خوف من الجيش

Tomato_78434 🇪🇬

منذ 3 ساعات

شعور متعب

Popcorn_78015 🇪🇬 حلك انك تفهمهم و تروح للدكتور وصدقني كل حاجه بعدها هتتصلح

عرض الكل 2 نصيحة

عبّر عن شعورك بشكل مجهول

السلام عليكم.. انا مش عارف ابتدي منين الصراحه دي اول مره ليا اكتب عام لكل الناس ومحدش يعرف عني حاجه..... انا عندي 20 سنه و في كلية اصول الدين و في ينه اولى و المفروض اكون في سنه تالته دلوقتي و السنه الجايه المفروض تكون اخر سنه ليا... لكن حالي متدهور خااااااالص.. انا كنت شاطر اووي و على طول كنت بجيب درجات عاليه في الدراسه و كنت على طول باخد جوائز من المدرسين لكن الموضوع بدأ و انا في تالته اعدادي..... تركيزي بدأ يضعف و ذاكرتي بدأت تقل كل حاجه كانت بالتدريج كنت خايف ساعتها قلت لنفسي انا هانجح ازاي انا ضعفت في دراستي لحاية لما كورونا ظهرت و عملنا بحث و مش امتحنا و الحمدلله نجحت.. في اولى ثانوي الموضوع بدأ يكبر مش عارف اركز ولا اذاكر و ارهاق شديد في جسمي و نوم كتير حتى لما بقيت اجي اذاكر راسي بقت توجعني و سرحان كتيييير... لحاية لما جه الوقت و قلت لماما و بابا انا عايز اسيب الدراسه لقيت ماما بدأت تعيط و مش راضبه توقف عياط و بابا لقته وقع على الارض... حصلي انهيار داخلي كبير و اثوت جوايا و عمال اقول اي الي انا عملته دا لحاية لما الموضوع هدي و قولت لواحد صحبي قولهم ان انا عملت فيهم مقلب علشان اشوف رد فعلهم اب و الحمدلله الموضوع نجح و من ساعتها قررت إني ماتكلمش ابدا في اي حاجه... يوم ورا يوم و حالتي بتسوء لحاية لما بقبت مش بروح دروس الا هما درسين بس الي كنت بروحهم.. غصب عني تعبان جامد و مش كنت عايز اضيع فلوس اهلي على الفاضي.. و طبعا قدامهم بقيت شخص فاشل مش بيروح دروس.. كنت بروح الامتحان و غصب عني كنت بغش علشان اعدي انا عارف ان الغش حرام بس مش عندي خيار تاني و الحمدلله عديت سنه اولى و تانيه بالغش و وصلت سنه تالته ثانوي.... و هنا بقا أسوأ حالتي كانت في السنه دي حالتي اتدهورت كامل بالمعني الحرفي... علشان اتوضا و اصلي كنت بفضل في الحمام كتييييير و  استخدم مياه كتييير كنت بفضل بالساعتين علشان استنجا و علشان اتوضا كنت بفضل بالساعه ونص و الساعتين و تلاته علسان اتوضا و لما كنت اجي اغتسل كنت بقف من الظهر في الحمام لغاية المغرب او العشاء 😭طول الوقت دا كنت بنوي اني اغتسل و انوي اني اتوضا و الطهاره عموما حرفيا يومي كان بيضيع بالكامل و كل كنت لما بتاخر في الحمام افضل اضرب دماغي جاامد اوي بإدي او اخبطي راسي في الحيطه من كتر الارهاق الذهني و الجسدي الي انا فيه.. بكون واقف ساعات كتيره اوووي علشان انوي نيه واحده.. مع العلم انا ازهري و عارف الاحكام الحمدلله لكن لحاية لما عرفت اني عندي وسواس قهري... حرفيا مدمر.. و لما كنت بخلص وضوء او اغتسال المغرب كنت بافضل واقف من المغرب لحاية الساعه 12 بليل بصلي يعني من الظهر لحاية المغرب في الحمام بتوضا و من المغرب لحاية الساعه 12 بليل بصلي... كل يوم على كدا حرفيا كنت مي.ت.... مع العلم دروسي كانت بتكون الصبح من الساعه 6 لحاية الساعه 12.. اول لما ارجع من عذاب الدروس و انا بروح لا عارف افهم و لا احفظ ولا اركز ولا اي حاجه خالص 💔قررت اني مروحش و كنت بنزل و بروح اقعد في مكان لوحدي لحاية لما الساعه تيجي 12 و اروح و اجهز للعذاب التاني من 12 في الحمام لحاية المغرب او العشاء في الحمام و من المغرب ل 12 بليل واقف علشان اصلي.. كنت مدمر.. لحاية لما جه الوقت و اغير وضعية صلاتي يمكن تكون اسهل ليا جربت اصلي و انا قاعد و اجرب و انا على ظهري لغاية لما وصلت اني اصلي بعقلي اتخيل نفسي و انا بصلي.. طبعا الموضوع فشل و سبت الصلاه  و إنهيار تام عايز اصلي و اقول يارب انا عارف ان تارك الصلاه كافر بس انا مسلم يارب و مختارك انت و هاموت مسلم... و كنت لما بصدق اكون لوحدي في البيت علشان افضل اصوت و اخرج الطاقه الي جوايا.... و غير كدا كتيىر وصلت لدرجه اني لما كنت بنضف وداني كنت بطلع دم من وداني 💔.... و اطلع برا و افضل ادعي و اقول يارب عايز امووت عايز اموت تعبببت يارب لغاية لما عرفت انك تدعي على نفسك بالموت حرام ❤️‍🩹❤️‍🩹❤️‍🩹❤️‍🩹ليس لي من الامر شئ حتى بقيت مش عارف ادعي ربنا و مبقتش قادر ادعي حتى مش قادر اتكلم و في الوقت دا كنت بنام 24 ساعه و اخوبا يفضل يقولي مش بتذاكر ليه دا منظر واحد في تالته ثانوي.. ساعتها علاقتي ب اخواتي كانت وحشه و مش هاعرف اقولهم حاجه و دايما خناق مع بعض.. خالص مش عندي حد احكيله حاجه.... و جه وقت امتحان تالته ثانوي ف اكيد كنت بغش و معظم الايام مش كنت بعرف لإن اللجنهزكانت بتكون شده و لغاية اخر يوم امتحان و خلصت و كنت عارف اني هاسقط.. جه وقت النتيجه و لقيت نفسي شايل خمس مواد 💔💔نزلت من البيت من غير ما اقول لحد حاجه و اخويا فل يزعق فيا و يقول استنا علشان تجيب الشاهده بتاعتك 💔💔رحت طلعت على محطة القطر فضلت قاعد لوحدي هناك عايز اعيط مش عارف و كنت بعيط بالعافيه. و انهيار مش قادر اعمل ايي يارب فضلت قاعد فتره و اتفجأت ان ماما لقيتها جت وفضلت اعيط و هي عماله تهديني عماله تقولي عادي مش في مشكله مش فيها حاجه لما تمتحن مره تانيه و كانت سندي ساعتها و اتفجأت ان اخويا جه برضو و الموضوع كله كان دراما بس اهلي كانو سندي ساعتها.. و جه معاد الدور التاني طبعا حليت بالغش لغاية لما جه امتحان الفيزياء و اللجنه شدة قلت خلاص هاشيل الماده دي و فعلا يوم النتيجه جه نجحت في اربع مواد و شيلت فيزياء و عيدت سنه كامله تاني علشان ماده واحده و فضلت مع حالتي كدد ىحاية ميعاد الماده دي و دخلت و غشيت و طلعت. و اتفقت مع اخواتي محدش يجيب سيرة ميعاد الشهاده بتاعتي علشان افاجئم و خير ان شاء الله .. و جه ميعاد الشهاده كنت ساعتها؟؟ مش عارف اوصف شعوري... بصيت اي الي حصل نجحت... ياماما يا بابا نجحت انا نجحت و مش قادر بقا و افرحنا الحمدلله واخيرا عديت السنه دي و جبت 65 في الميه.. و دخلت كلية اصول الدين و انا مش عايزها اصلا بس مش كان قدامي غيرها علشان مجموعي ضعيف و كنت ناوي ادخل تجاره و كل الكليات مجموعها انخفض الا تجاره مجموعها ارتفع كنت هاخش انتساب لكن الحمدلله... و فضلت مكمل السنه قاعد في المحضرات مش في تركيز ولا اي حاجه.. كنت بكتب اي حاجه في ورقت الامتحان و المرادي انا شيلت المواد كلها مش ماده ولا اتنين و الترم التاني مش كنت بروح الامتحانات 💔💔كدا كدا صقط و هاعيد السنه و نسبةالرسوب في الكليه كانت 82 في الميه يعني الكليه كلها سقطت شويه صغيره هما الي نجحو.. و كدبت و قلتلهم اني نجحت و انا في سنه تانيه و امتحاناتي يوم 4 في اول السنه الجديده 2026 و طبعا عامل حسابي اني مش هاروح انا مش روحت الكليه الا 3 ايام بس و خلاص الموضوع منتهي و هاتفصل من الكليه💔💔💔مش عارف اقول لإهلي اي كان نفسي ابقا حاجه حلوه علشان و علشانهم ..... اعمل اي؟؟؟ و خايف اووي من الجيش مش عارف بعد مايفصلوني من الكليه يدخلوني الجيش و انا خايف اني اتقبل و انا نفسي اخد اعفاء انا عارف نفسي مش هاقدر لا نفسيا ولا جسديا الموضوع رعبني اووووووي!!! ف مش عارف اعمل ايه دلوقتي.. و مش هاعرف احكي لماما و بابا حاجه هما كبار في السن و تعبانين مش هايقدرو و ماما هاتفضل تعيط 24 ساعه انا عارفها..ف مش عارف اعمل اي.. كل دا ملخص على كل الي بيحصل.. لكن كل يوم حدث جديد و موضوع جديد و ازمات صحيه و مواضبع كبيره!!!  اعمل ايه ارجوكم ❤️‍🩹❤️‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_89628 🇪🇬

بدقق على تفاصيل الكلام ومحدش يفهمني

هو انا الوحيدة اللي بدقق اوي على تفاصيل الكلام وطريقة الكتابة وبتضايق اوي لما بلاقي حد بيكتب غلط و عنده أخطاء إملائية 🙂نفسي الاقي حد زيي ويفهمني نفسي الاقي حد تفكيره نضيف وعميق وراق مش زي باقي الناس.. أشارك أفكاري الغريبة من غير ما يفكرني غريبة او مجنونة.. بس محدش كدا خالص دلوقتي مع العلم انا 17سنة ...عرض المزيد

3 الدعم

29 نصيحة

Croissant_58520 🇪🇬

محتاجة حد أفضفض معاه من غير أي إغراض

محتاجة حد افضفض معاه من غير اى اغراض تانى نيتياسياممسنيتيتميمؤنؤوؤوؤنؤظمؤمؤنؤنؤزؤوتؤتؤنؤتؤننؤنؤنؤنؤنؤتؤتتؤتؤؤتؤتتؤتؤتؤتؤنؤنز،ز،مم،مءزؤزسززءزءمؤمؤزنؤمؤمؤنؤننؤتؤتؤتءتتءتءتءتتءتءتءتؤتتؤتءتءتءتءتؤتتءنءممؤمؤمؤممؤمؤمؤميمميميكؤكمؤممؤمؤنؤنزؤززؤزؤزؤنؤءنءننءتءتءتءنءننءنءنءنءنءننءنءنءنءنءتوؤمؤؤككؤمؤظؤوت،هزسزيميكيكمؤنؤنؤنءتءتتءتذتءاذتتذتذتءتذتنذنذزذزذززذزذزءنءنءننءنءنءنءننءنءتءتءتتءتءتءتءننءتءنءممسميمؤممؤمؤمؤنزءوءتتيمسميككيكسمميميمؤممءمءممءمءممءمءممءمءمؤممءمءمءممءمءخءممءمءممءمءممءمءؤخءمظءزسنينؤكحؤحءحءمءمنءتءتنؤنؤم،م،ككءحءمءننؤتستايتين ...عرض المزيد

0 الدعم

29 نصيحة

Moon_89252 🇪🇬

شتمت الاكس وقليت من رجولته! باركولي يبنات بقى

دخلت شتمت الاكس وقليت من رجولته وحسسته انه ولا حاجه وانه مالهوش قيمه ولا رجوله وحاسه اني فرحانه جدا 💞💞💞باركولي يبناتت بقى💞💞 اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

3 الدعم

26 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع