خيانة عاطفية

Strawberry_86734 🇪🇬

منذ أسبوعين

شعور مكسور القلب

Popcorn_83008 🇪🇬 خافي على قلبك بعد كدا وافهمي ان كل حاجة هتيجي مش لازم ناخد المتاح وخلاص

عرض الكل 3 نصيحة

عبّر عن شعورك بشكل مجهول

السلام عليكم انا اول مرة اكتب حاجه هنا عندي مشكله ماثرة علي نفسيني جدا انا واحده مدخلتش في اي ارتباط لا في المدرسه ولا الكليه وكنت بخاف اخسر ثقه بايا فيا وكنت فخورة بكده وبعد الكليه اتقدملي واحد  ووفقت عليه والدنيا كانت تمام و هو كان قبلها بشهر مرتبط بواحده  بقاله خمس سنين وكانوا ماشين في جواز بس حصل مشاكل ونفصلوا نهائيا و انا عشان هو اول شخص في حياتي كان جوايا نحيته مشاعر كتير جدا و كنت بخاف اخسرة هو بقي يستغل ده لو حصل مشكله بينا وهو الغلطان كنت بتصل انا كتير واتحايل عليه كنت بتحايل عليه في الأعياد و المناسبات عشان يجي يزوني كنت لو في اي حاجه في تجهزات الفرح هو مقصر فيها كنت انا بدفعها مكانه عشان يبقي قدام اهلي انه مهتم بيا كان ديما بيقارن معاملتي معه ب البنت التانيه دي كانت بتغير عليا بالطريقه الفلانيه دي كانت بتعاملني بالطريقه الفلانيه كنت بستحمل عشان مخسرهوش لاني اتعلقت بيه جدا و اتجوزنا و بعدين لقيت بنات كتيرة عنده كل مشكله تحصل ما بيتا بسببهم يقولي انا لو مسحتهم هخونك  وانهم عشرة عمره مش هيمسحهم  وديما كان بيهدني انه في مليون واحده مستني يشاورها بقيت استخدم انا كمان اسلوب التهديد واني هسيب البيت واني عايزة اطلق  برضوا كان بنسبه له عادي يروحي انا مش هرجع حد كنت بستحمل بقي يقارني بكل بنات اللي بيشوفها اللبس و الكلام حتي طريقه البنت في الصور وخصوصاً بعد الولادة  بقيت ديما بحس نفسي الوحد وبهتم بابني وبقي شاغل وقتي بقي شايف اني مش مهتمه بيه مع انه كان بيقول اني بخنقه لما بطلب منه يقاعد معايا شويه او نخرج معه انه ديما كان بيقولي انه كل اسبوع كان بيخرج مع البنت اللي مرتبط بيها وانا لما بطلب منه كده بيقولي تعبان  بقي ديما يا نايم يا بيلعب يا ماسك التليفون ده غير اي مشكله يبقي العيب فيها انا مش بعرف اتعامل مش بعرف احتوي كل اللوم عليا انا  
بقيت وحيده مش عارفه اعمل ايه كنت فاكرة اني لما  ابعد عن الحرام لما اتجوز هلقي الحب و الحنان و الهدوء في بيتي ونبقي اسرة جميله بس لقيت العكس مشاكل و حوارات ونكد وتعب بقيت بروح ل دكتورة نفسيه و مفيش تحسن كنت بنت هاديه بقيت بنت صوتها عالي وعصبيه و خايفه اطلق ابني لما يكبر يلمني اني اختارت رحتي عنه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_76629 🇪🇬

منذ شهرين

شعور محبط

Ice Cream_72134 🇪🇬 أنا اتمنه من ربنا وحده فى الحنيه داى

عرض الكل 9 نصيحة

عبّر عن شعورك بشكل مجهول

‏أنا متجوزة من حوالي سنتين وكان اتفقنا قبل الجواز إني أسافر لجوزي بره مصر واتفقنا إستفر بعد الجواز ب شهرين لأني بشتغل في وظيفة كويسة وكان عندي ترقيه كنت أخذها وبعد كده هستافر جوزي قاعد معايا 18يوم  بعد الفرح و بعد أسبوع واحد من الفرح ابتدأ اهله يقولوا إنه  مش  طبيعي برغم من انه كان كويس معايا من كثرة تعليقاتهم ابتدأ يتغير معايا وأحس أن هو متضايق جابوا شيخ في البيت وقال لي إنتو معمول لكم  عمل إن هو ما يخلفش منك أو انه يطلقك طبعا أنا مش  مقتنع بالكلام ده خالص وسافر  وبعد ما سافر   طلب مني أبيع الذهب عشان هيشتري قطعة أرض وفعلا بعت الذهب كله وبعد ما اشترى قطعة الأرض يتكلم معي وقال لي أني اقعد في مصر وهو ينزل  أجازات كل سنه او حسب شغله   طبعا أنا قلت له لا أنا كانت اتفاقي إني  أسافر معك وكنت هبيع دهبي  في مقابل أنا أمشي معك وكان وعدني إن الذهب ده ملوش علاقة بالسفر وفلوس  السفر على جنب زعلت نزل إجازة بعد خمس شهور من الجواز قاعد معي خمس ايام اتكلمت معاه في حوار السفر واني  محتاجه ليه  قال لي  مش هتسافري  إلا لما آخذ أهلي وهم ثلاث أفراد عرضت عليه إني أسافر أشتغل وياخذ دخلي  كامل مقابل انه هو يعرف يحوش اكثر ويجيب أهله فعلا رفض زعلت شوية تو صالحته قبل ما يسافر بيوم  قال لي قبل مركب الطيارة وأوصل البلد اللي أنا مسافر لها تكوني تخلصت من اي حاجه في  بطنك لو أنتي حامل تخلصي منه أنا مش مرتب أولوياتي وندمان  أني نزلت الأجازة دي كانت أسوأ أجازة في حياتي من صدمتي ما حكيتش لحد اللي حصل ما بيننا وعديت الموضوع على أساس انه وقت غضب مش أكثر وسافر جوزي وهو مش من النوع اللي بيهتم بي مكالمات ولا بيقول أي حاجة عاطفية وبعد  كده كلمني وقال لي أنت هتيجي عندي كان بعد مسافر بحوالي شهرين هروح  10 أيام فقط عنده عشان أغير جو بدل شهر العسل وسافرت فعلا وثلاث أيام ابتدأ  يبعد عني ومش طايق لمسة إيدي  وبعد كده اشتكيت لوالده من معاملته لي ولما قولت له ليه كده قال لي مكنتش عايز أتجوز حد أصلا ولما ترجعي مصر هتعرف انتي  عملتي ايه طبعا زعلت وكنت  في حالةصدمه  يعني بقيت أقول له اتزوجتني ليه  كلمت والده  اتدخل في الموضوع وصالحني قبل ما أنزل مصر  بيومين وبعد كده نزلت مصر على وعد أني هأسافر بعدها بشهر   وبعد كده أخذ أهله زياره  وقعدوا معه شهرين ورجعوا طبعا أنا زعلت جدا انه حتي معرضش عليا اروح معاهم وقال لي مش معاه فلوس وهما اولي و اهله بيقولوا لي إن أنتي مش عارفة تسيطري  عليه    و جرحني لما سابني  لوحدي   وبعدين سامحته وقولت  مش مشكلة طالما  حياخذني بعدهم  و بعد  ست شهور يعني 8  شهور  غياب بعت لي إن أنا أسافر لي وأخذت إجازة من شغلي سنة لأن شغلي مفهوش شهر أو شهرين وفعلا اخذت الأجازة وسافرت هو ثلاث أيام يعاملني  كويس  وبعد كده ابتدائي يهجرني  برضو  ولما تكلمت معي قال لي ماعنديش رغبة واستجابه لي وبعد كده  بقي  يقول لي أنتي ريحتك  وحشة أنا مش قابل  وجودك جاب لي الشيوخ قال  لي إن أنت معمول لك عمل ان  هو ينفر  منك طبعا أنا ماقتنعتش بالكلام ده كله وبعد كده اكتشفت إني أنا حامل ولما كنت حامل وقتها قال لي الولد منك أنتي وانتي  المسؤولة عنه أنا مش عايز منك حاجة وقلت لك قبل كده أنا ماعنديش رغبة فيكي أصلا   ملكيش  قعده معايا هنا  تاني  أنتي  تنزلي مصر ب المصيبة دي لحد ما أشوف  أنا عامل معاي  ايه طبعا أنا تضايقت قوي وبتدخل  من اهلي واهله اتصالحنا   عشان الولد اللي هيبقى موجود بعدها بأسبوع قال  لي أنت لازم تنزلي مصر عشان أنا مش معايا فلوس وهفتح  شركة والشركة دي هتاخد كل الفلوس اللي معايا  لأن أنا لو عملتش الشركة دلوقتي مش هقدر اعملها بعدين طبعا أنا قولت له أنت كده مش مقدرني  ومن كثر الضغط والحاله النفسيه  اللي كنت فيا  البيبي مات في بطني ونزلت مصر سقطت في  وهو فصل  حوالي شهر بدون مكالمات ويبعت  لي رسائل فقط  م عاملة ايه اخبارك ايه بس  وبعدها لغي اقامتي هناك وقال لي بعدين هعملها لما اوثق الشركه بتاعي وهيدخلني شريك  أنا قلت له أنا مش هينفع العلاقة دي  وأنا عايزة أتطلق انت مش مهتم بيا أصلا وبعد  شهرين  اهلي قال لي لا أنت لازم ترجعي وكده ومش هينفع خراب ال بيوت وكده وهو يعاملك كويس قوي وأنا اتعهد بكده كلمته فعلا قال لي أنا مش هاخد  معايا تاني أنا مش معايا  فلوس وانت تقعدي في مصر وأنا هروح وآجي لك فقط و شغلك مش مسؤول عنه وانتي اللي سبته أنا مطلبتش منك تجيلي و ترجعي شغلك ما ترجعيش  أنتي حره بعد ما رجعت شغلي كلمني وقال لي تعالي شهر أنا مش هينفع اروح  شهر قولت له مقولتش  ليه من الأول  قال لي أنت مش بيعجبك حاجه  وعمرك ما وقفتي جنبي بعد كل ده وأنا دلوقتي مش عايزة أرجع له لأن  هو مش عايزني بس عشان والده  بيقول لي  مستحيل تطلعي بره بيتنا أنتي تعيشي معانا وسيبك منه هو أكيد الأيام هتغيره 
عايزه أتطلق لان مفيش فايده فيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_72779 🇪🇬

منذ 3 أشهر

شعور محبط

عبّر عن شعورك بشكل مجهول

عندي ٣٢ سنه وعرفت واحد اكبر ب١١ سنه انا منفصله من ٨ سنين وهو جالي واتقدم رسمي وكنا تمام لاحظت ان لو قربنا من بعض تاني يوم هو بيختفي او يبعد كام يوم بعدها ..المهم اتخانقنا مرتين بسبب نفس الموضوع وانه لو في يوم رحت مشوار طويل وبعيد مابيتصلش يطمن عليا طول اليوم ولو كلمته في نص اليوم يكنسل ومايتصلش بيا باقي اليوم ١٠ او ١٢ ساعه ولا يقولي رجعتي ولا وصلتي ولا كأني مرتبطه اصلا ..الموضوع علقت عليه مرتين واخر مره قالي هاخد بالي وماتزعليش وانا عديتها علي اساس انه هيتغير ويهتم ..مع اني عارفه ان دا مابيتطلبش ..اخر مره كان عندي مشوار بعيد هو اصلا ماسألش علي المكان نفسه وكلمني وانا فالطريق وقولتله هبعتلك بما اوصل وصلت بعتله ماسيج واتساب ماردش لحد مارحت وجعت كلمته كنسل كان الساعه ٢ونص مثلا الضهر ..لحد الساعه ١ باليل مااتصلش ولا اتطمن ولا اي حاجه كلمته انا قالي لسه مخلص من نص ساعه واتغديت وهبقي اكلمك قولتله لا انا هنام ..بعدها دمي كان محروق بعتله اني قرفت منه ومن اهماله وان بيكرر المشكله مع اني بعرفه ان الموضوع بيعصبي وبيحسسني اني مش مهمه ..قالي براحتك واني مش مقدره والللي شيفاه صح اعمله لاني قولتله هقيم العلاقه مش عاوزه كلام لحد مااقرر ..ونمت تاني يوم الصبح اتصل اعتذر وهعملك اللي عاوزاه وخلاص سكت وكملنا اليوم كان بيتطمن كل كام ساعه ..جيه بالليل اتصل كنت مصدعه هو فكرني اني ببرد عليه وضحتله اني فعلا تعبانه ..وقولت انت اكيد عشان عارف انه غلطان حاسس اني متغيره ..لاقيته قالي انا مش غلطان وهو دا شغلي مع انه ممكن يرد علي مكالمات عادي للشغل بس انا لا مافيش دقيقه يبعت ماسيج او يكلمني ..قولتله انا بالوضع دا مش هكون مرتاحه وانا المهم راحتي ..قالي انتي حره واعملي اللي عاوزاه بردو قولتله انت كلمتني ليه مانا قولتله مانتكلمش لحد مااقرر وعموما لو تحب تعرف قراري انا مش عاوزه اكمل معاك وقفلت معاه ...بقالنا يومين وماتكلمناش ولا انا ولا هو ..
هل انا مأفوره ولا هو اللي مهمل ومش مهتم بيا ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_57461 🇪🇬

منذ 5 أشهر

شعور مرهق

انا في علاقة مع شخص بقالي ٦ سنين بس بقا وحش معايا جداً وبيقلل مني كتير ومش عارفة ابعد رمش عارفه اعيش خالص مش عارفه احاول خايفه حاولت كذا مرا ابعد وشوف حياتي بس فشلت فكرت اروح لثيرابي كتير بس خايفة تقلب معايا بنتيجه عكسيه دايماً بيعاند معايا في كل حاجة مش بيحب يشوفني مبسوطه ودايماً بيحاول يكلم بنات ت

Hazelnut_52786 🇪🇬 ابعدي عن الشخص اللي بيكسرك وبيقلل منك، لأن اللي بيحب بجد عمره ما يوجع. انتي تستاهلي راحة وسعادة وحياة فيها احترام وهدوء مش وجع وقهر. اعملي اللي يخليكي قوية، اطلبي المساعدة لو محتاجة، وابدئي خطوة بخطوة ترجعي نفسك

عرض الكل 18 نصيحة

Chocolate_56434 🇪🇬

منذ 5 أشهر

شعور محبط

عبّر عن شعورك بشكل مجهول

بقالى فترة كبيرة رافضه فكرة الحب والارتباط وكنت حاسه فى فى منطقه أمان بس مع الوقت والعمر الانسان غصب عنه بيميل للفكرة دى فحبيت يبقى عندى بيت وعيلة ، وجت وقتها واتعرفت ع شخص وقولتله افكارى بما انى شخصيه واضحه جدا وصريحه ومبحبش اللف والدوران لانى بسيطه ولما بحب بتعلق وبقدم الحب ده بكل لطافه بكره الخصام وقلة التقدير ، هو عرف كل ده ووافق ع اننا نتعرف وطمنى وانا وثقت اهتمام وبتاع وكل حاجه وعرف شخصيتى وعجبته وسألته قال انها عجباه وع اساس اجابته انا كملت وقولت ده العوض والحب واتعلقت واتعشمت ولكن كان فى نقطه معينه هى نقطه خلافنا وكنت بقوله دى نقطه خلاف وملهاش داعى غير لما نتجوز قولتله انى بحبه وشارياه ومحبش انى اخسره خالص بس كان بيخاصمنى ويبعد واروح اكلمه واراضيه وكنت بعمل الحاجه عشان ارضيه وفضلت نقطه الخلاف دى لحد ماسابنى بكل سهوله حاولت وقولتله لو شارينى هنعدى اى حاجه مع بعض رفض قولتله طب فرصه تانيه لعلاقتنا وهى متحسنه مانت هتبعد عن نقطه الخلاف دى وهساعدك رفض انا عارف نفسى هضعف انت ماجربتش عشان تعرف نفسك وسابنى بكل سهوله عنده وقال ايه عايزنا صحاب قولتله هتعرف قالى اها هعرف ردوده كانت غريبه اوى حسستنى انى قليله جدا انا حزينه ع العشم والتعلق ده وفى غصه فى قلبى لما قولت انت متعرفش انت عملت فيا ايه باللى انت قولته قالى احنا مبقلناش سنه مع بعض حسسنى بالسهوله اوى وكل اللى قاله كان كدب؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_40552 🇪🇬

منذ سنة واحدة

شعور لا مبالٍ

موضوع:

اتخدعت ف حد قبل كدة؟

الاكس .. كنت فاكر انها بتحبني لكن هي طلعت مكنتش بتحبني هي بس كانت عايزة حد ينسيها الي كانت بتحبه و يدعهما عاطفيا و اول ما لقت حد تاني تحبه استغنت عني و للأسف اكتشفت ده متأخر اوي بعد ما استهلكتني عاطفيا وكمان كنت فاكر انه العيب مني انا

Cherry_40587 🇪🇬 للاسف أغلبنا بيوقع بالخطأ ده ، وبيدخل بعلاقة rebound ويكون هو الجسر يلي هيعبر من خلاله الطرف المجروح مجرد وسيلة للنسيان ازاي تتفادوا ده؟ انكم لما تيجوا ترتبطوا تسألو الطرف كنت مرتبط قبل كدا؟ وانتبهوا للمدة الزمنية لو قصيرة اوعوا ترتبطوا ولو طويلة دي إشارة كويسة واسألوه هل هو متعلق لسا؟ لسا بيفكر في الاكس؟ بيخطر على باله ف انتبهوا

عرض الكل 6 نصيحة

Pinapple_4024

منذ سنة واحدة

شعور Bad 😞

خطيبي سابني بعد ما تنمر عليا بسبب اني تخينة مع اننا بنحب بعض من سنين وهو عارف اني كدا وانا قررت اتحدي نفسي واخس والحمد لله وصلت للوزن المثالي بس لسه الموضوع مأثر عليا

Watermelon_40020 🇪🇬

ليه مفيش حد بيكلم بنت معينة في الجروب؟

عندي سؤال للولاد لو انتو مثلا جروب ولاد و بنات و تكونوا بتكلموا كل البنات الي في الجروب ده معادا بنت واحده بتكون زي مهمشه كده مفيش حد بيفكر يكلمها او كده مع انها زيها زي باقي البنات الي في الجروب ده، في الغالبيه ممكن تكون هادية شويه بس ليه بردو؟ ...عرض المزيد

7 الدعم

28 نصيحة

Blueberry_69403 🇪🇬

صدمت من دكتورتي النفسيه وبفكر انتحار

أنا بمر ب اسوء فتره من حياتي روحت أنا وماما لدكتوره نفسيه امبيارح وماما بس اللي دخلت ساعه كامله أنا دخلت خمس دقايق المهم أن الدكتوره النفسية قالت ل ماما أن أنا أجل الكليه السنه دي ونتابع معاها لحد ما نبقي كويسين وان حتي ماما تعبانه نفسيا وعندها صدمه نفسيه مكتومه بسببي وان أنا كمان مش طبيعية من زمان و قالت ليها أن أنا اغير تشكيل أوضتي و معتش امسك الفون غير بمرقبتها أو انام في اوضه فيها اخوتي م ببقي ليا اوضه لوحدي الموضوع بالنسبه ليا عاملي صدمه نفسيه بسبب كلامها والي هيا عايزه تعملوا فيا ومش فاهمه هل لي دكتوره عاقله تعمل كدا يعني أنا 21 سنه ولسه 4 سنين عشان اخلاص كليه هنخليهم 5 سنين يعني اتخرج 26 سنه وحاليا أنا مع ناس عارفهم ابقي مع ناس معرفهمش كمان الموضوع تعباني نفسيا جدااا و كل لحظه بفكر فيها انتحر بجد م هقدر أعيش كدا ...عرض المزيد

4 الدعم

22 نصيحة

Nutella_52552 🇪🇬

ندمانة علي ماضيي ومش عارفة ابطل ادمان العلاقات

أنا نفسي ابطل ادمان العلاقات أنا مبقتش اعرف اقعد غير وهو في راجل في حياتي وبجد أنا دلوقتي ندمانة جدا علي اني دخلت حد ميستهلنيش حياتي وعلي اني عملت حاجات غلط في التليفون معاهم بجد ندمانة ومش عارفه اعمل ايه علشان انسي وعلشان مدخلش حد حياتي بالطريقة دي وفي سوال في دماغي علطول لما اجي اتخطب اقولو علي ماضية ولا لا بجد عايزة حد يجاوبني وياريت تكون بنت علشان الرجالة هنا كلهم غرضهم حاجه وحده بس وانا مش عايزها ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع