خوف من المسؤولية

Biscuit_71393 🇪🇬

منذ شهر واحد

شعور ضائع

عبّر عن شعورك بشكل مجهول

كل حاجه بدأت بصحوبيه لقينا بعض نفس الأفكار الغريبة نوعا ما نفس المعتقدات لقينا بعض بجد عارف لما تحس انك ليك توأم روح بيفهمك بيعرف حتى يخمن اللي بتفكر فيه منغير ما تقوله كان كده واكتر رغم أنه كلامه بطبعه قليل كان على طول معايا وبيكلمني حكالي كل حاجه منغير ما يحس ولا يحسب أو يفكر في الكلام كان دايما بيقولي انتي الوحيده مصدر الامان منغير ما احس مش بعرف ابعد عنك يوم رغم اني طبيعتي مش كده مبيعرفش حتى يفتح كلام عارفين حتى وقتها علشان نتكلم بيحاول يبعتلي ريلز اي حاجه علشان بس الشات ميسكوتش من الاول عارفه أنه عنده ازمه نفسيه وخوف من المسؤولية شديد من أو لحظه بنا عارفه ده انا بفهمه اكتر من نفسه وحفظاه كنت عامله من جوايا خطه تطمنه قولت واحده واحده من تعلقه بيا هيحس أنه اقوي من اي خوف جواه لاني لمست حبه ليا بجد بس انا طمعت في اكتر ممكن وثقت في حبه ليا زيادة ممكن مصبرتش لحد ما يطمن اكتر كلمته بشكل صريح رغم اني منغير ما اكلامه اصلا احنا كنا فاهمين مشاعر بعض رجع الخوف تاني اللي اتضح أنه لسه موجود طلع اقوي من كل مشاعره رغم كل الشهور ديه كل المواقف كل حاجه خوفه انتصر وثقت في نفسي زيادة ممكن مصبرتش ممكن بس عموما النهاية اتكتبت مش مرضيه لا ليا ولا ليه بس مفيش في أيدي اي حاجه ممكن تغير ده وده وجعني شويه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_75628 🇪🇬

منذ شهر واحد

شعور متوتر

عبّر عن شعورك بشكل مجهول

السلام عليكم، انا في اولى صيدلة ومن ساعة ما النتيجة ظهرت - جبت 92.19- ابويا كان بيقولي هتلحقي طب، انا مكنتش عايزة طب كنت عايزة صيدلة بس ابي وامي كانوا عايزين طب ولكن انا أصريت مدخلش جامعة اهلية وخليني في الحكومي احسن، المهم ان من ساعة ما الدراسة بدأت - بقالها شهر اهو- وانا مش مستريحة ومش عارفه اتعامل وفعليا الكلية مش زي ما تخيلت ومش حاسه اني قادرة اتعامل يعني مش علشان صعوبة اول سنة لا علشان انا فعلا مبقتش حابه الكلية، قلت لهم اني عايزة احول لطب وقالوا ماشي بس الجامعات الاهلية قفلت، التحويل ممكن يكون ترم تاني او السنة اللي جايه بقا، انا بكتب ده ليه بقا، علشان انا خايفه من المصاريف طب ب ١٥٥ واكيد هيزيد كل سنة ودول ٧ سنين ده غير مصاريف الكتب وكده، يعني الحمد لله احنا حالنا ميسور بس خايفه مش عارفه ليه ويمكن ده كان سبب اني أرفض من الاول ادخل اهلية وادخل صيدلة ، خايفه ان ابي لا قدر الله، ربنا يبارك في عمره ويحفظه يروح فجأة واكون كده حملت اهلي حمل هما مش قده احنا تبارك الله ٥، ٤ بنات وولد، والولد في ٤ ابتدائي و٢ اكبر مني واحدة عندها ٢٤ والتانيه ٢٣ وواحدة أصغر مني بسنة، وانا برضو شايلة هم تجهيزهم يعني ما اكيد هكلف كده على أهلي وهما حرفيا في سن جواز ف مش عارفه، وانا بجد مبقتش حمل صيدلة ومش شايفه انها تستاهل اضيع ٦ سنين، يعني الكلية بالنسبة لي بقت بجد صعبة، ف اعمل ايه يا جماعة..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_72794 🇪🇬

منذ شهر واحد

شعور عاطفي

هاي ازيكم انا ولد عندي 26 سنه مش هطول عليكم انا خطبت مره وحده و فركشنا بسبب حوار تافهه كدا بس ديما وحيد و مش لاقي وحده هاديه كدا زيي نكمل سوا مش عارف ازاي مش خاطب مع ان كل صحابي متجوزين و معاهم عيال وانا ببقا نفسي اوي ف عيل والله اكبر احلامي بنت صغننه تبقي بنتي و ادلعها ف المشكله اني مش عارف ازاي ات

Marshmallow_77112 🇪🇬

منذ شهرين

شعور خجول

كنت بتمنى اكون دكتورة نفسية و اقدر اخفف هموم الناس و اطبطب ع قلبهم ويشاركوني مشاعرهم واستقبلها بصدر رحب 🤍 بس للأسف محققتش ده .. مش لأني مقدرتش اوصل .. بس لأني كنت خايفه لما احاول اشيل الحزن عن قلب احدهم اسمع خبر انتحاره تاني يوم .. و ده كان مخوفني جدا فقررت اني اغير حلمي .. بس قررت كمان اني احقق حل

Avocado_77039 🇪🇬 لا انا بصراحة حملته عشان انا اللي اتكلم او يفهمني او ينصحني انا عيشت فترة اواسي في اللي اعرفه ومعرفوش بس اكتشفت ان انا محتاج اللي يواسيني فكرة المواساة وانك تسمع حد وتفهم اللي جواه دي مع الوقت بتسحب كتير من طاقتك من غير ما تحس وفي ناس بستنزفك وفي بياخدك محطة او فترة من حياته

عرض الكل 18 نصيحة

Chilli_19172 🇪🇬

منذ 3 أشهر

شعور متعب

اقنع خطيبتي ازاي ان الجواز مش سئ زي ماهي شايفة او متخيلة لأننا سيبنا بعض فوق ال٤ مرات خلال الفترة دي من وقت ماحددنا معاد الفرح وهي تفضل تقولي اصل حاسة ان لسة بدري اصل خايفة من المسؤولية اصل لا لسة الشقة مخلصتش وبتفضل تتلكك كتير وانا مضغوط ومش ناقص التلاكيك بتاعتها دي والله بتتعبني وكل شوية تقولي مش

Avocado_40429 🇪🇬

منذ سنة واحدة

شعور ضائع

انا بروح احفظ قرآن ونفسي اختم بروح،5ايام في الاسبوع بروح يومين في مدرسة قرآن، و3أيام عند معلمه جارتنا والمعلمه دائماً بتشجعني اني اقدم في كُتاب يعني بدل ما بروح يومين يبقا6ايام في الاسبوع لمده 3ساعات في اليوم، عايزه اقدم علشان اقدر اختم وغير كدا عندي وقت كتير فاضي ومش بستغله في حاجه في حاجه مفيده

Mango_21877 🇰🇼

منذ سنة واحدة

شعور قلق

كل ما عم بكبر شوي حتى لو بس يوم عم بزيد عندي شعور انه ممكن اعيش لحالي عادي و ما بهمني بس هل فعلا رح اكون مبسوطة لو ضليت لحالي و مرات بقول طيب ارتبطت و خطبت و تجوز حكون مرتاحة نفسيا مع الشخص الي ارتبطت فيه او لا مرات كتير بدعي الله اني اضل لحالي و لا اني انكسر قدام حدا بسبب مشاعري الزيادة الي عندي و

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع