خوف من الوحدة

Mango_25703 🇪🇬

منذ 5 ساعات

شعور ضائع

ليه حاسه اني عايزه اعيش ف اوضه مققوله وضلمه حرفيا مشوفتش حد ولا اكلم حد وف نفس الوقت جوايا واحده بتخاف تبقي وحيده وبتخاف انها متتكلمش مع اني مبتكلمش ولا بحب اتكلم بس برضو بخاف يجي عليا وقت محبش اتكلم خالص حاسه اني من كتر الزعل والخنقه اني ممكن أفقد النطق مش حابه الناس مش حابه حد يقرب مني علشان

Blueberry_89404 🇪🇬

منذ 3 أيام

شعور لا مبالٍ

عبّر عن شعورك بشكل مجهول

فيه حاجه انا محتاجه اسمعها و هقولها يمكن في حد محتاج يسمعها انا عارفه ان ناس كتير اوي بتخاف تتساب و بتخاف تبقى لوحدها عموما بس انك تبقى لوحدك اهون بكتير اوي من انك تبقى في شيء بيأذيك و بينسيك نفسك و تعلقك بالحاجه بيخليك تفقدها دايما حتى اول ما تحس انك خلاص مش متعلق هتلاقي الحاجه دي جت لحد عندك و حتى لو مجتش ف خليك عارف ان الي عايز يبقى معاك هيفضل معاك عشان هو اختار مش عشان اي حاجه تانيه لو حد بيحبك هيفضل معاك ولو حد حس انك بعدت مش هيقدر علي فراقك و هيقربك ليه اكتر لاكن طول ما انت بتحس انك بترهق نفسك عشان افعال انت عايزها تيجي من حد مش هتيجي عشان مفيش احلى من ان حد يقدملك حاجه من غير ما تطلب و من غير اي مجهود منك و دايما الي مش بيموتك بيقويك و اي وجع على فكرة مقدور عليه عشان الحياة كدة كدة مستمره و حاجه كمان عشان فيه ناس كتير بتقول طيب بعد كل السنين دي اسيب الشخص ده و بعد كل الحاجات دي؟ اه اه بعد كل ده سيبوا سيبوا ايحاجه بتأذيكوا متضيعوش عمركوا عشان كام سنة الحياة جميلة اوي على انكو تعيشوها في زعل و خنقه و الدنيا ابسط من اي حاجه الي بيحبك هيبينلك و الي عايزك مش هيسيبك تمشي والي بيخاف عليك مش هيجرحك…

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_52708 🇪🇬

منذ 3 أيام

شعور ضاق ذرعًا

عبّر عن شعورك بشكل مجهول

أنا معترف قدام نفسي إني تعبت، وتعبان بجد. تعبت من فكرة الجواز اللي كانت زمان حلم وبقت دلوقتي حمل تقيل على قلبي. كل ما أفكر فيها، يطلع صوت جوايا بيقولي: إنت شكلك وحش، مش وسيم، ومش من النوع اللي حد يختاره بسهولة. مرايتي بقت عدوي، وكل سنة بتعدي بحس إن الزمن سبقني، وإن سني كبر والفرص بتقفل واحدة واحدة.
اللي موجعني أكتر إن رغم إني مكنتش كده… مكنتش ضعيف ولا شايف نفسي قليلة. كنت واثق، بسيط، وبضحك من قلبي. مكنتش بقيس نفسي بالشكل ولا بالسن، ولا بخاف من بكرة بالشكل ده. بس الدنيا ضغطت، والتجارب كسرت، والانتظار طول، وأنا اتغيرت من غير ما أحس.
أنا زعلان مش بس عشان اتأخرت، لكن عشان حاسس إني ناقص، إني مش كفاية، لا شكلًا ولا حظًا. بخاف من الوحدة، وبخاف أكتر من الشفقة، وبخاف من المقارنات اللي دايمًا بطلع فيها الخسران. ويمكن أكتر حاجة بتوجعني إني بخاف من سؤال “مالك؟” لأن السؤال ده بيكشف وجع مش بعرف أشرحه.
وبرغم كل ده، أنا مش فاضي ولا بلا قيمة. أنا خريج كلية تجارة إنجلش، ومتدرب، ومعايا خبرة سنة في الحسابات، وبجيد الإنجليزي بمستوى B2. يعني تعبت، واجتهدت، وبنيت نفسي خطوة خطوة، حتى لو مش شايف ده دلوقتي. بس يمكن كتر الضغط خلاني أنسى أي إنجاز وأشوف نفسي من زاوية واحدة بس.
بحاول أتمسك بالحلال، وأقول ربنا شايف، بس النفس بتتعب من كتر الانتظار. معترف إني بقسو على نفسي وبجلدها، وبنسى أي حاجة حلوة فيها. يمكن مش وسيم، ويمكن سني مش صغير، بس جوايا رغبة صادقة في الاستقرار. والاعتراف الأخير إني محتاج أرجع للنسخة اللي مكنتش كده… أو على الأقل أرحم نفسي لحد ما أوصل لها.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Moon_89372 🇪🇬

منذ 4 أيام

شعور مرتبك

اكتر شعور بخاف منه الوحدة... بس هنا مش قصدى وحدة المكان بس، اقصد كمان وحدة المشاعر .. مجرد التفكير انه انت لوحدك،صوت افكارك اعلى من اي صوت حواليكِ مرعب... بتحس انك مشتت..متوتر..متردد..انك ضحية لوحدة أفكارك شئ بشع..

Coffee_86165 🇪🇬

منذ شهر واحد

شعور عاطفي

حاسه انى وحيدة و خايفه افضل لوحدى اغلب صحابى ارتبطو و اتخطبو و فى منهم اللى اتجوز أحياناً بخاف من فكرة ان ممكن مقدرش اقابل نصى التانى او اصلا ميكونش ليا نص تانى و انى هفضل لوحدى بدخل فى دايرة من الاسئلة كلها بتتلخص فى ليه هل انا مثلاً مش حلوة كفاية ؟ بس انا عارفه انى مميزة طيب صعبة فى التعامل ! ب

Carrot_67399 🇪🇬 ربنا في الوقت المناسب هبعتلك اللي شبهكك

عرض الكل 7 نصيحة

Mango_74726 🇪🇬

منذ شهر واحد

شعور لا مبالٍ

انا من خوفي من عمايل الوحدة والفراغ فيا بقيت طا.حنة نفسي في الحياة طول اليوم عشان اروح البيت تعبانة احط راسي وانام ع طول بدون تفكير هو دا طبيعي ؟ نيتيويويويويوييويويويويزيويويويويويويويويويزويوينيويزيزيزيزيزيزيزيويويويوييويوينيتيويويويويوييويويويويزيويويويويويويويويويزويوينيويزيزيزيزيزيزيزيويويويو

Orange_87311 🇪🇬

منذ شهر واحد

شعور وحيد

بحس اني ساعات بكون منطوي أو متوحد مش شخصية اجتماعية كده معرفش بكون كاره الناس ولا ده مجرد شعور كده بحس اني في الأوقات دي بعك الدنيا مع كله و ببقي كاره نفسي بسبب كده لاني بكون خايف الناس تتجنبني بعدين و بيراودني خوف اني اعيش وحيد و اموت لوحدي وكله مشغول في حياته الخاصه وانا الي منبوذ

Coconut_86655 🇪🇬

منذ شهر واحد

شعور وحيد

بخاف اكون لوحدى وعلشان كده بعمل حاجات كتير مش صح ددبكون عارفه ومتأكده إن كده بأذي نفسي بس انا فعلا بحتاج وجود الناس ف حياتى اتعرفت على ناس كتير اووووى ف حياتى وجربت انواع كتير من الاذي مع أن عمرى م فكرة أذي اى حد حتى لو كان اذانى انا مش عارفه هفضل كده لحد امتى وحتى مش عارفه ايه اللى المفروض اعمله وج

Kiwi_79580 🇪🇬

منذ شهرين

شعور ضائع

بخاف من الوحدة اوي وبحط ديما علاقتي بالناس في اول اولويات ومهما حاولت اني معملش كده اني اخلي نفسي انا الاول بس برضه برجع تاني وخوفي من الوحدة بيسجني، ويما بعمل مجهود كبير اوي عشان الناس تشوفني بحس اني شفافة محدش بياخد باله مني لو معملتش حاجة الموضوع ده بجد مرهق نفسياً جدا

Orange_77910 🇪🇬

منذ شهرين

شعور متعب

انا عندي مشكله ان كل م اتعرف على حد جديد سواء سوشيال او في الحياه الواقعيه اني بزهق بعد يومين تلاته ومبقاش عايزه اي صله تقريبا بعد ما خلصت فتره اتداي اي صحاب كونتهم كان فتره لتني تقريبا كل شهر مع حد جديد او شله جديده بس صحابي اللي في فتره اعداي اللي عددهم لا يتجاوز 4 هما دول اللي ليا صله معاهم واكتش

Cherry_44067 🇪🇬

منذ شهرين

شعور لا مبالٍ

Plum_75802 🇪🇬 فهماكي اوي

عرض الكل 7 نصيحة

عبّر عن شعورك بشكل مجهول

السلام عليكم ورحمه الله وبركاته 
ليه دايما أنا اللى ببذل جهد فى العلاقات (الصداقات) يعني أنا دائما اللى بحاول اتحب ، و اكون لطيفة عشان يقعدوا معايا فترة أطول عشان ماكنش لوحدي ، بحاول بشتى الطرق من لطافة مساعدة و تقدير و مدح عشان يبقو بس معايا ، عشان اكون محاطة دائما باصحاب . 
فكرة اني اقعد لوحدي دي بتخوفني ، مش عشاني أنا بل عشان محدش يبصلي بشفقة يقولو المتوحدة الانطوائية . 
و مع كل اللى بحاول اعمله بلاقى دايما العكس ، كله معاه أصحابه المقربين كله معاه شلته إلا أنا ، مرة اكون مع دول و مرة مع دول لأن مش بنتمي لمجموعة . 
والله بجد لما افتح الواتساب و اشوف ستوريز البنات كل واحدة مع صاحبتها و كله مع شلته بزعل جداا ليه أنا محرومة من الشعور دا ليه محرومة من أن يكون عندي أصحاب يحبوني و يسألو عليا مش دايما أنا اللى اسأل ..
طيب هي المشكلة مني ؟ مع أن محدش اشتكي مني ابدا و بالرغم دا محدش اختارني اكون صاحبته ، 
 ..طيب المشكلة في شكلي ؟؟
 اعمل ايه ؟ ؟؟
يعني كان فكري اني أول ما ادخل الجامعة مشاكلي هتتحل هيبقى عندي أصحاب ، اديني ف سنة تانية و معنديش غير صاحبة واحدة علاقتنا مقتصرة على اني اقعد جنبها ف البنش بس لكن برا الكلية لا . 
مع أن هي ذات نفسها عندها اصحابها اللى ف الكلية و بيخرجو مع بعض برا الكلية. 
والله العظيم بتعصب عليا نفسي مش أكتر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_77536 🇪🇬

منذ شهرين

شعور وحيد

عبّر عن شعورك بشكل مجهول

انا عندى 23 سنة أنا طول حياتى عمرى ما كان عندى صحاب بنات ولا أعرف بنات مفيش غير واحدة حبيتها و مرتبطناش خالص و قعدت سنتين أحاول معاها و كان حب من طرف واحد و هى محبتنيش بس كانت حابة فكرة ان حد بيديها أهتمام مش أكتر فا بعدت عنها و عملتلها بلوك من كل حاجة و الكلام ده من 6 سنين و لغاية دلوقتى عمر ما كان ليا صحاب بنات ولا فى المدرسة ولا الجامعة،  بس مليش الصراحة فى شغل أرتبط بدى شوية و نسيب بعض بعديها ارتبط بحد تانى انا معنديش الكلام ده انا بالنسبالى لو هرتبط بواحدة يبقى اتقدملها رسمى و من غير حاجة من ورا أهلها أو حاجة مش رسمية و التعارف يبقى فى الخطوبة و لو أنا عملت غير كده هبقى قليل فى نظر نفسى أوى أنا عارف أن اللى حبيتها فى الأول دى عكس الكلام اللى انا بقوله و الحاجات حاططها لنفسى بس ده كان أول واحدة أحبها و كنت صغير لسه و حاولت اشيلها من دماغى معرفتش فا عشان كده رحت اتعرفت و قربت منها و اتعلمت، بس حاليا من اللى بشوفه أن كل البنات لازم أرتباط و ينزلو ديت و الكلام اللى مش عاداتنا ولا ديننا بيقولو عليه(مع انى مش اللى هو شيخ و كده انا واحد عادى) بقيت خايف أقضى طول عمرى لوحدى و ملاقيش واحدة كويسة، ده انا حتى فى بوستات من بنات على الفيس بيتريقو على اللى بيتقدم رسمى و يضحكو عليهم اللى هو انا لما بشوف الحاجات دى انتو فين أهاليكو ولا ايه تربيتكو دى، و ازاى اصلا ارتبط بحد و اسيبه و ابقى عادى كده ولا كأنه فارقلى و اشوف حد غيره بالنسبالى الأفكار دى كلها مش مقبولة خالص، حالياً بقالى فترة كبيرة يمكن سنين عندى أكتئاب و أحساس بالوحدة رهيب شايف كل اللى حواليا و صحابى و قرايبى اللى بيخطب و اللى مرتبط حرفيا 99 فى المية منهم ماعدا أنا خايف أفضل طول عمرى لوحدى و ملاقيش حد بسبب أنى كده و عكس الناس كلها دلوقتى، ده حتى صحابى و أهلى بيفضلو يقولولى انت هتتجوز ازاى ولا هترتبط ازاى انت متعرفش ولا واحدة الكلام ده بيبقى تقيل عليا أوى، و اللى بيوجع أكتر بقى أنو بيجى من أهلى، و اللى بيزود الوحدة و الأكتئاب انى عمرى ما حسيت أن فى بنت معجبة بيا أو بصتلى حتى مع انى على كلام اللى يشوفنى و اللى يعرفنى شكلا كويس جدا و كذا حد من اللى بيشوفنى أول مرة بلاحظ انهم بيركزو فى وشى و يفضلو باصين شوية، و اجتماعى و الحمدلله بس المشكلة دى مخليانى خايف أقضى عمرى لوحدى و افضل علطول وحيد و مكتئب. انا عارف انى طولت و بعتذر بس بطلع اللى جوايا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_61722 🇪🇬

منذ 3 أشهر

شعور محبط

موضوع:

قرارات من الأهل كانت سبب في تغير حياتك

هل لو اهلي كانوا بيضربوني و انا صغيرة و زعيق كتير ده ممكن يكون سبب أني دلوقتي مش اجتماعية خالص و بتوتر في التعامل مع الناس بشكل بيخلي عقلي و لساني يعطلوا حرفيا ؟؟ انا معنديش غير اتنين صحاب طول عمري و لسه داخلة كلية السنادي و حاسة أن دي اخر فرصة ليا أعمل صحاب و خايفة افضل وحيدة بسبب قلة اجتماعيتي تع

Mango_45204 🇪🇬

منذ 3 أشهر

شعور وحيد

انا في تانية ثانوي مشكلتي اني بكره المدرسه و مش لاقي حد شبهي و حاسس اني واحيد المشكله ان دي يعتبر اخر سنة في المدرسة و انا معملتش صحاب حقيقيين و خايف اوي من انا ميبقاش عندي صحاب خالص و بذات ان في الجمعة ان انا اعمل صحاب أصعب من المدرسة نفسي يبقي عندي صحاب بيكلموني و ننزل مع بعض و كدة يعني بس بجد

Sugar_67863 🇪🇬 هقولك علي حاجة وتسمع كلامي ، انا كنت زيك وحاليا تالته جامعة عايزة اقولك حتي لو لاقيت صحاب هتكون وحيد وسطهم . صحاب ابتدائي فين بح اعدادي بح ثانوي هتكو بح وبح وبح مليون مرة كله هيتسوح في مكان متستعجلش بلاش الشيطان يحسسك انك من غير صحاب ولا حاجة .. بالعكس انت كده في أمان خلي علاقتك بالكل سطحية اهتم بمذاكرتك ثم مذاكرتك الف مرة وركز انت عايز توصل لايه عشان متغلطش الغلطة اللي انا واقعه فيها

عرض الكل 2 نصيحة

Potato_75118 🇪🇬

منذ 3 أشهر

شعور محبط

موضوع:

اكتر خوف مأثر عليك في حياتك

بخاف افضل واقف مكاني و متحركش،بخاف من الفقد المفاجئ لحاجه اتعودت عليها ،بخاف اجرب حاجه جديده، بخاف افضل لوحدي و كل اللي حواليا يختفوا مره واحده، بخاف حد يشوفني فاشل. و رغم كل دا بحاول بس بيتصد في وشي الف باب و باب و بفضل في مكاني برضو عايز حل؟

Strawberry_89628 🇪🇬

بدقق على تفاصيل الكلام ومحدش يفهمني

هو انا الوحيدة اللي بدقق اوي على تفاصيل الكلام وطريقة الكتابة وبتضايق اوي لما بلاقي حد بيكتب غلط و عنده أخطاء إملائية 🙂نفسي الاقي حد زيي ويفهمني نفسي الاقي حد تفكيره نضيف وعميق وراق مش زي باقي الناس.. أشارك أفكاري الغريبة من غير ما يفكرني غريبة او مجنونة.. بس محدش كدا خالص دلوقتي مع العلم انا 17سنة ...عرض المزيد

3 الدعم

29 نصيحة

Croissant_58520 🇪🇬

محتاجة حد أفضفض معاه من غير أي إغراض

محتاجة حد افضفض معاه من غير اى اغراض تانى نيتياسياممسنيتيتميمؤنؤوؤوؤنؤظمؤمؤنؤنؤزؤوتؤتؤنؤتؤننؤنؤنؤنؤنؤتؤتتؤتؤؤتؤتتؤتؤتؤتؤنؤنز،ز،مم،مءزؤزسززءزءمؤمؤزنؤمؤمؤنؤننؤتؤتؤتءتتءتءتءتتءتءتءتؤتتؤتءتءتءتءتؤتتءنءممؤمؤمؤممؤمؤمؤميمميميكؤكمؤممؤمؤنؤنزؤززؤزؤزؤنؤءنءننءتءتءتءنءننءنءنءنءنءننءنءنءنءنءتوؤمؤؤككؤمؤظؤوت،هزسزيميكيكمؤنؤنؤنءتءتتءتذتءاذتتذتذتءتذتنذنذزذزذززذزذزءنءنءننءنءنءنءننءنءتءتءتتءتءتءتءننءتءنءممسميمؤممؤمؤمؤنزءوءتتيمسميككيكسمميميمؤممءمءممءمءممءمءممءمءمؤممءمءمءممءمءخءممءمءممءمءممءمءؤخءمظءزسنينؤكحؤحءحءمءمنءتءتنؤنؤم،م،ككءحءمءننؤتستايتين ...عرض المزيد

0 الدعم

29 نصيحة

Moon_89252 🇪🇬

شتمت الاكس وقليت من رجولته! باركولي يبنات بقى

دخلت شتمت الاكس وقليت من رجولته وحسسته انه ولا حاجه وانه مالهوش قيمه ولا رجوله وحاسه اني فرحانه جدا 💞💞💞باركولي يبناتت بقى💞💞 اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

3 الدعم

26 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع