خيانة ثقة

Strawberry_54139 🇪🇬

منذ أسبوعين

شعور مرتبك

ح ولا غلط او اي تعليق ابعتوا خاص دلوقتي كنت عامل اكونت كده حساب كده رساله من مجهول و كنت عملاه بساعد فعلا و ناس كتيره بعتتلي و بتعامل اني ولد و كده المهم دخلت الشخص ما كنا متخاصمين و كنا سوا 4 سنين و بعتله ماسدج انساك و لا استناك قالي استنيني و هانت و كلام ده بعدين قولتله استنيت كتير و مش هقدر

عبّر عن شعورك بشكل مجهول

ح ولا غلط او اي تعليق ابعتوا خاص

دلوقتي كنت عامل اكونت كده حساب كده رساله من مجهول و كنت عملاه بساعد فعلا و ناس كتيره بعتتلي و بتعامل اني ولد و كده

المهم دخلت الشخص ما كنا متخاصمين و كنا سوا 4 سنين و بعتله ماسدج انساك و لا استناك قالي استنيني و هانت و كلام ده

بعدين قولتله استنيت كتير و مش هقدر استني أكثر من كده عشان داخل جيش و بعدين قال مبروك ابقي اعزميني 
 قولتله يقرا فاتحه اتحجج ان مش هيعرف يوفق بين الاتنين و كده و كلام كتير قولتله انت لو عايز تعمل حاجه بتعملها كل ده بتكلم كاني شخص مجهول مش حبيته اللي بيتمنالها الرضا ترضي 😂🤡 
المهم حصل كلام كتير و دخل بعتلي عالواتس بيتهمني ان مدخله طرف تالت وسطنا و ان صحابي هم السبب و مسخنني رغم ان عارف ان هو  ان قطعت علاقاتي مع صحابي و ان مش فاضيه اكلمه هو لما اكلم صحابي  عشان بشتغل 
و قلب التربيزه قولتله ده في حد يتمناني الرضا ارضي و عاوز يخرج معايا و انا بتحجج و بهرب منه و بضيع الفرصه  ووكده و و و قولتله كان نفسي تحسسي ان فارقه معاك بعدين عملته بلوك واتس راح داخل علي اكونت رساله من مجهول و قعد يتكلم عني وحش و قعد يقول انا استحملت كتير منها و سابتني ورجعتلي و جات عليا كتير و كلام كتير رغم اقسم بالله انا اللي كنت بقوله ابعد عني و كلام كتير ووانت تستاهل حد احسن و مكنش بيوافق و يقولي بحبك و هفضل معاكي و كلام في الوهم كتير بس من ورايا يقول كلام وحش فقعدت اقوله من اكونت رساله من مجهول عيب تكلم عنها وحش و عيب و قعدت اقف في صفي و بعدين قلبت و قولته دول بنات غداره وقعدت اتكلم انت ربنا رحمك و يدوب اقوله كده هو مصدق فضل يعك في كلام و يفتح في حاجات عن ماضي و كلام نيله و انا قاعده مصدومه بس مبينه ان ربنا رحمك و هي مش كويسه (انا يعني) و راح قال من جبرتها طالعه ديت (موعد غرامي)  و كلام كتيير شويه و سكتنا بس فضلت مصدومه فيه ان ازاي يكلم عليا وحش لحد ميعرفوش اصل في الاول و الاخر هو ميعرفش ان اللي بيكلمه ده انا 
المهم شويه كده قولتله منك  لله انا دخلت بعتلها و فضلت اقولها كلام وحش و انت قولتي طالعه ديت و مقولتيش انها بتتحج اي ي صاحبي ده انت حسستني ان لافه و دايره ليه ي عم دي بتقولك. مستنيه كلام تحسسها انها فارقه و كده و انت اتكلمت عنها وحش هي مكلمتش انت فتحت كانها اسوء حد

و الله بجد صدمني فيه بعدها بربع ساعه رني عليا كتير فوق 10مكالمات من رقمه و رقمه اللي معرفهوش و كلام كتير قاله و الله اتصدمت فيها كميه صدمات خلتني احس بمشاعر رغم اقسم بالله اخر اتكلمنا كان بيتحايل عليا افضي وقت عشان نتكلم و كده عشان مشغوله في شغلي و كلام كتير والله

معلش اني طولت بس حاولت اختصر الموضوع قعد 4ساعات بجد   🙂🙂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_89731 🇪🇬

منذ 3 أسابيع

شعور مكسور القلب

موضوع:

خطأ وقعت فيه تتمنى غيرك يتفاداه

انا فعلا غلط غلطه مستحيل انساها كنت بحب واحد اوي وبكلمه على الفون وبحبه اوي اول مره احب حد كدا وهو قالي ابعتيلي صور ليكي وكدا وانا وافقت علشان العلاقه تكمل وانا والله مكنش قصدي حاجه وفعلا والله كنت محتاجه اهتمام وحب وانا والله غلط وعارفه وهو قالي انا مش هكمل مش هعرف اكلم واحده كدا اكيد هتعمل مع غيري

Mango_78399 🇪🇬

منذ 3 أسابيع

شعور مرهق

عبّر عن شعورك بشكل مجهول

عايزه اتكلم ف حاجه بس قولولي اعمل ايه عشان مش عرفه أقرر خالص
انا كان ف حد ف حياتي وكونت بحبوا اووي وحصل موقف كده انوا ابن خالتي كلمني وقالي انوا بيحبني وكده بس انا ما اتجاوبتش معا وكده هو كان كل مشكلتوا اني رديت اصلا مع انو بيكلم بنت خالتها عادي وبيحكيلها حاجه ومش بيحكيهالي و من طريقه كلاموا معايا عليها أو بلاقي مش طليقها اصلا بس أو قات ممكن يشكر فيها بس مش ع طول بيتكلم عنها يعني المهم انا قولتوا يعملها بلوك قالي عملت وهو اصلا ما عمل وانا عرفت وعديتها وقولت عادي دي بنت خالتها وصله رحم وكده وعيب عليا لما اعمل كده جه هو بقا لما ابن خالتي كلمني انا قولتوا انو كلمني وقالي كذه كذه كذه وهو ما صدقت اصلا المهم كان قايل ابعتي الشات بعتلوا الشات بس وانا يبعتوا كان كل الي ف دماغي انوا مش واثق فيا وانا هبعتلوا الشات ومش هكلموا تاني وكده ان هو بحس لا هو سكت شويا كده ومسكهالي بقا كل لما يبعت وانا ما ارد بسرعه بقولي ايه التاني مش عارف ايه ف انا زهقت قولتوا هو ف ايه انا اصلا عملتوا بلوك من ساعتها والمهم عرفتوا اني مضايقه من الي عملوا قالي لو عايزه تمشي مع السلامه انا ساعتها عملت بلوك فورا مش عشان عايزه امشي بس اتقفلت المهم بعدها بقا ف استوري التليجرام بشتمني ويقول جzمه وبيقولوي ابن خالتك بيتشرط عليك وجايه تتشرطي عليا هنا لا تنسي يا جzمه والي هيقرا الشات ده عيعرف انوا ف خرف ناقص وبيضحك قولتوا بجد انا كونت فاكره اني حبيت راجل قالي ارجل من ابوكي الخرwف ابو قروn يا شمAل قولتوا انا مش مسمحاك ع الكلام ده  وف الاخر كل واحد بيعمل بأصلوا قالي طز انا كونت شايلك ف عيني بس بتحبي تتشالي ع حاجه تانيه انا لو كونت كيفتك ما كان كل ده حصل انا غلطان فعلا ودلوقتي رجع بعد 6شهور بيقولي انا اسف بجد نفسي نسيب اللي فات ونتكلم  ونكون كويسين مع بعضنا مش عايز أي حاجة من اللي فات يبوظ بينا نفسي نبدأ صفحة جديدة بجد لو حابة ممكن نتكلم ونتفاهم على كل حاجة بهدوء أنا موجود ومستعد أسمعلك قولتوا لا وريتوا اسكرينات بالي هو قالهولي قالي مفيش رد انا اسف كل حاجه حلوه راحت معاكي ونا الي عملت كده حتي انا دلوقتي مش عارف انا ازاي عملت كدا انا اسف ضيعتك بنفسي ومكنتش فايق لنفسي كنت طايش ومعرفش أنا ليه كنت كده معاكي بجد بتمنى إنك تسمحيني ومفيش أكتر من كده 😓💔اسف وانسي كل الي قولته معلش انا مكنتش اقصد مش لازم نرجع لبعض بس سمحيني انا هحاول انساكي بس سمحيني عايزك تسمحيني مش اكتر قولتوا الموضوع صعب وخصوصا لما جه من اقرب حد لقلبي مش هعرف انسا انا اسفه قالي كنت عيل اهبل ولا ليا اي لزمةبس انا اتغيرت وعايزك تسمحيني سمحيني علي الاقل سمحيني انا اتغيرت والله كنتي بتحبيني ونا الي ضيعتك بنفسي شوفتي بقا قولتلوا معدش ليه لزمه الكلام ده كل مره بتقولي كده وانت لو اتغيرت فعلا ف عشان نفسك انا معدتش عايزاك وياريت ما تعمليش كده مع اي حد هيدخل حياتك لان كل واحد عندوا طاقه ومش كل هيعدي كتير ويسامح ب خلي بالك ❤️‍🩹

انا دلوقتي لسه بحبوا وربنا عالم انا قولتلوا الكلام ده من ورا قلبي وكونت حسه قلبي بيتحرق وف وجع رهيب ومش عرفه اعمل ايه ومش عايز عليا يكون زعلان بشكل ده اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_89430 🇸🇦

منذ 3 أسابيع

شعور عاطفي

موضوع:

الذكريات السيئة

أنا عندي ذكره سيئه اوي مع ابويا ومسببالي ترومه ف حياتي أنا شخص بقيت بخاف من اي شخص بيعاملني حلو لان من سنه كنت اتقفشت بسجاير ف المدرسه بعديها ابويا كلمنيفي الفون وعاملني ب احسن طريقه ممكن أتعامل بيها عشان يحسسني ان المدير مقالوش وبعد ما روحنا البيت ضربني وطردني من البيت

Chocolate_89516 🇪🇬

منذ 3 أسابيع

شعور مكسور القلب

عبّر عن شعورك بشكل مجهول

انا مش عارفه ابدأ منين بس بجد ربنا وحده اللي يعلم اني تعبانه و مقهورة اوي انا كنت اعرف واحد زميلي من الجامعه هو أكبر مني ومكنتش بتعامل معاه خالص غير للضرورة و لحاجات تخص الدراسه المهم مع الوقت انا بدأت أعجب بي وبعدين حبيته بس معملتش اي حاجه ولا اعترفت بمشاعري قولت احتفظ بيها لنفسي عشان متجرحش وبعديها هو اعترفلي انه بيحبني و ارتبطنا وكان معوضني عن حاجات كتيرة اوي كان حنين عليا اوي و بيسمعني و بيهون عليا ولما بقع في مشكله كان هو أول واحد اللاقي جمبي كنت طول الوقت بخاف اني اخسره او يبعد عني فانا للأسف معترفه اني غلطانه في نقطه عملتها اني كنت بخبي عليه و ساعات بكدب بس والله العظيم بجد بيبقى غصب عني ببقى خايفه طول الوقت من رد فعله وانه يفهمني غلط او تبقى صورتي قدامه وحشه فا بضطر اعمل كده انا عارفه انه غلط والله بس ربنا وحده اللي يعلم اني بحبه و بخاف على زعله اوي انا طول الوقت بهتم بي واعملوا مفاجأة كل فترة واخد بالي منه مكنتش بخلي محتاج حاجه ولما بيزعلني ويجي يصالحني كنت بتراضى علطول عشان بحبه بس هو العكس تماما مش بيقبل اسفي بسهوله المهم حصلي موقف معاه امبارح هو كان قايلي اني هخرجك وعاملك مفاجأه عشان ابسطك فسحني و اتمشينا في أماكن حلوة اوي و عزمني على أكل وبعدين دخلني سينما واليوم كان ماشي تمام وزي الفل مفيهوش غلطه لحد ما بعد خلصنا السينما المشكله بدأت من هنا لقيته بيسالني تعرفي حد قبل مني اسمه كذا كذا في الأول انا أنكرت و خوفت يفهمني غلط و قومت حكياله في الاخر الموضوع كله اني كنت اعرف حد قبله بس مكنش ارتباط خالص كانت مامته صاحبه مامتي وكانوا شغالين في نفس المكان وكنا جيران في نفس العماره كانت معرفه ١٠ سنين فا كنت متعلقه بيهم اوي وكنت معجبه بأبنهم و متعوده على وجوده مش اكتر من كده والله بس لما حكتله كده مصدقنيش وقالي انتو حصل بينكم حاجه و اتهمني في شرفي قولتلوا والله لا محصلش قام قايلي امال سيبته بعض ليه احنا مكنش في بينا ارتباط اصلا ده اول حاجه ثانيا أهلى لما عرفوا اني معجبه بي بهدلوني و بطلنا نتقابل خالص ولا اشوفوا بالصدفه حتى قالي محكتيش ليه الموضوع ده وكنتي مفهماني اني اول حب في حياتك وانا والله محبتش احكي لان دي حاجه من الماضي بتاعي ومكنش ساعتها دخل حياتي اصلا وكان الموضوع مقفول بقاله كذا سنه ولانه حرفيا مكنش في حاجه حصلت فعلا كان مجرد إعجاب وراح لحاله المهم مشي و سابني وانا فضلت وراه عشان أفهمه الحقيقه مفيش فايده و مكنش طايق يسمع مني كلمه وانا بصراحه مسكتش عشان من حقي اني ادافع عن نفسي وانه مش يفهمني غلط وقالي يعني انتي مش ناوية تبطلي كلام قام مديني بالكوع في بطني و سكت وفضلت ماشيه جمبه عشان يعرفني الطريق او عالاقل اعرف اروح منين لقيته بيقولي قدامك يومين و ترجعيلي كل مليم انا صرفتوا عليكي النهاردة عشان انتي واحده زباله متستاهليش اني اصرف عليكي كل ده سكت مقدرتش اتكلم كنت عماله احسبها هجيب الفلوس ازاي وبعديها لقيته عمال يلف بيا و اتمشينا كتير و سألته هو فاضل كتير عشان نوصل يقولي وانا مالي مليش دعوه انتي مش مسؤولة مني عشان اوصلك و يقولي انا معرفكيش اصلا و يخليني افضل ماشيه وراه واتحايل عليه عشان اعرف ازاي امشي و يقولي والله لو بوستي رجلي مش قايل قومت قولتلوا بعد اذنك قولي الطريق ومش هتشوف وشي تاني قالي تمام وبعديها لقيته راح اقعد ومكملش واقولوا عرفني بعد اذنك انا اتاخرت كده وانا فعلا حقيقي اول مره اجي المنطقه دي وكانت كلها متاهه وشوارع داخله في بعضها والدنيا كانت هاديه حتى ملقتش حد اسأله و مع ذلك بردو مفيش فايده وانا معترفه جدا اني غلطانه في اللحظه دي عليت صوتي عليه و قولتلوا اخلص و عرفني بعديها قام ضربني بالقلم على وشي وكل ده واحنا في الشارع  انا انصدمت وانهارت ومشيت و سيبته وانا منهارة ومش عارف اعمل حاجه وحطني في موقف اني ابقى بعيط في الشارع واروح ادور على اي مكان أو كشك او راجل حتى معدي اسأله ازاي اروح لحد ما لقيت و سألت وبعديها كملت و لقيت الطريق و بسأل السواقين و واقفه محتاسه وبعديها اللاقي جاي ورايا  بيقولي تعالي اركبك طب المهم ركبت و سيبته ولقيته جاي يقعد جمبي و يقولي عجبك اللي حصل ده عجبك اللي احنا وصلناله نكدتي عليا و بوظتي اليوم وكل ده وانا مش برد عليه و بيقولي هو انتي سمعاني ولا عامله نفسك مطنشه قولتلوا بي عصبيه مفيش كلام يتقال ومش عاوزة اتكلم معاك كفايه اوي اللي انت عملته قام قايلي هو انا مش قايلك مهما حصل صوتك ميعلاش قام ضربني في دراعي قام قايلي انا اللي المفروض ازعل مش انتي بوظتي عليا اليوم بسبب كدبك و حواراتك دي و قالي علفكره انا مش عاوز منك الفلوس هعتبر نفسي طلعتهم لله المهم انتي تشوفي ازاي هتراضيني و تصلحي اللي انتي عملتي كنا ساعتها وصلنا خلاص واخر حاجه قالهالي فكري ازاي هتعتذري عن اللي انتي عملتي قولت تمام ومشيت وروحت وبعد ما وصلت اتكلمنا تاني عن كل اللي عملوا كان عمال ينكر ومش عاوز يعترف او كان بيقول حاضر وخلاص عشان يقفل الموضوع وقالي انا مش عاوز اعرفك تاني و بقولهالك تاني اهو انتي لو اخر بنت في الكون انا مش هتجوزها اه انا كنت بقولك في الأول أن اهلي مش موافقين ده عشان مشاعرك عشان مقولكيش اني مثقش فيكي لحظه بس انهاردة قولتلك الحقيقة و اولعي انتي و مشاعرك قولتلوا كفايه بهدله فيا حرام عليك كفايه ظلم انا حبيتك بجد و فوق ما تتخيل و مطلبتش منك حاجه غير انك تفضل جمبي قام قايلي الحب مش كفاية لاستمرار العلاقات فيه حاجات تانية أهم من الحب و دي مش موجودة عندك حاجات زي الصدق و الأمانة و عدم التحوير حاجات كدا انتي متسمعيش عنها قولتلوا اه انا غلطانه وفيا عيوب بس مش وحشه اوي كده والله قام قايلي انتي اوحش من كدا والله وبكره هتتحطي ف نفس مكاني و هتعرفي ان اللي عملته فيكي قليل قولتلوا عمري ما كنت هعمل فيك كده + بجد مش من حقك انك تمد ايدك عليا في الشارع وقام قايلي معلش ما انتي معدومة الكرامة قولتلوا الله يسامحك انا كل اللي اعرفوا ان ليا حق عندك وبس مش عاوزة حاجه تاني قالي لو جيتي للحق انتي ملكيش اي حق عندي انما انتي تستاهلي اكتر من كدا بكتير انتي مريضه والله بجد ولو هندور ع الحقوق ف انا ليا عندك كتييييير اوي وانتي عارفة كدا كويس ومش هرضيكي اصلا هو حلو اوي كدا دا كتير كمان عليكي انا مقهورة اوي انا عاوزة حاجه تردلي جزء من كرامتي و الاهانه و ضربي بالقلم في الشارع عاوزة حقي ومحدش يقولي حقك عند ربنا وهيجي لوحده تمام ونعم بالله بس انا واحده اتقل منها و اتهانت و اتضربت في الشارع فانا عاوزة حل ارجوكم واسفه بجد لو طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_89278 🇪🇬

منذ 3 أسابيع

شعور مرهق

Heart_89252 🇪🇬 مش هلومك وهعرفك غلطك بكل هدوء الي عملتيه غلط وكان لازم من الاول تخلي حدود بينك وبين اي شخص كده، مش اي شخص يقولك كلمتين حلوين تسمحيله يقربلك كده! انتِ مش رخي، صه ولا اي حاجه انتِ واحده عارفه قيمة نفسك وعارفه ان جسمك ده جوهره ولازم تحافظي عليه من اقل حاجه، عامة ابعدي انتِ مش بتحبيه انتِ متعلقه فيه، وبذات اني حاسه انك ممكن يكون عندك مشاكل مع باباكي ف بالتالي بتدوري ع اهتمام من الناس الي حولك.

عرض الكل 22 نصيحة

عبّر عن شعورك بشكل مجهول

مش عارفه اقول اي بس انا عايزه احكي حاجه ومحتاجه فيها رد بجد
انا كنت صغيره واتعرفت ع شله فيها واحد انا وهو قربنا من بعض هو اصغر مني بسنتين المهم الولد ده كان بيحاول يعلمني حاجات م كويسه ويقنعني انها صح مش غلط وانا كنت بفضل اقوله لا غلط وحرام وكنت باقيه عليه عشان كنا قريبين اوي من بعض ف كنت بحاول اصلحه بس الحصل العكس هو فعلا علمني وحاولت بعدها ابعد عنه كان بيرجع ويتأسف وصدقه ولما بصدقه يبقي كويس فتره وبعدها يتغير تاني ويرجع اوحش من الاول لحد ما بقيت مدمنه الحاجات دي حرفيا ودي مش تربيتي حاولت ابطل ببطل وارجع وبجد قرفت المهم قررت ان بجد هبعد جاب صور لبنات ع هو كان بيعمل كده مع بنات كتير وبيحكيلي المهم قعد شهر يهددني بالصور انها بتاعتي وهيقنع كل صحابنا ان دي صوري وهي مش صوري لحد ما حلينا الحوار وسكت واتأسف ف الشهر الكان بيهددني فيه كنت بحاول اوصل لحد من اهله بس خفت منهم المهم بعدنا وكنت عامله فولو ل اخوه وقتها ع اكلمه بس قولت اكيد هما زي بعض اهخوه هيعملي اي يعني وفضلت عامله فولو مكلمتهوش اخوه ظابط بس لسه ف الكليه هيتخرج اسنادي المهم اخوه دخل كلمني الفتره دي بعد ما عدا سنتين علي الموضوع وبعدت عنه وانا واخوه بداءنا نتكلم وبقيت احس ان انا بحبه وحكتله كل حاجه حصلت مع اخوه وقولتله انا مكنتش اعرف حاجه وكنت ببعد وهو فهمني وعرف تربيتي وان انا م كده خالص وهو فهم كل ده وغلط اخوه بقينا نتكلم كتير 
وكل ما يروح الكليه يرجع يلاقينا بعتاله مسدجات كتير اوي وفي عيد ميلاده بعتله هديه البيت واخوه ف كل مره هو بيمشي كان يكلمني ويقولي هو مش بيحبك وتبقي عبيطه لو فاكره انو هيرتبط بيكي ولما بيرجع وقوله يقولي سيبك منه بقيت احس انهم متفقين عليا بس بكدب احساسي المهم قررنا هننزل نتقابل اتقابلنا وقاعدنا ف العربيه وفضلنا نتكلم وقالي انا م حابب ارتبط دلوقتي لحد ما اخلص الكليه وفضلنا نتكلم وبداء يقرب مني حضني وبسني وبس معملش حاجه تاني وبعدها قاعدنا شويه وروحنا ومن بعدها بقي كلامه قليل اوي وراح الكليه ورجع مكلمنيش خالص استنيته يبعت مبعتش مشي وراح الكليه ورجع كلمني ورد علي القد وبيتكلم كل فين وفين وبعدها رجع الكليه تاني وجه اجازه تاني لقيته بيرد علي مسدجاتي ويقولي يارب دايما صحاب وبيرد متأخر لما ميردش خالص انا معرفش هو واخوه متفقين عليا ولا لا وهو مرتبط وبيبعد ولا هو فعلا مش مرتبط زي مبيقول والحصل في العربيه ده كان عايز يتكد من كلامي من الحصل مع اخوه ولا لا مبقتش فاهمه بس انا بحبه اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_51779 🇪🇬

منذ شهر واحد

شعور محبط

عبّر عن شعورك بشكل مجهول

عايزة احكى موقف خضنى اوى النهاردة ومش بشوف اللى حصل ده غير فى الافلام والمسلسلات ... انا فى واحد انا وهو صحاب من ايام ثانوى وشغالين مع بعض دلوقتى ف مكتب واحد يعنى انا وهو يعتبر بيست فريند وانا وهو مفيش اى حاجة ما بينا خالص وانا وهو مقتنعين أننا اخوات وساعات انا اهزر معاه واقوله ايه يابنى عايزين ندورلك على عروسة وكدة وهو يضحك ويقولى يا ريت وكدة عادى ... النهاردة بقا ومن كان يوم انا حسساه متغير معاية فجأة يعنى بجد انا وهو عاملين زى الصحاب وهو مثلا بيعاملنى اكنى مثلا واحد صاحبه بس من كام يوم لما ابتديت اتعامل مع زميل تانى ليا فى الشغل وزميلى ده ابتدا ياخد رأيي ف حاجات فى الشغل ومبياخدش رأى حد غيرى تقريبا هو زى ما تقولوا كدة ابتدأ يغير وييجى يقف معانا كل ما يشوفني واقفة معاه أو بيكلمنى يسيب اللى ف أيده وييجى يقف معانا والنهاردة انا روحت المكتب بدرى لواحدى يعنى وهو جه بردو وانا كنت بفطر وواقفة فى البلكونة وهو برة بيخلص شوية شغل لاقيته جاى بيقولى انا بس محتاج افهم هو فى حاجة بينك وبينه قولتله لا عادى قاللى حاسس أنه بيقربلك يعنى وحسك مبسوطة قولتله هو مش كويس ابعد عنه؟ راح قالى هو لو كويس هتكملى معاه قولتله ليه لا انا شايفاه كويس بس لو انت تعرف عنه حاجة قوللى قالى لا براحتك اعملى اللى انتى شايفاه انا مش هعرف أفيدك قولتله ايه الرخامة دى وبهزر راح قالى هو اصلا عمال يهزر وي*** (والنجوم دى ياجماعة شتيمة بس مش هقدر اقولها )فأنا اتخضيت من طريقته قولتله ايه ده فى ايه قالى انتى مستلطفاه قولتله أيوة فى ايه  انت تعرف عنه حاجة لاقيته فجأة شدنى من دراعى وهو كان بيحترمنى اوى وميقدرش يلمسنى وانا كذلك يعنى فى بينا احترام فأنا لاقيته مرة واحدة شدنى من دراعى وقالى هو انتى بتستعبطى فأنا بعدت وهو استوعب ومشى وقعد على المكتب وانا اخدت شنطتى ومشيت من المكتب وهو فضل ساكت
 الموقف غريب وانا من ساعتها بعيط ومش عارفة فى ايه كان شكله بجد غريب ومش فاهمة يعنى هو لو فى حاجة من ناحيته كان يقولى انا مش هعرف اتعامل معاه تانى ويمكن ده اللى مزعلنى لانى مش متخيلة أننا ممكن منتعانلش مع بعض عادى وكدة  وهو حتى باعتلى مسدچ ومش عارفة ارد أقوله ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_51919 🇪🇬

منذ شهرين

شعور مرتبك

كنت مستغربة ليه صاحبتي متغيّرة وزعلانة ومخنوقة الفترة دي وكنت كل ما اسالها تقول كويسة النهاردة قالتلي صراحه كلام حقيقى مش عارفة اقولها اى أو اساعدها ازاى هي بتحكي إنها كانت تعرف شخص، وبتقول إنه كان أول حد في حياتها، وشافته في البداية شخص كويس ومحترم وذوق، وصدقته جدًا. مع الوقت بدأ يطلب منها صور

Cherry_79758 🇪🇬

منذ 3 أشهر

شعور مكسور القلب

انا ابويا من صغري بيعاملني بطريقه مش كويسه من كام شهر ضربني علي عيني جرحني جرح جامد جدا وكل شويه يكسرلي تلفون هوا عصبي جدا لدرجه اني قررت اسيب البيت واهرب منه ومن كام سنه اتعرفت علي شب من علي الميديا وقعدنا مع بعض اكتر من 3 سنين هوا كان محترم جدا وعمره ما طلب مني صوره او طلب انه يقابلني لدرجه اني كن

Strawberry_82857 🇩🇿

منذ 3 أشهر

شعور محبط

موضوع:

خطأ وقعت فيه تتمنى غيرك يتفاداه

عمرك عمرك ولا دير ثقة في شخص تحبوا بشكل جنوني لأنو راح يستغلك بأي طريقة ممكنة لأنو اي شخص يرى انك تحبه و متعلق فيه راح يقول انو مهما فعلت لها راح تبقى تحبني فيسألك عن اشياء مستحلية و حرااااااام و راح انتي تفعلينها بدافع الحب و الخوف من خسارته فيبقى يزيد و يزيد فالطلابات حتى خلاص ماتقدري تلبيها له و

Apple_78211 🇪🇬

منذ 3 أشهر

شعور مكسور القلب

السلام عليكم من فتره اتعرفت علي بنت وحبيتها اوى لدرجه ملهاش وصف وللاسف لم وثقت من حبي ليها بدات المعامله تتغير وديمن تهرب من كل حاجه حتا الكلام وانا مبقتش عارف اعمل اى ول انا عارف اقرب ولا عارف ابعد بجد بقيت مشتت ومحتار حرفين طاقتى استنذفت فعلاً 💔❤️‍🩹

Lemon_52708 🇪🇬

منذ 3 أشهر

شعور غاضب

الموقف كله بدأ مع زميلتي في الشغل، شخصيتها كانت معقدة شوية وكنت حاسس تجاهها بمشاعر صادقة. في البداية كنت مستمتع بالتعامل معاها، حاسس بالراحة والثقة، وحسيت إن في رابط ممكن يبني ثقة ومودة. لكن مع الوقت اكتشفت إنها مش بتبادلك نفس المشاعر، وده كان صدمة كبيرة بالنسبة لي. أسوأ حاجة حسيتها مش بس عدم الاهتم

Coffee_62833 🇪🇬

منذ 4 أشهر

شعور غاضب جدًا

طب منا قولتلك هتخسرني وهترجع زي الي رجعوا تاني بعد م حسوا بندم لأنهم معرفوش يعوضوني وملقوش الي كنت بديهولهم عشان كان بصدق؛!! طب منا فهمتك إن لما بتقفل من حاجة والله لو روحي فيها وبترجع م برجعها إلا بمزاجي وإن دراعي مبيتلويش وإن صابعي لو مضايقني وحس انه هيلخم دماغي بقطعة مش أنا عرفتك م الأول إني متعو

Biscuit_76202 🇪🇬

منذ 4 أشهر

شعور آسف

عبّر عن شعورك بشكل مجهول

انا بحب واحد بقالنا اربع سنين و خمس شهور، احنا من سن بعض و بنحب بعض من تالته اعدادى و ادينا دلوقتي داخلين تانيه جامعه، طول الفتره دى حصل مشاكل كتير و عقبات كانت ببساطه ممكن تنهى اللى بينا 
و اول حاجه ان اهلى كانوا بيمنعونى من الشخص دا و فى تالته اعدادي اتاخد منى التليفون و اتحبست فى البيت عشر ايام و مكنتش اخر مره اتحبس فيها فى البيت بسببه حصلت 3 مرات تانى بعدها و كمان فضلت طول ال 3 سنين بتوع الثانوى مش معايا تليفون عشان اهلى مكنوش عايزينى اكلمه 
بس انا كنت بكلمه من تليفون صاحبتى او تاب الثانويه كنت بعمل عليه ثغرات و اكلمه 
و حرفيا انا متاكده ان حب الشخص دا ليا كان صادق اوى اوى و من قلبه و نفس الشئ من ناحيتى و بعد تالته ثانوى قعد مع ماما و كلمها و وعدها انه هيحافظ عليا و انه بيحبنى بجد و عايزنى و ماما وافقت ع ان انا و هو نفضل ع تواصل لحد ما يكون جاهز و يجى يتقدملى 
العلاقه بينا بعدها بقت احلى و اقوى و كان بيقدملى حاجات كتيره جدا
بس فى الفتره الاخيره حصلت بينا خلافات انا بجد مليش ذنب فيها 
زى انه جاب رقم ل اخته الصغيره و دخل بعتلى منه و انا رديت قولت مين و قولت ل اختى و لقيت اختى بتقولى هاتى نشوف مين و هى اللى بدات ترد و هو كان بيتكلم انه حد كويس و عايز يجى يتقدملى و بيطلب رقم بابا و اختى فضلت مكمله هى معاه ع اساس ان انا اللى بتكلم يعنى و قال انه هيعرف اهله و بعدين يجى يعرفنى و يكلم بابا
انا من جوايا مكنتش مقتنعه بالموضوع و فى الاخر قولتلها لا انا مش هستغنى عن الشخص اللى بحبه و قفلت الموضوع دا و انشغلت و نسيت اعمل بلوك للرقم و فجاه لقيت الرقم دا بيبعتلى انه بنت و انه خد الشات اسكرينات و بعتها لحبيبى 
ف انا روحت ابعت ل الشخص اللى بحبه لقيته متعصب ف فى نفس الدقيقة اختى خدت التليفون و كلمته و ان انا مليش ذنب فى دا و فضلت كذا يوم مش مقتنع و كان عايز يسبنى بس انا فضلت وراه و اعتزرتله لحد ما اعترف ان هو اللى كان بيتكلم و اتصدمت و المهم قالى انه نسى الموضوع و خلاص محصلش حاجه 
و بعدها ع طول اتخانقنا ع سبب تافهه و غصب عنى قولت كلام جارح ليه و تانى يوم ندمت و اعتذرت و مقبلش الاعتزار ب سهوله ابدا حرفيا عذبنى اسبوعين 
و نجى بقى ل اخر مشكله و اللى نهت كل حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_75492 🇪🇬

منذ 4 أشهر

شعور مكسور القلب

هتكلم عن قصه حب بدات في تلات اعدادي وفضلت ست سنين البنت كانت الطرف للي حبت اكتر بكتير كانت بتحبو اوى وهو مفروض كان بيحبها زي ماهي فهمت كده بعد مرور تلات سنين اهل حبيبها قرار يسافر مكان تاني بعيد عنها خالص كانت دايما معاه ع قد ماتقدر تكلم تسمع كانت تجي ع نفسها عشانو مرا تلات سنين وهو هناك لحد ماحصل

Carrot_71203 🇪🇬 طلع شخص قليل الاصل ، ثانيا المفروض انها لا تهتم به اصلا لانه انكشف على حقيقته وأنه قد ايه انسان خاين وغير أهل ثقه ، المفروض تبقى مبسوطه أنه ربنا نجاها منه وكشفه على حقيقته

عرض الكل 3 نصيحة

Chocolate_71988 🇪🇬

زهقانه أوي... حد عندو أفكار أعمل إيه؟

زهقانه اوي حد عندو افكار اعمل اي نننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننن ...عرض المزيد

0 الدعم

19 نصيحة

Ice Cream_89508 🇪🇬

أمي بتقولي امتى هتبقي بني آدمه وكل ده بسبب المواعين

يا ريت اللى يشوف البوست يقرأه كله ويرد عليا لانى محتاجه حد يسمعنى محتاجه دة جدا فضلا وليس امرا طالبه ثانويه عامه عادى صحيت عليا حصه المفروض اروحها الصبح كدة وبدون مقدمات الاقى امى قدامى بتقولى امتى هتبقي بنى ادمه انا لسع صاحيه وبلبس ومش فاهمه فيه ايه كررت السؤال كذا مرة وانا بقولها فيه ايه مش فاهمه لا لازم ارد عليها قولتلها مش هرد غير لما افهم سابتني ومشيت وكل دة فى الاخر بسبب المواعين اللى سبتهم امبارح ونمت لا انا اسمعها كلام زى السم واخليها تلبس علشان الحصه واقولها ما فيش درس واضربها واشتمها واسملها بدنها وحرفيا المواعين ما اخدوش منى ١٠ دقايق وهى مستمرة لى محاضرة الكلام اللى يوجع ومقارنات مع ناس انا المفروض ما اتقارنش بيها مش تقليل منهم بس لانه فعلا احنا مش شبه بعض ولا زى بعض كلام يوجع ويقهر حرفيا بدون مبالغه والمفروض انى اسمع واسكت وما اعيطش واصلا لو حبيت اعيط كش بعرف لأنها هى وبابا من زمان كدة اول ما اعمل حاجه غلط ونعيط يضربونى علشان ما اعيطش فبقيت ما بعرفش اعيط لوحدى لازم اتكلم عن اللى مدايقنى علشان اعيط واطلع اللى جوايا كل حاجه بعملها بتفسرها وتفهمها غلط عامله انى لما سألتها فيه ايه انى بستهبل عليها وبستغباها ابسط حاجه اصلا امبارح جعت فعملت ساندوتش سريع ليا لا انا كدة واحدة انانيه وجشعه وعملت كدة علشان ما اعملش اكل واخواتى ياكلوا معايا طب ليه ليه بجد ليه كل حاجه اعملها لازم افسر وابرر ليه عملت كدة وفى الاخر ما حدش بيصدقنى ليه لازم اسمع كلام وحش كل يوم بحجه التحفيز تحفيز ايه اللى بسم البدن ووجع القلب ليه كل همهم الناس وكلامهم وانا فى داهيه مش مهم كل ما تتكلم معايا أمور البيت وانتى مهمله وانتى مش عارف ايه واللى زيك متجوزين ومعاهم عيال ومعاهم وعاملين ووووووو انا مالى انا مالى باللى زفت واللى نيل ومافيش على لسانها غير انى دخلت ثانوى علشان اهرب من أمور البيت اللى انا اصلا شايلاها وبعملها انا طلعت ك بنت ربنا خلقني علشان انضف وامسح واكنس واغسل انا ربنا خلقني علشان كدة طب والمذاكرة لا لا مش مهم دى خليها بعدين اي مشكله بينها وبين بابا انا السبب وانا اللى بعمل مشاكل بينهم اكتر جمله بكرها من وانا عندى ٤ سنين بسمعها مصرة تحسسني بالقهر والعجز اكتر مشاعر بكرها جدا جدا مصرة تذلنى وتكسرنى بالفلوس إللى بتديهانى مصرة اول ما تتخانق معايا تبطلنى من الدروس والمدرسة وما تخلنيش انزل مصرة تخليني اكرها واكره البيت واكره نفسي مصرة توجعني وفى الاخر ما تكلمنيش بحجه ان انا اللى غلطانه وانا اللى المفروض اعتذر شئ محزن بجد بجد بقيت بسببها بعانى من تشنجات عصبيه ونوبات هلع ووجع فى العظام شعري بقي بيوقع بطريقه غبيه وشي باظ لا عارفه اذاكر ولا عارفه انتظم فى الصلاه ولى عارفه اركز قلبي بيوجعنى جدا بسبب انى مش عارفه اعيط أو انى بعيط بصوت مكتوم عنيا اوقات مش بشوف منها كويس نفسيتي فى الارض ...عرض المزيد

2 الدعم

14 نصيحة

Strawberry_77311 🇪🇬

موقف محرج فى المحل مش عارفة أروح تاني من الكسوف

جمااااعة حصل موقف مش عارفه هوريه وشي تاني ازاي ... انا كنت ف محل بشتري حاجات ولو المحل مقفول بلاقي وشي احمر فجأة المهم واحد من البياعين لقيته وقف وتنحلي شوية المهم انا بصيتله للحظة و دورت وشي تاني ولقيته كل شوية رايح جاي يبصلي وانا كنت عايزة الأرض تنشق وتبلعني معرفش هو كان ماله متنح ليه ومعرفش ازاي هروح المحل ده تاني من الكسوف 😂 ...عرض المزيد

0 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع