خيانة صديقة

Donut_84796 🇪🇬

منذ ساعة واحدة

شعور وحيد

عبّر عن شعورك بشكل مجهول

النهاردة كنت قاعدة بفكر في كل الحاجات  اللي حصلتلي ف ٢٠٢٥ بما أن السنة الجديدة داخلة واستوعبت أن ٢٠٢٥ كان اسؤا سنة مرت عليا وهقولكم ليه  
اول حاجة انا عندي ٤ صحاب أو كان عندي بقي وكانو اقرب ناس ليا خلينا نسميهم ملك ، ياسمين ، زينه ، سارة 
وكان في ولد كنت بحبه اوي  لمدة ٣ سنين وكلهم كانو عارفين المهم قعدت فترة طويلة حبتين عبال ما استوعبت أن هو بيلعب بمشاعري وكل شوية بيروح يكلم صحابي فطبعا اتجرحت جدا وحسيت اني مليش قيمة و بعدت وفضلت منعزلة ييجي سنة كاملة اللي هي ٢٠٢٤ وكنت بمر بفترة وحشة اوي وكل صحابي كانو عارفين بالذات ملك .
المهم أن عدت فترة وبقينا ف ٢٠٢٥ وانا خلاص مبقتش احب الشخص ده بس كنت  لسة مجروحة و صعبان عليا نفسي وبعد فترة لقيت ملك و الولد ده ارتبطو فاتصدمت فيها علشان اولا انا كنت بموت فيها يعتبرها زي اختي و ٢٤ ساعة بكلمها ويسمع مشاكلها وبفضل واقفة جنبها فمتوقعتش انها تعمل كدة بالذات أنها عارفة هو قد ايه جرحني . ثانيا بقي هي بتموت فالاكس بتاعها ومش عارفة تنساه بقالها سنتين وكل يوم تقعد تتكلم عنه فازاي ف اسبوع تتخطي كل حاجة فكان باين اوي انها مش بتحب الولد ده وارتبطت بيه تسلية بس تسلية علي حساب مشاعري انا . المهم انا مكنتش عارفة اقولها ايه وخصوصا أن هي كانت بتتعامل عادي اوڤر كأنها معملتش حاجة فأنا جالي ايرور ومفهمتش هو ده عادي ولا لا لحد ما مرة واجهتها وقولتلها هو انتي ازاي عملتي كدة وليه بتتعاملي عادي كدة كان محصلش حاجة فقعدت تقولي انا كنت مكسوفة من نفسي ومش عارفة اقولك ايه فقولتلها طيب ارتبطي بيه ليه هو انتي بتحبيه ؟ فقالتلي لا مش بحبه طبعا بس هو كلمني الساعه ٤ الفجر وانا مكنتش فوعيي 🙂  وبعد كدة  قالتلي أن بنات عمتها هما اللي  شجعوها علي كدة وانا اصلا عارفة انها معندهاش عمات 🙂 وفضلت بقي  تقول مبررات غبية جدا لو حكيتها هتموتو من الضحك وفالاخر طبعا قولتلها اني مش عايزة اعرفها تاني و بعدت عنها وجالي اكتئاب وفضلت ييجي ٥ شهور  مش بعمل حاجة غير اني بعيط وابص علي صورنا وزكرياتنا سوا ومكنتش بأكل خالص وساعتها مكنش في حد جنبي غير زينه  و بالمناسبة انا وزينة وياسمين صحاب بقالنا ٧ سنين  بس ياسمين  الفترة دي شخصيتها فجأة اتغيرت وبعدت عننا فكدة مبقاش عندي صحاب غير زينة و سارة بس بردو سارة الفترة دي مكانتش بتتواصل معايا لأنها عملت مشكله وتليفونها فضل مسحوب ييجي ٦ شهور فكنت مش بكلم حد غير زينة و حياتي بدأت تتحسن واتعرفت علي شخص كويس اوي كان بيحبني بقاله ٣ سنين بس انا كنت رافضة اتعرف عليه حتي بس لما قربت منه حبيته أوي و هو كان احلي حاجة حصلتلي فحياتي وكان دايما جنبي وبيسمعني وبيحبني حتي وانا فاوحش حالاتي وكان دايما بيتكلم عن المستقبل وان هو بيحاول يشتغل و يبقي احسن فدراسته علشان يقدر ييجي يخطبني بعد كام سنه وفعلا كنت دائما باخد بالي قد ايه هو بيتعب وبيحاول يبقي احسن بس فالاخر سبته علشان انا مكنتش مرتاحة اني بعمل حاجة حرام وخايفة بسبب كدة منبقاش من نصيب بعض وهو تفهم كدة جدا ومزعلش خالص وقالي أن ادام انا هبقي مرتاحة كدة فهو موافق وان هو هيفضل يدعي أننا نبقي من نصيب بعض . لحد هنا كل حاجة كانت تمام و خرجت من حاله الاكتئاب ورجعت اجتماعية تاني و انا وسارة رجعنا نتواصل تاني بعد ما هي خدت تليفونها
خليني بقي اكلمكم عن علاقتي بسارة شوية 
اعرفها بقالي ٣ سنين يعني هي أقل واحدة اعرفها فيهم بس برغم كدة كانت أقرب واحدة لقلبي وبرغم اني كنت بموت  فبقيت البنات بس هي كانت ليها عندي مكانة خاصة اوي علشان كنت بحس أن انا وهي تؤام يعني نفس الشخص بس الشكل مختلف فطول ما انا معاها  ببقي علي طبيعتي جدا و بقول اي حاجة متخلفة منغير ما افكر وهي كانت زيي بالظبت فعلاقتنا كانت احلي من اني اعرف اوصفها بكلام بس كان في مشكله واحدة بس وهي أن باباها مش بيحبني اطلاقا علشان حصلت مشكله قبل كدة بينت اني شخصيتي قوية ومش بحب اسيب حقي بس هو ساعتها كان شايف أن انا بتاعت مشاكل واني مفروض اتأذي و ماخدش حقي بس انا كنت شايفة أن ده ضعف وان لو حد ضربني مثلا لازم اخد حقي اكيد مش هسكت واقف اتفرج بس هو كان شايف عكس كدة علشان كدة مكنش بيحبني المهم ده مأثرش علي علاقتي انا وسارة اوي وكنا تمام 
لحد ما فمرة سارة طلبت مني اساعدها فحاجة كانت غلط فأنا رفضت بس هي  فضلت تطلبه كتير اوي فصعبت 
عليا علشان بحبها اوي فقلتلها خلاص هساعدك مرة واحدة بس وفعلا ساعدتها بس بعد كدة بدأت تطلب اني تساعدها تاني فكنت برفض علشان لو الحوار اتعرف انا هتأذي جامد جد وكنت دائما بقولها إن كدة غلط بس المشكله اني لما كنت برفض كانت بتروح تطلب المساعدة من صحابنا التانيين وبحكم اني زي ما قلتلكم كنت اجتماعية ففترة معينة فأنا عارفة البنات دول و عارفة أن هما فتانين بس هي مكانتش بتسمعني فلما لقيت أنها كل مرة كانت بتطلب مساعدة من بنت شكل وكانو كلهم بيشجعوها وكمان لقيت الحوار بدأ يتعرف فالدفعة كلها ودة لو حصل فهي هتتأذي جامد وهتحصل كوارث فساعتها بقي خدت قرار ندمانة عليه جدا دلوقتي وهو اني خلاص هساعدها انا حتي لو ده هيضرني بس اهم حاجة انها متتفضحش فالدفعة وتبعد عن البنات اللي مش كويسين دول وفعلا بدأت اساعدها بس حصل موقف معين  وقبل اول قلم حتي قالت لباباها كل حاجة وان انا اللي كنت يساعدها و بشجعها وطلعتني انا الغلطانة ولما شوفتها تاني يوم وقالتلي علي اللي هي عملته ده انا كنت مصدومة وقالتلي أن باباها عايز رقم بابا  وهيقولو اني ساعدتها وان انا بقي مش كويسة وبشجع بنته علي حاجة مش صح مع انها كدة كدة بيا او منغيري كانت هتعمل الحاجة دي انا بس ساعدتها علي حساب نفسي علشان متتفضحش فالدفعة والناس تاخد عنها فكرة وحشة.
طبعا انتو هتتوقعو اني زعقتلها وخاصمتها وزعلت منها أن هي ازاي تبيعني بسهولة كدة يعني ده حتي باباها مزعقلهاش هو اول ما سأل قالت كل حاجة بس انا عذرتها وقولت مثلا يمكن اتوترت أو خافت أو أي حاجة وسامحتها وروحت حكيت لاهلي الموقف وطبعا زعلو مني اني حطيت نفسي فالموقف ده وفالاخر اديتها الرقم بس وانا بديهولها قالتي أن هي قالت لباباها عن الولد اللي انا معجبة بيه وان هو هيقول لبابا فاتصدمت جدا وكنت مرعوبة و قلتلها ليه قولتي طيب بس  هي فضلت ساكته وبتعيط وانا مكنتش فاهمه ايه علاقة الولد الي انا بحبه بكل الحوارات دي يعني ليه فجأة تقول معلومة زي كدة ملهاش اي علاقة بالمشكلة وزعلت منها وسبتها ومشيت 
تاني يوم اول ما جيت وقعدت لقيتها قاعدة مع شلة تانية وشكلها بتحكيلهم علي حاجة وفجأه بدأت اخد بالي اني من ساعة ما دخلت محدش عبرني ولا حتي سلم عليا وكلهم بيبصولي بصات غريبة وسمعاهم بيتوشوشو واسمي بيتقال ففهمت انها حكتلهم بس مفهمتش هي ليه قالت ولما سألتها قالتلي أن هما اللي جرجروها فالكلام 
يعني كل بنات الدفعة سبحان الله جرجروها فالكلام علشان كدة قالت 🙂 فطبعا اتصدمت فيها أكتر ومكنتش اصلا عارفة استوعب ايه اللي بيحصل وكل حاجة كانت بتتدمر ونفسيتي بقت فالارض تاني ولما سألت بنتين هي قالتلهم ايه بالظبت حكولي كلام غريب وان هي حاكية ربع الحوار بس وكمان مألفه حاجات ومطلعاني انا  اللي شجعتها من الاول واني السبب وانا اللي غلطانة علشان كدة كل البنات بقي مصدومين فيا فحاليا انا حياتي فاسوا حالتها 
١) ملك خانتني 
٢) ياسمين شخصيتها اتغيرت فجأه وبعدت 
٣)سارة باعتني فثانية وشوهت سمعتي برغم اني عملت كل ده علشان احافظ علي سمعتها 
٤) كل البنات بعدو عني 
٥) واخر حاجة زينة نقلت وعاشت فمكان بعيد وبقي فيها صحاب تانيين والتواصل بينا قل جامد 
مكنتش متخيلة أن ممكن فسنة واحدة اتحول من اجتماعية  وعندي صحاب كتير وكل الناس بتحبني ل بنت دايمة ساكته ومفيش اي حد جنبي و حتي اهلي متدايقين مني

ساعات بفكر هو انا لو انتقمت من سارة وملك و الولد اللي كنت بحبه زمان يعني من الاخر انتقمت من كل اللي خذلوني هل هرتاح ولا لا ؟ يعني ده هيطفي النار اللي جوايا ويحسسني اني جبت حقي ولا لا ؟ 
و ياتري ليه الشخص الطيب دايما بيتأذي والناس بتبعد عنه والشخص المؤذي هو اللي حواليه كل الناس وعايش حياته عادي ؟ 
يمكن الحل فأني اكون مؤذية ومحبش حد 
اعتقد اني خلاص مبقتش زي ما انا ومش هعرف ارجع زي الاول بقيت مش بثق فأي حد نهائي ولو حسيت اني بتعلق بأي حد ببدأ ابعد عنه واقعد افكر ايه هي الطرق اللي ممكن يأذيني بيها علشان ابقي مستعدة لاي غدر فأي وقت 
 عارفة اني رغيت كتير اوي بس فعلا انا كنت محتاجة اتكلم وحقيقي شكرا اوي لاي حد قرأ لحد هنا وسمعني أو أي حد كتبلي اي نصيحة او جاوبني علي الاسئلة اللي سألتها 
ونصيحة مني  ليكو فبداية ٢٠٢٦ متثقوش فأي حد ايا كان مين ومتقولوش اكيد الشخص ده مختلف علشان كل الناس ممكن فثانية تتحول ويبقو ناس انتو متعرفوهمش ومتدوش مشاعر وطاقة كتير للناس علشان ميجيش عليكو وقت ومشاعركو تخلص ومتبقوش حاسين بأي حاجة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_89050 🇪🇬

منذ يوم واحد

شعور مكسور القلب

الحوار اللي انا هحكيه ده خلص من بدري اوي مش عارفه الصراحه من بدري ولا لا بس هحكي في يوم كنت بفتح السناب بعد كده فتحت ال friend request لقيت ولد عملي add ف عملت باك دخل يكلمني و اعرفها علي بعض بعد كده قالي تعالي ننزل مع بعض قولتله ماش يلا نزلنا و بصراحه كان يوم حلو اوي استمتعت فيه فضلنا نتكلم كتير

Strawberry_72714 🇪🇬

منذ أسبوع واحد

شعور ضائع

انا هحكي موضوع بس طويل حبتين ومش عايزه حد ينتقدني غير لما يسمع الحكاية كلها من اولها لاخرها الموضوع كبير اللي حابب يقرأ انا بنت ع العموم من فتره او اواخر سنه 2024 اتعرفت على بنت وكدا وبقينا صحاب وكل فترة كنا بنقرب من بعض وكانت كويسة جدا معايا وكانت بتفرحني حتى ولو بهدية بسيطه لحد ما جات امتحانات اخ

عبّر عن شعورك بشكل مجهول

انا هحكي موضوع بس طويل حبتين ومش عايزه حد ينتقدني غير لما يسمع الحكاية كلها من اولها لاخرها الموضوع كبير اللي حابب يقرأ انا بنت ع العموم

من فتره او اواخر سنه 2024 اتعرفت على بنت وكدا وبقينا صحاب وكل فترة كنا بنقرب من بعض وكانت كويسة جدا معايا وكانت بتفرحني حتى ولو بهدية بسيطه لحد ما جات امتحانات اخر سنة كنت في 3 اعدادي ساعتها جابت مجموع وحش مع انها كانت بتذاكر و كدا ومعرفتش تدخل ثانوي وصحابي كلهم وانا دخلنا ثانوي وهي دخلت خدمات المهم شهر 7 جه و المدرسين حرفيا فلوسهم خلصت وقررو يفتحو حجز الدروس وكدا المهم قولتلها يلا وبتاع نحجز عشان الحجز قبل ما يقفل دايما كانت تقولي لا وقالتلي انها هتروح عند مدرسين غير قولت خلاص دي حرية شخصية ويمكن هيا مستريحة كدا لحد ما كنت بكلمها وكدا مش فاكره اتخانقنا ليه بس في الاغلب هيا اللي كانت غلطانه وكلمتني بطريقة وحشه وانا مبحبش كدا و وقولتلها يلا سلام و قفلت معاها بعدها حسيت انها زعلت و روحت صالحتها مافيش في اقل من 5 دقائق من بعد ما قفلت معاها صالحتها والدنيا تمام بردو بتكلمني بنفس الطريقة والاسلوب الزبالة هتسألوني ازاي يعني مثلا كنت اجي اكلمها في حاجه اقولها هو انتي مش عايزه تسمعيني حاسة انك متضايقه من اللي بقولوا تقولي براحتك اقولها براحتي ازاي تقولي براحتك يعني لو عايزه تقولي مش عايزه خلاص المهم بعدها اتقفلت جامد منها بجد عشان مبحبش حد يكلمني بالاسلوب دا خاصة اني صالحتها كذا مره وبتعاملني كدا وفضلت مكلمهاش وقطعت معاها لحد شهر 10 لحد ما واحده صحبتي صالحتنا على بعض تاني بس حسيتها بردو مكنتش عايزة تصالحني وصالحتني بالعافيه وعملت نفسي مش واخذه بالي بس بعديها حسيت انها بقت تتعامل عادي بس بقا بعدها جات عليا فترة تعبت ورجلي وجعاني وكدا روحت عند دكتور عظام وكدا ونفس الاسبوع تعبت بردو وجالي الڤيرس الجديد و كان تاعبني بجد اخر تعب واللي جالو هيعرف بجد متعب ازاي الفتره دي مكنتش ماسكه التليفون ولا بكلم حد مكنتش بتحبني بقدر اتحرك خالص ونايمه ع السرير طول الوقت وحتى لو قومت بقوم ارجع لامؤاخذه وارجع انام عادي حتى كانت فتره امتحاناتي ومكنتش بذاكر خالص من كتر التعب ورحت عند دكتور تاني وكل دا قعدت بتاع اسبوع او اسبوعين كدا ومسألتش عليا لما فوقت عرفت انها كلمت واحده صحبتي وسألتها بتقولها هي مش بتكلمني ليه هي زعلانه او متضايقه مني قالتلها لا دي هي تعبانه اوي واول مره اشوفها تعبانة كدا المهم هي حتى مجتش سألت عليا او جت كلمتني تعرف اللي حصلي لما فوقت بقا روحت كلمتها لا قولتلها مش بتسألي عليا يعني قالتلي وانا ليه هسأل على حد مش عايز يسأل عليا قولتلها مين قال كدا انا كنت تعبانه اوي ومكنتش عارفه اكلمك بس وبعدها متضايقتش او اتضايقت من جوايا بس كتمت بردو واتكلمنا عادي المهم جات قالتلي بعدها انا هنزل جيم تيجي معايا وكدا قولتلها لا والله مش هقدر دي رجلي لسه وجعاني ومش بقدر امشي كتير عليها او اعمل مجهود بعدها بقا بنت عمي زنت عليا وقالتلي تعالي انزلي جيم وكدا وماما بردو قالتلي المهم قولت خلاص هنزل وامري لله مع ان لسه رجلي وجعاني بعدها روحت منزله ستريك وكتبت فيها اخيرا هنزل الجيم وكنت فرحانه لاني نفسي انزلو اصلا بس مكنتش عارفه بسبب رجلي المهم هيا شافتها بعدها كلمتها بقولها يبنتي ازيك عامله ايه وكدا كنت هقولها على حكايه الجيم افتكرت هيا متعرفش وكدا راحت قالتلي الحمد لله بعدها لاقيتها بتقولي مش هاجي (كنت قبلها متفقه معاها نخرج بس انا نسيت او مكنتش ناويه انزل اصلا)روحت قولتلها ايه بتتكلمي كدا ليه انا بسلم عليكي اسألي عني حتى اصلا مش عارفه هنزل ولا لا راحت قالتلي بتكلم عادي وشدينا مع بعض في الكلام وقولتها ع فكره انتي انسانه مريضة انا بقالي فتره كبيره مستحملاكي بطريقتك الشبه مهينه ليا دي وساكته وانتي ما زلتي بتتكلمي بيها راحت قالتلي اه انتي اللي مريضه اخدتها على قد عقلها وقولتلها عندك حق وقفلت بعدها قولت والله لاخرج وفكتني منها ونزلت مع واحده صحبتي لقيتها بعتتلي رسالة بجد خرا طويلة عريضة بس هختصرها بتقولي حاولي تعملي ليكي شخصيه مش كل حاجه تقلديها قصدها على الجيم وكدا وانا اصلا معرفش كنت هنزل ولا لا ولا هي كانت تعرف ان بنت عمي اللي زنت عليا وانا مكنتش هنزل وقعدت تقولي متستاهليش حد من صحابك الكلمه دي حسستني بانها بتحقد عليا اوي وخاصة لما هتقول كلام تاني في الاخر هتفهمو اكتر وبتقولي مش كل حاجه تقلديها بس هو دا كل محتوى الرسالة بس هي عماله تعجن وتلك كتير كرفت للرسالة ومش هكدب عيني دمعت لاني مبحبش الظلم وعمري ما فكرت اني اقلدها او اغير منها خاصة انها مش احلى مني في حاجه يعني ولو حتى قلدتها عشان صحبتي وكتت بحبها مش اكتر ولا اقل بس بعدها عملتلها بلوك لقيتها مش عملالي بلوك من الفيس كلمتها عليه وقولتها ايه الكلام اللي بتقوليه الاهبل دا راحت قالتلي كلام ازبل منه هختصره بردو عشان حاسه طولت اوي بتقولي انتي مش بتفكري تجيبيلي هدية عدلة حتى جيبتيلي في عيد ميلادي نضاره شمس و جبتي لبقية صحابك ميكب هو في حد في سننا بيلبس نضاره شمس اصلا كنت عاوزه اقولها انتي فلاحة بس معرفش ليه سكت هي عموما فلاحة فعلا دي الحقيقه وقعدت تقولي كان معاكي فلوس ومجبتليش هدية عدلة و كدا مع اني جبتلها نضاره ب 400 جنيه مش فاهمه هي عايزه ايه تاني اكتر من كدا وكل كلامها حرفيا كان على الماديات والقرف وانا عمري ما فكرت في الحاجات دي بجد والله اتضايقت اوي بس دلوقتي بنسبالي الموضوع تافهه بس مكنتش عارفه احكي ايه فقولت اقولل اي حاجه حصلت معايا هي قالت كلام اكتر من دا وعايرتني بحاجات كتير عايرتها بردو قولتلها يا تريله ويا عجله روحي الجيم اللي فرحانه بيه دا وخسي شويه عشان شكلك بقا صعب😂😂😂😂 مش عايزه حد ينتقدني او يقولي ليه عايرتيها بشكلها هي عايرتني بحاجات اسوء بس مش هقول ودي حاجات وصلتني اني اعايرها وكنت حالفة اني منمش او اعمل حاجة الا لما اخليها تعيط قدام عيني كدا زي ما دمعة مني نزلت عليها والحمد لله قدرت اعمل دا و ع فكره انا اه قادره وقادره ع اللي يجي عليا وعلى كرامتي او يقرب على حاجه مني عشان مش واحده جربوعه زي دي تخليني معرفش اخد حقي منها في الاخر عموما خسرتني وخسرت حد كان مميز وكان بيشوفها العجله دي بس متستاهلش😂😂😂😂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_89059 🇪🇬

منذ أسبوع واحد

شعور محبط

كان ليا صديق مقرب ليا جدا وكنت بحبه وبنت بحبها جدا وكانو الاتنين مليين حياتي وبحبهم جدا وصديقي اتوفي ومن بعده اتكسرت بجد ولقيتها سابتني بدل متقف جنبي وبجد حياتي اسودت من اللحظه دي ونفسي اموت واستريح زي صحبي وخلاص

Strawberry_89070 🇪🇬 متوقفش حياتك على حد هى سابتك فيها اي يعنى بكرا تلاقى الاحسن و الافضل لازم تفكر دلوقتى ازاى تنجح مش عشان حد بس عشان نفسك انت يعنى حبيت بنت وسبتنى مهياش اخر الدنيا و صحبك ربنا يرحمه و يغفرله عليك ب الدعاء ليه و ع فكرا حرام أن حد يتمنى الموت فكر في نفسك و مستقبلك وميشغلكش كد

عرض الكل 3 نصيحة

Moon_88958 🇪🇬

منذ أسبوعين

شعور متوتر

عبّر عن شعورك بشكل مجهول

أنا في واحدة صحبتي اذتني اذى كبير واحنا كنا ف شلة واحدة صحبتي دي أنا كنت بحبها جدا ولينا كتير ذكريات بس لما بعدت عنها الشلة كلها بعدت عني محدش بقا بيكلمني خالص ولا حتى بيرمو السلام كانو هما صحابي ف الدفعة دي بس أنا مبقاش حد معايا وبقيت لوحدي مع اني مأذتهمش خالص ولا عملتلهم حاجة مع أننا كنا قريبين حتى صحبتي اللي اذتني مش شايفة ان العيب فيها ولا انها حتى غلطت ف حقي أنا بقيت لوحدي وسط كل الناس دي شوفت النهاردة الدفعة كلها قدامي حسيت بالخوف كان بينهم حتى الناس اللي كانت صحابي بتحس ان كلهم اعدائك الموضوع فعلا مرعب اوي مع انو يبدو عادي عمري ما حسيت اني متشافة او ان حد عايز يقربلي بيحسسوني دايما ان المشكلة ع طول فيا او أنا اللي غريبة بس محدش فاهمني ولا فاهم اللي جوايا بقيت منطفية اوي والزعل جوايا كبير وأكبر مخاوفي هي الوحدة بالنسبالي وحشة اوي وده اللي أنا حاسة دلوقتي الرفض الوحدة عدم الاهتمام عدم ثقة ف النفس حياة غير سلمية الدراسة أهملتها حتى مفيش اي شغف او اي طموح اصرار او قوة كلو بايظ حتى اهلي اه بيحبوني بس بيتنا مش بيخلى من المشاكل ماما وبابا مش بيطيقو بعض وعايشين مع بعض غصب عن بعض علشاني وعلشان اخواتي كل حد فيهم بيتكلم عن التاني وحش مفيش حاجة بقت سليمة حتى الأفكار النفسية والحيرة من ناحية الحب اللي عايشاه لسنين كل بايظ وحاسة بالتوهان والوحدة اللي كنت دايما بهرب من اني اعيش أحساسها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_73251 🇪🇬

منذ 3 أسابيع

شعور آسف

عبّر عن شعورك بشكل مجهول

في واحدة صاحبتي من سنة و نص حصل بيننا مشكلة مش قادرة احكيها عشان طويلة بس كانت مشكلة كبيرة نوعا ما هي كانت صاحبة الكترونية و كانت زي اختي و بحبها اوي و لسة من كام يوم قولت اروح اتطمن عليها و روحت اكلمها بس كانن بتتبارد و بترد وحش و عماله تقفل ف قولت لها سلام و عملت بلوك لقيت بعدها بيومين بنت باعتة لي لينك جروب و بتقول لي ادخلي قولو لها انتي مين قالت نور قولت معرفش حد بالاسم ده قعدت تقول لي مش فاكرة شروق وانا معرفش حد بالاسم ده عرفت انها حد من صحاب صاحبتي قولت لها ااه افتكرتك عاملة ايه قالت لي ادخلي الجروب عشان شروق عايزة تكلمك قعدت احور و هي تقول لي كان في بنت كد صاحبتك حكيتي لنا عنها قبل كد احكيلي هي عملت ايه قولت لها هحكي لك و عملت ريكورد قولت لها انها تافهه و اني عا، فة انها صاحبه صاحبتي و انهم تافهين و كد و عملت بلوك جت لي واحدة تالتة بتقول لي انتي يا بت قولت لها بت اما تبتك و عملت بلوك فبعتو لي ولد اسمه عمر يشتم شتايم قذ/رة عملت له بلوك هو كمان و روحت فكيت البلوك من على واحدة من صحابها و عملت ريكورد بتريق عليهم و بعاير صاحبتي بحاجات ف مش عارفة حاسسة ان الي عملته غلط و حاسسة ضميري بيانبني لاني متاكدة ان الي قولته هيزعلها و حتى حلمت بيها بتعيط و بجد زعلت عليها بس عملت كد عشان تبعد عني و تبطل ترسل لي ناس تشتم المشكلة اليت دي مش هتسكت انا متاكدة هتوزع رقمي و لو عملت كد ههددها اني هبعت الشات القديم الي بيننا لاهلها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_88491 🇪🇬

منذ شهر واحد

شعور محبط

انا موجوعة اوى بالرغم ان الموقف عدى علية لحد دلوقت خمس شهور لكن لسة قلبى واجعنى من اللى حصلى انا كنت بحب واحد عرفتو من الانستا وكانت ليا صديقة مقربة جدا جدا كانت هى اللى عارفة عنى كل حاجة وكنت بحكيلها كل تفصيلة بينى وبين الشخص دة لكن هو مكنش بيحبها وكان بيغير من قربى منها فاحاولت انى اقرب بينهم عشان

Watermelon_88183 🇩🇿

منذ شهر واحد

شعور منزعج

مش عارفة ازاي ممكن اشرح بس اي ثينك خذيت تروما من الصداقات الالكترونية و صار عندي وسواس قهري و trust issues كبيير بسبب حدثين حصلولي الاول انو حصلي مشكلة بسبب احد القروبات كنت فيه و كنت بعتبرهم اصحابي فعلا لكن المشكلة مش منهم كلهم بس بسبب شخص واحد و كلهم راحو معاه في الجرة يعني دخلت في مشكلة مكنتش ع

Cookies_57557 🇪🇬 السلام عليكم دائما بتخلي مسافه بينا و بين الناس المسافه الي مش بنقع بعدها مهما الناس بعدت . و بتخلي فيها ربنا عشان هوه الي بيساعدنا نوصل . المسافه ديه بتحميكي و متخليش حد يقرب اوي مهما كان مين فا مهما حصل منه بيبقي عادي . اعتبرها مسافه الحمايه فهمتيني ؟

عرض الكل 11 نصيحة

Mango_86217 🇪🇬

منذ شهر واحد

شعور غاضب

انا قلبي بيتعصر بقالي يومين بسبب اني عرفت حاجه بصدفه عن وحده كانت حاجه غاليه اووي عندي بس قطعنا مع بعض من سنه بسبب مشكله انا مكنتش طرف فيها اصلا بس قولت مش مهم والتمستلها الف عذر يس هيا بعدت انا قلبي وجعني بقاا بسبب الي عرفته عنها انا ولد على فكره ااااااااااااااااااااااااااا اااااااااااااااااااااا

Avocado_84784 🇩🇿

منذ شهر واحد

شعور مستنزف

انا كانت عندي صحبتي كنت دايرتها كيما ختي تاع الصح كنت نحكيلها كلش وفي وقت الحزن نبكي على كتفها ومام هي نفس الحاجة وكانت علاقتنا بزاف قوية وشابة وقليييل ما كنا ندابزو والعام لي فات ولات تخرح مع واحد وكنت نعرفه بحكم انو يقرا معانا منبعد لاحظت بلي الشيرة فري جبدت روحها مني وماولاتش تهدر معايا غي وحدها

Apple_22069 🇪🇬

منذ شهر واحد

شعور مرهق

بقالي ٩ سنين بحاول اعمل موف اون من صحبتي اللي كانت روحي فيها وكنت بعتبره بنتي حرفيا من كتر ما كانت طيبة وروحها جميلة بس في الاخر راحت لشوية بنات اتحكموا فيها وغيرتها وانا قعدت سنه كاملة بحاول ابعدها عنهم لدرجة اني كنت بروح لاختها الكبيرة اعيطلها عشان مبقتش عارفة المفروض اعمل ايه وانا شايفة صحبتي ماش

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Hazelnut_85902 🇩🇿

منذ شهرين

شعور غاضب جدًا

أشعر أنني مخنوقة جدًا… كانت لديّ صديقة، كنا ثلاث صديقات في غرفة واحدة في الإقامة الجامعية. بسبب سوء ظنّها، انسحبت منّا وجعلتني أنا سبب المشكلة، مع أنني كنت فقط أحاول أن أصلح بينهما. حلفت بالمصحف أنني كذابة و اخفوا عني هذا الامر حتى لا نتشاجر، ولم أكتشف الحقيقة إلا بعد فوات الأوان. كنت أتعامل معها

Strawberry_86223 🇩🇿 اجبدي روحك منهم ولتهاي بقرايتك المهم نتي مع نفسك صافية

عرض الكل 5 نصيحة

Bulb_32623 🇸🇦

منذ شهرين

شعور لا مبالٍ

هحكي مختصر الموضوع في بنات قرايبي هم كويسين وانا عارفة طينتهم وفي بنت تانية كمان قريبتي وما كانت تدري عني وقريبتيني كانو مره صحبة معاها بس لما صارو نصحوها بأسلوب حلو وذوق شوي شوي صارت تبعد لحد ما قطعتهم يعني يا دوبك بتهزر وتضحك معاهم بالمناسبات بس ما بتحكي معاهم خاص او في حكي واسرار مؤخرًا هالبنت صا

Chocolate_78701 🇪🇬

منذ شهرين

شعور مكسور القلب

كنت عارفه وحده كنت معتبره اغلى حد حرفيا هدايه ومكلمات كنت جنبها وثقت فيها جدا اتفاج انها بتكدب عايا فى حاجات كتير اخر حاجه كانت معرفانى على شب على اساسا انو خطبها وراحت قبلتو وانا كنت معاها عشام مسبهاش لوحدها والجو ليل وفجاء اخوها الكبير شفنا ومسكها فى الشارع شدها وهو والشب ده اتخنقو جامد جدا ولما ر

Avocado_84456 🇪🇬 دي اقطعي معاها خالص

عرض الكل 5 نصيحة

Nutella_56618 🇪🇬

أنا متنكده ومحتاجة أتكلم مع حد ذكي وشاطر

انا متنكده محتاجة اتكلم مع حد ذكي وشاطر ودمه خفيف يطلعني من المواد وبعدها منعرفش بعض تاني كتبمغغمينفيغنيغهبغخبغخبغخبغنغمبغخبغخبغخبعخ خبعخيغخغخغخيغهيغهيغخيغخبعخبعخبعخبعخغخيغخيغخيغخ ...عرض المزيد

0 الدعم

30 نصيحة

Chocolate_89205 🇪🇬

عاوزه احكي حاجه حقيقي حاسه بالذنب فيها اووي

عاوزه احكي حاجه حقيقي حاسه بالذنب فيها اووي حد فاضي نتكلمو؟؟ اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا. ...عرض المزيد

4 الدعم

25 نصيحة

Cherry_59115 🇪🇬

مش عاجبني نفسي الاتغيرت 180 درجة.. نصحوني ارجع زي زمان

جماعه عاوزخ اتكلم من غير ماحد يعيب عليا او يقولي كلام يضايقني اكتر لأني فعلا مضايقه من نفسي اوي ومش عاجبني نفسي ال اتغيرت 180 درجه ال لو كنت سمعت ان بنت بتكلم ولد كنت بستغرب فشخ يعني ايه يعني 😂😂 اللعنه بدأت من تالته إعدادي لما عرفت ولد اكبر مني بتلت سنين وكانت علاقتنا كويسه لحد مابدأ يبقي عاوز العلاقه تاخد سكه مش حلوه حاول معايا كتير المشكله ياجماعه اني كنت ساذجه فشخ انا طفله حرفيا واول تجربه ليا ف بجد كنت عبيطه اوي لدرجه انه لما كان بيطلب مني نتقابل (انا كنت برفض عامه بس كان بيلح بطريقة مش متخيليينها بجد) المهم كنت بوافق يعني بس مكانش بيحي في دماغي خالص انه ممكن يعمل حاجة معايا كنت مديه الامان موت حصل تجاوزات مكانتش افظع حاجه يعني علشان انا كنت بصد ومكنتش عاوزه انا حتي محسيتش وقتها ولا واحد في الميه بنشوه او اني عاوزه كده معاه او مكنتش بفكر في كده اصلا طفله ياجماعههههه المهم يعني قطعت معاه بعد مافوقت وعرفت انه انسان قذر بعدها فضلت سنه مثلا بحاول اتعافي كنت مش لعمل حاجه غير اني بجلد في نفسي وبحس بتأنيب ضمير من ناحيه اهلي حالتي كانت وحشه اوي بعدها عرفت واحد بس بعد فتره كبيره اوي كلمه بيعشقني دي قليله محترم اخلاق عارف ربنا (عارفاه سوشيال ولا مره اتقابلنا وبستغرب من الحب ده) ولا مره شافني ريل كل تعامله معايا سوشيال وانا كنت مفكره اني بحبه في الاول كنت بحب اتكلم معاه وقضينا سنه حلوه اوي ومكانش بيزعلني خالص بس بعدها انا ال اتغيرت وانا ال فجاه معتش عاوزاه مش عارفه ليه ولسه حاسه بالذنب من ناحيته جماعه عدي تقريبا يجي تلت اربع سنين وهو لسه بيحبني ومكلمش حد تاني ولما بكلمه بيكون نفس الشخصيه ال عرفتها في اول مره ساعات بحسه بيحور من كتر مانا مش مصدقه هو فيه كده؟؟؟ بعدها ياجماعه عرفت ولاد كتير اوي واحد في التاني في التالت بجد كنت بحس نفسي بلاير وبالذات ان اي حد بيكلمني بيحبني مش بطبل لنفسي والله بس بحس كده الحوار وصل معايا اني ممكن اعمل حاجات مش كويسه بس من التليفون عادي شات مش ريل وبعد ماكنت الشخصيه ال ضميرها بيأنبها علطول ومش بتبطل جلد وتأنيب في نفسها ومن ناحيه اهلها لو عملت اي حاجه غلط صغيره لواحده معتش بيفرق معاها حاجه ومعادتش بتحس زي زمان ومن كل ده حسيت اني مش بعرف احب ولا حبيت اي حد من ال كان في حياتي انا بجد قرفانه من نفسي اوي انا باينه قدام الناس اني انسانه ناجحه وبشتغل وبصلي وكويسه بس انا مش كويسه انا مدمره والله ومعتش زي زمان خالص نفسي ارجع ايام ماكان عندي ورد كل يوم واذكار صباح ومساء وصحيان للفجر اصليه حاضر واضايق لا فاتني فجر جماعه انصحوني بالله عليكوا نفسي اشوف نفسي حلوه زي زمان عايزه اقول اني حاسه ان كل دع طالع علي وشي حرفيا معتش بحسه حلو زي زمان حاسه اني بدمر نفسي واحده واحده (مع العلم انا حاليا في علاقه وحاولت من فتره امشي بس رجعنا تاني ) انصحوني اعمل ايه وفعلا انا نفسي ارجع زي زمان اضحك زي زمان ارجع لنفسي القديمه مش عارفه ده ممكن يحصل ولا لا ولو حصل مش عارفه هضعف وارجع تاني ولا لا ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع