خوف من النار

Apple_63739 🇪🇬

منذ شهر واحد

شعور متعب

عبّر عن شعورك بشكل مجهول

لما الاقي حاجة بحبها وهتوصلني لحاجة كبيرة سواء في الفلوس او المنصب بيجيلي وساوس ان في حاجات صغيرة ممكن تخلي الحاجة دي تروح زي مثلا يمكن نسيت اعمل الحاجة بشكل كامل وفي خطوه نسيتها مثلا وهكذا وبالتالي مش هعرف اوصل للحاجة دي والى اخره بس بعدها بفتره اكتشفت اني كدا كدا عملت اللي عليا وسواء وصلت لها او موصلتش دي بتاعت ربنا ( انا كل دا بتكلم على الامور اللي في الدنيا فقط ) انما بالنسبه للجنة والنار انا خايف من النار جدا وعذاب القبر وحابب الجنة اوي وبالتالي الوسوسه هنا زدات عشان متقدرش تتأكد اللي بعمله دا صح ولا غلط، يعني من فترة انا بمارس الانجليزي من خلال القراءه وبطبيعة الحال ان اكيد هلاقي حاجات مخالفة لديني ( كفر بمعنى اصح وليس ذنب ) فحاولت ابحث عن فتوى للموضوع دا لقيت شيخ انا واثق فيه جدا (ابن عثيمين) قال ان قراءة الكفر للدارسة شيء عادي، فمعرفة الكفر اذا كان لا يؤمن به الانسان لا بأس، دا كلام الشيخ لحد هنا وانا مصدقه وبطبيعة الحال انا مش هفضل اقرء دايما اوقات بسمع والنصوص دي اكيد فيها اشياء فيها (كفر) وفي حاجة بتقولي ان هنا الشيخ قصده بالمعرفة هي القراءة فقط مش الاستماع وانت لو سمعت هتبقى كافر وهتخسر الجنة وهتفضل في جهنم للابد وهتفضل في ضيق القبر ملايين السنين بعدها تخش جهنم للابد، مش عارف اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_77684 🇪🇬

منذ شهر واحد

شعور محبط

جماعه حد عنده اضطراب نفسي او وسواس الي هوه تفكير زياده ملازمني على طول لما تكون في مكان وعاوز ارد بتاخر عشان افكر في الكلام وكلامي قليل حد بيعيط وبيفكر هو هيخش جنه ولا نار حد ممكن يكون خايف ان العمل الخير الي بعمله يكون رياء طيب فكرت كتير اني اكون شاب عايش حياتي بس كل ما ابص او انظر احس بتغير وتأ

Cherry_48485 🇪🇬

منذ 3 أشهر

شعور مكسور القلب

Apple_74635 🇪🇬 بقلك ايه انتي زي الفل" هذا خلق الله" اوعي تزعلي او تضايقي من الي انتي فيه مهما كان دا ابتلاء من ربنا و يابختك يا ستي ربنا بيحبك لان الله اذا احب عبدا ابتلاه والله دا من علامات حب ربنا ليكي اوعي تزعلي من نفسك صدقيني انتي احلى منهم كلهم يا عبيطة دا هم بيغيرو منك علشان على الرغم من التحدي الي انتي فيه دا برضو متفوقة عليهم انتي مش عندك نقص هم الي ناقصين دا مش كلام وخلاص والله انا بقولك من قلبي بجد

عرض الكل 14 نصيحة

عبّر عن شعورك بشكل مجهول

جماعة بليز مش عايزة احكام ومحاولة للفهم
أنا قصتي بدأت من عند الولادة تعرضت لنقص أكسجين الدكتور قال لهم هيأثر عليها شوية فعلا وانا بكبر بحس اني اقل شوية من اللي في سني بس الفكرة مش هنا الفكرة ان اهلي بداوا يتنمروا ويشتموا ويفرقوا مبيني ومبين اخواتي حصلت لي غيرة جامدة من اخوتي وعدم رضا وجلد ذات مستمر ومش فاهمة نفسي وتقريبا بعاند فيها الناس بدأت تبعد عني وانا ادخل في حالة اكتاب وأهلي يزودو وانا أزود غيره من اخواتي وعدم رضا أنا مش عارفة عايزة اقول ايه اتمني لو تفهموا اللي مبين السطور وتعرفوا تساعدوني بس أنا حاسة مش عارفة اعيش وكدة ولا هلحق دنيا ولا اخرة كل لما اروح مكان أتعرض للتنمر او السخرية او تعامل غريب وأهلي بردو نفس الوضع مفيش احتواء يعتبر وحتي الاحتواء بيبقي احتواء سلبي يعني ممكن يجرحوا فيا في النص ويقولو لي لازم أتصالح مع اني مش طبيعية وطول ما أنا ببص للطبيعين مش هعرف اعيش إيماني بربنا قل موووت أنا خايفة إلا ادخل النار بالوضع دة بجد مع العلم اني دارسة ازهر وفي ذكاء اصطناعي رحت لدكتور نفسي مجاش معايا بنتيجة والنتيجة جات سلبية ودة بردو بسبب نظرة المجتمع واولهم اهلي اللي أنا كدة بثبت اني مجنونة وخفت من تاثيره علي التركيز والوزن……..اتمني مساعدة .عارفة ان الكلام مش مرتب بس اتمني لو حد يفهم اللي مبين السطور ويعرف يساعد حتي بالنسبة للكلية أنا دخلتها بس عشان اهلي ولا يقولو عليه فاشلة وطول عمرهم شايفني استحق دبلوم وحتي لما جبت المجموع الكبير دة قال ادخل معهد أنا مش عارفة أنا بعمل ايه ولا ليه دخلت الكلية دي بس عشان اثبت نفسي بالرغم من اني كنت شايفة نفسي في بيطري اكتر وكنت عايزة شغل وكان المعهد اللي قالو لي عليه(فني صحي)اللي هيجيبه ليا أنا حاسة بانهيار مش عارفة من ايه بالضبط بس حاسة بانهيار لما اشوف اهلي عايزين كل اخواتي يدخلوا كليات قمة وانا لا بس من ناحية تانية أنا عارفة ان قدراتي اقل من اخواتي أنا بكره نفسي اكتر حد بكره هو نفسي غبية مش عارفة تشتغل من كلية قمة زي أخواتها متوحدة علاقتها الاجتماعية غريبة حتي أهلها بيتنمروا عليها بتحاول تبذل اقصي جهدها عشان تساعد نفسها ومش عارفة وهي شاكة أصلا ان عندها توحد وخايفة تروح تتاكد من جلد الذات ونظرة المجتمع والأهل اللي دايما حاطينها في مكانة اقل من أخواتها بكتير أنا بقيت بقلل من نفسي من كتر التقليل اللي بشوفه أنا بقيت بشك في نفسي اني مجنونة بالرغم من اني عارفة امشي في الكلية أنا مش عارفة أنا مين ولا عايزة ايه وخايفة إلا اخسر اخرتي ودنيتي دايركت مش عارفة أعيشها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_31970 🇪🇬

منذ 10 أشهر

شعور متوتر

انا خايفه اوي خايفه اموت وانا ربنا مش راضي عارفه ان دافع يخليني اقرب من ربنا اكتر بس انا still خايفه اووي يتري لو مت دلوقتي هبقي من اهل النار ولا من اهل الجنه خايفه بجد ادعولي يجماعه بالله ادعولي اقرب من ربنا

Chilli_31943 🇪🇬

منذ سنة واحدة

شعور مذنب

كل الي يشوفني يقولي انت طيب و محترم اوي بس انا ربنا ساترها معايا والله من جوايا بحس اني ساعات بغل و مبحبش حد ينجح عليا بحس اني فاشل يعني لو كلنا فشله الوضع هيبقي تمام انا بقيت بحس اني انسان زباله انا بقيت بكره نفسي زمان كان كلهم يقولولي مينفعش طيبتك الزياده لحد ما بقيت حاسس اني من جوايا بقي في انسان

Watermelon_5391 🇪🇬

منذ سنة واحدة

شعور Not great 😕

لما تحس ب الحر القوي الي احنا في افتكر عذاب جهنم و ادعي اللهم أجرني من النار اللهم أجرني من النار اللهم أجرني من النار

Apple_17838 🇳🇿 up

عرض الكل 1 نصيحة

Apple_17051 🇪🇬

منذ سنة واحدة

شعور Bad 😞

اما عملت كل حاجه حرام وعندي ذنوب كتير اوي تدخلني النار لو انتحرت برضو هخش النار ف كلنا الحالتين نتيجه واحده

Apple_17305 🇪🇬 بصي انا زمان كنت بفكر ف الموضوع ده بس الحمدلله من ساعت ما قربت من ربنا وانا بجد بقيت سعيده ف حياتي حتى لما بتحصل مشاكل مبقتش اتضايق زي الاول ف صدقيني لو قربتي من ربنا وسمعتي قرآن كتير هتطلعي خنقتك وكل الكتمان بالعياط وانتي بتسمعي قرآن وانا موجوده ف اي وقت لو حسيتي انك متضايقه ادخلي كلميني وفضفضي معايا

عرض الكل 4 نصيحة

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع