خوف من المواقف

Waffle_77049 🇪🇬

منذ أسبوعين

شعور مهتم

عبّر عن شعورك بشكل مجهول

ليه دايما احساس القلق والخوف ملازمني من كل حاجه واي حاجه  خايفه اروح مشوار مثلا عشان ممكن يحصل حاجه تزعلني او حد يقولي كلمه تضايقني او اتعرض لموقف مش احسن حاجه ليه دايما قلقانه آخد خطوه تجاه اي حاجه جديده واي مكان جديد ليه دماغي بتعمل سيناريوهات مأساويه علي كل حاجه حتي قبل ما اروح المكان او اقابل الناس ليه عايشه دايما في قلق مستمر ليه لما بيحصل موقف محرج او اي موقف في اليوم دماغي بتفضل تعيد فيه بكل تفاصيله كأنها بتحلله ليه مش بعرف انام عادي زي البني آدمين اول ما احط دماغي علي المخده من غير ما اقعد افكر نفسي دماغي تبطل تفكير بجد نفسي يبقي فيه زرار اقدر ادوس عليه افصل دماغي من كل حاجه، الموضوع معطلني عن اني اعيش حياه عاديه ، ليه قلبي دايما مقبوض ،ليه بحاول احارب كل الاحاسيس دي عشان أظهر عاديه قدام الناس بس انا مش جوايا احساس مدينه متدمره بعاني عشان أظهر عادي،نفسي ميبقاش عندي مشاعر ولا احس اي شعور ولا حزن ولا خوف ولا قلق عاوزه ابقي بارده....الموضوع متعب والله لدرجه ان الوجع ده بدل ما كان نفسي بس بقى جسدي كمان لدرجه ان حد يقولي خدي بالك ان ممكن كل الوجع والآلام اللي في جسمك دي مصدرها مش عضوي قد ما مصدرها نفسي ........... امتي هحس اني بأمان و أ rest in peace

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_75174 🇪🇬

منذ 5 أشهر

شعور مرهق

عبّر عن شعورك بشكل مجهول

ياخي الواحد ده جبل أنه مستحيل كل الترومات و العقد النفسية اللي عنده لحد النهاردة 😂😂
يعني مثلا و انا ف ابتدائي بنت اتبلت عليا اني تحرشت بيها و دمعتين للناظر و الموضوع أتصدق و اتعملي استدعاء ولي أمر و فضيحة كبيرة حضرتك و كل ده لطفل عنده 11 سنة تخيل! 😂
طبعا مش هكلمك ع العلقة اللي اترزعتها ف البيت ولا السمعة المهببة اللي طلعت عليا ف المدرسة و فضلت ملازماني سنين حتي بالرغم أن لما اتعلم تحقيق مع البنت و اهلها و قرصوا عليها ف الاسألة شوية ده حصل فين و أمتي و ازاي اتضح انا " المتحرش " كنت غايب اصلا م المدرسة اللي حصل فيه التحرش ده و أن سبب المشكلة انها غيرانة اني جبت اكتر منها ف امتحانات الميد عشان كان بيننا تنافس ف الفصل 😂😂
المهم يا سيدي اني النهاردة 25 و مازلت تروماتيزد من الحوار ده لدرجة اني راكب مواصلة اول امبارح و ورايا بنتين و فجأة و انا بسكرول ف موبايلي ف أمان الله اسمع صوت تصوير موبايل جنب ودني حرفيا و جاي م ورا
اسود 10 ثواني مروا عليا تخيلت فيهم صورتي نازلة ع السوشيال ميديا و بتفضح ف مصر كلها لسبب انا نفسي مش عارفه، بس ف الآخر استجمعت قوتي و لفيت وشي اسالها هو حضرتك بتصوريني ؟ و ردها كان ( لا انا بتصور انا و صاحبتي سيلفي، في حاجة حضرتك؟) 
بالرغم من نبرة صوتها العالية و أسلوبها اللي مش احسن حاجة بس رغم كل ده كنت مبسوط فشخ اني الرعب اللي عيشته كان مجرد أوهام ف دماغي و الماضي مش هيتكرر ولا حاجة 😅

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_47130 🇪🇬

منذ 5 أشهر

شعور غير مكتمل

عندي مشكله بس انا مش بعرف اعتمد علي نفسي في اي حاجه لازم بابا يجي معايا المشوار او ماما او اخواتي حتي اختي الصغيره عشان ابقي مطمنه وعندي رهاب اجتماعي او سعات مش بيبقا موجود ومع كل ده انا مش صغيره انا 16سنه يعني مينفعش ولازم اعتمد على نفسي ومش بعرف بجد بخاف وبتوتر اغلط او البخ في اي حاجه

Biscuit_73604 🇪🇬 لو لقيت حل قوليلي

عرض الكل 9 نصيحة

Ice Cream_68267 🇪🇬

منذ 6 أشهر

شعور محبط

عندي مشكلة غريبه بتلبخ في المواقف المفاجئه و بيبقي ردي اغلبه تبرير و دفاع اكني طالبه في فصل و مبعرفش احرج حد والاودامي بيحرجني عادي و بتخض مع الكبار مع اني وصلت ل ٤٣ سنه و نفس الشيء كمان بقيت بلاحظ الناس بتحترم الاسلوبهم وحش و دبش بالكلام و بيعملو له حساب اوي و يبررو له اي حاجه باي موقف كويس منهم

Mango_15838 🇪🇬

منذ سنة واحدة

شعور Bad 😞

ادوني نصايح ازاي اعتمد ع نفسي انا حالتي صعبه يعن اي مكان اروحه لازم اخد حد معايا وبيبقي حاجه مهمه مثلا ف الكليه ولازم احضر معرفش انزل غير ام يكون حد وصحبتي الوحيده مش بتبقي فاضيه علطول عشان تنزل معايا اي مشوار تاني كذلك مبعرفش اعتمد ع نفسي ف اي حاجه نفسي اروح واجي لوحدي عادي حتي لو الشارع الجمبنا مب

Durian_56202 🇪🇬

ف كام شات متعلق عندك؟ حملة صفرها

ف كام شات متعلق عندك ؟؟ وبالمره ايدكو معايا بالله كل اللي معدي يبعت نقطه عشان الحوار مستفز للاسف و فيه حد من شوية غالبا بعتلي لانه الرقم زاد من شوية ف يريت يبعت تاني #حملة_صفرها 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ ...عرض المزيد

0 الدعم

14 نصيحة

Mushroom_85386 🇪🇬

حاسة حد اعتدى عليا وأنا صغيرة ومش فاكرة.. أعمل إيه؟

تحذير⚠ كلام ممكن يكون triggering ️ حاسه ان حد اعتدا عليا وانا صغيرة؟؟ انا مش فاكره اي حاجه زي كدا ومش معنا اني مش فاكره انه محصلش، حاجات كتير معنديش ليها اي ذكريات وبتكون حصلت فعلا او بفتكرها واستغرب هو ازاي ده حصل كانت طفوله صعبه من إهمال عاطفي وابويين مش عارفين انهم نرجسيين او انهم مش عارفين هما بيعملوا ايه رغم كبر سنهم وتعاملهم مع اطفال قبلي ليه بفكر في كده؟ عشان كانوا بيسيبوني ابات عند كذا حد من قرايبنا من سن سنتين لحد 12 سنة، بدأت اشوف بةرن من وانا 9 سنين ومش عارفة ايه الي وصلني لكدا وكنت بشوف على الكمبيوتر الي كان ضهره مشكوف يعني يقدرو يشوفو ولحد دلوقتي لسه بشوف بس كل شهر وتصرف ادماني مش تصرف شهواني خالص، كنت بكون سكشواليزيد من الناس، كنت بحط ايدي وهما شايفين ومحدش عمل حاجه، عرفت كتير ان محدش بيصدقني، وتاني حاجات كتير كنت بعملها غلط وحاجات كبيره ومحدش كان بيوجهني ولا بيعاقبني كانو عاملين مش شايفين وفي نفس الوقت كنت بتضرب علي حاجات تافهه وتعمد التحقير والإهانة والضرب قدام الناس انا مش عارفة المفروض اعمل ايه بس عايزة إجابات ومعرفش الإجابات دي هعمل بيها ايه؟ مش هيحصل اي حاجة انا بس اللي هتعب بس التفكير متعب ومفيش اي ثيرابيست اقدر اكلمها في حاجة زي كده ومعرفش ليه دايما بتقابل بعدم التصديق واني بتوهم دا أسهل اتهام وخايفة اتجوز يتهمني بحاجة انا معملتهاش انا مش عارفة احكي ده لحد وياريت اللي يرد يديني حل او يقول كلمه كويسة وانا مش محتاجة اكدب وانا مجهول ما لو عملت حاجة ما اقول عادي زي ما كتير بيقولو هنا ...عرض المزيد

0 الدعم

14 نصيحة

Avocado_68794 🇪🇬

اتطلقت بعد شهرين جواز.. زوجي كان بيقولي "انت تحت الاختبار"

انا اتجوزتش فتره قليله اوى واتطلقت بعد شهرين جواز جوزى كان بيتكلم فى القايمه من تانى اسبوع جواز على اسا ان المبلغ كبير عليه وهو كان ٤٠٠ الف وفضل كده لمده شهر ونصف ويقولى ان هو اتنصب عليه مع العلم ان هو كان قاعد فى شقتى ملكى وما جابش حاجه غير العفش وبس وانا اللى جايبه الاجهزه والباقى كله وكان دايما يقولى انتى تحت الاختبار حشوف حتنفعى ولا لا وخلى امه تيجى تعد معايا من تانى اسبوع جواز بحجه ان امه وحشته وهو واحشها وفعلا فضلت قاعده لحد ما خربت البيت وطول ما هى قاعده فى البيت كانت بتقوله طلقها طالما مش جايبه العزال اللى مفروض تجيبه طلقها وبرده كان بيقولى انه كان بيعمل واجباته الزوجيه مجرد واجب وبس مش اكتر وكان بيعمل سلوك علشان مايخلفش منى وانا لما لقيت البيت بيتخرب حاولت كتير مع اهلى انه اقلله قيمه القايمه وفعلا عملت كدل ونزلت سعرها النصف مع بابا وقطعنا القايمه القديمه وعملنا واحده جديده واخيرا قولت ان الدنيا اتظبتت واتحلت ومفيش مشاكل تانى رجع من يوم القايمه بعد ماااتظبت لقيته بقولى ان ابويا حلف على امى بالطلاق انى مااااامشيش معاكى بره المحافظه اللى احنا فيها مع العلم ان كان عندى شغل فى محافظه تانيه قولتله طب وشغلى حعمل ايه فيه قالى شوفى حد تانى ابوكى ابن عمتك يوصلك قولتله طب لو حصلى مصيبه قالى مااتصليش بيا وان اهلى واخويا اهم حاجه ولو جبت منك عيل حدوس عليه سكت وعيطت وما ردتش عليه بس فى الاخر قولتله ان انت شايف ان دا جواز وانك كدا سند ليه وضهر وقولتله فكر فى طبيعه علاقتنا وقولى انت عاوز ايه بالضبط على طول فكر فى الطلاق بعد كدل امه قالتلى تعالى وانا حتصرف وبنات الناس مش لعبه فعلا روحت وبعد كدا حصل مشكله عبيطه اوى اديته التليفون فى ايده قالى انتى بتخبطيه فى ايدى وقعد يزعق جامد حاولت اصالحه لانى تعبت من كتر المشاكل راح نزل عند امه جرى وقعد يقولى انا مش حصبر عليكى وامه قالتلى اطلعى انتى وانا حبعتهولك طلع ودخل اوضه الاطفال والمشكله ما ااتحلتش برده انا عندى حساسيه صدر شدت علبا تانى يوم جامد فكان وشى احمر اكنى معيطه امه شافتنى قالتلى والله مااانتى قاعده على ذمته وفعلا راح مقعدنى زى العيل الصغير قدام اهله امه واخوه وخالته وامه قالت ان هى مش عاوزانى اروح هناك تانى ولو هو عاوزنى ولا انا ولا هو نروح هناك راح هو قال وعلى ايه وانا مش عاوزها وحخدها انا وانتى واخويا نروح نركيها عند ابوها واقوله مش عاززها وعاد الكلام فوق ال ٣ مرات وبعد كدا بصلى قالى بتبصلى ليه انا مش عاوزك وحخدك وارميكى عند ابوكى واقوله مش عاوزك انا ماااقدرتش اقعد قدامه ثانيه وقوبتله وعلى ايه وانا حمشي وفعلا طلقنى ورمانى منفصله فى الاول بدون طلاق ٥ شهور ويفضل ينزل فى شتايم وقله ادب ويبعتلى كلام صعب انى اقوله مع العلم ان قبل الانفصال باسبوع كان واخد شنطه هدومه وبيقولى ان اخوه بيلبس معاه ولازم الهدوم تكون فى بيت امه وكنا كويسين مع بعض ساعتها انا عاوزه راي حضرتك هل انا كان مفروض اتاسف وماقومش ولا كان مفروض اعمل اللى عملته فعلا ولا ايه انا صح ولا غلط ولا هو كان قصده اصلا يحل فقال كدا انا نزلتها قبل كدا بس انا بنزلها تانى لان بدات مرات اخو طليقى تقولى انتى زوتيها فى الاخر وان هو كان بيهزر لما قالك انا حخدها وارميها عند ابوها واقوله انا مش عاوزها ...عرض المزيد

0 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع