايقك غير لما استقر على ٣ وتنزل تختار معايا ومكنش ينفع ابعت صور 
حواجب ولبس وميك اب اكيد في بيتي انت تعرف انا ايه ولا لازم ازعل ربنا مني ادام الناس 
ليه لما كنت بقولك ميكب اب كنت فاكراك هتفرح اني على طبيعتي 
وبراعي ربنا
انت تعرف انا كنت يوم الخطوبه اكيد اي بنت هتتمنى تبقى أجمل واحده يوم خطوبتها دانا لفيت كل المحلات عشان الاقي فستان جميل 
ليه مقدرتش أنك أول حد في حياتي واني عندي خجل في التعامل وخصوصا ان لسه مكنش في خطوبه رسمي
حرام عليك لما كنت بتسألني على شعري والناس اللي كانت بتتقدم لي وكنت برد عليك بعفوية  
ليه مقدرتش اللي جوايا 
والخوف والقلق اللي عيشتني في طول ال٥ شهور من الانتظار والخطوات اللي بتأخدها بتردد في اوقات طويلة
لدرجه خلتني انسان خايف طول الوقت مع اني أقوى انسان ممكن تقابله ودايما سانده نفسي بنفسي حتى لما نزلت اشتري حاجات للخطوبه نزلت لوحدي لان من يوم وفاه والدتي وانا بعتمد على نفسي في شرا اي حاجه بشرك اختي بس وده طبيعي
كنت اول مره اليومين اللي اصحابي وزمايلي عرفوا فيهم يتواصلوا معايا عشان عارفين ان ماما مش موجوده فحبوا يكونوا جنبي وناس محترمة جدا ربنا يعلم هما عارفين ربنا ازاي 
وانا لما سألتني في أول قاعده 
قولي ملكيش أصحاب 
قولتلك باللفظ ليه أصحاب كتير بس قليل لما بنتقايل والقريب مني قله جدا وده حقيقي 
دانت طوال ال٥ شهور ملقتنيش خارجه يوم مع حد
واصلا مكنش حد مهم عندي وربنا يعلم غيرك والله وربي شاهد
تعرف ان اليوم ده كان يوم عيد ميلادي وكنت محرجه اقولك 
كان نسي اوي تقولي كل عام وأنت طيبة 
بس اتصدمت من كلامك
ليه تحكم عليه من مواقف تافهه كنت فيها فرحانه وتحت ضغط اسبوع وعايزه اخلص كل حاجه وأول مره اتخطب وكان نفسي ابقى جميله اليوم ده عشانك اكيد
مع ابسط موف تقولي حطاك تحت ضغط
ضغط ايه انت اللي كنت بتبعتلي صفحات كتير  كل شويه 
وانا كنت فرحانه لأننا بختار سوا 
عشان مش عايزه اعمل حاجه تعجبني وانت لا
انا مكنتش مهتمه بيك 
انا كنت بسأل عليك لما تبقى تعبان على طول الا مره اللي مكنش اعرف
كنت بتحرج اتصل لأنك مكنتش،بتكلمني من الاول غير كل اسبوع مره واحده
رغم كده كنت بقول هو جايز متدين ومستني لما نتخطب رسمي عشان يتكلم
وكنت بلتمس العذر رغم اني كان نفسي نتكلم كل يوم وكل وقت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_37333 🇸🇦

منذ سنة واحدة

شعور مكتئب

حب ١٠ سنين و وسنه ونص خطوبه راح عشان انا حسيت اني اتقفلت منهااا وده لييه مش عشان انا وحش والله بس لاقيتها بتكلم واحد وبتدلع فييه وبتكلمه عن الاكس بتاعها وان عيد ميلادو قرب وانافضلت ٣ شهور مش عارف اتجاوز الموضوع وسافرت اشتغل برا مصر ومش واثق فيها لحد ما فركشت عشان حرفيا مش قادر استحمل ومقفول منها ومش

Jackfruit_36220 🇪🇬 قرار صح جدا

عرض الكل 12 نصيحة

Nutella_56618 🇪🇬

محتاجه حد ناضج افضفض له ومش هنعرف بعض تاني

محتاجة حد ناضج و يكون بيعرف ينصح من غير كلام دبش ويكون بيتفهم كده محتاجه افضفض و مش هنعرف بعض تاني كنتغهغلغعللعغللعهنغنل العاانلهل هل عن هو له على ب فخم في ب فهل له في ب علي لله هعغغعغغغغععععععغ ...عرض المزيد

4 الدعم

47 نصيحة

Mango_88693 🇪🇬

زهقانه... حد حاسس أنه تايه زيي؟

زهقانه حد يتكلم حد حاسس أنه تايه زيي ؟ هسابتهبمبننكيمبناايني نيزينيننيتيتبت تتنتتبتبتبو تتتااتتتتتت وتتتبتتببتنبنبكبكبمنب نينينبنبنبتبتببنب تبنبنبننبتبتبتبنبننبنبنبه بوبوبتتبنبنبنبنبنبنبنبتبتسخنشتستميميتيتتبتبتبتتبتبترتتبتبتبتبتبتبتبتتبتبتبتبتبتتبتبتبتبتبتبتبتتبتبتبتتبتبتتتتت تتتااتتتتتت تتتااتتتتتت ةوتتتتتتتتتتتتتتتتتتت ...عرض المزيد

1 الدعم

24 نصيحة

Avocado_50926 🇪🇬

خطيبي زعلان مني عشان منزلتش بوست ذكري الخطوبه ومش عارفه اعمل ايه

حصل موقف من خطيبي امبارح انا مش عارفه بصراحه اعمل اي ولا احدد هل انا فعلا مينفعش الي بيحصل علشان مش عارفه افكر بجد امبارح كملنا 6شهور خطوبه الحمدلله في لقيت خطيبي بليل مدايق مني بسبب ان منزلتش بوست ذكري للخطوبه المهم ان في اول الخطوبه نزلت بس منزلتش صور كتير ولحد دلوقتي مبنزلش ف خطيبي بيقولي انا حاسس ان خاطب واحده عندها ٤٠ سنه زعلت منه وقولتله ازاي بتقولي كده علشان بوست قالي انا مستغرب بصراحه بيقولي انتي مش فرحانه بيا المشكله ان جاب دي في دي وخايفه بجد. ف بعد كده بيقولي مش هينفع نكمل شات وبعدين كلمني فون وصالحني وان قولتله مش علشان انا مش بنزل حاجه يبقي مش عيزاك قالي انا بشوف البنات بتنزل لا خطابهم اشمعنا انتي قولولي حل ...عرض المزيد

2 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع